يعني انا ما ادري شنو الأفكار الجهنمية اللي عند خليف ويتوقع إن الناس بتمشي وراه وبس
موضوع طويل عريض عن المتسللون الايرانيون طريقهم خضر
يهاجم فيه الداخلية اللي مو مهتمة
مع إن الوزير شيخ يا يكيكي وشوف عيال العم شيسوون ببعض
طبعا هذا على مستواك وحد فهمك وتفكيرك إن ما يصير الشيوخ يهاجمون بعض
كلم معزبك انا اقول أحسن
تفاصيل الموضوع تقول إن ماكو مراقبة جيدة ومخفر واحد وبعيد وهالسوالف
وهذا معناته إن جابر المبارك ما غير شي من اللي كان قبله اللي اهوا ولي العهد الشيخ نواف الاحمد
يعني لما تنقدون على هالاوضاع قاعد تنقدون على ولي العهد يا خبول
بس هم مو مهم هالموضوع
بعدين كاتبين موضوع حق التكتل الشعبي ترى انتوا تحبون السعدون وتمجدونه وإهوا ما يحبكم ولا يمجدكم
يعني بالذمة بالذمة جذيه يزلغون وايرات؟؟؟
الحين يعني مسلم البراك راح يعلن كرهه لأحمد السعدون بعد هالموضوع
أو إن عدنان عبدالصمد راح يدق على فوزية دريع يبجي ويشكي مر الخيانة
ولا مرزوق الحبيني بيدق على روتانا ويطلب أغنية خالد عبدالرحمن تقوى الهجر
شنو بالضبط بيصير
هذا اللي الله قدركم عليه يعني عشان تزلغون وايرات
يبا اذا بتزلغون وايرات قولوا مثلا ترى سعدون حماد قايل بدوانية انا ما اقدر اواجه جابر المبارك
ولا وليد العصيمي مطقوق بشاليه ومعتذر على كلامه عن السعدون
ولا حدس متحسفين على سكوتهم على علي الجراح
ولا دعيج الشمري قال الصج
يعني هالسوالف مو جذيه بس والله تفشلون
أول صورة حق عمرو دياب
صار لها يمكن 20 سنة
والثانية يمكن قبل سنة
ملاحظين إن ما يكبر
بس الشعر اختلف
ما شاء الله بعد لا أحسده
:)
15 comments:
المشكله حتى بالجذب مو فالحين هالنعوي
:))
ماينلاموون دام ان المزيون بيرق خليف المعقد رئيسهم ولد البوااااااااق علي الخليفه الصباح
يهمني عمرو دياب
راضي علينا اهم شي؟
ترى صورته اليديده احلى من القديمه
وانا ضد تواجد عمرو دياب مع خالد عبدالرحمن بموضوع واحد رجاءا والا بعلم سعدون حماد عليج
خارج النص
حسين مزيد مش محسوب على الشعبي
ولا دعيج الشمري قال الصج
لوووووووووووووووووووول :)
صج حرني عمرو دياب
لول
حمودي
صدقت والله
بوحامد
آخر مرة احط عمرو خالد
:)
وتم تعديل حسين مزيد بمرزوق الحبيني مادري ليش اتخربط بينهم
:)
بدران
صعبة مو؟
بتر
يالله ميخالف روح شد ويهك
:)
الظاهر ماكو راحه مع جريده الحراميه والمعقدين نفسيا
اما هجوم الوطن على جابر المبارك فهذا عشان الناس تصدق وتقول كفو يا سعدون حماد على هال الاستجواب الرائع
ثانيا ليش ابو الرياضه ميت على الداخليه
اولا:ملف التجنيس بيده عشان يساوم النواب
ثانيا:ملف الهجره عشان يستربح من ورا اذونات الزياره
ثالثا:يكون تحت ايده المباحث وامن الدوله عشان يسختدم جبروته على الناس الي قادرين يقولون بويه الودر انت واحد فاسد
رابعا:عشان خليف العنونو يستانس
اما دعيج الشمري وقولته للصج اصلا الريال لحد الحين مو مصدق انه داش المجلس وقام يقول انا دكتور بالاعمال الخيريه
يعني غصب نادوني دكتور
أكيد مو لابس باروكه ؟
ترى الباروكه من أيام الفراعنه بمصر
الزلف بالصوره القديمه قوي :))))
أولا: شكرا كثيرا على تلبية طلبي بالكتابة بالعربي وارجو اني ما أكون ثقلت عليك.
سرعة استجابتك وتقديرك للموضوع يدل فعلا على معدنك الأصلي وشكرا مرة ثانية.
ثانيا: اليوم مستلمين السعدون حتى في صفحة المقالات واحد ما ادري شسمه كاتب عنه مقالة ويشبهه بميشيل عون!!
وراشد الردعان اليوم فاتح النار على قطر!!
ماني قادر افهم سبب هجومهم المتواصل على قطر!!
والله عيب!
مشكورة جدا مرة ثانية وتمنياتي لك بالتوفيق
يعني اللي افهمه انه عمرو دياب راح يكون وزير بالتشكيلة الياية ؟؟
لا تعليق على الموضوع وإنما اتمنى الإستمرار فى التعليق على مقالات صغار الحرامية ومنهم يكيكى اللى ناهب هالمساكين اللى يسلمونه قضاياهم ، تتذكرين صورته فى انتخابات مجلس 2006 ، غترة فيها كل علب النشأى الموجودة فى الكويت وحالق ويه فى صالون لاهور فى المرقاب ، ومسوي له صنفرة فى صالون لبنان بالسالمية ، وماب أكمل عيب ؟؟؟؟؟
أهم شي صور عمرو ذياب بالموضوع
;D
يعطيج العافيه
ولا وليد العصيمي مطقوق
لو سمحتي لا تيبين أسامي عيال الناس بمواضيعج
مطقوق ماله أي علاقة بوليد العصيمي
لوول
Tag 3la roskom lefzee3
تشي
احسنت
:)
أنو
خوش فاصل إعلاني
:)
السمهري
يعني شنو سمهري؟
بوبدر
العفو ما سويت شي
كل فتنة تصير بالكويت اهما سببها وهذا تخصصهم
متفائل
ممكن بهالديرة كل شي
بس هم اهون من إن وليد العصيمي يصير وزير
:)
ساحة الصوابر
شكلك تبيه بسالفة
:)
أرت
الله يعافيك، نغير جو شويه
:)
مطقوق
إنت حلمان بفؤاد الهاشم مافيها شي اذا عندك علاقة مع العصيمي يعني
:)
أنو
ماشي تاج على روسنا واحنا تاج على راسك بعد
بس منو إحنا؟
:)
Post a Comment