13/08/2007

قطايف

شلونكم؟

هاليومين مادري علامي احس ببرود مو طبيعي

واليوم بعطيكم بعض السوالف عن جريدة الحرامية

اول شي إنتهت المهلة اللي كنت معطيتهم ياها عشان ينزلون بيان المدونين عن الغزو

وطبعا ما نشروا شي كما هو متوقع

جريدة الوطن ترفض نشر بيان المدونين عن الغزو لتعرضه للصوص الكويت

هذا نص مسج

اللي عنده خدمة المسجات خل يدزه لو تكرمتوا

خل وايد ناس يعرفون عنهم

المزيون بيرق أو خليف دازين لي ايميل عنه وموقع

lifemood

هم كاتبين عنه موضوع

داش ال
facebook

ومو عاجبه سلم قلبه

شوفوا الموضوعين احسن

أما يكيكي فالصراحة غير قناعاتي وخلاص انا من اليوم ورايح راح اوقف معاه قلبا وقالبا

وما راح اتردد في تشجيعه ابدا

يكون يعني واقف مع الشباب والمدونين بشكل خاص بمقالته أمس

ويقول إن الشباب لانهم يئسوا من الوضع السياسي قاموا يتكلمون

يا نواف يا ولد سليمان الفزيع

اقولها لك وبأعلى صوتي ترى نقدنا الأساسي على الناس اللي على شاكلتك يسعون لهز الدولة ويخربون ويوقفون ويا الحرامي

يالفزيع إرجع لرشدك واوقف مع الحق لا تكتب عند وحق الحرامي العود وراح تشوف شباب الكويت

معاك لا تتنازل حق الدينار وشوفنا معاك بس الله يهدي من يشاء

إلا صج ليش النواب معترضين على إغلاق المكاتب الإعلامية ممكن احد يفهمني

شنو سوت هالمكاتب وإنجازاتها شنو؟

أخيرا وليس آخرا

انا ما شفت الإعلان مال قطر

يا ريت اللي شايفه ينزله على ال
youtube



تستكمل مدونت وجهة نظر سلسلة تاريخ الكويت السياسي
باسلوب مشوق و تستحق القراءه

هنا



واللي راحوا امس اعتصام رابطة الأدباء خل يقول شنو صار من تكلم شالسالفة وأهم شي شنو اللي وصلوا له؟
أدري كل موضوع ماله شغل بالثاني بس مادري علامي والله
سامحوني وخل اروح أنزل أغاني بال
ipod
bye

13 comments:

Bad-Ran said...

العنوان يشوق

مبارك عليج الشهر مقدما

che said...

يا دانه الضرب بالميت حرام فما بالج بواحد بايع قلمه ومبادئه لواحد حرامي

ومناشدتج انه يرد لعقله ما اعتقد انه راح يرد لانه استخف المسكين من البيزات الي يشوفها

اما شصار امس بالاعتصام تكلمت الاخت هبه بوخمسين و لميس العثمان و الاستاذ الكاتب احمد الصراف والدكتوره ابتهال الطاهر بالاضافه لمؤلف الروايه يوسف خليفه وفيه اديب تكلم بس نسيت اسمه وعلي خاجه وكلهم اجمعوا على حريه الراي وانه الزمن هذا اقدر انزل كتاب كامل بالكمبيوتر او بالآي بوت

لان المنع في زمن الانترنت والفضائيات ...سخافه

وصارت فيه تواقيع لرفض هالاسلوب وهذا كل شي يا اخت دانه

مع انه امس طبخنا من الحر
بس كله يهون عشان عيون الحريه


الا صج ليش ماييتي امس ولا انحشتي من الحر

لوووووول

Anonymous said...

الاخت بيت القرين

أشكرك على احترام الراي ومقدر كثير انكي وضعتي تصويت على هذا الموضوع
ولكن يا عزيزتي وما قصدته انكي تواصلين الهجوم على اخطاء الوطن بس
كتابها امثال يكيكي كلما تهاجمينهم يزيدون شعبية والناس للاسف عندنا بالكويت خالف تعرف

شاكر مرة اخرى انكي اقتنعت برأي شخص مجهول لم يضع اي نك
وهذا يدل على خصله طيبة مو موجودة بكثيرين من الناس

يا بخت الي بيتزوجج

Anonymous said...

ولييييين, يابوا طاري الزواج مره ثانيه,, يا جماعه خلكم زكرت عاد خلاص لحد ينشب فيني (ان شاء الله ما اتيي العيوز اللي زفتنا ذاك اليوم(

On a side note, دانه,, مو قلنالك ماكو فايده ذيك النوبه و لا تدزين البيان؟ لو دازينه جريده ثانيه و زايدين عليه شوية بهارات مو كان أبرك؟

كلمه أخيره حق الشيخ اللطيف اللي يبي يحط سكسوكه مثل بابا جابر الله يرحمه: أبوك لص و أنت على الدرب سائر و جريدكم خمام و صندوكم حذفته بالشارع من زمان و الله يرحم حال هالبلد المسكينه اللي خلتك تشتري 70 طياره من فلوسكم الحلال اللي كديتوها بتعبكم.

للأسف واحد ذاك اليوم أحرجني و خلاني أمد ايدي و اسلم عليك و لا انت مال كلبشه مو مال سلام.

Z.

Anonymous said...

متلبع يومي وما أقرء جريدة الوطن من ثلاثة أشهر الآن حتى لا اعطي اهمية ومصداقية لتفاهاتهم
عموما ممكن ارسال عنوان الاعلان مال قطر

Anonymous said...

تصدقين انا مستغرب منج ليش مسوية نفسج وايد وطنية وبس ماسكة الوطن

ليش ما تردين علي حبوبة ؟
منو مسويى فيج دقة من الوطن؟
قولى عادى

بس قبل لا تكتبين عنهم الحرامية اللى بالوطن كلهم على قولتج

ليش ما تكتبين عن باجى الحرامية
بطلى صراخ
صرتى يكيكية ثانية واسلوبج اسلوب يهال يلوع الجبد
لا صياغة
ولا مضمون
الصراحة وصختوا المدونات بعد ما كانت ساحة رقى للنقاش بين الناس الواعية وقام يدخلها كل من هب ودب

فريج سعود said...

الاحد 12/8/2007 6:36:42 ص
--------------------------------------------------------------------------------
والله زين قمت تمدح اصحاب المواقع بالانترنت تبيهم يخفون عليك قاعد تساحلهم ما تنلام مشلخينك بس حلو لما تتكلم عنهم بصيغة الشباب وانت الكبير الي يفهمهم الي يقول عمرك صك استريييييح
-----
هذا التعليق الي حطيت له اياه يوم كتب المقالة

حمودي said...

فجئه صار اللون البرتقالي زين ؟؟؟ فجئه صار تعديل الدوائر شي زين ؟؟؟
هذا اهبل ولا عباله الناس ماتفهم ؟؟؟
انا ما اقول الا ماعليك شرهه دامك تشتغل عند خلييف المعقد ولد البواااااااااااااااااااااق علي الخليفه الصباح

وبعدين ابي قطايف

ButterFlier said...

نزلي اغنية

وكدللي ناااار

ARTFUL said...

لقيمات

يعطيج الف عافيه
البرود شي طبيعي وخاصة بالصيف
انا حايشني برود .. أهلي مسافرني قاعد بهالحر ما أسوي شي حايشني خموووووووول.. بالدوام مالي خلق أشتغل .. بالويك اند حتى الشاليه مالي خلق أروح
الانسان يحوشه فتور
بقول شي بس لا تفهميني غلط .. تذكرون أول ما كتب الجاسم شلون متابعة الناس حق مقالاته .. مو شرط يوافقونه بالراي بس ودهم يقرون .. المهم أتوقع الحين قلّوا .. نفس الحجي ينعاد كل مره ما من جديد ..
بالنسبة اختنا بيت القرين بصراحه ليلحين في تجديد بالمقالات بس يمكن الساحه فيها أخبار بسيطه أو متكرره.. هالاخبار أتوقع محسسه اختنا الشيخه بيت القرين انّ ما عندها شي يديد
المهم انا رايي مو شرط تكتبين كل يوم .. ممكن تخلين لج يوم يومين ثلاث بالاسبوع تنوعين فيهم المقالات بحيث تكون المادة قوية والمقالة متروسة معلومات وأخبار من غير أي تكرار للموضوع

أتمنى تكونين فهمتيني عدل (:
وبالنهاية راح أبقى متبع لج لو تنزلين مقالة كل ساعه

انا أستانس على أهل التخصص .. تخصص في جريدة الوطن مكرم السامع وكتابها
على راسي والله

موفقه

ARTFUL

Anonymous said...

علامج كعيتي من أول مطبه ومن أول نقد حتى لو كان جارح , تحملي إذا تبين تتميزين , وخصوصا أن الشجرة المثمره هي التي ترمى وتضرب , اشوف ماله داعي التصويت ,, الواحد يكتب بالمدونات قاناعاته وآراءه , خو مو صفحة تجارية هذي عشان تحتاتين الزوار ينحاشون ولا يروحون حق مدونات ثانية ويهجرون مدونتج , أخطأتي هالمرة .. تحياتي

البرزنجي

kila ma6goog said...

عاد سبحان الله

اليوم حلمان اني متعشي مع فؤاد الهاشم و قاعد أحاول الطف الجو معاه و أجامله

قمت من النوم حاس و انا طايح من عين عمري

متعشي ستيك امس

:(

بيت القرين said...

bad-ran
3aleina o 3aleik

che
ana beiny o beinek we9alt 3ala el sabe3 ella shway sheft ga3da bel mawaqef o kheesa chan aroo7 :p

ano..
radeina 3al zawaj??
fi rayeen 3ala maw'9oo3 kottab el wa6an rai ygool la na36eehom akbar men 7ajemhom
o rai ygool
khal n3allemhom meno ohma men bdayathom
o ana ameel lel rai el thany
laken 7a6eit el ta9weet coz yemken akoon '3al6ana
o hatha mo 3aib
o ma3endy farg bein ano.. or 9a7eb modawwana :)

ano..
kan mafroo'9 tgool sorry metwa'9y :)

ano..
ana aby ashoof el e3lan :(

ano..
ana ma adry laish elly yseboon ma ya3lenoon 3an nafshom
tara ma a6eg 3ady :p
o etha el modawwana mo 3ajbetek ma77ad 7addek 3aleiha
bass aham shay enna 3aref enna fi yakyaki awal
o hatha elly khallak tgool ana el thanya
khoosh e3teraf :)

freej
zain tsawwy :)

7amoody
maboga shay 3ala rm'6an :)

butterflier
ma a7ebha :p

artful
kalamek 3asal :)

ano..
mako ella el 3afya ana 7a6eit el ta9weet coz yemken akoon '3al6ana o mo 3eib hal shay abadan
bass ham rayek o a7termah :)

ma6goog
awal shay etha el steak men ma63am la troo7a marra thanya
o ham lazem tedfa3 kaffara 3ala hal 7elm :)