22/08/2007

ألحين نتفاهم

بعد المقبلات اللي كتبتها اليوم الظهر بالموضوع اللي تحت
بكتب الموضوع الصجي
شوفوا عاد بطوّل وكيفي

عندي حجي بقوله ولازم تقرونه كيفكم

طبعا انا فالسة من تعليقاتكم يمرون 400 كل يوم والقى عشر تعليقات

بس ما عليه اقروا بس

انا ماراح أعلق على اللي قالوه وزارة الداخلية لسببين

الأول إن ساحة الصفاة ومطقوق جابلوهم عدل

والثاني عشان اذا خطفوا مطقوق وجماعة الصفاة أنا أدافع عنهم

:)

أشكره خايفة مو؟

لا اذا الداخلية قاعدين يقرون ترى مو خايفة

الحق ما ينخاف عليه بس يخوف ناس

المهم نروح حق سراق المال العام

وأتباعهم الجذابين

طبعا اهما كانوا متوهقين بالايام اللي طافت شيسوون

يوقفون مع الشباب الوطنيين أمثال بشار

ولا يوقفون مع الداخلية

فالموقف صار بالنسبة لهم بالضبط مثل واحد حسران وايد وعطشان وايد بنفس الوقت
وبالنهاية يوقف متنح

تخيلوا شكله

لول

المهم كل وقاحتهم وحماقتهم وغباؤهم تتجلى ببوسخافة وبوسخيف

هذا همهم تتسكر المواقع أول

هذي رسمة الفنان العود محمد ثلاّب

بس طبعا فكرة المزيون بيرق

لاحظوا معاي آخر جملة

بدال ما تطقونهم سكروا مواقعهم أول

هذا هدف اللصوص اعداء الحرية

اللي تكشف قذاراتهم يعني اول شي يسكرون المواقع بعدين ننطق

انا اشهد إنكم ما تستحون

بس شرايكم تتسكر جريدة الوطن لمدة شهر ونشوف وضع الكويت يتحسن ولا لأ

بعدين تتسكر المواقع لمدة شهر ونشوف الفساد يزيد ولا لأ

عموما ترى مواقعنا ومنها بيت القرين المليفي قال عنها وطنية بجريدتكم

لول

اي صج ترى التحقيق مع علي الخليفة بيوم 25 يعني السبت الياي

شرايكم نروح نستقبله بالمطار

:)

ننتقل الآن إلى مستر يكيكي

انا ودي افهم هذا يتمشى بين الناس عادي ولا يدري ان الناس لما تشوفه تقول وصل الجذّاب

ترى والله فشلة يمشي ويجذب يقول اليوم

والله ما عرفنالكم على موضوع بشار، قلتوا لنا انه انضرب وبهدلوه أمن الدولة، واليوم يقول في النيابة (بحسب جريدة الرأي) انه محد تعرض له ولم يتعرض للضرب، منو نصدق بشار ولا كلام النواب؟

منو ياب سيرة ان بشار انطق واحنا ما ندري عن اخباره يا خبل جاسم انطق ومحد قال غير هالكلام استح على ويهك

والمصيبة انه في محامين مثل الاستاذ أحمد المليفي اللي قاعد يقول انه (كنا في السابق نفتخر ايام حكم المقبور صدام حسين بأننا ننتقد الحكام والشيوخ فهي ميزة لنا) ياأستاذ هذا أمير والمساس بالذات الاميرية جريمة نص عليها القانون

يالمينون هل بشار سب الامير يا محامي يا يكيكي؟

منو اللي يخلط الأمور وتعال بالله انت ما تقول لي شكو تدافع عن اعلان الاهرام؟

يا مينون احنا مو عشان السعدون او الصقر نتكلم عشان صاحب معزبك راح ودفع فلوس حق جريدة تطب بديرتك بمصر فهمت يا خبل؟؟

لا انت فاهم بس ريحة الدينار وما تسوي

وثانيا يبا احنا ترى عادي ننتقد الصقر وغيره انتقدنا الصقر والراشد والشايع وغيرهم بقانون عمل المرأة

وانتقدنا السعدون بحقوق المرأة 99ترى عادي احنا

بس حليب امك عليك سم هل انتقدت ولو نص مرة علي بابا وخليف

ثانيا تعال انا أغط لي يومين انت تجذب وايد يعني ولا شسالفتك؟

ترى والله اتابع وافهم انا مثل وايد غيري

خل اقول لك شلون جذبت لا تبطل حلجك اقرى وشوف

انت بيوم السبت 11-8 قلت بمقالتك

هل يملك قطري واحد مثلما يملكه المواطن نواف الفزيع؟ وهو يكتب ويعبر عن رأيه بكل حرية ويرجع الى بيته آمنا من زوار المباحث، وآمنا على اسرته وعلى بقائه في هذا البلد؟

لكن أمس شقلت

حذرت ومازلت من نهج وزارة الداخلية الأخير وكنت من اشد المنتقدين عليها، بينت ورصدت في اكثر من مرة من خلل وتخبط، وقلت ان النية المبيتة في الوزارة تصل لحد العودة بأسلوب زوار الفجر

يعني انت قبل 10 ايام تقول حرية وماكو زوار ومباحث و داش بشرك وتحدياتك

وامس تقول ان انت طول الفترة كنت تحذر وترصد حركات الداخلية عن العودة لاسلوب زوار الفجر

العودة يعني وجودها بالسابق

يعني يا انت تجذب على القطريين او تجذب علينا وبكل الحالات انت جذاب


نكتفي بهذا القدر من الكلام ولنا لقاء قريب


مقاله عورة قلبي

في

مدونة

وجهة نظر

23 comments:

q8y_saint said...

دانة
يكيكي من نوع ثالث يجذب على عمره ويصدق جذبته

بس و الله زين تسوين قاعدتله


و كاني علقت ولا يضيق خلقج من عدم التعليق


المهم تهقين ابو انس المليفي شنو نكنيمه و يعلق ولا بس يقرى البوستات
:)

Fteeni said...

والله هاليكيكي من اغبا الناس الي شفتهم بس الشرهة مو عليه الشرهة على اللوح الي قاله تعال اكتب بجريدة ولا هذا حتى بالدوانية ما اخليه يسولف بس يسمع و يصب شاي

Bad-Ran said...

كثرتي الجيله عليه شوي .. بس يستاهل

..................

شلون فكرتي بهالمثال ؟؟

"فالموقف صار بالنسبة لهم بالضبط مثل واحد حسران وايد وعطشان وايد بنفس الوقت وبالنهاية يوقف متنح"

لوووول

Anonymous said...

ليش كل الشباب متان اللي يشوف الصور يستغرب وانتي مره قلتي لي ضاق خلقىآكل شفيكم الله يهداكم

Fahad Al Askr said...

نبيلوه مختفي من مدة، ويقولون شايفينه بعالم اليوم

نبي معلومة

KQ8 said...

يستهبل

Mohammad Al-Yousifi said...

لوول

اول ما قريت مقالته - للأسف - قلت العن خيره خلط الأوراق بل خرطها خراط و بعدين يتبلى على المليفي بالخلط

اتمنى يكيكي يرشح نفسه للمجلس بالانتخابات

ppp said...

عزيزي / عزيزتي
أرجو أن تتقبل كلامي بصدر رحب , بصراحة أنا ماني متأكد شنو جنسك/جنسج , إذا كنتي فعلا بنت فما أقول إلا ( بل بل بل بنت لسانه جذي )و إذا كنت ولد - وهذا اللي أرجحه - فما أقول إلا ( وإسمحلي ) إنت إنسان جبان غير قادر على المواجهه تحاول تقول حق نفسك إنك قوي وإنت إنسان ضعيف تهاجم من وراء ستار

على فكرة أنا ما أيد الوطن بكثير من إطروحات كتابها لكن على الأقل أهم قاعد يحطون أساميهم لا وبعضهم يحطون صورهم بعد بكل شجاعة وإذا تبيهم يواجهونك يواجهونك بالعلن بس إنت ما تقدر لأنك تخاف
أرجو إن كلامي مايزعلك

Anonymous said...

welcome back

وتعبان مالي خلق اقرا :)

Anonymous said...

اما عن
ppp
فحقريه
وايد صايد الحركة

ButterFlier said...
This comment has been removed by a blog administrator.
bydvsj said...

كتاب جريده لا وطن طول عمرهم يرقعون
ويجذبون جذبه ويصدقونها

وكل يوم لهم راى وكلام متناقض

مايدرون انه فى بنت فطينه حاط عليهم حطه وماراح اتخليهم بحالهم, بس الله ايعينج ماراح تاخذين اجازه منهم يعطييج العافيه:)


وكاريكاتير محمد ثلاب عباره عن شخبط شخابيط ولخابيط بيرق والى شمسه هوهو والقافله تسيييييير

Unknown said...

ppp الأخ

قول بطتنا بطت بطن بطتكم

قولها عشر مرات و شوف الاحساس اللي بييك عقبها

om-bukhnag-zare :) said...

هالأشكال ما يطهرها ماي البحر
يجذبون بجميع المذاهب !!ا

فديتج وفديت بيت القرين
كملي يالغالية ولا يهمج احد

حافظج الله

Q80 Blogger said...

مادري شقول ... بس مابي أكون من ال400
الي يمرون ومايعلقون

كا علقت بعد مو تقولين !!!

بوست حلو ومجهود طيب

Anonymous said...

انا عاد كنت امر واسلم

:) بس ما اعلق


على العموم

استمر بتشليخج حق يكيكى


لين يعتدل


او يترك الكتابه

Unknown said...

تصدقين مت من الضحك :)))

قولي ليش ؟

اخر المقالة فقدتنى من الضحك قلت صج قاعدتله قعدة انتى:)

بس زين تسوين فيه
مو راضي يعقل
وأسلوبه نهائيا ما يعجبنى

Anonymous said...

الشاعر عبدالله سنان قال بيت من الشعر اراه ينطبق تمام الانطباق على يكيكي
يقول الشاعر :
اذا انتفخ فشش فخاخه وهده
يصير لك ذاك الاسد شبه فارة


هذا فار لابس لبس اسد وبنت بيت القرين قاعدة له قعدة الله يواليها العافية

Anonymous said...

والله مشكله هاليكيكي احنا ما علينه من مو كافي استاذه احمد المليفي كفل فيه .... فضلا عن ذالك جمعية المحامين اوقفت مع بشار ممثله بالمحامي فلاح الحجرف يعني هذا بس خربوطه في خربوطه علي هامش الحياه

Anonymous said...

والله مشكله هاليكيكي احنا ما علينه من مو كافي استاذه احمد المليفي كسر فيه ..وتحدث عن المدونات بكشل ايجابي .. فضلا عن ذالك جمعية المحامين اوقفت مع بشار ممثله بالمحامي فلاح الحجرف يعني هذا بس خربوطه في خربوطه علي هامش الحياه

بيت القرين said...

ساينت
بو أنس ماله نك أنو
:)

فتيني
واحد شاااي
:)

بدران
والله مادري شلون طلع المثال
:)

أنو
مادري شيوكلونهم بالتحالف
:)

فهد
كاهو كتب اليوم
لو طاري مليون وااايد احسن
:)

كراكاتوا
حده

مطقوق
ناوي يرشح على ما أظن
وإحنا ننزل عتيج ضده
:)

ppp
عزيزي/ عزيزتي
الكلام ما يزعلني افا عليك
بس المدونة مفتوحة للجميع وحياهم خل يشاركون محد منعهم مثل ما انت محد منعك
التدوين قليل جدا اللي يحط شخصيته الصجية او اسمه الصجي
اللي اعرف انهم يحطون اساميهم يمكن واحد او اثنين مو اكثر
وثانيا هذا انت كاتب ومو حاط اسمك ولا حتى عندك مدونة بس عادي انا ما اعتبرك جبان
عموما لك رايك ولك نظرتك بالكلام اختلف وياك واحترمك

حمودي
لي صار لك خلق اقرا
:)

بتر
داش بشرك اشوف وبمسح مشاركتك اسمحلي

نور
الله يعيننا عليهم وحلوة شخبط شخابيط
:)

قلب الأسد
انا اقدر
:)

أم بخنق زري
تسلمين حبيبتي فديتج

كويتي
مشكور وكثر عاد مو بس مرة
:)

أبو شملان
ما ظنتي يتعدل ودام الدينار ماشي ما يترك

مشاري
إي والله مو راضي يعقل
ودوم تضحك يا رب

أنو
صح لسانك ولسان عبدالله سنان
:)

forzaq8 said...

عايد المانع يقول الذى صار غلط
نبيل الفضل يقول الى صار صح

واحد كاذب و احد صادق
الشغله ما فى اختلاف اراء

aziz said...

حبوبه قضبي السالنج شوي، كلامج حلو لكن كلمة تافهه مثل "ياخبل" ممكن تستغل ضدج