09/08/2007

دزيت البيان

أول شي حبيت اقول لكم اني دزيت البيان

حق جريدتهم

وعندهم مهلة ليما يوم الاثنين اذا ما نشروه فضحيتهم حتبئى بجلاجل
واللهي لخلي روض الفرج كله يتكلم عنهم
واللي ما يشتري يتفرج

انا بيت القرين والاجر على الله

الا صج ليش بالمسلسلات المصرية الممثلة تقول حق الشغالة
حضريلي الحمّام
شتسوي يعني؟

بما أن اليوم خميس فبعطيكم خفايف بس

دستور الكويت اهوا قانون الدولة اللي ينظم عملنا كلنا

ومخالفة الدستور تعني عدم الاعتراف بدولة القانون

وطبعا مثل ما انتوا عارفين ان الدستور شي مو معترف فيه بالنسبة للحرامي وعياله وربعه

شوفوا هالفقرة بس بموضوعهم اليوم بالصفحة الاولى عن المحيلبي اللي حول صاحبهم مبارك الدعيج للنيابة

وبعدما رمت الحكومة باشارات تستهجن عقد اجتماع للجنة التعليمية يناقش الموضوعين الاحد المقبل «وهو امر غير دستوري لان اعلان الاهرام هو في النيابة حاليا، والمكاتب الاعلامية قرار اعتمده مجلس الوزراء»، لكن الطرف الاخر، بدأ يرد بلهجة اقوى مفادها ان «الوزير المحيلبي بدأ ينحرف عن مساره الصحيح.. واذا لم يعالج وضعه فانه سيُحرج كثيرا»، وهو ما تُرجم بأسئلة نيابية عدة تعد الآن لتقديمها رسميا «قد تكون وقود مواجهته سياسيا

يعني الحكومة تقول غير دستوري
يعني ما يتوافق مع قوانين الدولة
يعني ماكو شي اقوى من خرق قوانين الدولة
لكن طبعا بالنسبة للوطن الدستور دفتر فيه 183 مادة تتطبق ولا ما تتطبق بالطقاق

والدليل لما يقولون

الطرف الآخر بدا يرد بلهجة أقوى
شنو اكو أقوى من الدستور يا الميانين بدولة القانون

هذا الكلام لأن إعتقادكم إن القانون والدستور شي من الخيال

بس عيب عليكم احنا موجودين وما نطوف لكم شي

يكيكي وما ادراك مايكيكي

زبدة كلامه إن حل مجلس الأمة راح يكون مفيد حق النواب اللي واقفين ضد علي الخليفة يبوقون وينهبون ويسوون اللي يبونه

طيب خل نرجع بالذاكرة شوي حق آخر حل غير دستوري صار
اللي اهو بنص الثمانينيات لما انحل مجلس 85
حل غير دستوري
وسؤالنا ليكيكي
منو اللي باق بذاك الحل؟
منو اللي نهب الاستثمارات بفترة الحل غير الدستوري؟
منو اللي نهب الناقلات
بفترة الحل غير الدستوري؟

ما سمعنا بمسلم البراك ينهب بذاك الوقت ولا الصقر ولا العنجري
بس سمعنا بعلي الخليفة ينهب
ومثل ما سواها اول مرة واستغل الحل غير الدستوري راح يسويها ثاني مرة
اهوا او واحد من جماعته

السعدون كان رئيس مجلس بذاك الوقت يعني قوته اكبر ما سمعنا انه نهب
بس تاج راسك علي الخليفة اهو اللي نهب
لا تقلب الحقائق ترى نفهم يا يكيكي

بعدين تعال انت ما تقول شسالفة التحدي معاك

فإن كان كلامي غير صحيح، أتحداكم
اتحدى شواربكم
اتحداكم ومنكم قانونيون يعرفون عن ماذا اتكلم

يبا دام جذي انا اتحداك تعال جابل شباب الكويت عشر دقايق بس
ونعرف منو البطل المغوار

بس طبعا ما تقدر
انخش ورا جريدة الحرامية وتكلم بس

الحين ليش في بعض الناس يقولون صوط بدال صوت
او غررت بدال قررت
اقنية بدال اغنية هذي مالت منيرة عاشور

شنو أكو بعد علموني

نرجع حق محور حديثنا

يكيكي يقول

والا كيف تفسرون لي نداءاتكم بأن ينقلب الشيوخ ضد هذا الشيخ أو ذاك، كيف تفسرون لي سعيكم لزرع الكراهية بين ابناء عم الاسرة الواحدة؟، وبدلا من ان تنادوهم ليجتمعوا على كلمة الوحدة الوطنية وطي صفحة الخلافات بل والعمل المشترك لما فيه رفعة الكويت

انت من وين يايب نظرية عيال عم هذي يعني علي بابا يبوق ونقول لا عفا الله عما سلف

شهالخرابيط يالدثوي

والله حلوة دثوي
:)

آخر شي يقول

وكل هذا لأجل الدينار الذي تتقاضونه، فلبئس عبدة الدينار ممن استباحوا البلد واستقرار البلد حتى تستمر رواتبهم الشهرية وتلقيها من معازيبهم، بغض النظر والله انكم مكشوفون، ان كنتم لا تعلمون فاعلموا الآن

السؤال جم يعطونك الوطن مقابل مقالاتك

وهم يبقى سؤال مهم شسم ميعاد بمسلسل الغرباء
لحّد يستذكي ويقول الفارس الملثم
:)

15 comments:

حمودي said...

:) خوش بوست قواج الله

ةخةش سؤال بعد شنو يعني حضريلي الحمام

Winston Churchill said...

اسمها هند
:)

Anonymous said...

وين حطيتى مشارى العنجرى مع الصقر ومسلم

شتان ما بين الثرى والثريا

che said...

اه من يكيكي وسوالفه واه من الوطن وخرابيطهم

يكيكي اذا فيه خير يقول عن الناس الشريفه خل يدفع سعر الأثاث الي خذاه من صاحبه ولي يومكم معطيه ويه الضيف

بس ما اقول حق يكيكي انت انسان مكشوف ومنك حر بقرارك والدليل انك تكتب بجريده صاحبها مناحش من بيتهم وساكن بفندق وكل هذا الي تكتبه ضد السعدون ومسلم وغيرهم من الناس الشريفه لانهم ما عطوك ويه يوم الانتخابات وما خلوا جماعتهم يصوتولك

وانت يا يكيكي وجماعتك ماينفع معاكم الا مثل ماقال الشاعر

يكلمني السفيه بكل قبح...فأكره ان اكون له مجيبا
يزداد قبحآ فأزداد حلمآ...كعود زاده الأحتراق طيبآ

وأذا ما فهمت هالشعر لانه اكبر من مستواك فا بالكويتي يقولون
الحقران يقطع المصران

Bashar said...

بيت القرين ..

خوش تحدي حق يكيكي :) بس اتهقين يسويها؟ ما يقدر، وصعبة عليه، وبيني وبينج، ربعنا أكبر من هالمستوى عشان يتحدونه، يعني لو واحد فاهم، محترم بكلامه وفكره، ويكون صاحب مبدئ واضح غير متلون، ممكن الواحد يناظره، لكن أشكال يكيكي .. فهي في الأساس ميته، والضرب في الميت حرام ..

تحياتي

Anonymous said...

قديما لم يكن بالحمامات بانموم ولا ميه سوخنه . فكانت عبارة حضري لي الحمام تعني اعداد الميه السخنه بالبابور

SPA يعني كلش

Mishari said...

اسلوب نواف الفزيع اسلوب دواوين واحد قاعد بالنص ويصرخ وقدر يخلى الناس بالفترة الاخيرة تقرى مقالته بسبب هذا الصوت النشاز

وما اعتقد ان هذا الكاتب يستاهل ينكتب فيه شئ انا اختصرته بسطر مرة عندى
اسلوب هجومي وما احبذ هالاسلوب فى النقاش

ButterFlier said...

هند

Anonymous said...

Q : What is the meaning of SPA ?

kila ma6goog said...

أعتقد يكيكي يحتاج الى زيارة مروان المطوع ليعالجه من عقدة التحدي

التحدي زين بس تحدى اللي يتحداك مو لابس فنيلة علاق و صروال مكسر و واقف بالشارع تتحدى الناس منو يقط صرواله

و اسمها هند

Anonymous said...

بمسلسل حبابة كان مع المرحومه مريم الغضبان ثنتين بنات وحده منهم هدى حسين والثانيه تطلع منو ......... ؟

واحنا آعدين للصبح

aladeeb said...

راح اختلف معاج يا بيت القرين والاجر علي الله
مو معناته انه اذا كان هنالك طرف مثل علي الخليفه يستولي علي اموال الشعب وينهبها اثناء غياب الدستور اننا نبرأ طرف اخر كما قلت ان لا مسلم ولا الصقر ولا العنجري سرقوا اثناء الحل الغير دستوري هذا كان ردك علي يكيكي ؟؟؟؟
انا من ناحيتي الشخصيه ابعد الشبهات عن العنجري ....
امامسلم والصقر بالنسبة لي انهم اسوأ من علي الخليفه فا علي الخليفه كان يسرق اثناء غياب الدستور يعني سياسة الغاب اما الافااضل فافي ظل الدستور تكمنوا من السيطره واثناء غياب الدستور فلا يستطيعون فعل شئ لانه قوتهم في الدستور وسيطرتهم واستقلالهم لمناصبهم والاستفاده من هذا الوضع ونعرف انهم مخالفين الانظمة ورووح الدستور والدليل علي ذالك رد احمد المليفي علي مسلم واعتراف الصقر في جلسة القنادر فعندما رد المليفي سقط الاسد في المستشفي اما الصقر فا باعترافه وبلسانه في جلسة القنادر ماذا قال لن انسي كلمة الصقر عندما قال اثناء جلسة القنادر ! اذاالحكومه عطتنا المشروع المكلسن واهوا مخالف القانون فهذه مشكلة الحكومه ؟؟؟؟ اين المحافظه الي المال العام ايجوز ان تتنازل مؤسسة البترول عن ثروات البلد ايجوز هذا الطرح الغريب
وجهة نظري يا بيت القرين اذا كنا فعلا نريد الاصلاح لا نقف مع طرف ضد طرف وجمييع الاطراف سيئه ان الصراع الدائر بين القوي السياسيه ليس صراع الشعب وانا متأكد انه ليس صراع الشعب
فل نبحث عن كويت جديده خاليه من الفساد والرشوه واستقلال النفوذ اذا فعلا انتم تريدون الاصلاح وجادين وتريدنها نظيفه نكشف الكل ونستطيع فعل ذالك وشكرا جزيلا والي الامام

Anonymous said...

صح يكيكى زبالة وعلى الخليفة زبالة حرامى

بس محمد الصقر والسعدون والبراك لعبوا عيكم وضحكوا على الناس تحت اسم مجلس الامة

شوية حرامية وعرفوا يلعبون على قفاكم
وبطلوا مراهقة

حمودي said...

anonymous
مايصير كل الناس بواوقه وموزينه انت وايد تشائمي يمكن النواب الي قلتهم فيهم عيوب ماندري عنها بس الي نشووفه انه شغلهم زين

بيت القرين said...

7amoody
allah ygaweek
o wa7ed men el anos mjaweb :)

winston
9a7 :)

ano..
ana ma 7a6eit a7ad bass elly a3arfah hatheel ma bagaw b fatrat el 7al '3eer el destoory

che
hatha ma defa3 lema al7een :p

bashar
6ab3an ma ysaweeha

ano..
mashkoor 3al tathqeef :p

mishari
allah y3eenah 3ala nafsah :)

butterflier
9a7 :)

ano..
A resort providing therapeutic baths
hathy men answer.com :p

ma6goog
7atta marwan ma yakfeeh yemken fooziyya ba3ad
o hind 9a7 :)

ano..
madry meno?

aladeeb
ekhtelef afa 3aleik bass el salfa enna elly thekarthom ma bagaw wagt el 7al '3eir el destory
la akthar aw aqal :)

ano..
shako morahaqa
ma77ad yel3ab 3aleina afa 3aleik
bass ared o agool elly thekarthom ma bagaw wagt el 7al

7amoody
shaklek ent bet9eer yakyaki el modawwana :p