29/07/2007

مفاجأتنا لخليف


أقدم باكورة إنتاجي الفني

حلوة باكورة

دورت وايد على ما لقيت خليف يتكلم، ويا ليتني ما لقيته

كلمتين على بعض ما يعرف يقول

أقدم لك هذي الفرفشة الصغيرة والبسيطة مع خليف

عشان بس لا يتكلم مرة ثانية وخل ينخش ورا جريدة أبوه أحسن له

وطبعا كل الشكر حق مخرج هذا الفيديو

عزيزنا اللي يبي اسمه يكون الكاتالوني

مادري ليش بس متخفي يعني

بس لو خليف يعرف منو اللي مساعدني راح يستخف

اقول له طالع حوالينك بس

:)

enjoy



28/07/2007

بدرية... قصّوا عليج

أدري إن بدرية الصباح زوجة فهد السالم إهيا الشغل الشاغل اليوم

ومادري ليش توها تتذكر ترد بعد أكثر من شهر على نهاية مذكرات أحمد الخطيب بجريدة الجريدة

وإهيا اللي فردت لها الوطن المانشيت الرئيسي كله عشان تنتقم من الخطيب

وعشان اسبق بلبل الطبل وعشان يدور ترقيعات من الحين حق اللي بيكتبه ويطبل له

فبكشف كلام بدرية الصباح اللي توقعت إنها سوّت خير وكشفت شي

لكن للأسف مشت على نهج الوطن بالجذب السهل البسيط اللي ما يمر حتى على الأغبياء

وبكشفها بموضوع مختصر كثر ما أقدر عشان أصحاب وجهة نظر ما يزعلون

شوفوا انا ما قريت مذكرات أحمد الخطيب لأني ناطره الكتاب

أحلى إني اقراه من كتاب

لكن بدرية الصباح اجبرتني على المرور عليه

ومشكورين ربعنا بأم صدّه إنهم حاطين ملف المذكرات

خنشوف بدرية شتقول

تقول عن مذكرات احمد الخطيب

الا صج دكتور أحمد بو شنو؟

المهم تقول

وحكام الكويت هم آل الصباح يا أحمد الخطيب، الذين درّسوك وعلموك وارسلوك الى لبنان لتدرس في المدرسة الثانوية الامريكية.. وبعدها الجامعة الامريكية، على حساب الحكومة الكويتية. فهل نسيت افضال الصباح؟! وافضالهم على والدك؟!..هل تتذكر والدك يا أحمد؟ ام نسيت والدك الذي رميتموه في ديوانية الصباح، بين قصر السيف ومنزل الشيخ مبارك الصباح؟! فان كنت قد نسيت فاني سأذكرك بوالدك، الذي كان يزحف على يديه ورجليه.. فاني اذكره عندما كنا صغاراً نلعب بقرب الديوانية.. ولفت نظري هذا الرجل الذي يزحف بين الجميع.. ووقت ما يأتون بصواني الاكل للعاملين هناك يمد يده ويأكل مع الجميع.. بعد ذلك يأتي احد من الجماعة بابريق الماء.. ويصب على يده ليغسلها بعد الاكل. وعندما سألت من يكون هذا الشخص المسكين؟ فقالوا اسمه محمد الخطيب.. واهله لما رأوه بهذه الحالة.. اتوا به ورموه هنا!.. واهله لا يعملون له شيئاً ابدا، يأكل مع العاملين وينام معهم!.وهذه الحقيقة ربما سببت لك عقدة نفسية بخصوص والدك، نتج عنها كرهك للصباح الذين رميت والدك عندهم.. فاعتنوا به

طبعا هالمنة والإسلوب الرخيص في الاهانة مادري من وين يابتهم بدرية لكن دام الوطن تنشر مو غريبة

الزبدة

تقول إن لأنهم أكرموا إبوه ودرسّوا الخطيب باحسن الجامعات اهوا اللي عقّد الخطيب من عيال الصباح

طبعا مادري شلون ترهم إن تعقد منهم لأنهم أكرموه؟؟

بس يالله المرة تقول إنها كانت موجودة من أيام مبارك الكبير يعني بعد شوي بيصير عمرها 100 سنة

فيمكن شوي المعلومات متضاربة عندها

تقول عن أم أحمد الخطيب وإهيا زوجة محمد يعني
اما والدتك فهي سيدة مرحة وتحب النكت ودائمة الابتسام. كانت تزورنا في جميع الاوقات.. ونحن نفرح لقدومها ونناديها «أمي وضحة»، فتحكي لنا القصص ونحن نتحلق حولها ونحبها وتحبنا.. وهي دائمة الدعاء للشيوخ بالعزة وطول العمر

أم أحمد تدعي للشيوخ وتحازي عيالهم

وتقول عن خالة أحمد الخطيب

وخالتك.. كانت سيدة لطيفة وقريبة من خالتي الشيخة موضي المبارك.. تقضي لها حوائجها من السوق وجميع طلباتها.. وهي ايضا كانت تحب الصباح ودائما تقول شيوخنا الله يخليهم

وهم الخالة تحب الصباح وتقضي إحتياجاتهم

اما اختاك فهما دائما عند المرحومة ام جزاع زوجة الشيخ ناصر صباح الناصر، واذا زارتنا ام جزاع في المناسبات تكونان بصحبتها، وهما، يحبانها وتحبهما ودائما تدعيان بسلامتها

تقول عن خوات أحمد الخطيب يحبون مرت ناصر الصباح

يعني مرت محمد الخطيب ما تعقدت إن ريلها يزحف مادري شتخربطين
وخالته ما تعقدت إن ريل إختها يزحف مادري شتهذين
وخواته ما تعقدوا إن إبوهم يزحف مادري شتقولين
بس أحمد اللي درس على حساب الصباح تعقد؟؟
كل هذا لان تكلم عن بعض الامور اللي تمس بعض أبناء الأسرة
!!!

عقدتيني يا بدرية

بس الكبر شين


على فكرة ترى وانا أمر على الحلقة العاشرة من مذكرات الخطيب شوفي شيقول

عشان تعرفين منو معقد

إتصل بي الدكتور بيتر ويلسون.. وقال لي أنه مكلف من الحكومة البريطانية بان أطلب إليك أن تضع قائمة بأسماء الشيوخ الذين ترى أن وجودهم في الكويت يعرقل عملية الإصلاح.. وهم مستعدون لينفونهم إلى الخارج...فقلت له: أنه يجب ان يعرف إن الصباح كويتيون وأنا كويتي، والكويتيون قد يختلفون بعضهم مع بعض إلا أنهم يحلون مشكلاتهم بينهم ولا يمكن أن يسمحوا للأجنبي أن يتدخل في شؤون الكويت الداخلية لان ذلك يرقى للخيانة
هذا الموضوع تلاقونه بالحلقة العاشرة من المذكرات
بنهاية العمود الاول وبداية العمود الثاني

هذا اللي تقولين عنه معقد يا بدرية؟؟

شوفي الروح الوطنية رغم الخلاف

ماهو مثل غيره يعاير ويتطنز

تقول «ان فهد السالم ما يحب الكويت ولا اهل الكويت وقال ماكو شعرة بجسمي تحب اهل الكويت»! وهذي تخاريف افاق حاقد جئت بها من عندك. فقد كان فهد السالم معروفا للجميع بحب الكويت واهلها

يعني بدرية اللي عمرها 100 سنة قالت كلمة أفّاق؟؟؟
أصلا هالكلمة مو موجودة قبل 100 سنة
:p

تقول عن شغلها بدائرة الصحة

أما عن شغلي في دائرة الصحة فأني عينت مشرفا عاما لدائرة الصحة. وليس مديرة لمستشفى الأميري فقط

مشرفة عامة ومديرة الأميري

بلبل الطبل ب 19-6

يقول

فالاصدقاء من ذرية العم علي الداود يقولون ان القصة كما سمعوها تقول ان احمد الخطيب ـ وقد كان دكتورا مبتدئاً يومها ـ قد دخل على مكتب الشيخ فهد السالم الذي كان مسؤولاً عن القطاع الصحي، وكانت زوجته الفاضلة الشيخة بدرية السعود تساهم بجهود فردية في دعم الرعاية الصحية

يعني بدرية كانت جهودها فردية على ذمة علي الداود

ألحين ما عرفنا من الجذاب بدرية أو الداود؟؟

لا ما خلصت

تقول بدرية عن هوشة فهد السالم واحمد الخطيب

أما عن قصتك مع الشيخ فهد، فإني كنت بالمكتب وقتها كالعادة فدخل الشيخ فهد وبعدها دخلت انت، فتكلم معك الشيخ فهد وضربك كفْ. فلا المرحوم خالد الحمد كان موجوداً ولا المرحوم علي الداوود، ولا انت من يجرؤ ان تضرب الشيخ فهد او تضع عقاله في رقبته، ومن أنت لتفعل مثل هذا؟ ولكن ربما هذا ما تمنيته ورأيته بالمنام. وبعد اخذك الكف غادرت الغرفة مسرعاً، وهذاكل الذي جرى

أهم شي وهذا كل الذي جرى
يعني ماكو شي غيره

طيب الطبل بلبل يقول

إن علي الداود يقول

دخل الخطيب على الشيخ فهد السالم وقال له: »لقد أذّتنا بدرية فيما تفعل« فوقف الشيخ فهد ـ رحمه الله ـ مندهشاً وغاضباً من »رفع الكلفة« وصاح بالخطيب »ومن تكون انت يا... حتى تنادى زوجتي باسمها؟! ولماذا لم تقل الشيخة بدرية«. وهي ردة فعل مفهوم حسب قيم وأخلاقيات تلك المرحلة.ثم لم يتردد الشيخ فهد عن توجيه كف، أو صفعة على وجه أحمد من يده الغليظة. وقع اثرها على الارض، فانقض عليه المرحوم فهد السالم و»نام بمردانه« واشبعه ضربا ولطماً ثم قام »وداس ببطنه«، مما حدا بصديقه المرحوم علي الداود للتدخل انقاذاً للخطيب من اصابات جسيمة، وما ان استطاع ان يبعد الشيخ فهد عن الخطيب، حتى قام المرحوم علي الداود بطرد الخطيب لخارج المكتب حماية له

رواية بلبل غير إنها سوّت فهد السالم مصارع

تقول إن بدرية ما كانت موجودة

وإن الوضع صار طق ومحاولة تثبيت

بس أول ما عد فهد السالم ليما 2 وقبل لا يقول 3

انقذه علي الداود

طيب بدرية تقول إن ماكان أكو أحد إلا إهيا وريلها

وكل ما جرى على قولتها كف واحد

وعلي الداود يقول بدرية ما كانت موجودة

وإن الهند إعتدت على بومباي والدم وصل ليما الركب

منو جذّاب يعني خلونا نفهم؟؟

الغريب ان الموضوعين بجريدة وحدة

الشيخة بدرية ترى والله قصّوا عليج وخلّوج إنتي اللي تروين القصة
عشان إذا إنرد عليج بسهولة وإنكشفتي مثل ما سويت أنا وكشفتج
يقولون كبرت وخرفت والوطن مالها شغل
بس نقلت الكلام
ماكان مفروض تسوين جذيه والله
ويالله حسن الخاتمة
ترى والله إني مختصرة لو بطوّل جان علوم
على فكرة على مفاجأة باجر
وصلني إن خليف قام يطق طوف المسكين يبي يعرف
شنو المفاجاة
موعدنا باجر

27/07/2007

يوم الأحد عندي مفاجئة

مرحبا
يوم الأحد راح يكون عندي مفاجأة
تخص خليف وتقرصه ع الخفيف
نطروها

26/07/2007

لا راحة مع جريدة الوطن

أبي إجازة منهم فكوني منهم شوي

كل يوم جذبة كل يوم فضيحة

كل يوم مهزلة اكبر من اللي قبلها

مادري والتالي يعني

صار لهم يومين يحنون على موضوع المصفاة الرابعة وبوقة ومادري شنو

طبعا بعد ما حولوهم النيابة وقرصوهم

اليوم منزلين رد شركة البترول ومعقبين عليه

بس هالمرة مو كاتبين اسم يكيكي على الموضوع كاتبين اسم وحدة يعني تمويه
:)

لأن عبالهم الناس ما يقرون حاطين مانشيتات الانتصار لكن المحتوى كله جذب وفضايح

وأنا صاحية لهم على قولة راشد الماجد

تدرون إن اغنية كلام الناس مالت جورج وسوف كان مفروض يغنيها رويشد بس ما عجبته

شوفوا مانشيتاتهم اليوم بس

يعني انتصار

شركة البترول الوطنية ترد.. والوطن تنشر الوثائق
دور
FLUOR
في المصفاة الرابعة أكثر من مجرد إستشارات

البترول الوطنية أكدت إلغاء المناقصة بزعم إرتفاع العطاءات وفي الوقت ذاته ترفع ميزانية المصفاة إلى مليار دولار
وتضارب المصالح واضح في تكليف
FLUOR
بالاستشارات ثم مشاركتها في المرحلة الثالثة
نسبة ال 2.5% من الكلفة التقديرية التي تحصل عليها
FLUOR
تعادل 350 مليون دولار
وكيف يتحمل المقاول المخاطر بينما الدولة تدفع التكاليف وهامش الربح؟


هذي مانشيتاتهم

واللي يقراها يقول إن الوطن مو مجذبين وبموقف قوي

ناخذها وحدة وحدة

أول مانشيت يقول

الوطن تنشر الوثائق

إنزين خلونا نشوف شنو الوثائق

طبعا ما لقيتها عالانترنت
بس موجودة بصفحة 41

اللي ما عنده الوطن مو الإ يشتريها ما يستاهلون 100 فلس

خل يصدقني او يروح صالون او كافيه ويقراها او حتى يحط الدشداشة بحلجه وياخذها من بقالة سكينة جدام شئؤون القصّر وينحاش

المهم شنو الوثائق

الوثائق طالت اعماركم

عبارة عن
Power Point

عنوانه الآلية المقترحة لتنفيذ المشروع

يعني إقتراح

يعني غير نافذ

يعني اللي كاتب الموضوع أهبل

مسوي لوية على اقتراح


يكيكي قال يوم السبت 21-7 إن الشركة الإستشارية راح تكون منفذة بعد

لكن شنو بإسم ثاني بس يملكها نفس الشخص

طبعاً، الادخال تم عن طريق شركة أخرى، ولكن لنفس مالك الشركة الاستشارية هو وحليفه الحكومي المهم

طيب

يكيكي ممكن تعلن الإسمين هذيل لو إنت من صجك وكلامك ماهو مجرد حجي فاضي

يالله إعلن خنشوف

خنشوف رد شركة البترول شيقولون

وقد قامت شركة البترول الوطنية الكويتية باختيار شركة «فلور» كاستشاري للمشروع من خلال ممارسة وفق الاجراءات القانونية حيث تمت دعوة مجموعة من الشركات العالمية المؤهلة لهذه الممارسة تقدم منها 3 شركات وجاء عطاء شركة فلور هو ارخص الاسعار والافضل فنيا حيث بلغت قيمة العرض المقدم 60 مليون دينار تقريبا وليس نصف مليار دولار كما ورد

هذي جذبة وإنفضحت بدون اي تفسير مني ولا شرح

انزين

الوطن يوم الأثنين اللي طاف قالوا بالصفحة الأولى
ولم ينته الامر إلى ذلك، بل ان شركة البترول الوطنية تعقد العزم على اعادة المناقصة بطريقة مباشرة عن طريقها عوضاً عن لجنة المناقصات المركزية

يعني ماكو مناقصة

شركة البترول تقول
ونظراً لضخامة حجم المشروع فيما يتعلق ببنود شراء المواد وعقود الانشاءات فقد اقترح تشكيل لجنة مناقصات خاصة للمشروع من خارج الشركة تضم اعضاء من لجنة المناقصات المركزية وادارة الفتوى والتشريع واعضاء آخرين

يعني أكو مناقصة وماكو احد مسؤول الا وهو عضو باللجنة

بعد بعد خل اقول بس لحظة شوي

بقول لكم قصة تخوف شوي

مرة سايق تاكسي بمصر (ماعرف أقول القصة بالمصري:) كان يتمشى الفير يدور على ناس يوصلهم

لقى ريّال شايب ملتحي قال له ممكن توصلني للمسيد

التاكسي قاله تفضل وركب جدام

مشى شوي على حسب وصف الملتحي

جان يشوف ريّال ثاني يبي توصيلة ركب الريّال الثاني وقاله ودني شارع الهرم

قاله سايق التكسي حاضر بس أوصل الريّال اللي يمّي المسيد أول شي بعدين أوديك وين ما تبي

جان يقول له اللي يبي يروح الهرم

اي ريّال يمّك ماكو احد يمّك

إستغرب سايق التاكسي والتفت على اللي يمّه

جان اللي يمّه يقول له انا ملك الموت وياي آخذ روحك بعد شوي

السايق مات من الخرعة وقال حق ملك الموت ممكن تنطرني أصلي قبل لا أموت قال له إنزل صل بسرعة

سفط التاكسي ونزل يصلي وهو يبجي

رجع السيارة ولا ما يلقاها

اثاريهم عصابة
:)

المهم بعد هالفاصل

نروح حق أهم فقرة بفضيحة الوطن

يوم الأثنين بالصفحة الأولى بالوطن

قالوا عن إسلوب شركة البترول

وتعزم على طرحها بأسلوب
(cost +)
اي التكلفة زائد الانتاج، وهذا الاسلوب يضمن للمقاول الفائز الربح ويحمل الدولة كافة مخاطر ارتفاع اسعار السوق العالمي لاي من المواد او الاجور

يقولون إن هالاسلوب مو شي

ويحمل الدولة مخاطر

يعني مو عاجبهم الاسلوب

رد شركة البترول شيقول

يقولون عن الاسلوب اللي تسميه الوطن إن مو شي

على غرار ما تم تطبيقه في المشاريع الأخرى لتحديث المصافي الكويتية في الثمانينات بقرار من وزير النفط رقم 66 لسنة 1980 وقراره الصادر بسنة 1982

يعني متطبق من قبل بالثمانينيات

وكان وزير النفط بذاك الوقت

علي الخليفة العذبي الصباح
مالك جريدة الوطن

الإسلوب مو شي

وخطر ومو عاجب جريدة الوطن

طيب يالله تكلموا عن مالك الجريدة لان مارس هالأسلوب

:)

عموما هذا اللي نكتفي فيه اليوم

بس أنصحكم بقراءة رد الشركة وخصوصا هالفقرة

ان قانون حماية الاموال العامة رقم (93/1) يتطلب ان يقوم السيد المحامي نواف سليمان الفزيع بتقديم ما لديه من ادلة وبراهين واسماء للنيابة العامة (حصن المجتمع الواقي) ليأخذ القانون مجراه بدلا من نشر الاتهامات والافتراءات الباطلة. وهذا لا يمنع من احتفاظ الشركة بحقها القانوني في اتخاذ ماتراه مناسبا ضد الكاتب والجريدة فيما ورد بتاريخ 2007/7/23




25/07/2007

مزاج اليوم - عمشه وغلوم


الفنان المبدع عبدالعزيز الحداد يدعو للوحدة بإسلوب وايد حلو شوفوا وحكموا
واعتذر عن إن الصوت مو ماشي مع الصورة بس المهم المعنى
:)

على ذمة "الآن" خليف ويكيكي للنيابة

هذا الخبر تفضل بوحامد وبلغني إياه وكاني أنقله لكم بصفة الإستعجال

يكيكي وخليف للنيابة بسبة موضوع يكيكي عن المصفاة الرابعة

التفاصيل تلاقونها بجريدة الآن الإلكترونية

23/07/2007

مع يكيكي

هاليكيكي هذا أذّاني وايد

ما يمل من التشلخ ولاّ شنو سالفته بالضبط مادري

أنا راح أتكلم عن مقالته امس ومقالة اليوم

جليل الحيا أمس يقول بعنوان مقالته

حط حيلهم بينهم

على نجرة المليفي والبراك

يعني فرحان وايد إن النواب يتهاوشون

صج وطني ويحب مصلحة الكويت ما شاء الله عليه

المهم

يتني معلومات كنت أنطرها على علاقة المليفي بيكيكي

وإليكم ما يلي

نواف الفزيع كان مفتاح إنتخابي لأحمد المليفي في مجلس 99 ومجلس 2003

وماكان يخلي ديوانية يعرفها الا وييبلهم المليفي

وإستضاف المليفي بندوة ببيتهم

وقدمه على اساس ان فارس من فرسان المجلس

اي وبعد كان يشتغل بمكتب المليفي للمحاماة

بعد ما فاز المليفي ب 2003 الولد طمع

وقرر ان ينزل الانتخابات

يحسب ان اهوا اللي فوّز المليفي

وطبعا بدون لا يقول شي حق المليفي

وبدون مقدمات طلع من مكتبه وقرر إن يهجر المليفي

ومليفي مسكين ليما الحين يغني

أجر الصوت من جرح براني

إنزين

خلونا ندش بموضوع مقالته مالت أمس

حط حيلهم بينهم

يقول

وانا قاعد اقرأ جريدة »الوطن« عدد يوم الجمعة وماورد في الصفحة الاولى عن كلام احمد المليفي واتهاماته لمسلم البراك، ردا على اتهامات مسلم البراك، سرحت في الكلام وقمت اتذكر ندوة أقمتها في مشرف قبل سنوات جاعلا منها اعلانا مبكرا مني لخوض الانتخابات الاخيرة، كان عنوان الندوة ماذا جرى خلف كواليس استجواب وزير المالية السابق محمود النوري وكنت قد استضفت في هذه الندوة النائبين مسلم البارك وعلي الراشد ليتحدثوا عما جرى في الاستجواب وتبعاته وآثاره على مستقبل علاقة المجلس بالحكومة وكنت ضمن المتحدثين في الندوة، والتي فوجئت فيها بحضور النائب احمد المليفي كمستمع في الندوة

طبعا النقاط المهمة بالفقرة اللي طافت إهيا كالتالي

وأنا قاعد أقرأ
مادري شمعنى كلمة قاعد قالها بالكويتي والباجي بالفصحى؟؟؟؟

الندوة اللي سواها كإعلان مبكر على قولته

الندوة صارت في براحة بين مدرسة مشرف المتوسطة للبنات مادري شسمها ومدرسة مشرف الابتدائية للبنات وهم مادري شسمها

وهالبراحة عبارة عن ملعب كرة

وعنوان الندوة كان الحقيقة

مسوي الندوة ببراحة يعني شعبي

بس الصج إن ماكان أكو ديوانية تستضيفه
:)

الجزء الثاني المهم من الفقرة اللي نقلتها من مقالة يكيكي اهيا

فوجئت فيها بحضور النائب أحمد المليفي

يقول فوجئ

فوجئ
فوجئ

وعلامي احن

المهم فوجئ معناته إن شي غير متوقع

شي غير متوقع معناته إن المليفي ما كان مدعو لحضور الندوة

او ماكان مرغوب في حضوره

قال فوجئ

نطروا شوي بس وانا أكشفه لكم

هذي العبارة بعد العبارة اللي نقلتها بسطرين بس

وبعد انتهاء حديث النائبين وحديثي طلب النائب احمد المليفي التعقيب على كلامنا وقام ليجلس بيننا بالمنصة والتي لم يكن فيها الا ثلاث كراس، فقمت من كرسيّ وقدمته للنائب احمد المليفي ليجلس عليه، طبعا كان موضوع الندوة عن الاستجواب وتبعاته ولم نأت بأي ذكر للنائب احمد المليفي لا من قريب او بعيد، سواء مني او من النواب المشاركين، الا ان ابو انس استهل كلامه في البداية بهجومه على شخصي الضعيف، لانني لم استضفه في الندوة، ليعطي رأيه في الاستجواب كون الندوة اقيمت في منطقته وهو نائب عن هذه المنطقة ورددت عليه بأن الندوة مفتوحة للجميع

المهم بهالعبارة إن النائب المليفي تكلم كمعقب بالندوة وهذا شي طبيعي جدا
ويصير بكل الندوات ما عدا ندوات التحالف
:)

وهم المهم بهالعبارة إن يكيكي يقول إن الندوة مفتوحة للجميع

طيب دام الندوة مفتوحة للجميع وكل واحد يقط دلوه بالندوة

ليش فوجئت بحضور المليفي
:)

صادوه

وعلى فكرة المليفي قال إن إهوا حاضر كأحد أبناء الدائرة اللي فيها الندوة

ومن حقه يتكلم مثل ما تكلموا ناس وايد بالندوة نفسها وحتى واحد من المعقبين قال

إن مسلم البراك لازم يكون له حماية لأن معرض للإغتيال

يكيكي

إنطر ما خلصت

واكمل مسلم البراك بالحديث بقوله (اول مرة اشوف شخص يشارك في ندوة هو غير مدعو فيها

مسلم بالندوة يقول إن المليفي مو مدعو

ويكيكي يقول إنها مفتوحة للجميع

يعني يا إنك إنت قاص على البراك وقايله ندوة سرية حالها حال القعدات وهالسوالف وبوحنان راح يكون موجود

إي أعرف بوحنان عندكم مانع؟؟؟

اللي ما يعرفه

شيء أسود اللون له أنف أبيض وصوته على حد تعبيره هو شخصيا "مثل صوت واحد متريق رمل" مو موضوعنا

مثل ما قلت لك

يا إنك كنت قاص على البراك
او إنك ألحين قاعد تقص على القراء وتقولهم مفتوحة للجميع

أو إنك تلعب على الحبلين وهذا الأرجح

في ملاحظة قبل لا انتقل حق مقالة يكيكي اليوم

إن جريدة الحرامية تميل حق المليفي والدليل إنها تفرد له مساحات واسعة حق كل حرف يقوله

وهم بلبل الطبل واقف معاه

إلا يكيكي يميل حق البراك

والسبب طبعا

إن يكيكي بينزل بدائرة المليفي ولازم يحاربه

هم ما راح تفوز

إي صج
والله والله آخر شي قبل لا أنتقل لمقالة اليوم

في ردود محطوطه بمقالة يكيكي امس بسايت الوطن

واحد إسمه بوفواز عجبني

هذا رده

الله اكبر يا نواف الحين صار المليفي كخييييي ؟ شوف انا لاني مع المليفي ولا مع البراك لان عندي ثقه بولا نائب حالياً وهذا الواقع يا الفزيع ولكن اللي يضيق الخلق انك تكتب ضد استاذك وتوقف ضده وتصير انت المنزه ... نواف الفزيع انت احد الاشخاص اللي قامو في حملات ابو انس الانتخابيه وحضورك كان واااااضح وضوح الشمس في دوانيته وكنت تحرص على رفيجك جمال النصار وانت تعرفه عدل وتحرص على حضوره وكنت تتصل عليه عشان يحضر الدوانيه وعقب هذا كله صار المليفي كخييييي يعني انت من صجك انك بتنجخ بمشرف ؟؟؟ انت اول شي صير امين واتقي الله بما تكتب ولا تدعي النزاهه والحنكه السياسيه انت تبي المجلس للماااااااااااااده فقط وهذا ما عرف عن نواف الفزيع ماديته وانا حضرتلك اكثر من موقف ومنها لما شريت اثاث من احد اصدقائك ولي الحين ما اعطيته فلوسه اكتب عدل يا الفزيع ولا قسماً بجلال الله انك ما راح تنجح بحياتك كلها ولا تسحب عقول الناس لصالحك وتنسى مصلحة البلد المجلس انت تدري شنهي خباياه وشنهي الرشاوي اللي تصير للاعضاء هل انت الوحيد اللي راح تكون الشريف فيهم ؟؟؟ ما راح تستفيد إلا من راتب المجلس يعني ؟؟؟؟ يا حجي الشق عووووووود وابعد عن الشر وغنيلوووووو طيعني خلك كاتب ومحامي لشركة تنظيفكو وايد احسن على الاقل تاكل لقمه طيبه وتخلي الناس اللي ما يذكرك بالخير ما يذكرك بالشر تحياتي لك

مقالة اليوم وطبعا إهوا هم كاتب موضوع بالصفحة الأولى لكن مو حاط إسمه

شكله مستحي يكون محرر

مقالته عنوانها

فلور وأصحابها

طبعا ما يندرى صجهم من جذبهم لكن الارجح انها جذبة يديدة من الوطن

يقول بمقالته

بداية الموضوع كان على شكل مناقصة ارادت الدولة منها دعوة القطاع الخاص لتنفيذ المشروع وبأقل التكاليف على الحكومة، تقدمت 3 شركات لتنفيذ المشروع، الا ان اللجنة المختصة ألغت المناقصة تحت دعوى ان الاسعار المتقدمة فيها من قبل الشركات غالية ولا يمكن المضي بالمشروع بهذه الصورة، ومن الافضل البحث عن بدائل، فخرجت في اللجنة فكرة الـ COAST PLUS وهي تعني ان الدولة حتى تخفض من تكلفة المشروع على المنفذين فستقوم بتوفير المواد الاولية لبناء المشروع حتى لا يتذرع المنفذين بالتكلفة العالية لتنفيذ المشروع بسبب ارتفاع المواد الاولية، كل هذا في مقابل ألا تكون هناك مناقصة ويعطي النسبة الاكبر من تنفيذ المشروع للشركة الاستشارية والتي هي من اقترحت شفهيا هذا الاقتراح للجنة! وتعمل مناقصة بالباقي من تنفيذ المشروع

هالخطوات اللي ذاكرها لانها تصير بالكويت تاخذ أقل شي 6 أشهر

ونقص على روحنا ونقول خذت بس
ثلاث اشهر
يعني هم تلميذ علي الخليفة كان وزير

ليش ما تكلمت وقتها ولا ما يرضى خليف
!!!

ما أعرف بالنفط والاقتصاد وايد فخنشوف متى تنكشف جذبتهم اليديدة

المهم بنفس المقالة يقول
حتى الطرف الحكومي المعني والشريك الخفي لصاحب الشركة الاستشارية والذي سنعلن عنه بغض النظر عن اي تهديدات »مو شبعنا تهديدات من ربع محمد+ أحمد وشبعنا سب من ربعهم وما فاد راسنا يابس بس والله حر«، تري محنا صبيان لأي معزب عشان تسكتونا ولا أحنا نبي جاه أو كرسي أو مال عشان تقبضونا مهما حاول البعض تزييف الحقائق علينا وقافلتنا في محاربة الفساد ماشية ماشية رغم سباب وتهديدات البعض

الحين نبي نفهم هذي نكتة ولا صج

البطل المغوار يكيكي شجاع وقوي وكل شي انا بس عندي سؤال واحد

حق يكيكي

كل الكويت حرامية الا إنت

كل الكويت صبيان الا إنت

إنت الوطني الحر الشجاع المغوار البطل المقدام

ليش ما تتكلم عن الناقلات

قول حرمنة ولا لأ

بس قول مانبي شي

عطني تفاصيلها واللي يرحم والديك
وخاصة رقم 7730

قول خنصدق إنك مهتم بديرتك

أخر مقالته يقول

كل ما قاله مسلم البراك في رده على أحمد المليفي صحيح »بحكم معلوماتي كمحام

يعني شنو الحين المليفي راح يدش السجن لما انت تقول هالكلام؟؟؟

دام كل هالكلام صج
والبراك متكلم عن تجاوزات على المليفي ب99 و2000 وهالسنين إنت كنت تشتغل مع المليفي

فإنت قاعد تدين نفسك يا خبل لأنك إشتغلت مع واحد مطأطئ الرأس

وسوقت له ودافعت عنه ويبته بيتك وسويتله ندوة

وهذا يبين إنك إذا إشتغلت مع احد ما تكشفه الا لما تطلع منه

وهذا معناته إن وضعك مع جريدة الحرامية نفس الشي

عفيه عليك

مو قلنالك مو كل أهل عبدالحسين يضحكون
والله فيني حجي اليوم بس نوفر لها
:)

22/07/2007

email

لأني أحيانا تطوفني شغلات أو أحتاج معلومات او بالأصح فضايح عن الوطن وأصحابها وما تكون عندي

احط إيميلي حق أي أحد عنده معلومات

مهما كانت صغيرة او كبيرة باشروني فيها

يمكن تفيدني

danatelq8@gmail.com
مو تقرون هالموضوع وبس
اللي ما دش أمس السبت
خل يقرى الموضوع المكتوب امس

21/07/2007

يا فتاح يا عليم



مسلم والمليفي


عن المصاخة وكل واحد يسب الثاني


يبا اذا السعد برئ براي اللجنة كيفه

واذا مو برئ براي مسلم صوتوا بالمجلس وفكونا

لا تصيرون عنصر شماتة حق علي بابا وربعه


عيب خلاص كبروا

مفهوم؟؟

اوف منهم والله ذبحونا


يدورون أي شي أي كلمة أي دراسة حتى لو من قوزستان عشان يفرقون بين الناس


ديموقراطية الشيعة مشرّبة بالتمرد الشعبي


شنو يعني هالمانشيت وصفحة أولى بعد

والله جان زين الشيعة يتمردون عليكم وكلنا معاهم

إلا صج ليش بالرجل الحديدي كان في لقطة يغنون فيها صوت السهاري (يعني كويتي) مالها شغل ادري بس طرت على بالي

:)


نروح حق بلبل الطبل


مقالته عنوانها

شريف الجليب

وناخذها حبة حبة

كل من يقول ان الشيخ علي الخليفة حرامي فهو انسان خارج على القانون. وان كان هذا الانسان عضواً في البرلمان فهو من كبار الخوارج. ليس هذا دفاعاً عن علي الخليفة ولكنه دفاع عن الامن الاجتماعي في الكويت. فالقانون الكويتي المستمد من الدستور مبني على قاعدة دولية تقول بالحرف »المتهم بريء حتى تثبت إدانته

هذي بدايته بالمقالة

ماشي

علي الخليفة مو حرامي

لا سمح الله

إي صج ترى إذا علي الخليفة مو حرامي راح نندقر وايد ومالنا ويه بعد

أولله يالفشلة



:)

إذا في احد من الوطن قاعد يقرى لا يصدق

ما راح نندقر لان علي الخليفة حرامي


بس خل ناخذ بلبل على قد عقله شوية بس


يقول ما يصير نقول عن واحد ما ثبتت ادانته ان حرامي


واذا قلنا جذيه نكون خارجين عن القانون


يعني مهما كان عندنا وثايق وارقام حسابات دام ما طلع حكم يكون برئ
حلو حلو حلو

الخارج عن القانون لازم يعاقب عدل؟

حركوا راسكم وقولوا عدل
طيب على مدى اقل من شهر تابعت الوطن عدل


وهذا اللي قالوه

الوطن تملك وثائق تدين الحرامي ولا تملك مناقصات تفيد «حماة الأموال
هذا موضوع يقول عن عبدالله الرومي مال الناقلات حرامي

مع إن ماكو حكم طلع ضده
هذا موضوع عن الصقر وهم يقولون حرامي
وهم ماكو حكم طلع ضده
لقد تركتم الامور في يد السعدون والعنجري، لقد تركتم البلد تحت رحمة الحرامية، وترككم لصلاحيات الحكم لغيركم هو خيانة لبيعتنا لكم
هذا جزء من أحد مقالات يكيكي

يقول السعدون والعنجري حرامية

مع إن ماكو حكم طلع ضدهم

طبعا هذا شي قليل جدا من اللي يكتبون ويخلون كل الناس حرامية ماعدا علي الخليفة

وبلبل يقول بمقالته

لذا فكل من يُجرم متهما لم يفصل القضاء في امره، انما هو انسان فاسد يعتدي على قانون البلد

بس بمنطق بلبل فهذا يعني إن جريدة الوطن خارجين عن القانون وفاسدين يعتدون على قانون البلد

ويكيكي نفس الشي

وغيره كلهم خارجين عن القانون


وإحمد ربك إني مو متابعة مقالاتك من زمان يا بلبل لأني اكيد راح أطلعك إنت خارج عن القانون وفاسد وهذا شي أكيد

يا بلبل ترى محنا عميان ونتابع

يعني صج ما يصير إن كاتب صار له الف سنة ينصاد بهالشكل السخيف
المهم انا الايام اللي طافت ماكان في شي يسوى عالوطن

بس امس ونسوني

بهالموضوع

أكاديمية الوطن بدأت في أسبوعها الثاني بـ «بوقتادة وبونبيل».. وانتهت في المارينا مول
اما الاسبوع الثاني فقد بدأ بندوة ترأسها رئيس التحرير الشيخ خليفة العلي بمشاركة رسام الكاريكاتير محمد ثلاب حيث تحدث الخليفة عن الـ (comics) واختلافه عن الرسم الكاريكاتيري ومدى تأثير الرسوم الكرتونية في طرح قضية معينة كذلك ناقش رئيس التحرير الطلبة عن الفرق بين كتابة المقال والرسوم الكرتونية وايهما يكون صداه اقوى ورسالته اقوى حيث انقسمت آراء الطلاب بين مؤيد للمقال وبين مؤيد للرسوم الكرتونية وأنها اقوى في طرح فكرة معينة بشكل بسيط وواضح.اما ثلاب فقد تحدث عن شخصية بوقتادة وبونبيل وعن نشأتهما مبينا الفرق مابين الكاريكاتير والرسوم الكرتونية كذلك طبق بعد الرسومات للطلبة معلماً اياهم كيفية رسم الشخصيات الكرتونية وقد تفاجأ ثلاب بمواهب الطلبة في مجال الرسم الكرتوني
خليف يعلم الناس
؟؟؟؟؟
!!!!!

الله يستر ومحمد ثلاب


صار شخصية تعلم
!!!


على فكرة ترى ثلاب سألوه مرة شلون تكتب بكل المواضيع جان يقول أنا اتابع كل شي واكتب


شوفوا ويهه وقولولي هذا ويه واحد يتابع كل شي ويكتب


ولا اوامر من خليف وربعه


يكيكي

على فكرة ترى مو ناسيتك بس قاعده أيمع لك

ادري صاير مثل اليهال ناطر شهادتك من بيت القرين يوميا بس انطر علي

اعطيك ياها كلها دواويح

19/07/2007

على طريقة أم صدّه

مثل ما إهما عندهم مزاج أنا هم عندي مزاج وهذا مزاجي اليوم

حاولت الاقي الأغنية اللي فيها يهال يسوون إشارات الصم بس ما لقيتها

اللي يلقاها خل يقول لي

إي صج وليد الجاسم نائب رئيس تحرير الوطن يقول اليوم بمقالته

ضحكت كثيرا.. وكثيرا.. بل ضحكت حتى استلقيت على قفاي

مادري ليش تخيلته مستلقي على قفاه على قولته وخليف يدوس ببطنه
:)

16/07/2007

علي علي بطل فليت

أول شي شكرا مطقوق اللي كالعادة يقدم لي أشياء أعجز عن شكره عنها

مع إني ما كنت ابي اكتب شي اليوم بس

نبهني مطقوق اليوم على مقابلة علي الخليفة بجريدة الوسط

المضحكة فعلا فعلا فعلا

لانها تكشف أشياء وايد أهمها إن علي الخليفة غريندايزر

على فكرة مادري إذا إسم الكوكب مال غريندايزر فليت ولا فليد

:)

طبعا المقابلة منشورة بجريدة الوسط التابعة للإخوان المسلمين

قمة الغرام والحب بين علي الخليفة والإخوان
طبعا عارفين ليش
:)

وانا أقرى اللقاء شفت شي مار علي من قبل

قلت أراجع نفسي جان ألقى اللي مار علي

نبيل الفضل كاتب أمس بمقالته سمعني صوتك يا محمد هالجملة

ان حرامية الناقلات قد فروا من الكويت ولم يعودوا، سوى واحد تم القاء القبض عليه، وعلي الخليفة لم يغادر بلده ولم يهاجر خارجها ولم يهرب منها، رغم كل ما يملك من علاقات دولية وامكانات مادية وذهنية. فهل في هذا عبرة لقوم يعقلون

أما بطل فليت يقول اليوم بالوسط

من يهرب هو السارق، وأنا لم أهرب يوما ولم أهاجر رغم جميع امكانياتي، ولو كنت قد سرقت فهل كنت سأظل في الكويت منتظرا صدور الحكم ببراءتي إن شاء الله

يعني المقالة اللي ناشرها بلبل أمس

يعني كاتبها أول أمس

نفس اللي قايله غريندايزر بالحرف الواحد تقريبا

مع إن غريندايزر بأمريكا والطبل بالكويت

السؤال منو كاتب مقالة بلبل؟؟؟؟

الإجابة لكم

:)

يقول بالمقابلة عن الضبط والإحضار

مثل هذا الامر (الضبط والاحضار) صدر بحقي بسبب التباس معين حصل، وقد تمت معالجته ولله الحمد، وفي كل الاحوال ثقتي بالقضاء عالية جدا، وأتمنى كثيرا حسم هذه القضية التي طال امدها

يقول إلتباس

يعني غلطة وتصححت

وهذي جذبة يديدة لأن الإلتباس معناته خطا بالإجراءات

لكن المكتوب بالوطن وبكل الجرايد أمس يقول

أصدرت لجنة التحقيق الدائمة الخاصة بمحاكمة الوزراء قراراً عدلت به عن قرارها الصادر في 7 يوليو 2007 وإلغاء ضبط وإحضار وزير النفط الأسبق الشيخ علي الخليفة الصباح وتحديد جلسة الخامس والعشرين من أغسطس لحضوره ومواصلة التحقيق معه.وجاء هذا بعدما قدم محامو الشيخ علي الخليفة تقريراً طبيا يوضح حالته الصحية وضرورة استمرار علاجه بالخارج.وأرفقوا مع التقرير الطبي مذكرة شارحة قدمت امام اللجنة وثُبتت في محضر الجلسة

يعني سبب رفع الضبط والإحضار إهوا حالتك الصحية مو خطا بالإجراءات

يعني يا ولدك جذّاب يا إنت الجذاب

إختار أي وحدة فيهم؟

ومصدر ثقتي هو أنني متأكد من نظافة يدي وواثق من نفسي وأعرف أنني لم أفعل ما يخالف القانون ولا الضمير، بل ان ضميري مرتاح كامل الارتياح لثقتي بأني لم أخن الأمانة وقدمت لبلدي الكثير

إيده نظيفة؟؟؟؟
وقدم لبلده االكثير؟؟؟

من صجه هذا

الحين ارقام الحسابات تفضحك

الناقلات تفضحك

الاستثمارات تفضحك

ونبشرك بقبول شكوى يوسف الابراهيم عليك ايام ما كنت وزير مالية

وهذي مقتطفات من اللي قايله بالمقابلة

مو علي الخليفة اللي يهرب من الكويت.. ولا علي الخليفة اللي يهرب من المواجهة
فالمهم من يضحك اخيرا مهما طال الزمن

فالقضية بالنسبة إلي محسومة ومنتهية
واثق ببراءتي

علي الخليفة لن يستسلم.. وعلي الخليفة لن يهرب، علي الخليفة سيظل صامدا وواثقا، نعم.. أثق في نفسي وأثق في القضاء وأنه لن يتأثر بكل هذه المحاولات المكشوفة التي اعتدناها منذ أكثر من 15 عاما.. ومثلما صمدت 15 عاما، مستعد لأن أصمد مثلها اذا كتب الله لي العمر، ولن اتراجع عن درب إثبات براءتي

لقد كنت ومازلت أقف لبعض المتطاولين والراغبين في تجاوز القانون وأكشف حقيقة أهدافهم وأمنعهم من تحقيق تلك الأهداف مادامت غير قانونية

ما أقولك إلا هالشي بس
بس شيلوا الشدة من حرف اللام
:)




15/07/2007

أكتر من اللي أنا بحلم بيه

الحين لما يكون عندنا حدث فني مثلا مهرجان هلا فبراير

أي وسيلة إعلامية ما تقدر تحط خبر عن ختام المهرجان وإهيا مو حاطه خبر عن بدايته

وما تقدر تحط خبر عن إنتهاء كاس العالم وإهيا مو حاطه خبر عن بدايته

والامثلة وايد على هالسالفة

طيب الوطن اليوم بالصفحة الاولى حاطين خبر

لجنة التحقيق مع الوزراء ترفع ضبط وإحضار علي الخليفة

وبناءا على هالخبر فهذا معناته إن كان في ضبط وإحضار على علي الخليفة من لجنة التحقيق وإنرفع

طيب متى صدر الضبط والإحضار؟

صدر بيوم 8-7-2007
ونزل بالجرايد بيوم 9-7-2007

وهذي جريدة الوطن يوم 9-7-2007

مو يايبيين طاري ابد

وهذا احلى شي سووه

انا اقولكم ليش

في وايد ناس ما يهتمون أو يقرون جرايد بالكويت

واذا قطّعوا روحهم جريدة وحدة وحدهم الصفحة الاولى والاخيرة

ووايد ناس تكون الجريدة الوحدة هذي اهيا جريدة الوطن

يعني الزبدة إن هالناس الوايد من يوم 9-7 ليما اليوم ماكانوا يدرون ان في ضبط واحضار على علي الخليفة

لكن عباقرة الوطن يعني بدافعون عن علي الخليفة جان ينشرون إن كان عليه ضبط وإحضار وإنشال

بس لازم يروح التحقيق يوم 25 -8

يعني كل الناس دروا

ويستمر مسلسل غباؤهم

على فكرة ترى انشال الضبط والاحضار لأن علي الخليفة مريض واايد وغصبا عليه ان يجابل اللجنة يوم 25-8 أو يموت عشان ما يروح

خلونا نروح للنومينيه التلاتة لهالأسبوع على قولة هيلدا
:)

النومينيه هنّ

بلبل الطبل
أحمد يكيكي
و أحمد الفهد

خلونا نبلش ب أحمد الفهد

ومثل ما قلت من قبل إن دام إسمك مثل إسم هذاك أكيد ماكو منك أمل

مقالته عنوانها
توبة ساجد.. وبشارة معصومة

طبعا ينتقد ساجد العبدلي اللي أنا هم ما احبه بالجملة التالية

الزميل العزيز د.ساجد العبدلي انتقل من مقالات الوطن، الى جريدة الرأي العام، ليستقر في جريدة الجريدة التي يمتلكها صاحب مشروع المدينة الاعلامية النائب محمد الصقر.. وليكتب مقاله عن بقاء الكتاب الاسلاميين في جريدة طائفية لم يسمها ولكنه وصفها بالأوسع انتشاراً.. ولا اعتقد أنه كان يقصد جريدة غير الوطن.طبعاً من حق الزميل ساجد نقد الكتاب الاسلاميين.. ومن حقه نقد جريدة الوطن وابداء رأيه فيها وفي غيرها ـ مع أن الوطن لو كانت طائفية، أو تحرض فئة على فئة لهرب منها القراء

يقول إن لو الوطن طائفية أو تحرض فئة على فئة لهرب منها القراء

ومن قالك إن هالشي ما صار

نسيت الصناديق اللي كانت تنقط عند مبنى الجريدة؟؟

تدري إن الوطن يا حلو ليما الحين تدز الجريدة حق ناس مو مجددين إشتراكهم من 3 سنين وأكثر

نصيحة حق المشتركين بالوطن لا تجددون وهم توصلكم ببلاش
:)

يعني غصب اقرونا عشان يقولون إن نسبة الإشتراكات عالية

وعلى فكرة ترى إحنا مو مشتركين بالوطن بس هم توصلنا

ولم يكتفي الفهد بهذا القدر من السذاجة

شوفوا التألق يعني بينقد على ساجد إن يكتب بجريدة الجريدة

يقول له

أنني أيها الأخ العزيز لا أطالبك بالكتابة عن مشروع المدينة الاعلامية وهو سرقة العصر

لا تكفه طالبه يا بو سرقة العصر

وماذا تسمي الناقلات بارك الله فيك
ولماذا لم تكتب عن لصوصها جزاك الله خيرا
وكيف تتقاضى أموالا من متهم بالناقلات والإستثمارات آجرك الله
لماذا تسمي مشروعا لم تخصص له أي أرض ولم يدر أي دينار على أصحابه بسرقة العصر
ولا تتحدث عن اكثر من 100 مليون دولار ثبت انها سرقة أثابك الله

نسأل الله أن يثبتنا على ديننا ويبعدنا عن دينك الذي يتستر على اللصوص

هذا خلصنا منه

نروح حق يكيكي

نصير المظلومين مقالته عنوانها الظلم "أظن إهيا أغنية حق الجسمي" المهم

يقول إن سبب كلامه عن الداخلية إنهم يظلمون ومستشهد بحادثة صارت مع احد موكلينه

أنا اقول يمكن كل كلامك صحيح ويمكن الداخلية تظلم

ويمكن ظلمت موكلك وعشرة أو عشرين أو 1000 غيره

والظلم طبعا ما يرضاه أحد ايا كان

لكن اللي اعرفه إن الظلم ما يتجزأ

إذا كان الظلم ما يعجبك وينك عن اللي ظلموا دولة كاملة

وباقوا فلوس عيالك

مليون كويتي إنظلموا ببوقة علي الخليفة وأشوفك ما تكلمت

تكلم بس

قول عن اللي يدفع لك فلوس مقابل كتاباتك إنه ظلم دامك تحارب الظلم

بس فالح تقول هل يستطيع طفل صغير أن يسرق بقرة؟
:)

نروح حق مصيبة اليوم بلبل الطبل

مقالته عنوانها
سمعني صوتك يا محمد

طبعا أول شي مبلش والنية إن يكون خفيف دم

هذي أول فقرة من مقالته
تفهمت لجنة التحقيق الدائمة في محكمة الوزراء اسباب تأخر على الخليفة عن حضور جلسة التحقيق السابقة، ما بين سوء فهم حول الموعد وحقيقة ضرورة علاجه في الخارج ـ مو على حساب الداخلية والدفاع طبعا ـ فتكرمت برفع امر الضبط والاحضار الذي اصدرته في حقه منذ اسبوع! تماماً كما توقعنا في مقال الأمس

ضرورة علاجه في الخارج ومو على حساب الداخلية والدفاع طبعا؟؟

يعني إنت الحين شنو بتقول
شنو هالنكتة يعني؟؟

أكيد مو على حساب الداخلية والدفاع يا لطيف بس على حساب الناقلات والإستثمارات

نكتتك يت على معزبك عايدي يا طبل

ويكمل

عقب ما يطلع القهر والسب على اللي يفضحون معزبه يقول

نهاية الامر ولمن بقي لديه ذرة عقل صاحية في قضية الناقلات، فان حرامية الناقلات قد فروا من الكويت ولم يعودوا، سوى واحد تم القاء القبض عليه، وعلي الخليفة لم يغادر بلده ولم يهاجر خارجها ولم يهرب منها، رغم كل ما يملك من علاقات دولية وامكانات مادية وذهنية. فهل في هذا عبرة لقوم يعقلون
يعني متكلم بالمنطق

بالكويتي يقول إن علي الخليفة مو حرامي الناقلات على الرغم من إن كان وزير نفط بذاك الوقت؟؟

طيب دام مو حرامي ليش سوى هالشي

أن لجنة التحقيق الدائمة مازالت في مرحلة فرز المستندات التي تم استلامها من القضاء السويسري، مبينا أن المتهم الخامس في البلاغ تقدم بتظلم أمام القضاء السويسري حتى لا يتم تسليم تلك المستندات إلى الكويت، إلا أن القضاء السويسري رفض تظلم المتهم الوزير أمامه وسمح بتسليم المستندات الى القضاء الكويتي

ليش ما يبي تتسلم المستندات من سويسرا؟؟
بس قضاء سويسرا ما عطاه ويه وهذا اللي مرّضه الظاهر
:)

ويقول إن علي الخليفة ما إنحاش رغم إمكاناته المادية

السؤال من وين هالإمكانات؟؟

و أهم شي يقول إن علي الخليفة ما إنحاش وقعد بالكويت وهذا معناته إن مو حرامي

حلو حلو حلو حلو ليما باجر حلو

كلامك يا بلبل يا طبل

معناته إن اي واحد مشكوك بأمره وقاعد بالكويت مو منحاش مو حرامي

يعني لا السعدون ولا الصقر ولا الرومي ولا العنجري ولا النيباري ولا الراشد ولا احد غيرهم حرامية كلهم بالكويت قاعدين

لا وببيوتهم بعد
مو مثل علي الخليفة ساكن بفندق بالكويت

إلا صج ليش ساكن بفندق؟؟؟

نشكرك على صك البراءة اللي عطيته حق كل اللي قاعدين بالكويت وإنت وجريدتك تتهمونهم إنهم حرامية

صج خبل

أتوقع لو خليف أو أبوه يقرون هالشي خصوصا إن أبوه ذهنيته عالية على قولتك جان على طول خصموا من معاشك

كفو يا طبل على ما تقدمه للكويت من كتابات طيبة
إي صج بلبل هذا بعض اللي إنت كتبته اليوم
اين الخمة، واين السائلون الاغبياء،ولانزال نتحدى شوارب مسلم البراك ومحمد الصقر
عسى بس يفيدك مع إني ما أظن

صج اللي كتبتوه يا وطن اليوم من مواضيع مردود عليها

أكتر من اللي أنا بحلم بيه

13/07/2007

خليف


هذي الشخصية اللي تولت إدارة جريدة الوطن من 1-5-2005 إلى اليوم

وما يندرى لي متى

خليف هذا ولد المتهم الخامس بقضية الناقلات واللي مازالت منظورة بالقضاء من سنة الطواعين ليما اليوم

بس قبل جم يوم طلع أمر ضبط وإحضار

اللي اعرفه إن خليف صغير بالسن يعني يمكن بالثلاثينيات أو نهاية العشرينيات بعد

وهذا معناه إن من اهوا بسن المراهقة ومعروف عن إبوه إن حرامي

وهذا اللي ولّد عنده عقدة كبيرة كبيرة وايد خلته متعقد من كلمة بوق- لص- حرامي- ناقلات- نفط أو اي شي يرادفهم

حتى كلمة بنزين تضايقه

كل هذا بسبة إبوه

لما مسك جريدة الوطن بعد محمد الجاسم اللي طبعا كان بوق حق علي الخليفة والحين صار وطني لأن إنقطع عنه مصدر الرزق

نوى إن يدافع عن إبوه بشكل أقوى

طبعا لأن ما يقدر يقول أبوي ما باق

لأن واضحة

فصار يتهم كل الناس إنهم حرامية

السعدون -الصقر- الراشد -العنجري- الرومي -البراك -الصرعاوي

وصار يتهم غيرهم إنهم ما يبون الكويت

عدنان -لاري- جوهر وغيرهم

ويسوق حق التالية أسماؤهم

جمال العمر- طلال العيار- سعدون حماد -وليد نينجا وغيرهم

أول ما مسك كان في معمعة حقوق المرأة

والوطن ايام محمد الجاسم كانوا مسوين حملة معا في 2007

وكانت الوطن تحط هالشعار يوميا في الصفحة الأولى بالزاوية فوق أول ما مسك خليفة وقفوا هالحملة لمدة 16 يوم وطبعا السبب ما يبون توسيع المشاركة الشعبية لأنها تطير رقاب نوابهم

بس أول ما حصلت المراة على حقوقها

سووا روحهم أصحاب الحملة وإنهم ما وقفوها كلش

ولإن الذاكرة بالكويت قصيرة فمرت السالفة على خير ونسوا الناس

أبي أفهم شلون محمد المطير يفوز بالضاحية وإهوا مصوت ضد المرأة؟؟

طبعا الجملة مالها شغل بس بعدي محترة

المهم بعدين الحبيب قام يزرع الفتن بين عيال الكويت


مرة يتكلمون عن تشيع المصريين ويسويها قضية دولة

ومرة يكتبون عن صيام 6 من شوال ويسوي فتنة بين العلماء والناس

ومرة عن الشيخ بن باز الله يرحمه

ومرة يكتبون عن الرضاع الكبير وهالخرابيط

كل شي يكتبه بس عشان يتفّه المواضيع بالكويت عشان تضيع الصقلة

طبعا الدوائر بالصيف اللي طاف كانت اهيا المصيبة اللي طاحت على راسه

لأن يدري بتقليص الدوائر راح تطير أكثر رقابه وعلى راسهم وليد نينجا وسعدون رامبو

أول شي قام يصور المظاهرات انها من ناس شوية وبعدين قام يصورها على انها رقص وطقطقة

ولما ما فلح سوا الفريق الازرق بو عدالة ان أكثر من حضور حفلة

live earth

وبعدين قام يسوق الدائرة الوحدة لكن لما انقرت الخمس دوائر سكت عن الدائرة الوحدة

اللي عرفته إن تسويقهم حق الدائرة الوحدة كان يبي يوصل من خلاله إن يطرح أزمة دستورية وما يجوز وهالمشاكل عشان يتفركش الموضوع كله

المهم انقرت الخمس غصبا على ويهه

وإنطرد وزير كل شي احمد الفهد والظاهر ان جابر المبارك كان له دور بهالشي

فقام يهاجم جابر المبارك ويسوي إن الوضع بالكويت اسوا من شيكاغو خمر ودعارة واقامات واشياء وايد

اللي يسمع يقول قبل جابر المبارك كانت هالاشياء كلش مو موجودة

والحين قام يشتري الناس بالف طريقة

اسقاط القروض مع الوطن

تلفزيون الوطن ووظايف بمعاشات عالية وايد

وهالايام اشوف اكاديمية الوطن

وطبعا كل هذي الحركات ما تفيد لأن أبوه وصل المرحلة الأخيرة باللعبة وبيخلص الشريط
ع الطاري منو خلص شريط الاميرة بكمبيوتر صخر؟
اللي مخلص خل يقول لي شيصير اخر شي

طبعا يمكن الشي الوحيد اللي استمر معاه ومع ابوه اهما ربع جمعية الاصلاح واللي مو راضين يفجون عنه

خصوصا ان دينهم يقول إن لازم يوقفون مع الحرامي

ولازم يهاجمون النظيف

ولازم يسكتون عن الحق ولازم دعيج الشمري يتكلم

إي صج مو ملاحظين إن دعيج الشمري يشابه كامل الأوصاف اللي يخوف ولا يخاف
:)

ومو بس الكبار من جمعية الإصلاح ماشيين وراه حتى صغارهم ملوت الجامعة

وأنا قاعده ادور بارشيف الوطن لقيت هالرسالة من اتحاد الطلاب مال الجامعة دازينها حق خليف

شوفوا شنو مكتوب
معالي الشيخ خليفة علي الخليفة الصباح حفظه الله ورعاه رئيس تحرير جريدة »الوطن

شدعوة حفظه الله ورعاه

وين قاعدين

صج ولي نعمتكم

بس مو جذي

المهم خليفة الحين مستوعب عدل إن قربت النهاية وراح يحصل رسميا على لقب ولد الحرامي

فقاعد يحاول يخرب كل شي قبل لا يطس

لكن ما عليه يا خليف

ما من أمل إنك تغطي شي والحكم قرب باذن الله

ملاحظة وايد مهمة: الصورة اللي محطوطة أول شي ماهي صورة خليف

صورة ممثل اسمه فواز الوهيب مثل دور جنس ثالث بالمسلسل المليق الشريب بزه

ومثل دور بن دردور اللي كان بيشتري الفريج بأي شكل من الأشكال بفريج صويلح

صج تشابه سبحان الله

12/07/2007

باجر بجابل خليفوه

بس أبي اعرف شي واحد

الوطن عبالهم ماكو ناس تعرف اكاذيبهم واللي يسوونه

بس قبل اي شي لازم اقول

ترى ما عجبني الصقر لان نزل لي مستوى سعدون حماد ما كان مفروض يسب

ومو عذر ان يسب ويسحبها

نفس الشي سواه مع علي الجراح لما قاله اقعد بجلسة المال العام وسحبها

المهم ندش بموضوعنا

الصفحة الأولى حاطين رد سعدون حماد على وزير الداخلية

اللي على طريقة يكيكي يتحدى

الحين وزير الداخلية قايل له ان ماكو تجسس على تلفونات النواب

بتوضيح من النائب الأول لرئيس مجلس الوزراء وزير الداخلية وزير الدفاع الشيخ جابر المبارك ردا على اتهامات النائب سعدون العتيبي بمراقبة هواتف النواب.واعتبر المبارك هواتف النواب «خطا أحمر مستحيل تجاوزه» مؤكدا ان «الكويت ليست دولة بوليسية حتى تتعامل بالتجسس

جان يي سعدون ويقول

وجاء هذا عندما تحدث النائب الاول لرئيس مجلس الوزراء وزير الداخلية ووزير الدفاع الشيخ جابر المبارك نافيا مراقبة وزارته هواتف النواب، واعتبرها «خطوط حمر»، فرد العتيبي قائلا: «اتحدى الوزير اذا انكر ان وزارته لم تحقق مع شخص يأتي الى ديوانيتي لصلة قرابة له مع العاملين في سكرتاريتي.. راقبوه وعرفوه من ارقام سيارته انه عسكري.. وحققوا معه امس «امس الاول» من الساعة التاسعة صباحا الى الواحدة ظهرا.. اتحدى الوزير ان ينكر

الحين وين التلفونات بهالسالفة فهموني بالمدرسة يعطوننا ان اذا في موضوع بنكتب عنه لازم نحدد شنو الموضوع بالجملة الرئيسية وما نطلع منه عشان لا يضيع القارئ

يعني لما ابي اكتب عن مجلس الأمة مثلا لازم ما أتكلم عن هدى حسين

سعدون حماد يشتكي مراقبة تلفونه براس الموضوع ويدش بديوانيته وخرابيط مالها داعي

بس ماعلى سعدون حرج

:)

نروح حق الصفحة الأخيرة

ولد فيصل الجناعي مبارك يمشي على مبدا من شابه أباه فما ظلم

طبعا بأوامر من خليفوه يكتب هالولد مثل ما ابوه يكتب بأوامر من أحمدو

المهم حاط صور وايد وكاتب تحتها مواضيع صغيرة

احد الصور فيها وزير الداخلية يضحك مع السعدون ولابس بشت نفس اللون

الحبيب يقول تحالف بينهم وليش يضحك له

بالذمة بالذمة بالذمة هذا موضوع ينكتب حتى بمجلة ماجد؟؟

إي صج تدرون ليما الحين تنباع ماجد وب 300 فلس ليما الحين؟

أبي اعتراف من كل اللي يقرون منو راسلهم من قبل وقال هوايته جمع الطوابع والمطالعة؟ وليش؟

وأخيرا يكيكي

مقالته عنوانها صدام بارت تو

بارت طبعا يعني

part

أخاف عنوان مقالته اليايه

ذا فويس اوف بيبول

طبعا لما قريتها بجيت 12 مرة ليما الحين

لأن مدخّل ولده بالسالفة عشان يحرك مشاعرنا

الله يسامحه خلصت ثلاث قواطي كلينيكس ليما الحين

سمعوا شيقول

ولدي الصغير توه يعرف يقرأ ويكتب.. شاف جريدة »الوطن« وسألني (شنو يعني ولي عهد الشيوخ والفداوية.. يعني الحين أكو بابا مسلم؟) بالله شرد عليه، جاوبني يا بو حمود، شنو تبينا نعلم عيالنا؟

طبعا قبل لا أعلق رديت على جريدة الوطن اللي نزل فيها المانشيت

وكان المانشيت كالتالي

البراك: عهد الشيوخ والفداوية إنتهى

وداخل الخبر مكتوب
واشار البراك الى وجود قائمة لديه لشيوخ «يقومون بالدور المطلوب منهم وعلى رأسهم سمو رئيس الوزراء، غير ان هناك ايضاً حزباً للفساد وعلى رأسه مبارك الدعيج».واضاف: «ولّى وراح عهد الشيوخ ولا يوجد احد فوق القانون ولديّ 22 توقيعاً لإحالة طلال المبارك للنيابة في قضايا تنفيع وتجاوزات

اللي ابي اوصل له ان لا بالمانشيت مكتوب مسلم بس مكتوب البراك ولا بالموضوع مكتوب مسلم بس مكتوب البراك

ولده توه يقرا ويكتب

يعني عمره يمكن ست سنين او سبع سنين بالكثير

بس ماشاءالله عليه

قرى المانشيت واهوا عمره ست سنين

فهم إن البراك اهوا مسلم البراك واهوا عمره ست سنين

فهم إن الحين اكو بابا مسلم بدال بابا صباح وإهوا عمره ست سنين

انا ابي اسأل يكيكي

هل ولدك اهوا نفسه ونستون تشرشيل مثلا؟

والله خوش حجي ما تستحي تدخل ولدك بهالجذب هذا حرام عليك

عيب والله عيب

يعني انت ليش مفترض ان الناس اللي يقرون اكاذيب الوطن بعمر ولدك

هذا اللي بجعبتي اليوم لا فض فوهي او فاهي او اللي اهو


11/07/2007

عهد الشيوخ والفداوية انتهى

قلت مابي أكتب أمس لاسباب وايد مع إن عدد أمس الثلاثا بالوطن كان ملغوم بس قلت أنطر تطورات اليوم وبالمرة أقرى الطليعة يمكن يفيدوني بشي زيادة

عنوان الموضوع إهوا العنوان اللي حاطينه الوطن أمس كعنوان رئيسي على لسان مسلم البراك

وطبعا اللي قايله مسلم البراك نقلا عن الوطن نفسها إهوا هذا

لن نقبل لأنفسنا ان نكون - تبعا.. نحن لسنا تابعين، هذا الزمن ولّى وراح

ولّى وراح عهد الشيوخ ولا يوجد احد فوق القانون

قولولي بس وين المشكلة بهالكلام إذا في واحد يقول غيره وينه خل نتفاهم معاه ونعلمه إن
في شي بتاريخ 11-11-1962 يقول نفس الكلام

وطبعا بعدين حاطين لستة صور واسامي حق الشيوخ تحت عنوان

شيوخ تحت مقصلة المجلس.. وتم خلعهم او التهديد بإستهدافهم من بعد الغزو

وأنا باخذهم واحد واحد على حسب اللي أعرفه

ناصر المحمد - موقف الحكومة ب شهر 5 2006 من الدوائر كان السبب وصلح غلطته وإنتهت المشكلة

جابر المبارك وزير الدخلية - محد حاطه تحت المقصلة إلا إنتوا يا شيوخ المسيلة على قولتكم وآخرها اللي كاتبينه بعدد اليوم ونائبكم الفاضل القدير الجهبذ المغوار سعدون حماد (أخاف ما أمدحه يطقني) مثل ما سوا مع العلاج بالخارج

:)

سعود الناصر - سئلوا حلفاؤكم الإخوان المسلمين اللي ماكو سطر بالجريدة إلا وذاكرينهم فيه اهما اللي حطوه تحت المقصلة

علي الخليفة الصباح- مربط الفرس مالهم ومو بس مقصلة المجلس لازم مقصلة نايف بعد لأنه حرااااااااااامي أو علي بابا على قولة خالد هلال

علي الجراح- التلميذ ما ودّره إلا علي بابا ومفروض الصف كله اللي كان مدرّسه علي الخليفة يحترق مو بس الجراح

طلال مبارك الأحمد مال الكويتية - ما أعرفه ولا اعرف شي عنه بس اللي أعرفه إن إذا شايفين أغنية أنا رديت حق عبدالكريم راح تشوفون طياراتنا ليما الحين نفس الشي واهوا الرئيس والتقصير اكيد بالادارة

مبارك الدعيج مال كونا - اذا ثبت إن إعلان الأهرام منه يستاهل اللي يصير له

أحمد الفهد كل وزارة مسكها الحين فيها مشاكل هذا غير الرياضة وطبعا كل هذا ينغفر له بس إن مرافجكم هذي بروحها مصيبة

طلال الفهد - لأني قدساوية مابي اقول شي عنه
:)
بس اللي اعرفه إن يخوره وايد بره نادي القادسية وما اعرف تفاصيل هالسوالف وايد

ولا تنسون إن إخو أحمد الفهد وعليه فضايح هاليبرتون مثل ما عرفت

فهد السالم خمبق بهيئة الزراعة ليما قال بس وإستجواب شرار فضحه بس أهم شي لما لبس برتقالي وراح ساحة الارادة يعني معارضة

:)

محمد العبدالله الصباح - يقول ماكو ولا قضية أو حالة فساد يتني

وأنا أقوله وإنت شنو؟

الباجي ما اعرفهم
طبعا اللي بيوصلون له إن الشعب مايبي الأسرة الحاكمة ويبينون حق اصحاب القرار من الشيوخ إن ديروا بالكم من الناس

ترى بيقلبون عليكم

والرد ممكن تلاقونه عند عاشق وطن اللي كاتب مقالة بالطليعة عن هالموضوع

انزين خلونا نروح حق رفيج بوش وولد خال بلير ونسيب ساركوزي و يد بوتين فؤاد الهاشم

مقالة إسمها النعاج والشاوي

كاتب فيها إن 3 نواب ما راحوا ديوان أبل على موضوع الزعبي

ألحين ديوان ابل ردوا عليكم وقالوا ما دعيناهم وإنت ليما الحين

بس مو هني الموضوع

لأن كاتب جملة تعتبر أكبر غلطة في تاريخ الكتابة على الإطلاق وتفشل الصراحة ومادري شلون طافت على المدققين بجريدتهم

لأن ما يصير اللي كاتبه إهوا

غلطة صج صج شنيعة

يقول
وانا ارفض دعوات عديدة للانضمام الى احزاب وتكتلات ومجموعات سياسية في الكويت، بعضها مرتبط »عاطفيا« بالخارج،، وبعضها مرتبط عقائديا بالخارج ايضا!! لماذا؟! لأنني انسان ولست.. »تيسا« أو »نعجة

فؤاد الهاشم إنسان

!!!!!!!!

بالكويت عندنا بلبلين

بلبل المغني مااروعك وسكة سفر وانا ناطر وليلحين احبها ورحلتي لا لا رحلتي مالت رويشد صج

تدرون عاد نبيل خيروه بين رحلتي وسكة سفر وإختار سكة سفر؟؟؟

لا لا وين رحت انا

المهم البلبل الثاني اللي عندنا ما يغني بس يطبل حق معزبه علي الخليفة

شيقول بمقالته أمس - سنة الذبحة

طبعا كاتب عن استهداف الشيوخ نفس اللي مكتوب بالصفحة الأولى

أنا يعجبني توارد الخواطر بين كتاب الوطن وإدارة التحرير أشكره يكتبون من نفسهم مو اوامر من خليفوه

:)

يقول

سنة الذبحة بدأت مع إقصاء الشيخ أحمد الفهد اثر أزمة الدوائر، ثم تلاه إعدام سياسي لابن عمه الشيخ أحمد عبدالله الأحمد. وما كدنا نمسح دماءهما من المشهد السياسي حتى تم اغتيال شخصية الشيخ علي الجراح. واليوم تتصاعد الاحتمالات بتصفية الشيخ مبارك الدعيج والقضاء على الشيخ صباح الجابر، ودفن الشيخ طلال المبارك!!.هذا بالطبع إضافة الى المؤامرات المستمرة لتدمير الشيخ علي الخليفة والتهديد باستجواب الشيخ صباح الخالد، لتتوج سنة الذبحة هذه بالتهديد الذي لم يعد مبطناً باستجواب سمو رئيس مجلس الوزراء

وبعدين يسترسل حلوة يسترسل مو؟

لا نستطيع الهروب من سؤال مؤرق يقول: »هل يعقل أن أبناء الأسرة دون غيرهم هم الفاسدون، وهم الفاشلون في أعمالهم عن بقية أبناء الشعب، الذي يبدو أنهم كلهم وطنيون صالحون نزهاء؟

طبعا يبي يسوي فتنة بين الشيوخ والناس مثل ماكان الحجي بالصفحة الاولى

وأنا اجاوب على سؤاله وأقوله السالفة مو بعيال الشيوخ السالفة بمناصب البعض اللي يسيئون إستغلالها مثل احمد الفهد وعلي الخليفة

والدليل إن دعيج الخليفة فرزدق الكويت محد ياي صوبه مع إن كاتب من قبل

طااط وطوط كاهو ياكم الأخطبوط عن المنتخب ومن يومها وإحنا مو مترقعين

وغيره وايد من عيال الصباح ماغلطوا أو خاروها السالفة باللي يغلط

هذا السنعوسي طار بسبة أغلاطه وإهوا مو شيخ هذا النوري وزير المالية هذا الكليب وشرار وغيرهم كلهم مو شيوخ وتحاسبوا

لا تقعد تألف عاد

وأخيرا يكيكي

بنهاية مقالته أمس اللي عنوانها

اشسالفة رئيس ديوان المحاسبة

مادري منو وين مطلع الالف اللي قبل الشين بالعنوان بس ما عليه

كاتب هالجملة

تلقينا تعليمات من السيد الوالد سليمان الفزيع بتقديم أشد الاعتذار لرواد ديوانية ابراهيم ابل على قساوة ردنا على بيانهم وتنفيذا للأوامر السامية أبلغكم باعتذاري الحار والصادق لأي كلام في مقالي قد يكون مسكم بتجريح من غير قصد خصوصا وأن نوايانا القلبية تحمل لكم محبة خاصة منذ أيام الانتخابات واستقبالكم الكريم لشخصنا المتواضع آنذاك وعلى أمل قبول اعتذاري وصدق محبتي لكم

ياليت تسمع كلام أبوك وتكون مؤدب دايما

لكن ما كل ما نتمناه ندركه






09/07/2007

وصلوا



جريدة اللصوص شرفت

لا يخسون ما يشرفون

شافوا المدونة بعد الثورة الإعلانية عن الموقع

عند مطقوق وساحة الصفاة

مشكورين يا مطقوق وساحة الصفاة

والله لا يحييكم يا لصوص

مابي اشوفكم مرة ثانية

تبطلون الوضوء حتى بالشوفة



فيصل الجناعي

ما عندي شي على فيصل الجناعي بس حبيتكم تقرون المكتوب وإنتوا مبتسمين أو تضحكون على حسب إعجابكم بخدوده
:)


قرار ضبط وإحضار لمتهمي «الناقلات» هذي جريدة الراي

ضبط وإحضار' المتهم الخامس علي الخليفة وهذي جريدة القبس

ضبط وإحضار علي الخليفة وهذي عالم اليوم

لجنة محاكمة الوزراء أمرت بضبط واحضار علي الخليفة وهذي جريدة السياسة


لجنة محاكمة الوزراء أمرت بالقبض على الشيخ علي الخليفة وهذي جريدة الآن الإلكترونية

وجريدة الجريدة هم نفس الشي بس مو راضي يفتح معاي الموقع

أما بالنسبة لجريدة علي الخليفة فالمانشيت كالتالي

دول الضد.. تعود


لووول يعني محد يدري شالسالفة وبيقصون ع الناس هالمانشيت

أما بالنسبة ليكيكي عاش عاش

فإليكم مشروع هدّه خلّه يتحدي

تبون الناس يا تصير صبيان عندكم يا تحرقون الديرة باللي فيها؟! معصي وروسنا تشم الهوىهذي اليوم

ولاتنسون التجنيس وكشف التجنيس وينه؟ موعند مكتب معالي الوزير؟ يعني تظنون ان النائب مسلم البراك او النائب محمد خليفة الشمري يقدران يتكلمان على معالي الوزير والكشف عنده؟! (اتحدى) هذي يوم السبت اللي طاف 7-7

حدك عاد واعرف من جبيلك هذي يوم اليمعة 6-7

انا وضعت روحي على كفي وخل اللي يصير يصير »يعني انتحاري« شلون توقفون انتحاري؟؟؟ملاحظة: الطق علينا وايد بس اقسم لك يا كويت.. محنا مخلينك!! هذي يوم الأربعا اللي طاف 4-7

يبي يتحدى الولد
ما أقول إلا على قولة هيفاء عادل

عتيج عتيج وينك وينك يا عتيج؟




شنو هذا...؟

شصاير يا جماعة العادة 3 أو 4 أو خمس تعليقات على المواضيع اللي أكتبها

خرعتوني وصلتوا 20 ماشاءالله عليكم

بعدين إكتشفت إن مطقوق إهوا السبب

مشكور يا مطقوق ع الدعاية

:)

وإن شاء الله أوعدكم إني أكتب بشكل مستمر بس مو يوميا عاد ترى والله متابعة الوطن تمرض

06/07/2007

مو كل أهل عبدالحسين عبدالرضا يضحكون

قررت إن كل يوم يمعة أكتب شي عن جريدة اللصوص يكون فيها الاشياء اللي لفتت انتباهي طول الاسبوع


المهم

اليوم كان في موضوع مضحك جدا بطله يكيكي اللي مو من عوايده يكتب شي ايام الخميس واليمعة بس غصبا عليه اليوم لان يايله رد من ديوان ابل اللي إستشهد فيهم لما كتب موضوع عن محمد الزعبي بالصفحة الأولى

معطينه خوش طراق

خل أعطيكم أول شي خلفية عن الموضوع

يوم الأثنين اللي طاف الفزيع كتب موضوع عن وزارة الخارجية وتقريرها وطبعا كل كلامه كان مردود عليه وتقدرون تقرون الموضوع اللي تحت عشان تعرفون تفاصيل أكثر

المهم من ضمن كلامه بموضوع يوم الاثنين يقول يكيكي إن ديوان ابراهيم ابل سووا عزيمة
على شرف محمد الزعبي

الا ان المريب او الغريب ان النواب احمد لاري وسيد عدنان عبد الصمد وحسن جوهر وجهت لهم الدعوات ولم يحضروا؟

وبرد ديوان أبل شيقولون

ان ما ذكر في الخبر حول توجيه دعوة العشاء لاعضاء مجلس الأمة الافاضل السيد عدنان عبد الصمد والسيد احمد لاري والدكتور حسن جوهر، عار عن الصحة تماما نظرا لان الدعوة كانت مقتصرة على رواد الديوان كما نتشرف بحضورهم ونفخر بكونهم ممثلي الشعب

طبعا انا أختلف مع ديوان ابل إنهم يردون على هالجريدة ومحررينها لأن كلها جذب لكن خوش دقرة حق يكيكي

وهذا هم جزء من رد ديوان أبل

اننا في الوقت الذي نعرب فيه عن ترحيبنا الحار بكافة اعضاء مجلس الامة الكويتي، وفي الوقت الذي نحن بأمس الحاجة الى التمسك بالوحدة الوطنية قولا وفعلا، نستنكر وبشدة زج اسماء النواب الافاضل عبد الصمد ولاري وجوهر في محاولة مكشوفة لبث سموم الفتنة بين ابناء الشعب الكويتي الواحد هذا ونود التأكيد على ان النواب الافاضل المذكورين هم محل ثقة وترحيب تام ونفتخر بهم وبمواقفهم الوطنية التي عجزت الصحف والأقلام عن النيل منهم والتي يشهد لها القاصي والداني.أخيراً: اننا اذ نستنكر من جديد ما قامت به الصحيفة من خلال استغلال لموضوع الأخ محمد الزعبي لبث سموم الفتن وتصفية الحسابات السياسية.يعرب إبراهيم أبل وإخوانه عن اعتزازهم الشديد بالشعب الكويتي كافة وبنواب مجلس الأمة الأفاضل جميعا والأخ محمد الزعبي ورواد الديوان ويؤسفهم ما بدر من إساءة بحقهم من قبل الصحيفة

يعني بطوا الجربة وكشفوا نوايا الوطن ومن خلال الوطن نفسها

وناسة

المهم أبيكم تقرون رد ديوان أبل كامل وأبيكم تشوفون إذا إنذكر فيه إسم يكيكي خير شر

الإجابة طبعا لأ

بس هم تاكدوا

طبعا من الحرة قعد يلف ويدور بمكانه

وشوفوا شنو يقول برده على رد ديوان أبل

وبعدين تعال يا صاحب البيان تقدر تقول لي منو حطك محامي عن هؤلاء النواب؟ ماعندهم لسان؟ مايقدرون يتكلمون عن نفسهم؟ فخطابي في المقال كان موجها لهم وليس للديوانية، واذا عندهم كلام خل يقولونه بدال ما يخلون غيرهم يتكلم عنهم، ترى اذا كان البعض يحب يكون عصعص للنائب ترى احنا روس وروس لاتحني هامتها الا لوجه الله عز وجل
اخيرا فان كاتب هذا المقال ينتمي لأسرة شهداء، ومواقف هذه الاسرة بالوطنية مشهود لها اكثر من مواقف هؤلاء النواب الوطنية، كما سميتموها لان مواقفنا افعال وافعال تشرف الكويت بنوابها بما فيهم نواب صاحب البيان فليس هناك داع للعزف على اوتار الوطنية، وكلام من مثل عجزت الصحف والاقلام عن النيل منهم، فتاريخ اسرة كاتب هذا الموضوع بالوطنية اكبر من مواقف نواب صاحب البيان مليون مرة ومايطلع من ظهر اسرة الفزيع غير وطني، حدك عاد واعرف من جبيلك

يقول عن نفسه ان اهوا من الروس اللي ما تحني هامتها الا لوجه الله عز وجل

ما تركب الله يهداك وإنت تكتب بالوطن إنك تكون من الروس

بعدين تعال منو طعن بأهلك ومنو ياب لهم سيرة أصلا

بس الظاهر كان حاب إن يتكلم عن أهله وبس

وتعال جملة حدك عاد وإعرف مجابيلك هذي حق منو

حق الديوان يعني

إستح على ويهك إنت محامي ومفروض مفروض تكون مثقف يعني بس كلامك عكس هالشي تماما

بالنسبة لتاريخ اسرتك المعروف ومادري شنو مو معناته إن إنت شريف مثلهم

يعني معروف عن عبدالحسين إن كوميدي من الطراز الأول بس مو كل أهله يضحكون

معروف عن بدر المطوع إن خوش لاعب بس مو كل عيال المطوع يلعبون زين

معروف إن من عيال الفزيع شهداء قدموا روحهم للكويت بس اكيد مو كل عيال الفزيع وطنيين اكيد فيهم عبدة اللي يدفع اكثر والدليل انت

02/07/2007

الظاهر ماكو راحة

قلت إني برتاح وما راح أكتب الا المواضيع الكبيرة

واليوم نواف الفزيع صار محرر بالوطن مو كاتب مقال

وكاتب بالصفحة الاولى وبالمانشيت العريض

وزارة الخارجية... «مقابلي»

طبعا هجوم شرس على وزارة الخارجية

على موقفهم من إعتداء الإيرانيين على الزعبي الدبلوماسي بإيران

الظاهر إن وزير الخارجية كان له دور في إستقالة الجراح

ولا ما يصير كل هالهجوم

بس على فكرة قبل لا أذكر لكم تفاصيل اللي قايلينه عن الهجوم على الدبلوماسي

شوفوا شنو قالوا قبل 10 ايام تقريبا

بالتحديد يوم 21-6
بالافتتاحية مالتهم

ضربت الدبلوماسية الكويتية بقيادة نائب رئيس الوزراء ووزير الخارجية الشيخ الدكتور محمد صباح السالم الصباح نموذجا ناجحا وواضحا للدبلوماسية القوية عندما انتفضت فورا لكرامة دبلوماسي كويتي تم الاعتداء عليه لاسباب »غامضة« لاتستهدفه هو شخصيا بل تستهدف الكويت ذاتها، فاستحقت الكويت وهي البلد الصغير الحجم والتعداد احترام العالم لوقوفها في وجه جار عملاق مثل ايران واشتراطها الاعتذار الايراني عن هذا الاعتداء السافر وابلاغ ذلك للسفير الايراني الذي تم استدعاؤه على عجل فعبر عن الاسف لما حدث والحرص على عدم تكراره

طيب اليوم طابين بالوزارة بناء على تقرير خليجي عن تفاصيل الإعتداء

انا ما أدري من وين هالتقرير ومن وين يايبينه

بس ذكروا شي منقول من التقرير خلاني أتأكد إن التقرير خرطي وعلى قد يكيكي بس

يقول التقرير

ستة أزلام ضخام الجثة اشبعوا الزعبي لكما وضربا وابتعدوا عنه لثوان لأنهم ظنوا انه مات»، مبينا أن «المعتدين اكتشفوا ان الزعبي لم يمت فأرغموه على مرافقتهم إلى السفارة الكويتية، تحت صراخ أربع كلمات (إمبريالي- كويتي- أمريكي- صدام

الحين يقولون طقوه طق وإعتقدوا إنه مات

يعني اذا مو ميت على الاقل متكسر صح

طيب اهوا اليوم الثاني راد الكويت ولابس جينز وقميص ازرق ويمشي عادي مع محمد صباح السالم

يعني شنو هالطق اللي يخليهم يعتقدون إن مات واليوم الثاني يتمشى

على فكرة انا مو قاعده اقول ان ما انطق

او اني مستانسة ان انطق بالعكس اكيد هالشي مرفوض

بس مو يجذبون عينك عينك

وثاني شي يقول التقرير إن كانوا يصارخون عليه

إمبريالي كويتي امريكي صدام

ذكروني بنكتة قديمة

اللي واحد قال حق بنت ربطي الجوتي
ردت عليه
شنو انا تفاحة؟
جان يطيح الكبت

نفس المنطق صج خوش تقرير

مادري صدام شكو بالسالفة


01/07/2007

أخيرا

إستقال الوزير

وإفتكينا من أحد أدوات علي الخليفة على قولة مسلم البراك

مبروك

كنت ناطره الاستقالة عشان اريح شوي من هالجريدة اللي تعبتني نفسيا من كثر ما أتابع جذبهم

وعلى هالاساس ما راح اكتب يوميا عنهم بالفترة اليايه

الا الأشياء اللي حدها قوية

سامحوني اذا قصرت بالفترة اللي طافت

وشكر لكل من تابع بالتعليق أو المشاهدة