01/08/2007

توهقت

طبعا بعد الفيديو مال خليف

توهقت وايد

لأن ردة الفعل عليه كانت روعة

حتى إذا إختلف معاي البعض لكن

الفكرة إن الأغلبية عجبها الفيديو

وطبعا لأني ما أقدر كل شوي اسوي فيديو معين

ولازم أرد للكتابة

فحدي متوهقة شنو أكتب ألحين

بس شوفوا هالله هالله بالتعليقات عشان لا أتحبط

وإذا تحبطت آكل

وإذا كليت أمتن

وإذا متنت أتكيسل
وأتحبط زيادة وهم آكل

واذا كليت أمتن زيادة

وإذا متنت اتكيسل
وأتحبط زيادة وهم آكل

وأمتن زيادة

واتكيسل

وأتحبط وهم آكل

تهقون لي متى بعيد الحجي
؟؟
المهم

لا تخلوني أمتن

خلال الجم يوم كان في اشياء ملفتة للنظر

بس مو ذاك الزود

يعني مثلا مثلا بس

يكيكي أمس شيقول

والتهديدات التي تأتيني بأحالتي للنيابة وألا يكون مصيري مصير الجوعان

هذا سطر من معلقة الفزيع أمس

يتوقع الحبيب إن الناس تنظر له مثل ما تنظر لحمد اليوعان الله يشفيه يا رب

بس الظاهر ما يدري شنو حمد اليوعان

طبعا للي ما يدري

حمد اليوعان حصلت له محاولة إغتيال

والسبب طبعا طبعا طبعا

إن تكلم عن السرقات وعن الأموال العامة

وضد منو تتوقعون

إي صح صح
ضد علي الخليفة

ونفس الشي صار مع النيباري

والله يستر من اللي بيجربون فيه مستقبلا بعد ما يطلع الحكم بإدانة علي بابا

لا تحاتي يا يكيكي

إنت في مأمن دامك مع علي بابا وخليف وشلة الأنس

وخسئت بعد أقوى من هالكلمة ما عندي

خسئت ان تكون يوما ما في مصاف حمد اليوعان أو عبدالله النيباري أو بيت القرين

تهقون أحب نفسي؟؟؟

أنا اللي ودي أعرفه شي واحد

اللي حاول إغتيال عبدالله النيباري دق على علي الخليفة بعدها ب 3 دقايق بس

ابي اعرف شقال له؟؟

فهموني بس شنو الحوار اللي بينهم

اللي يبي يقط قطّات الصقر بجلسة المال العام بشهر 5 على هالموضوع لا يقطها

لاني راح أستملقه

الحين خلونا نروح حق الثاني بلبل ولا باباي ولا اي اسم كاتب مقالة أمس

يقول فيها الفداوي

غير ان ما ساءنا حقا في مقال عبدالمحسن جمال هو قوله »وبالتالي فانا ارى ان رد السيدة الدكتورة سعاد الصباح والسيدة بدرية الصباح...«!!سيدة سعاد وسيدة بدرية؟!! وين رايح يا الحبيب، السيدة هي تلك »الملاية« التي تقرأ عليك عندما تصاب بـ »الصخونة« وتتفل على رأسك بعد قراءة بعض آيات، كما هو متبع في الطب الشعبي.اما سعاد الصباح فهي الشيخة سعاد المحمد الصباح، وبدرية الصباح هي الشيخة بدرية سعود الصباح، غصبا عن عينك ورغما عن انفك. هاتان شيختان من نساء شيوخ الكويت وبنات اسرتنا الحاكمة، فان اردت مخاطبتهن فخاطبهن بمقامهن ومسمياتهن، فكرامة وعز الكويتيين من كرامة وعز اسرتهن الحاكمة رجالا ونساء، ام ان التعظيم سلام عندك محصور بأسرة أو أسر أخرى غير أسرتنا الحاكمة؟! وهي كذلك أسرة حاكمة غصباً عن فنطزيات مهاتراتك

طبعا أنا ما أدري شنو سر الصخونة المزمنة عندك

وما أعتقد الملاية لو قرت القرآن ألف مرة على راسك

واهل الكويت كلهم تفلوا على راسك ما أعتقد إن في فايدة

بس عندي سؤال واحد

لازم كلمة شيخ عندك

واللي يذكر أبناء الأسرة بدون كلمة شيخ يكون مو محترم وما يحترم كرامة الكويتيين

طيب السؤال اهوا


هالاسامي اليوم منشورة بالوطن وبكل الجرايد بالشكل التالي

ريم بدر محمد الصباح
منيره سلمان محمد الصباح
روان سلمان داود الصباح
فهد فيصل خليفة الصباح



اول شي مبروك قبولهم بالجامعة
وثاني شي هالاسامي بدون كلمة شيخ أو شيخة صادرة من جامعة الكويت ومنشورة بجريدة معزبك

يعني على كلامك انت لا الجامعة محترمة كرامة الكويتيين ولا جريدة معزبك


اللهم لك الحمد والشكر

اي على فكرة اذا السيدة تنقال ساعات حق الملاية وعشان جذيه ما يصير نقول عن بدرية وسعاد سيدة

ترى حتى شيخ تنقال ساعات حق المشعوذين

بس لان تفكيرنا وايد أنظف من تفكيرك ما نفسرها جذيه

استح على ويهك شوي وخلك بأي مكان انت فيه انثبر وإنت ساكت

24 comments:

david santos said...

Thanks for you work and have a good day

بالديسار said...

يا ترى من اين يستمد بلبل قوته

معلوماتي (على قولة النصاب العود فؤاد الهاشم) تقول يستمدها ممن هو اكبر من علي بابا

كما يقال ناقل الكفر ليس بكافر

mtfa2el said...

لا يا معودة ما نبيج تتحبطين و تمتنين
انتي كتبي و احنا نعلق
ها وصلج فيديو خليف بلندن ؟
انا اقول عاوزين فيديو تاني

mfales said...

روعه روعه يا بيت القرين مبدعيين جدا الي الامام

Anonymous said...

القبس تقول "شايلينها" و التبن تقول "شايلينه شايلينه", و انا ما أفتكر انه كلام التبن سليم خصوصا للي يشوف الصوره اللي بالقبس, هل يعقل انه واحد توني قايل عنه بنشيله, أحط ايدي بايده كأنه مو صاير شي؟؟
فعلا جريده منحطه.
شوفوا الروابط http://www.alwatan.com.kw/Default.aspx?MgDid=529971&pageId=26
http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=300665

ملاحظه بسيطه: اكلي يوبا و ما عليج منهم,,,,,,,,,,,,, (انا أحب المتبتبين)

Z

Anonymous said...

اول يا بنت القرين لا تتحبطين ولا شي بالعكس الفيديو الي سويتيه مع الاخ كاتولوني كان حديث الديره واذا على كتاباتك فهي كتابات خفيفه وحلوه

اما بالنسبه ليكيكي هالمسكين الي شبه نفسه بالاستاذ حمد الجوعان اله يشفيه فأحب اقول حق هالمردم

حمد الجوعان هو السحاب الذي في السماء لا انت ولا معزبك ولا الي يعطي الاوامر حق معزبك تقدرون توصلوله

اما انتم كالتراب الكل يدوس عليكم

اما شنو قال الي حاول اغتيال عبدالله النيباري ودق على حرامي الكويت رقم واحد وشقاله ؟؟

انا اضن انه قاله :كلنا تحت امرك انت امر واحنا نفذ

وبالنهايه ما اقول الا الى الامام يا بيت القرين


تشي غيفارا

bo9ali7 said...

توهقت
عنوان غير موفق لمقالك
امثالج ما يتوهقون
العنوان الامثل هو انحطاط يكيكي

Unknown said...

حمد اليوعان شخصيه كويتيه للاسف ان الناس قامت تنساها والامر من هذا ان اسم حمد اليوعان قام ينقال على لسان يكيكي اعتقد هذه مصيبه اكبر من محاوله اغتياله من امعزب يكيكي الحرامي علي الخليفه الصبااح والد المعقد نفسيا خلييييييف
وقواج الله

Anonymous said...

الحوار كان كالتالي

الشملان : ابشرك ذبحت النيباري
علي الخليفة : كفو عليك
الشملان : بس ترى بتصير شوشرة لازم تغمت الموضوع بمعرفتك
علي الخليفة : ولا يهمك بس اهم شيء يموت مو مثل الدثوي الي دزيته يذبح الجوعان شله وسواه بطل
الشملان : لا يبا الايرانيين عطوه طلقه براسه ويه زوجته
علي الخليفة : كفو عليك

مع تحياتي
مجهول

Anonymous said...

وإذا تحبطت آكل

وإذا كليت أمتن

وإذا متنت أتكيسل
وأتحبط زيادة وهم آكل

واذا كليت أمتن زيادة

وإذا متنت اتكيسل
وأتحبط زيادة وهم آكل

وأمتن زيادة

واتكيسل

وأتحبط وهم آكل

..............

أنا واصل المرحلة الأخيرة

Anonymous said...

كفو والله و الكلب بلبل لمن اكتب تعليق انتقد المقالة ما ينشرها بس اذا المرتزقة الي يمدحون خلييييف و عليوييييييي يحطهم

Anonymous said...

للتصحيح فقط حمد اليوعان تمت محاولة اغتياله بعد التحرير مباشرة ووقتها لم تكشف سرقات الاستثمارات والناقلات المتهم فيها على الخليفه ولكن اصابع الاتهام تشير الى الدي استجوبه حمد في برلمان 86 وهو حليف على الخليفه ومحاميه في قضية الناقلات (سلمان الدعيج الصباح)

ButterFlier said...

إلى الأمام يا بيت القرين

Mohammad Al-Yousifi said...

نبيل الفضل طالع طلعة هالأيام و كأنه يحتر اذا شاف أحد أسفل منه

بو حامد said...

لا تتحبطين ، تاكدي ان الكثير يمرون ويقرون ، وانتي من المدونات الي اثبتت نفسها بفتره بسيطه ، وتميزتي ، وصعب الانسان المميز يختفي بريقه ، لأن في ناس متابعينله راح يتحبطون .

ومسأله احباطنا راح تتحملني ذنبها .

وعلى اليوم لا فض فوك :)

وخمسه وخميسه بعين محبطوك وحاسدوك

Anonymous said...

استح على ويهك شوي وخلك بأي مكان انت فيه انثبر وإنت ساكت

الخسيس غاسل ويهه مكرم السامع بالبول

واذا سكت انقطعت عنه فلوس الحرام

بس عفيه عليج كشفتيهم وخليتيهم بيزه ما يسوون

ساحة الصوابر said...

ما تدرون ليش نبيل الطبل محتر من مقالة عبدالمحسن جمال لأنه اهو اصلا ما ينادى معزبه باسم الشيخ خليفه العلى تدرون شلون يناديه ( بوعلي ) واللى مو مصدق يسأل اللى يقعدون معاه فى الدور الثاني من جريدتهم مع المنافقين والطبالين كل يوم من الساعه 6 حتى 10 بالليل ويختومنها بفطاير جبن ولحم من كافتيريا الشويخ اللي يم الجريده .

ساحة الصوابر said...

هذه لك يا بنت القرين وارجو التحقق من المعلومة .. نبيل الطبل عنده شركة خاصة واهى اللى تسوى القلادات والنياشين اللى يهديها الديوان الأميري وعلشان جذى ما يتجرأ يكتب شىء ضد معازيبه فى الوطن .
وعندى معلومة ثانية أن نبيل الطبل بعد كل سفره من سفرات معزبه يوصله صندوق سيجار كوبي من النوع الفاخر ( كوهيبا ) تدرون جم سعر السيجار الواحد 7 دنانير ، وبعد قاص علينا أنه يدافع عن فقراء الكويت .

freekuwait said...

ساحة الصوابر

قصدك هالسيجار
http://photos1.blogger.com/blogger/2665/2774/1600/DSC00059.3.jpg

3atreis said...

.


ما راح أدخل بتفاصيل وسرد طويل
( راسي يعورني )


.,’

لكن ماشالله عليج .., وصلتي صوتك
وسويتي ضجـة ;)
لا تفكرين تتكيسلين لـ لحظة

الفراشة said...

استمري للأمام

وكلنا تأييد لك

بس نبي شيء قوي عن نبيل الفضل

لآنه يفقع المراره

وسلملي على الشيخه يابلبل

بيت القرين said...

david
thanx :)

pal
6ab3an ehwa mojarrad 6abel

mtfa2el
w9al :)

aladeeb
thanx :)

ano..
khoosh mola7a'6a 6afatny :)

chi
thanx o ma tga99er 3ala motaba3tek :)

bo9ali7
2asfa wala tez3al :)

7amoody
allah ygaweek, mo hatha ehwa foog sheinhom gwat 3einhom :)

ano..
hatha 9ij wella '3ashmara

freekuwait
ma ra7 t6oofha :p

ano..
akeed tenshal hathy 7orreyyat el rai 3ndehom :)

ano..
elly a3arfah enna ehwa wel rob3y wel doiela estajwebaw 3ly el khaleefa bel 80's

butterflier
thanx :)

ma6goog
el '9aher chethy :)

bo 7amed
e 3afya erfa3 ma3naweyyaty :)

ano..
e7na lehom bass shway khallek athrab plz :)

9waber
kel hal boog o cafteria shuwaikh???

3atreis
7a'9er :)

el farasha
enshallah n6alle3 lah shay :)

ARTFUL said...

البلع بالصيف ما يونس
بس يايج الشتا .. ومعاه أخبار حامية والاكل يحلو .. وتصيرين بطة p:


الله يديم الرشاقة علشان صحتج والا الاخبار تهون أهم شي الصحه p:

se3dii

زرادشت said...

كفو يا بنت القرين والى الامام هذا الي نقدر انقوله لج