19/08/2007

منو زين إنزين

اليوم بالصفحة الاولى بجريدة الحرامية

كاتبين بطولاتهم عن إنهم حطوا خبر الزلزال
يعني شي يحسب للحرامية إنهم غطوا الخبر وهالشي من واجبات الصحافة

بس شوفوا الجذبة

بعد وقوع الزلزال الأول بربع ساعة، كان طاقم «الوطن»، مكتملاً في مقر الجريدة للمتابعة، وتم نشر الخبر على طبعة مختلفة نزل منها إلى الأسواق نحو 35 ألف نسخة

يعني درينا إنتوا تتحرون الخبر وتراكضون عليه

بس شكو الطاقم مكتمل بالله؟
يعني هل بتفهموني إن محررين الصفحة الفنية والإقتصادية والرياضية ومحمد ثلاب كانوا موجودين بالجريدة عشان صار زلزال؟

خلاص قولوا إن فريق تغطية الزلزال كان متواجدا

وثانيا شنو ربع ساعة هذي؟
شنو كل محررينكم ساكنين بمكان واحد؟
وكلهم كانوا قاعدين بسياييرهم لما صار الزلزال ؟

عن التشلخ فشلتونا؟

وبعدين هم في فقرة غريبة بعد

رأى رجال الدين ان «الزلزال جند من جنود الله وبلاء منه تعالى.. وهذا يفرض على الجميع التوبة وتجنب عصيان المولى جل شأنه والابتعاد عن كل مايغضبه».واكدوا ان «العودة الى الله تجنبنا الكوارث بمشيئة الخالق عز وجل
!!!!

شنو هذا يعني
اللي يقرى هالكلام يقول إن نيو توه طالع من ملهى ومطقوق كان قاعد يبجي عند حائط المبكى وبتر فلاير شاب نار وقاعد يعبدها وشروق قاعدة تدور دين يديد توّه نازل وانا مجابلة بقرة وأصلي جدّامها

شنو هالكلام الفاضي ليش خليتونا كفرة؟ والعودة إلى الله معناتها إن إحنا مبتعدين عنه

ترى محد مبتعد إلا اللي يرتكب المعاصي ومنها البوق يا حلوين

نروح حق تاج الرووس يكيكي

وأرد وأقول ما بيننا وبينه شي بس اهوا كاتب وخل يتحمل النقد واذا ما يبي خل يوقف كتابة عادي

المهم اليوم متعرف على هيوغو تشافيز رئيس فنزويلا

ورابطه بنواب المجلس

المهم يقول
انا مع الوزارة الشعبية بس الجيل الموجود في الحياة السياسية اليوم غالبيته فاسد ومتورط في شبهات مالية وانتماءات سياسية

مو مشكلة

بس بما أن يكيكي يقرى المدونة وعنده يكايكة يدافعون عنه

بس سؤال واحد يا ريت يكتب عنه بمقالاته

يقول الجيل الموجود غالبيته فاسد
وهذا معناته في أقلية مو فاسدة

ممكن تحدد لنا بالاسماء يا يكيكي منو المو فاسد يمكن نقتنع؟ ونعرف نناقشك


هذا الموجود اليوم وأخليكم مع

عطني بعد


8 comments:

بو حامد said...

ربع ساعه اي عادي دزلهم واحدنعرفه عدل طيارته الهليكوبتر ليش غريبه ؟

مو خبرج الكويت صارت كلها هليكبترات

والله يستر علينا ولا يبلانا لا بزلازل ولا بتسونامي ولا بغيره بس الله يرزقنا بمطر

kila ma6goog said...

طحتي علي

:<

عاد ربي استجاب لي

Bad-Ran said...

حلوة ربع ساعة هذي !!!!؟

che said...

يبون فهمونا جريده الحراميه انه الي يشتغلون عندهم قلبهم على الجريده وانهم انتشروا بمناطق الكويت عشان يغطون الدمار الي حصل

مو خبرج الزلازال الي يانا هدم بيوت وعمارات حتى ان حولي والنقره صارت براحه ولا عماره فيها

بس تبون الصج كان المفروض يحطون عنوان الصفحه الاولى

حبال تطير شوي ولا غبره شوي ولا مطر ...الساحر يه الساحر يه

ButterFlier said...

لاتقولين أسراري!!!!

وبيني وبينيج كله من مطقوقه

حمودي said...

اصلا اهم شي يكون محمد ثلاب موجود لتغطيه الزلزال بدونه وبدون ملاقته نظييع

:)

تر دزيت لج ايميل بس عشان تتاكدين انه انا :)

عبداللطيف said...

نبيل العوضي الجذاب اليوم كاتب انه سبحان الله قاعد يقرا اذا زلزلت الارض جان تهز الارض سبحان الله
والله ما اقول الا مالت علي الي مصدقينه

GPS said...

مبدعة دووووووم