22/08/2007

أنا هنا

أنا هنا

طبعا الحين كل واحد لازم يطمن الناس ان موجود إلى الآن وما خذوه الجماعة

:)

مثل ما وعدتكم ما راح أكتب إلا لما بشار الصايغ يكتب تعليق

وكتب بالموضوع اللي طاف الحمدلله

بس والله مو راضي يشتغل موقعهم الحرامية

بس أنطر يشتغل وعندي حجي وايد

عموما نعطيكم مقبلات بس

على ما موقعهم يشتغل

أمس احمد المليفي نائب المجلس داز بيان حق كل الجرايد ومنها الوطن

يقول بالبيان

لافتا الى ان هؤلاء الشباب الذين يديرون المواقع الالكترونية كأمثال موقع الامة دوت اورغ وشبكة ساحة الارادة ومنتدى الوطنية ومدونة الصفاة وام صدة وبيت القرين وغيرها من المنتديات والمدونات ذات الفكر الواضح والهادف هم من الشباب الذين لا يشك باخلاصهم لوطنهم وتمسكهم بشرعيتهم

أول شي تسلم يا بو أنس على الكلام الطيب

ثاني شي الوطن نزلوا بيان فيه مدونات وطنية ومنها بيت القرين

لول

طافت عليهم

والمحرر الله يعينه اللي نزل البيان

مخصوم عليه من فلوس الناقلات

:)

المهم هذي تصبيرة بس على ما يفتح موقعهم واعطيكم الدسم

إي صج بما اني مسؤولة المدونات اليديدة
في مدونة يديدة إسمها مختصر
فكرتها زينة على ما اظن
مروا عليها
محشش كل يوم يروح حق راعي البرد
يقول له عندك برّد بالكوسا
وكل يوم يقول له لا
مرة راح له المحشش قال له عندك برّد بالكوسا
قال: إي
جان يقول له المحشش: ويييع

2 comments:

ARTFUL said...

ويع علييييييييج

لوووووووول


منورة يا شيخه

منوره يا حجة

;D

che said...

الف مبروك على خروج بشار

والصراحه عندي كلمه حق اللواء احمد الرجيب الي قال بالمؤتمر الصحفي انه الامير و ولي العهد خط احمر

أحنا نجل ونحترم الأمير وولي عهده لانهم آباء لجميع الكويتيين

أحنا اول ناس نحترم القانون ونقدره

أحنا اول ناس نعتبر انه الدستور تاج على روسنا لما يحتويه من حريه راي ونشر

احنا اول ناس بالطليعه للدفاع عن وطنا وعدم المساس بسيادته

وأقولها لك يا سيادة اللواء مو وزاره الداخليه ولا غيرها أتيي تعلمنا القانون والحفاظ على أمن الوطن

أنتو الي يبيلكم معرفه قانونيه للقانون والدستور

والرجاء كل الرجاء التنازل عن العنجهيه الموجوده لدى قيادات الداخليه وعلى بالكم انه افراد الشعب مجرد عساكر عندكم تتأمرون علينا على كيفكم

وبالنهايه الي حصل بالايام الي طافت مجرد البدايه يا سعاده اللواء لألغاء جهازكم الفاسد والعفن المسمى أمن الدوله