25/08/2007

بشتري خط وطنية


هذي الصورة حق محمد ثلاب برؤية موقع

Lifemood

اليوم طبعا عندهم اكثر من جنازة يشبعون فيها لطم

وانا عندي أكثر

:)

على كلام جريدة اللصوص

يقولون صار لهم الحين مدة إن السعدون عنده صبيان

يمشون بامره ويتبعونه ويحركهم مثل ما يبي

حلو حلو حلو حلو

إلا ليش محل بوأحمد كل الكويت تعرفه وأشهر من روتانا؟؟؟؟



بالصفحة الاولى حاطين

السعدون.. ليش ساكت؟حتى الآن لم يعلن النائب أحمد السعدون موقفه من وزيرة الصحة معصومة المبارك بعد حادث الجهراء، رغم وفاة اثنين واصابة اخرين، وتداعي نواب كثر الى اعلان مواقفهم وهذا أثار استغراب الجميع

يعني بما ان السعدون ساكت مفروض صبيانه على حد تعبير الوطن ساكتين

واذا كانوا محددين موقفهم معناته إن إهما ما يخضعون لاوامر السعدون
عدل لو مو عدل؟

أكيد عدل

عيل ننتقل حق هالفقرة

طلال العيار - محمد الخليفة - خضير العنزي - محمد البصيري - ضيف الله أبورمية - حسين مزيد - مزعل النمران - فيصل المسلم - وليد الطبطبائي - جمعان الحربش - جابر المحيلبي - خالد العدوة - سعدون العتيبي - علي الدقباسي - غانم الميع - سعد الشريع ـ مسلم البراك ـ علي العمير، والبقية تأتي

مما نشاهده اعزائي المشاهدين بأن في نائبين من اللي أعلنوا طرح الثقة يتبعون التكتل الشعبي اللي يتبعه السعدون

وهذا دليل من جريدتكم يا أغبيا إن مو صبيان يا صبيان

إي صج ياني تعليق بأحد الموضوعات يقول لي مو مفروض أكتب أهبل او غبي

على كتاب الوطن

وانا أقول ترى أنا مو قاعده أسبهم أنا قاعده أقول واقع وبالادلة

يعني لما أروح حديقة الحيوانات وأشوف شاذي وأقول له شاذي انا ما سبيته أنا قلت وصفه أو إسمه

ماهو قصد إني أسب وهذا ينطبق على أغبياء الوطن او كتابها

بعد بعد تو الناس اليوم مطولين

الا صج إنتو مو ايام علي الجراح كنتوا تقولون ليش التازيم وما يصير استجوابات والامير قال ما يصير وعطوهم فرصة شاللي قلبكم؟؟

على فكرة ترى انا مع إستقالة معصومة وهذي مسؤولية سياسية ومعصومة لازم تتحملها

بس اللي حارني إن البصيري والعدوة والعمير والحربش

اعلنوا طرح الثقة ويا ريت ترجعون حق مواقفهم من إستجواب الجراح

أم صدّه تكفون جابلوهم بموضوع ناري منكم

أهم شي أهم شي الوطنية شمسوين بجريدة الحرامية

قررت الوطنية إنها تسحب إعلاناتها من مطبوعات الوطن وحتى من تلفزيونهم

وكل هذا عشان غلطوا على قطر

لوول

والوطن حدهم محترين مابقى شي ما كتبوه

الإفتتاحية عن هالموضوع

وحاطين ثلاث إستفتاءات مرة وحدة عن نفس الموضوع بسايتهم

وبما إن الوطنية سوت جذيه انا قررت إني أشتري خط وطنية بس ابي سعر حلو ورقم حلو ويفضل 6666666

عاشوا الوطنية والله

:)

وهم بشتري اسهمهم بالبورصة

وبحط شعارهم بالمدونة وببلاش

اذا بيدفعون ما اقول لأ
:)

إي البيلر كاتب و يكيكي هم كاتب وواحد ميت عشان أكتب عنه وما راح اكتب اسمه وليد بورباع

بس مالي خلقهم اليوم كلش

وطولت عليكم بعد

الحين السبت الياي عطلة ولا دوام؟

مطقوق على فكرة إذا ما عندك شي تكتبه حط شي عالمزاج

:)

26 comments:

هذا ولدنا said...

ليش معصومة تستقيل ؟؟؟؟؟

الا اذا صرنا ككويتيين جبناء هذا شي ثاني

شنو هذا المفهوم اليديد حق الشجاعة
!!!!!!!

التهرب من المسؤولية اشلون قايلة ؟؟
حمرا خضرا
!!!

ايهما اشجع ...
معصومة بمواجهة طيور ظلام المجلس و ارهابهم و تتحداهم بتعديل الاوضاع و عدم الرضوخ و التنازل لمتطلباتهم التافهه
(شيلي وكيل و حطي وكيل)

او

معصومة الي قاعدة مع يدتي بشاي الضحى و اتحلطم من وليد و خضير و باجي الشلة
"اذوني و لعوزوني و ما خلوني اشتغل "
!!!!!!

و الله يستر عليها

che said...

كل من يرى الناس بعين طبعه

هالمثل ينطبق على صبيان الوطن الي يشيلون جنطه خليف ويفتحون له الباب

وعشان جذيه على بالهم انه السعدون له صبيان

أما موضوع معصومه كان من الاولى انها تستقيل من زمان وخاصه يوم وافقت انها تحيل مشروع الدوائر للمحكمه الدستوريه

بس الي باط جبدي وقاهرني انه الحكومه رايحه تفقد الحريق بمستشفى الجهراء والمرضى واهلهم حايسين والحكومه تفتر بمكان الحريق وكل واحد الابتسامه شاقه ويهه ولا بدل ما يواسون المرضى واهلهم اهتموا بالاثاث ليش خربان؟؟؟

بالله عليكم هذي سالفه؟!!من الافضل انه الحكومه تستقيل بكبرها ونفتك

notes said...

طبعا اربعة من الأسماء المطروحة ممن يأيد من نواب الجهراء فحتى لو كانوا غير مقتنعين فهم سيأيدون اما عن نواب الكتل الأسلامية فسببهم معروف و هي ردت فعل طبيعية و انا مستغرب وين الباجي ما أيدوا!!! اما نواب القبائل فبعض الأسماء المطروحة و المؤيدة يفسرها لنا نظام الخمس دوائر الدائرة الرابعة
الدوحة، الجهراء، امغرة، الصليبية والمساكن الحكومية، الفردوس، العارضية، صباح الناصر، جليب الشيوخ، الاندلس، الرابية، العمرية، الرحاب، اشبيلية، الفروانية، العضيلية، صيهد العوازم، الشدادية، ومنطقة البر الممتدة من حدود الكويت مع العراق شمالا وغربا وحدود الكويت مع المملكة العربية السعودية حتى مركز المتياهة جنوبا.


بنسبة لموضوع الإستقالة فأنا ضدة و ما أعتقد ان الوزيرة مسؤلة عن ما حدث و لكن مسؤليتها تقع في التحقيق و كشف الحقائق و إصلاح و الأضرار و تعويض المتضررين و التأكد من أن لا يحصل مثل هذا الأمر مره أخرى اما الإنسحاب فهذي سقطة و ماكنت اتوقع ان تطيح فيها د.معصومة و لو ان النتيجة محسومة و السيناريو مال الجارلله راح يتكرر مع هذا انا كنت افضل المواجهه

وشكرا

Anonymous said...

This comment has been removed because it linked to malicious content. Learn more.

ساحة الصوابر said...

صح لسانك بصراحة أفحمتيهم بكلامك ، بس شرايك فى اليكيكى فى مقالته اليوم يستنجد برئيس الوزراء علشان يفكه من القضايا اللى رافعتهم عليه مؤسسة البترول الكويتية بعد المقالات اللى نشرهم وشكك بذممهم .

حمودي said...

كفو الوطنية والله زين سوت فيهم مير اطلعت اشرف من ربعنا

عتيج said...

اولا اللة يعطيج الف عافية
ثانيا ان المدعوا وليد بورباع خرابيطة وايد وصدقتي اهو مو كفو ينعطا اهتمام مع العلم انه يكتب جذي مو علشان الخرجية الي يعطيها حقه خليف كل شهر لا الموضوع اكبر هالصبي يبي يمسك الفتوى و التشريع (وحياتكم ما يفهم بالثتين)

Bad-Ran said...

ترا خليف ولد الحرامي عضو مجلس ادارة بشركة الاتصالات mtc

يعني شوفو المنافسه الشريفه وين وصلت عنده

Anonymous said...

على فكره بورباع مستشار بالفتوى والتشريع وفى وقت كان امين سر لجنة المناقصات المركزيه

Alia said...

بدعتي ... كالعادة

هالحرامية .. حاطين دوبهم ودوب السعدون .. بس المثل يقول اللي على راسه بطحه يحسس عليها

أما الوطنية فزين يسوون فيهم .. قللللللعة .. منها لأردى ان شاء الله

أصلا الوطن حرام تضيع وقتك وتقراها
ما تسوى ... حتى تفرشها سفرة وتاكل عليها ما ينفع .. تطلع كل أصباغ الإعلانات اللي معيشتها لي اليوم

kila ma6goog said...

عجيب بو رباع

تصدقين انا طول اليوم افكر شكو الوطن كاتبين عن الوطنية خصوصا و انهم منافسين مباشرين لهم كون علي الخليفة يملك نسبة بالام تي سي

و صراحة القطريين زلوم و رياييل زين سووا بالوطن , اللي يعادينا نعاديه

و عندي اشياء وايد بس هاليومين مشغول بمناسبة عائلية فمو قادر اكتب

Anonymous said...

الى بيت القرين ارجو مطالعة كاركاتير جريدة الشاهد اليوم ووضع هذه الجريده بالبال :) تحياتي

Noor said...
This comment has been removed by the author.
Noor said...

زين اتسوى فيهم الوطنيه ميتتين قهر بسهم افلوس وبوق


والخضوع للاوامر ينطبق على كتاب جريده لا وطن علشان خليف ولى نعمتهم


بالنسبه لى موضوع معصومه انا ضده شسالفه كل ما صارت مشكله باى وزاره ماعندهم حل الا استقاله والنواب ماصدقو يبون اى زله علشان يطالبونها بالاستقاله تحمل المسئوليه مواجهه المشكله مو التهرب منها والحريجه الى صارت فى مستشفى الجهرا معصومه مالها ذنب فيه لانه مستشفياتنا عفى عليها الدهر وشرب من زماااان واهيه توها بسم الله الرحمن الرحيم ماسكه الوزاره وين يمديها اتصلح

Anonymous said...

بالنسبة لأعلان الشبكة الليبراليه و طلب التصويت على أختيار أفضل مدونة لعام 2007 . يتراوى لي تو الناس على التصويت والمفروض التصويت يكون في ديسمبر 2007 . وبعدين هالشبكة الليبرالية محد يقراها والظاهر يبون يبينون للناس أنهم ما زالوا على قيد الحياة . والدليل أنهم يشترطون التسجيل عندهم قبل التصويت عشان يبينون أهميتهم بزيادة عدد المسجلين عندهم

لحد الحين مدونة أم صدة أهي المتفوقة

kila ma6goog said...

بالكويتي said...
بوسلمى افيدكم علما بأن جميع حساباتي قد تعرضت للإختراق وانا حاليا غير قادر على التواصل معكم ولهذا فأن مدونة بالكويتي الفصيح ستتوقف عن العمل مؤقتا ومن يرغب بمساعدتي أرجو منه أن ينشر هذا الخبر المؤسف حتى يعرف الآخرون انني لم اتوقف خوفا من احد مع الشكر


.


عاجل

Anonymous said...

الحقيقه انا في حيره من امري===> لووول
يعني من جهه ودي معصومه تستقيل كونها مسئوله سياسيا عن الحادثه ومن جهه ثانيه انا مع وجود امراه مثل كفائه وقدره الدكتوره معصومه في مجلس الوزراء وكونها وزيره يعني امراه ومن ناحيه ثانيه ماودي انها تستقيل عشان تونس نوريه الصبيح خو مايصير نوريه تكون بروحها بين رياييل مجلس الوزراء

عبدالله الهاجري
ملاحظه:- يبا ابي يكون اسمي بالازرق مايصير جذيه طايح حظه بالاسود وتحت ولا بعد بالخط الصغير بعدين انا موanonymous كاني كاتب اسمي شحلااااته يلا "بيت القرين" ظبطينا عشان اصوتلج افضل مدونه ...عدل اناديج "ببيت القرين" ؟!!!

mtfa2el said...

عاد تهقون فؤاد لي الحين يلبس حفاظة ؟؟
ما بقى احد عنده الا قال لبيسة الحفاظات
و السبت الياي عطلة

Anonymous said...

تقول الجريدة مسئلة سيادة وتدخل في شئون البلد !!! أقولها هذا يصير في أكبر الديمقراطيات أمريكا والمال اليهودي أو إن شئت قل اللوبي اليهودي ، وسيلة ضغط على السياسة الأمريكية .

ButterFlier said...

نااااااااااار دعلية الوطن

ARTFUL said...

شركتنا بتعطل الخميس والسبت
نزلوا تعميم
وانا ماخذ اجازة يوم الثلاثا والاربعا
برييييييح

ألهى بكيفي وانا اخوج!!؟؟ صاير وحداني بهالبيت الكل مسافر ما عندي شي غير مجابل البيت وتسنيعه للوالد القائد والوالده الحبيبه وباجي الاخوه والاخوات على ما يشرفون بالسلامه

وبعدين اذا تبين اساعدج قولي من العين هذي قبل هذي ،، بس انتي ما تقولين بس اتحلطمين
;p

nEo said...

hehehehehehe


waleed borabba3 nar ..lol

Anonymous said...

يالهيليقية محمد الخليفة ومسلم البراك
لانهم بدو لازم يسوون حركات البدو الفزعة
وبعدين مالت علي الشبكة اللى حاطه هالامثال حق التصويت
صج لا غاب العقل ارقص يا طار

وانتى بالضبط طار يصفقون عليج بس ما يندري من وين عاد

بيت القرين said...

هذا ولدنا
معصومة ناقشت الأسباب بإجتماع مجلس الوزراء

بعدين قدمت إستقالتها من باب المسؤولية السياسية
وهذا الأمر لو كل واحد يتحمل مسؤولية السياسية جان إحنا بخير

يمكن اللي بيستجوبونها نيتهم مو وطنية بس اهيا قامت بدورها

وكان يفترض إن ما تقبل الاستقالة اذا كان مجلس الوزراء شايف انها قايمة بدورها بشكل مناسب

تشي
اي والله الناس ماتت واهما يتبوسمون
وعلى فكرة موقف معصومة من الدوائر نقطة سودة بتاريخها السياسي

نوتس
راي جيد ويستحق التفكير

أنو
حلو يعني الحين لازم أطرح برنامجي الانتخابي
:)

ساحة الصوابر
ماعلى يكيكي حرج

حمودي
حطيت شعارهم
:)

عتيج
هذي معلومة يديدة
بس هم ما يستاهل اكتب عنه

بدران
أدري
ما تشوفهم سوووا مصيبة لما قالوا بتفتح شركة ثالثة

أنو
خوش معلومات

عليا
رايج نطنش يعني؟
لازم نفضحهم مو؟

مطقوق
ناطرينك

أنو
يا ريت تحط لي الرابط أو تدز الكاريكاتير ع الايميل

نور
مسؤولية سياسية مو أكثر
يعني اهيا ما حرقت المستشفى بس تحملت المسؤولية

أنو
بعد إجتهدوا الشبكة لا نكسر مياديفهم

مطقوق
علم
وقول له خل يمر شدعوة عاد
:)

عبدالله
روح على موقع
blogger.com
وسولك أكاونت

متفائل
ماكو قده
:)

أنو
خلهم ينابحون من يسمع

بتر
شنو يعني دعلية؟
:)

أرت
ما تبي تاخذ اجازة سنة بعد
ليش مدلع روحك وايد؟

نيو
ناطره منكم موضوع

أنو
تسلم ما قصرت يالموهيلقي
:)
بس لا تنسى تصوت لي
:)

ButterFlier said...

looooooooooooooool


دعاية

AyyA said...

اعتقد ان استقاله الدكتوره عين العقل. ففي ايه دوله متحضره يستقيل الوزير عندما لا يتمكن من اداء واجبه علي الوجه الاكمل. و كيف يمكن للوزير القيام بواجبه و عصاه النواب الاستغلاليين خلفه؟ الموضوع لا يخص حريق مستشفي الجهراء. الموضوع يخص بلد يحتضر و بنيته التحتيه تتهاوي. اتصور انه من الواجب علي كل وزير و كل مسؤل شريف تقديم استقالته للتعبير عن سخطه من الاوضاع الراهنه. و لتقديم الفرصه لمن لديه الامكانيات الاداريه و الفنيه لانقاذ ما يمكن انقاذه