23/08/2007

الطبل وصل


هذا الإعلان ينحط بالوطن ومطقوق يبي يعرف قصته

وعشان احرق المفاجاة على الوطن

هذا إعلان قناتهم

وإذا كان الثوب ثوبكم ورقعته إنتوا لا طبنا ولا غدا الشر

يعني الحين مستعينين بخبير الخبراء

وبطل الأبطال

والمغوار الهمام

نبيل الفضل

كاتب مقاله اليوم بعد انقطاع كان مريحني من كمية الغباء اللي ينشرها بمقالاته

يعني اللي بمنجم الفحم يعطونه بدل خطر عشان صحته

انا والله ترى احتاج بدل غباء

على اللي اشوفه منهم

يقول

وهذا الأمير اهم واعلى من الدستور، بل ان الأمير، وبالذات امير الكويت، هو رئيس السلطات جميعا، وهو من يعلق الدستور ويحل مجلس الأمة ويقيل الحكومة متى ما استعدت مصلحة البلد ذلك

هل نسيت يا بلبل إن الدستور يقول إن الامة مصدر السلطات

وثانيا إن الامير تحدد مهامه من خلال الدستور

وإن إختيار سمو الأمير صباح الاحمد كان وفق الدستور

وإختيار الامير المقبل أيضا وفق الدستور

بلبل مو بكيفك

امرت النيابة العامة امن الدولة بالقاء القبض على صاحب الموقع الالكتروني والتحقيق معه لمعرفة كاتب ذلك المقال البذيء. وهكذا فعلت ادارة امن الدولة، واثناء القبض عليه لعدم تعاونه بالحضور كما طلب منه، كان معه صديق مشاغب تهجم على رجال امن الدولة بعدما حاول تصويرهم

ممكن تشرح لي شلون حاول التهجم على امن الدولة بمحاولة تصويرهم؟

يعني طقهم بالكاميرا مثلا يعني ولا الفلاش عور عيونهم؟

ولا شنو بالضبط

كل ما تم كان ضمن القانون والاجراءات وبشار الصايغ اعترف باسم كاتب المقال »الزفت« الذي تدافعون عنه، وتم اطلاق سراحه

ندافع عن منو ألحين عن بشار ولا كاتب المقال الزفت

إحنا دافعنا عن بشار وكاتب المقال الزفت ما عرفنا منو إلا من الجرايد

وبنظل ندافع عن بشار لان الإسلوب اللي صار غلط

وثانيا أبي افهم إنتوا الحين مع وزارة الداخلية ولا ضدهم؟

ان واجب امن الدولة ووزارة االداخلية ان تقاضي صاحب بشار على مقاله المسيء لرجال أمن الدولة
خلاص خل يقاضون ونشوف الحكم حق منو

وشعب بوسالم هو شعب بوناصر


منو بو سالم؟
وشمعنى بو سالم؟
وليش بو سالم؟

وثانيا تعال ما تقول لي منو اللي نص على إن الذات الأميرية سامية

مو الدستور يا طبل؟

حالت رحلتنا البحرية في عباب البحر المتوسط عن متابعة قضية هذا المقال الحقير وتداعياته السياسية المخجلة، فاعذرونا على التأخر في الرد على صفاقات مقاولي التأزيم، ونعود الآن الى بياتنا الصيفي

شتسوى عليك يصير فيك اللي صار بتايتنك؟

وترى مصطلح بيات صيفي ينقال حق الحيوانات

ليش تستخدمه حق روحك؟

كتبت نكتة ومحد عبرني امس
وبعيدها اليوم مدونتي وكيفي

محشش كل يوم يروح حق راح البرد يقول له عندك برّد بالكوسا ؟
راعي البرد يقول لأ؟

على يوم راح وقال له عندك برّد بالكوسا
راعي البرّد قال إي
جان يقول المحشش: ويييع

يكيكي

وتاليها يعني

ما وراي شغل غيرك؟

ترى خميس شتبي كاتب ؟

أساءوا للذات الأميرية ولم نسمع تصريحا من رئيس الحكومة ولا من نائبه الأول ويوم انتقدوا مستشارك في مجلس الأمة يا معالي الرئيس عقدت مؤتمرا صحافيا عشانه، وتبوني أسكت وتبوني أهادن؟ قسماً عظماً وقفتي ضد اللي قاعد يصير لو على رقبتي يا حكومة

منو اللي أساء

مو بالنيابة ماخذينه

شتبي إنت

وشنو تبوني اهادن هذي
من طلب منك مهادنة

شدعوة الزير سالم؟؟؟

وكاتبين لك على الطوفة

سالم لا تصالح

عيب عيب إستح شوي

إي في واحد إسمه يوسف يدز لي إيميلات
أقول له ما قصرت وصدقني أستفيد منهم مو تتحبط إذا ما كتبت عنهم شي
واصل معي يا زين لا تقطع

27 comments:

Anonymous said...

Wala Hal 7ayalah kil youm wil thani enaqthoon a3marhum ,, qeemathum bain il nas ra7at . bas wala kafu 3alaich , oo zain etsaween feehum , wala eni
7abaiitich bidon la a3arfiich ;P
o 3asach 3al guwa . ( ana kil youm adiish o ma 7a6aiit comment ela youm ti7al6amtay ;P )

Bo Jaij said...

تعليقات سريعة و خفيفة ليوم الخميس


شى حلو و يفرح القلب أن تكون معلومات ضبط و إعتقال الخاصة بأمن الدولة متوفرة بكل تفاصيلها عند كاتب مقال درجة تاسعة توه راجع من رحلة بحرية بالبحر المتوسط

و هالمعلومات التى إنفرد بها الكاتب العبقرى لم تكن متوفرة حتى لوكيل بالداخلية سعادة اللواء الرجيب الناطق الرسمى و اللى ما قال شى ببيان الداخلية غير محاولته لتحفيظنا مواد الدستور


معلش بس ندرى إنه بشار و جاسم إمعورينكم حيل و بالصميم بمقالاتهم و مدوناتهم و مساهماتهم الكبيرة بحملة نبيها خمس و بتغطية محاكمة سراق المال العام


قناة الوطن حاليا يعرضون لقطات تصوير برامجهم و مقابلات خلف الكواليس

الشى الحلو إن تصوير كل المقدمات و الدعايات أو البروموز قام بها فريق أمريكى بطن و ظهر من لهجتهم النيويوركية المعهودة
و شاهدت عامل الصوت و هو هندى يشبه سايقنا القديم

الكويتى الوحيد هو المخرج قبازرد و كان يعمل بتلفزيون دبى


و ما راح أتكلم عن البنات اللى لابسين دراعات و أثواب رقص

و أترك الحكم لكم...حفاظا على قيمنا

Anonymous said...

looool

badda3taai ...:D


bas al nektaaaa bay5aa ;/

UmmEl3yal said...

LOL .. Thank you for clearing the ad. dilema .. Mokhi ra7 b3eed :)

Yasheen elthoob eli hom reg3ita!

Bada3ti as usual !

حمودي said...

نبولة هذا مصيبه
انا ماحرني الا لم قال ان الامير يقدر يعطل الدستور فهمني شلون ؟؟؟


اما عن النكته فلوووول :)
باثر رجعي كوز انا امس ماقريت الي كتبتيه


وقواج الله
بس هم ارد واقول ماينلامون دام ان المزيون بيرق ولد البواااااااق علي الخليفه الصباح رئيس تحريرهم

ساحة الصوابر said...

ما الذى تتوقعون من واحد كذاب يحور الحقيقة إلى تدليس ؟ ما الذى تتوقعون من واحد همه ودينه النفاق على حساب المصداقية ؟ أعيدوا قراءة مقاله ( الزفت ) وسترون كم كبير من الكذب الواضح .
على فكرة ما سألتوه وين أمضى اجازته الصيفية البحرية أكيد على متن سفينة كويتن اليزابيث !!!!!!!!!!!!!!!!!!

GE&B said...

Hmmm...now I'm just confused...I honestly thought the ad was a campaign to get recovering addicts married.

But what had me running to your blog was this sentence:

قسماً عظماً وقفتي ضد اللي قاعد يصير لو على رقبتي يا حكومة!

Laa laaa ya inta! Ya ba6al! Ya "9awi! At3ab wallah at3ab min il7achi il"9awi...ma anam il lail...*heart fluttering*..tikfoun ra7matan fi 7ali 5el iba6il mawa"9fa il"9awiya! 7aachoooooooo!

che said...

اه من بلبل ويكيكي الظاهر يبون يحطون راسهم براس رئيس الوزراء

واهم خذوا من قضيه بشار جنازه عشان يشبعون فيها لطم

والصراحه ما استبعد انه الي صار تدبير من امن الدوله

وبالنهايه اقول حق بلبل ويكيكي

ترى الثواره من الله

Anonymous said...

إقتراح برغبة : تغيير إسم نبيل بك الفضل إلى بوطبيله لأنه وايد مزعج بس محد يدري شنو يبي حتى جماعته متعومسين مو عارفين شيبي بس هادينه هدد يمشي ويدعم بكل صوب مثل الخروف النعيمي , أما كلامه عن بوسالم فأعتقد يقصد المرحوم الشيخ صباح السالم لأنه يوم رد من سفرة العلاج / والي توفي عقبها / لما مشى في مسيرة مع الناس وشاف الشعب شلون مستناس جان يقول قصيدة رحمة الله عليه ومطلعها / أنا وشعبي كلبونا جماعة / وهي قصيدة تمثل مشاعر صادقة من الحاكم للمحكوم وهل بوطبيلة فطن لهالقصيدة ؟ الله أعلم , ونلاحظ بأن بوطبيلة بالآخر يقول برجع حق البيات الصيفي .. مثل الحيوانات المو أليفه لا يكون ورر ولا ضب ؟

Anonymous said...

إقتراح برغبة : تغيير إسم نبيل بك الفضل إلى بوطبيله لأنه وايد مزعج بس محد يدري شنو يبي حتى جماعته متعومسين مو عارفين شيبي بس هادينه هدد يمشي ويدعم بكل صوب مثل الخروف النعيمي , أما كلامه عن بوسالم فأعتقد يقصد المرحوم الشيخ صباح السالم لأنه يوم رد من سفرة العلاج / والي توفي عقبها / لما مشى في مسيرة مع الناس وشاف الشعب شلون مستناس جان يقول قصيدة رحمة الله عليه ومطلعها / أنا وشعبي كلبونا جماعة / وهي قصيدة تمثل مشاعر صادقة من الحاكم للمحكوم وهل بوطبيلة فطن لهالقصيدة ؟ الله أعلم , ونلاحظ بأن بوطبيلة بالآخر يقول برجع حق البيات الصيفي .. مثل الحيوانات المو أليفه لا يكون ورر ولا ضب ؟

البرزنجي

Anonymous said...

هاااهاهاهاها القووووووووص
روعه روعه يا بيت القرين اي حيلج فيهم
تعليقاتج مو سهله ولا اعتقد انه خيال بنت
ما عليينا بس اعجبتني صج
سالم لا تصالح
هاهاهاهاهاا
روعه

Anonymous said...

عقوا القوس مو القوص

Noor said...

اليوم قريت مقالته الغثيثه وايد يرخبط بالحجى هذا لازم يبيت بيات مثل الحيوانات مو بس شتوى صيفى وخريفى وربيعى و طول الدهر

aziz said...

مالي شغل بالسياسه، وماني متكلم عن السياسه ولاني ولد عايله ولاني ولد ناس واصلين. فتكفون فججو عني مالي شغل بشي من اللي قاعدين تقولونه

بس بموووت ودي اقول شغله وحدة عن اعلان الوطن لأنه بصراحة ماقدر امسك نفسي اكثر من جذي...
فا بليز بليز يعني بليز
لاتفهموني غلط. اوكي؟

والله ماراح اقط نغزه... واللللللله مافي نغزات ولا تلميحات ولا اي شي

اللي بقوله، مو شي مضحك انه اعلانات تلفزيون الوطن تقول حلاة الشي رقعته منه وفيه ولكـــن الفنيين اللي فيه اغلبهم اردنيين؟ واجانب؟

kila ma6goog said...

سلام

مشكورة أيتها الفتاة المشاغبة على توضيح قصة الاعلان

مشكلة الكويت انهم قوم بو هبة يعني بلشت الوطنية باسلوب التيزنج أدز أيام ما غيروا شعارهم الى أحمر في الأحمر يعبر , ثم الأم تي سي مع البلاك بيري و الأسود مدري شنو و الآن الوطن بحلاة الثوب رقعته منه و فيه

لو مسوين دعاية قحفية أبركلهم


بالنسبة لقصة بشار و جاسم أعتقد ان جماعة أمن الدولة غيروا من استراتيجيتهم في المراقبة الى المراقبة و الرد على الاتهامات و يمكنكم مراجعة التعليقات في ساحة الصفاة لاستشعار ذلك

واضح ان وقفة الشعب و النواب جابت أثرها و الجماعة مستنفرين لحماية قلعتهم العتيدة كون تهديدات المجلس للوزير واصلة من قرطبة الى زيورخ و الكل متهدد عليه كونها قضية سهلة و محسومة لصالح المستجوبين

حتى أسهل من سالفة استازي و استشيره

أنا شخصيا سعيد بهذا التفاعل و بالعكس عالأقل الآن نفهم بعض و نقدر نتفاهم بشكل مباشرة و نقرب وجهات النظر

في السابق كنا مرتابين منهم و هم أكيد مرتابين منا ,عموما , نتوقع بداية فصل انتخابي صاخن جدا جدا و موقف وزير الداخلية لا يحسد عليه

طبعا بلبل و يكيك لا يحتاجون الى رد و تعليق فهم كمن تقول له الليمون حامض فيرد عليك بأن الموز يسبب امساك

لابو الموز لابو البرتقال فوق اسلوب مقالاتهم الوسخ

عموما كما قلت نحن نعيش في فترة مثيرة جدا و لكني أثق بشبابنا و شعبنا و العقلاء- فقط - من أسرتنا الحاكمة

و الله المستعان

هذي يديدة

Anonymous said...

غريبة ما كتبتى عن اراء المدونين فى جريدة العفن
الخميس

فريج سعود said...

اولا انصحك انك تتخيل انك قاعد تكتب مقاله بيت القرين بتحللها علشان لا تفشل نفسك
----
والله العظيم نبيل قام يخرف ويخربط اتحس انه هذه مو مقالاته اشكره معطينه اوامر
ولا شلون الامير اهم من الدستور ورئيس السلطات ويحل المجلس وغيره مو هذي كلها حقوق الامير الي اعطاها اياه الدستور صارت نفس سالفة الدجاجة والبيضة يا المخرفجي كل الي تقوله من حقوق للامير ماخذها من الدستور
وبعدين تعال شلون حكمت على ان التداعيات كانت مخجلة ورحلتك حالت دون متابعتها
فهمني
واخيرا منو الي قالك ان امن الدولة طلبوه وهو ما راح هذا ورحلتك حالت دون المتابعة
خرابيط بخرابيط

Bashar said...

صباااح الخير ..

ماكان ودي أرد على نبيل الفضل احتراما لعقلي :) لكن رد سريع مافيه مشكلة ..

يقول نبيل .. ان بشار لم يحضر أمن الدولة حين طلبته لذلك قامت بالاعتقال .. حلو .. وايد حلو، ليش وكيل الداخلية بالانابة الرجيب ما ذكر هالكلام بالمؤتمر؟ :)

يقول نبيل .. أن بشار اعترف باسم كاتب المقال!! همممم .. ما أدري اذا كان نبيل كان حاضر التحقيق!!

لو اتكلم .. أخلي المحيلان والرجيب يستقيلون .. بس ناطر القضية تنتهي وسوف أزود لجنة تحقيق مجلس الوزراء اذا شكلت فعلا بكل المستندات :)

تحياتي

Bo Jaij said...

Bashar

ثق تماما بأننا نأخذ كل كلمة يقولها كاتب بجريدة الوطن و نعكس معناها ...لنحصل على الحقيقة


و بالتالى مقال نابّييل - كما قالها على البريكى بمحكمة الفريج - نعتبره شهادة لا لبس فيها و لا شك على مصداقية كل ما ذكرته أنت و الزميل جاسم القامس....و أيضا تكشف عن مدى الضرر و العوار الهائل إللى سببتوه لهم من خلال كتاباتكم و خاصة بتغطية محاكمة سراق المال العام

يا أخى تدرى إن قناة الوطن كان المفروض تنطلق ببث برامجها قبل شهرين...لكن بفضل الحملة المباركة ضد حرامية الناقلات و ملاك جريدة الوطن...إنعفسوا فوق تحت و مو عارفين متى تهدى الأوضاع حتى يبلشون بالبث

هالمعلومة من أحد ((زملاءنا)) العاملين حاليا بقناة الوطن

Anonymous said...

حلوه الزير سالم

ابو شملان said...

ههههههههههههههههههههه

تبين الصج اللى يضحكنى اكثر من النكته


كلام يكيكى


صج صج هذا النكته


يعطيج العافيه على مجهودج

ابو شملان said...

ههههههههههههههههههههه

تبين الصج اللى يضحكنى اكثر من النكته


كلام يكيكى


صج صج هذا النكته


يعطيج العافيه على مجهودج

GPS said...

بوسالم كانت تطلق على الشيخ عبداللة السالم ايام تهديد عبدالكريم قاسم للكويت وكانو يقولون يابوسالم عطنا سلاح

AyyA said...

لول بدعتي
بس اعتقد ان بلبل مو مناسب، بلبول يلوق اكثر عليه، و لا يروح مخج بعيد
البلبول تصغير للبلبل
و الله اعلم

بيت القرين said...

انو
اي عفيه كثر من التعليقات

بوجيج
ويقولون رقعته منه وفيه

أنو
لا حلوة انت ما عندك ذوق
:p

أم العيال
مشكورة ماما

حمودي
المزيون بيرق ابوه مفتشل يشيله

ساحة الصوابر
شدعوه عارف الموضوع
مسج ياله من ولد معزبه وقال له اكتب

جي
ماعلى المجنون حرج
:)

تشي
اي والله الثوارة من الله

أنو
بوطبيلة كان له اسباب اخرى باختيار بوسالم دون غيره

أنو
دوم تضحك يا رب

نور
صدقتي نرتاح والله اذا طول بياته

عزيز
والله خرعتني اول شي
يبا هذيل الجذب عادة لهم
توقع منهم كل شي جذب

مطقوق
حجي عود شالسالفة
والله المستعان بعد
:)

أنو
ساعات تطوفني شغلات نبهوني عليها بس

فريج سعود
طبعا خرابيط شنو نتريا من امثالهم غير الخرابيط

أنو
حاضرين للطيبين

بوشملان
الله يعافيك ويسلمك

جي بي اس
اظن قصده صباح السالم

بيت القرين said...

آيه
ما يروح بعيد
وهم ينفع خلاص اعتمده
:)

Q8i_Blogger said...

لووووووووووول

والله طول الوقت وانا افكر شنو الدعايه هذي
صج حرقتيها عليهم
معلومه حلوه

على فكره الاعلان في بدليه وعدلوها
شوفي اهني
http://freeze-q8.blogspot.com/2007/08/blog-post_15.html

وموضوع آخر جميل ... لا يوقف :)