24/08/2007

رد بشار

ماكو شي اليوم وإجازة عاد مصخوها

بس البيلركاتب بمقالته

رئيس مجلس الامة «السابق» النائب «احمد السعدون» طالب ـ ومعه عدد من «الارزقية» من اعضاء كتلته ـ بالغاء.. «جهاز امن الدولة» لأن عددا من «اليهال» في صحيفة «الجريدة» قرروا ان يكونوا.. «سعد زغلول» و«مصطفى كامل» و«جمال عبدالناصر» و.. و..!! من المؤكد ان «السعدون» يريد تأسيس جهاز امن دولة ـ قطاع خاص ـ بنظام الـ (B.O.T) ليتسلم مجلس ادارته النائب.. «محمد الصقر» والذي سيختار له موقعا يطل على البحر مثل مدينته.. الاعلامية!! و.. «ان لم تستح.. فاصنع ما شئت

مالي خلقك وما تستاهل تعليق حتى لأنك سخيف وجابل نهلة سلامة احسن لك

أخليكم مع رد بشار وايد أحسن

Bashar said...
صباااح الخير
ماكان ودي أرد على نبيل الفضل احتراما لعقلي :) لكن رد سريع مافيه مشكلة
..يقول نبيل .. ان بشار لم يحضر أمن الدولة حين طلبته لذلك قامت بالاعتقال .. حلو .. وايد حلو
ليش وكيل الداخلية بالانابة الرجيب ما ذكر هالكلام بالمؤتمر؟ :)يقول نبيل .. أن بشار اعترف باسم كاتب المقال!! همممم .. ما أدري اذا كان نبيل كان حاضر التحقيق
لو اتكلم .. أخلي المحيلان والرجيب يستقيلون .. بس ناطر القضية تنتهي وسوف أزود لجنة تحقيق مجلس الوزراء اذا شكلت فعلا بكل المستندات :)تحياتي

14 comments:

q8y_saint said...

هذا الي المفروض و المفروض بعد
القامس يرفع قضية عليهم عشان الكل يعرف ان الديره فيها قانون نمشي عليه كلنا و محد فوقه

om-bukhnag-zare :) said...

البيلر من اشباه الرجال تصدق عليه مقولة
ان طلع العيب من اهل العيب ماهو عيب

وحسافه فيه التعليق
لأن ما يسوى علي ياخذ حسناتي وآخذ سيئاته


:)حافظج الله يالغالية

Anonymous said...

إلا شسالفة تملك قطر للوطنية للإتصالات وإستخدامها كعقاب ضد الإعلام الكويتي .. شسالفه؟

Anonymous said...

يحليلة فؤاد الهاشم صايد الدنيا كلها

مواجهة said...

هالعصاعص إن ذلف واحد منهم يقوم الثاني!! و الله بلشة !

Shurouq said...

بيت القرين
آنا بس مارة أسلم :)
عليك وعلى زوارك الكرام

وقرت عيننا ببشار وجاسم

زرادشت said...

هذا الي ناقص أنرد على البيلر وربعه من اشباه الرجال

زين سويتي انج مارديتي عليه

mtfa2el said...

هذا شيبي
مو كان غرامه سمية الخشاب متى غير حق نهلة سلامة ؟؟

Anonymous said...

والله يا اختي مدونج حاطها بالمفظله عندي صارلي شهرين تقريبا وكل يوم لما ارد من الدوام لااازم اقراها وهذا اول تعليق لي اتمنالج التوفيج .....على فكره دمج وااايد خفيف وهذا الي يميز مدونتج :)
اخوج /
عبدالله الهاجري

ARTFUL said...

بس داق قصدي كاتب أسلم

لهيت عن النت بالويك اند

:)

يعطيج العافيه

San Podesta said...

اعلنت جريدة الوطن افلاسها الفكري من خلال افتتاحيتها التافهة اليوم (يعني ياتحطون اعلانات والا نسبكم) صج منطق

بيت القرين said...

ساينت
صدقت والله

أم بخنق
تسلمين حبيبتي
:)

أنو
محترين ماكو اعلانات
:)

حمودي
السيجار وما يسوي

مستحي
ماعليك احنا لهم

شروق
هلا بالغالية بنت الغالي
شكو؟
بس حبيت اقولها
:)

تشي
حاضرين للطيبين

متفائل
لا نهلة قبل سمية مادري شعاجبه؟

الهاجري
عاد لا يكون آخر تعليق
والمفضلة جذيه تنكتب
:)

أرت
إي يبا اي الهى وانا بس ولبي أجابل الحرامية
:)

سان
تصرفت معاهم
:)

كــويـت الـيـوم said...

الراقصه فؤاده الهاشم

والدمبكجي نبيل الفضل

واللي يلم النقطه رسام الكاريكاتير ثلاب

للأسف جريده زباله واللي يكتبون فيها زباله واللي يشترونها زبالين

Anonymous said...

للأسف جريده زباله واللي يكتبون فيها زباله واللي يشترونها زبالين

كويتي

الله يهداك عاد الي يشترونها زباليين ليش عاد انا اشتريها لما يكون غدانا ميد او صبور عشان نفرشها فوق السماط(عدل سماط بال س او لا ص ) ؟