21/06/2008

أبطال الفروانية + شخصية الإسبوع + إعلانين


تحديث
::::::::::::::::::::::

باجر الأثنين أكو حلقة نقاشية تحت عنوان

تعريف الظواهر السلبية

بمشاركة صالح الملا وبسام العسعوسي ومحمد هايف وجمعان الحربش وحسن جوهر

بجمعية الخريجين الساعة سبع ونص

هذي الندوة من تنظيم اتحاد طلبة الكويت فرع امريكا

أول ما تخلصون من الندوة تردون بيوتكم تنامون وتقومون الصبح يوم الثلاثاء

وتروحون تجمع بعنوان

لأجل برلمان يحمي حرياتنا الشخصية والمدنية

أمام مجلس الأمة من الساعة 8 ونص ليما العشر

:::::::::::::::::::::::::

هذا خبر بالراي اليوم بعنوان

أبطال «الفروانية» حرروا رهينة احتجزها 3 بنغلاديشيين في شقة اتصالات

وأخليكم مع الصور وشوفوا

يكسرون الباب المفتوح واللي مو ضابط يبتسم

بس لاحظوا ان داخل اكو ثلاثة بس داشين عليهم اثنين

عاشوا ابطالنا



الرهينة مفروض اهوا بو بيجامه زرقاء

والخاطف لابس ابيض ويبي يطق الضابط بعصا مخمة

والعسكري الثاني دش داخل شلون عبر بهالضيج مادري بس خنشوف شيصير



الخاطف يفلت من العسكريين الاثنين وينط من الدريشة

وينط له سمير سعيد ويجقده من قميصه

ولاحظوا العسكري الثاني بعيد عن مرمى الحدث



سمير سعيد يطيح على الارض

يعني مفروض ان فلت منه الخاطف لكن وصل الضابط وصاده ويبين عندكم شلون الخاطف مو قادر يفلت لأنه الضابط قاعد وماسكه من غولته شلون يفلت ما يصير

اللي عاجبني بالسالفة ان المصور من كل مكان مصور الاحداث يعني دش وياهم وبعدين راح بره عند الدريشه قبل لا يوصل سمير للدريشة يعني المصور عنده حدس قوي
باللي بيصير



الحين صادوه برّه ابي شلون يعني ردوه داخل من الدريشة مرة ثانية؟؟





ويتم إدخال الخاطف بعد ما بدل هدومه للدورية





شنقول يعني بالذمة

عساكم عالقوة داخليتنا

فيصل المسلم وعادل الصرعاوي ومسلم البراك ومحمد المطير وناصر الصانع

ينّيتوا؟؟؟


شنو حبس ومحّد يعبر عن رايه

وما يصير احد يطالب بحل غير دستوري

خو عادي كل واحد وكيفه

بالذات الصرعاوي والبراك

يعني إحنا نقول بالعاده إن حضراتكم تملكون من الموضوعية الشي الكثير

ليش تقولون جذيه؟؟؟

تعوذوا من إبليس وإعتذروا وسحبوا أساميكم من الإقتراح


ماعندي اشياء وايد اقولها اليوم

بس هذا اللي عندي

وشخصية الاسبوع

هذا الدقيقة المينونه ويننت الكويت معاها

الله كريم




18 comments:

Anonymous said...

يعني جريدة الراي صراحه حدهم مصخوها مع هالأخبار التافهه ... المصور الحين تنهال عليه العروض من
Reality TV
---------------------------
الاقتراح المذكور أعلاه على الأقل أهون من الاقتراح بإنشاء مستشفى لعلاج الليزبيان والجنوس ... بس مادري شلون يعني راح يعالجونهم .. يلحقونهم بالشارع ويصيدونهم؟
---------------------------
لا يكون بس ليزبيان كلمة إباحية واتحولوني على لجنة الظواهري .. قصدي لجنة الظواهر السلبية
تدرين ليش ركزوا على كلمة سلبية .. لأن أعضاء اللجنة متخصصين في سلب حريات الناس

مو جنه تعليقي صار اطول من البوست؟
خل اروح اكمل مباراة هولندا - روسيا ...
بيضوها يا أبناء لينين :)

Anonymous said...

لووووووووووووووووووول
وين وحش حولي عنهم

Anonymous said...

7esnay el neya yemkin fe mo9awir bara o mo9awiir da5il shfeech nesaiitay hathool FSPD ;p

ya36eech el 3afya :)

أنا كويتي said...

هذا درس لقوات السوات تيم الأمريكية في عمليات الإقتحام وإنقاذ الرهائن
:)

أمابخصوص تجريم المطالبة بحل الدستور, فأنقل ما قاله المحامي محمد عبدالقادر الجاسم:-

"هل يجوز تجريم (التحريض) على ارتكاب فعل من دون تجريم (الفعل) ذاته؟

http://www.aljasem.org

Mohammad Al-Yousifi said...

سبقتيني

راعي تنكر said...

لووول
احنا مو مودر ضباطنا الا
mbc action

secret said...

بدل هدومه و حلق شعره

بس يستاهل لان كان بيطق الشرطي بالعصاية و هو قاعد .. مو الباب لما ينكسر ما يطلع صوت

فهو تفاجئ شافهم عنده داخل الغرفة


مع انه حاط الستكرز مال (محمد (ص) في قلب كل مسلم)

و الصورة الثالثة في باب داخل الغرفة ولا يتراوالي؟

Bad-Ran said...

LOOOOOOOOOOOOOOOOOOOOOOOOOOOOOOOL
شهالفلم الكوميدي

AyyA said...

سؤال
وين الاثنين البنغلاديشين الاخرين من (ثلاث مختطفين)؟

kuwaitforus said...

اول ماقريت الخبر فرشت من الضحك

بيضحكون علينا ولا شنو ؟؟؟

secret said...

سؤال تكفون

المو ضابط

شقاعد يسوي بالصورة الثانية؟؟؟

Anonymous said...

اقصد اسد حولي
------------
من كثر الوحوش والاسود ماقمت افرق
;p

nEo said...

ah ya galbee 3ala hal degeeega

مريم الموعذراء said...

الصوره الرابعه شنو يعني ؟
الشرطي مبوبز وماسك المجرم باييد وحده هل مايقدر ينحاش من القبضه الحديديه مثلا ؟
--------------
وبعدين اهم شي ان الي المجرمين حاطين استكرز محمد في قلب كل مسلم
;Pp

فتى الجبل said...

اخاف هذا الجزء اليديد من الخطر معهم

MARSHAL Q8 said...

انا مستعد اقرى كل اخبار جريدة الراي السخيفة و المفتعله ..

ومستعد احطهم ببوستي للابد ..

بشرط واحد

تتغير مجريات الدقيقة اللي تحت .. :(

عنصر وطني said...

الحجي بصوب والفلم البنغلاديشي بصوب

والمصيبة اختطاف فالكويت

بوشملان said...

لمن لم يحضر المناظرة بين د جمعان الحربش وحسن جوهر ضد صالح الملا وبسام العسعوسي

ويريد معرفة ماحدث بالتفاصيل المهمة والمداخلات الجماهيرية النارية

شوووووووووف



http://m3m3ah.blogspot.com/2008/06/blog-post_24.html



لا يطووووفكم



ارسلها لنحافظ على دستورنا من الباصات الدخيلة