08/06/2008

أوه يالازرق

مادري خايفه وايد من خسارة يديده الله يستر
و أكتب الموضوع قبل مباراة المنتخب خل ندعي لهم الله يوفقهم يا رب
واكتب هالموضوع بالازرق عشانهم

عموما مثل ما وعدتكم كل يوم بكتب موضوع ومثل ما قلت لكم راح يكون قصير

عاجل كاتب رسالة لسمو رئيس الوزراء عن ما يحدث من دون علمه يرجى المرور

واللي يعرف رئيس الوزراء خل يقول له

سؤال قبل لا اجابل جريدة الفتن

اشوفهم يحطون مسلسلات قديمة مثل بو مرزوق ومدينة الرياح

وهم يحطون اغاني قديمة سواء ابيض واسود او ملون بس قديمة

وتلفزيون الوطن ما صار له سنة يعني ما عنده ارشيف

السؤال هل دافعين فلوس او مقابل ادبي من مصدر موادهم الاعلامية

ولا خليفة سر أبيه؟؟؟

اليوم نائب الدائرة الثالثة والكاتب في جريدة الوطن وليد الطبطبائي كاتب عن الفيس بوك مرة ثانية ومتوجه على ناقتي يا ناقتي بعدها

بس عجبني بهالفقرة

قيمة هذا الموقع بمليارات الدولارات لدرجة ان مايكروسوفت اشترت فقط %2 من حصة «الفيس بوك» بمبلغ يصل الى نحو 240 مليون دينار.. تخيلوا.. وكذلك تقدر قيمة شركة «الفيس بوك» 15 مليار دولار

اهم شي 240 مليون دينار

زين ما قال مقترضين بنظام المرابحة مرة وحده

انزين الحين على طاري المرابحة اهيا شنو الفرق بينها وبين الربا اللي يحاربونه؟؟

ما افهم بهالانظمة عدل بس اللي يعرف يقول لي

لأن اشوف ان ما طاح الا انبطح

المهم نائبنا يكتب بطريقة كوميدية تعكس خفة دمه ويقول عن الانترنت

ان هذه الظواهر الجديدة تستحق اهتمام المختصين في المجتمع الكويتي من علماء اجتماع وباحثين ودعاة واكاديميين وبحث جوانبها الايجابية.. والتحذير من جوانبها السلبية.. ويرجى من العلمانيين الامتناع عن بحث هذا الموضوع لانه لا يوجد في قواميسهم ظواهر سلبية، وربما يعتبر الشيطان الرجيم الذي يوسوس في صدور الناس من الظواهر الايجابية غير الدخيلة على المجتمع الكويتي

ممكن تناقشون بلجنتكم الجوهرية ظاهرة الارهابي الفخور البذالي

وارجع يا وليد حق جريدة الجريدة وشوف

ويا ليت تعطونا راي اللجنة

واتمنى ما يكون اجتهد فاخطا

ولا يا جماعه واحد يقول انا دربت اللي روّعوا اهل الكويت قبل سنتين مادري ثلاث ورموا واحد من الضباط وقتلوا واحد ثاني

ويقول دزيت ولدي يدمر بديرة الجيران

والكل يطالع وكأن شيئا لم يكن

على قولة نجاة الصغيرة

صج شروق اذا عندج ايظن مالت نجاة يا ليت تدزينها لي

على فكرة أم صدّه نزلوا موضوع اليوم أخيرا وبعد انقطاع

خنشوف احمد الفهد الكاتب الطائفي المليق

اثار مقالي السابق »انطلاقة جيدة لاسطبل التحالف الوطني«.. اثار حنق شباب الانترنت، فارسلوا رسائلهم البريدية، لاستنهاض همم الكتاب للرد علي! لهؤلاء الشباب وغيرهم اقول، بدلا من اضاعة الوقت بارسال رسائل الشتم.. التحقوا باسطبل التحالف وتمرنوا جيداً للسباق ولكن على مضمار »البغال« اولاً

يعني من صج بنترجى الكتاب للرد عليك

ترى والله احنا ما نتنرفز الا من ملاقتك

يعني حرام ديره فيها عبدالحسين وسعد وحياة و النفيسي

تكون انت هم فيها ما تركب

يعني تخيل واحد يشوف مسرحية حامي الديار

وبعدين يقرى مقالتك ما راح يصدق بديرة وحده فيها هالمزيج

بس اما انك تضغط شباب الانترنت وتقول عنهم يتمرنون على مضمار البغال موتني ضحك الصراحة

يالآدمي

بس ليش وايد تدخل الحيوانات بمقالاتك؟؟
شنو هالرابط الغريب بينكم

يالله عاد مصختها انا وبيني وبينكم بشوف مباراة كاملة اليوم عل وعسى يكون ويهي خير على المنتخب

اللهم آمين

إلى صاحب الايميل
M A

ألف شكر على الكلام الاكثر من روعة وما تقصر

19 comments:

kila ma6goog said...

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

عجب يا عجب

al-nokhitha said...

Waiin ele betga6i3 el wa6an o entay 7aftha kel baramijhum ;p

mabrook 3ala el fooz :)

أنا كويتي said...

النتيجة 4\2 للكويت
ويهك خير صحيح, ولكن كان ممكن تكون النتيجة أكبر
:)))

Fair.chair said...

اطرف ماكان في المباراة هو خالد الحربان وبعد الانتهاء من المباراة يقول مبروك للشيخ احمد الفهد

ليش مبروك لاحمد الفهد ؟؟؟

ويقول حق المصورين صوروا الشيووخ ليش ماتقول صوروا الجمهور اللي لمدة شوطين يشجع ؟؟؟

قالها ولا 8 مرات حاولت اعدهم الف مبروك لاحمد الفهد رئيس الاتحاد الاسيوي بالغصب .. زين ماقال مبروك حق ميثم اللي لابس فنيلة القادسيه ويشجع المنتخب ...عشنا وشفنا

MARSHAL Q8 said...

بسمة صغيره .. على الساحه اخيرا

مبروك الازرق ..

Anonymous said...

مبروك الفوز
هذي لمسات بوفهد

Anonymous said...

اول شي الحمد لله المنتخب فاز :)

و بخصوص قناة الوطن اي صح كلامج شلون يعرضون مسلسلات قديمة و ماكو ارشيف .. واللي اعرفه ان لازم يكون عندهم حقوق للعرض بعد ... مادري الله العالم!

واذا من ناحية سر ابيه .. انا اقول العرج .. !

اي ما شاء الله الطبطبائي خبير الارقام من زمان ... نسيتو يوم حدد جم مسيد شيعة و جم حسينية بالكويت مقابل جم مسيد للسنة بايران ... لا و يايبهم بالارقام بعد لووول يكون دقيق يعني .. الظاهر ما يعرف ينام بالليل بدون فتن

و على طاري المرابحة ... ظلمتي بختج تقولين ما افهم بهالانظمة .. قلتيها يبا ما طاح الا انبطح .. ولا حتى لو على ركبه .. المهم طاح

اي والله بصراحة حامي الديار و دقت الساعة الطرح فيهم كان قوي ... طرح يبين الطائفية و العنصرية شتسوي بالوحدة الوطنية

و يعطيج الف عافية على الموضوع

SECRET

Bad-Ran said...

http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=395170

Anonymous said...

نظام المرابحة

اول شي يقولون ان القروض البنكية ربوية لان فيها فايدة مبنية على اساس فترة السداد .. و تسقط في حال التسديد المبكر .. و انه استغلال الحاجة لدى العميل.. مو مهم

شوفي المرابحة مالتهم ...

باختصار المرابحة عندهم هي ان بيت التمويل او اي شركة تدعي انها اسلامية تشتري السيارة او اي شي كان ... و تبيعة بالسعر + ربح .. المرابحة

و تسدد القيمة على فترة يتم الاتفاق عليها مع العميل ... حلو؟

انزين .. طريقة الحسبة

اول شي و اكبر غلطة عندهم العباقرة .. انهم يحسبون ربحهم -مرابحتهم- على اساس فترة السداد

يعني اذا باشتري سيارة اقساط من بيت التمويل .. نفس السيارة راح يكون سعرها مختلف اذا باسدد على سنة او سنتين او اكثر ... كل فترة لها ربح معين .. بعد الربا اي لون صاير

و هم ازيدج .. اذا عطوني عرض الاسعار و اتفقت معاهم على فترة السداد و قلت لهم ابيها 5 .. و ييت بعد سنة و قلت لا ابيها 1 ... يخلوني ادفع فايدة -ربح- السنوات الخمس

اي ليش؟ انت عرضت علي من الاساس اسعار مختلفة على حسب الفترات .. و اتفقت معاك على فترة .. لكن ييت و ابي اسدد بفترة ثانيةو راضي بالسعر اللي كنتو عارضينه علي

يقول لا حـــــــرام مو ماكول .. قصدي ربا

و على فكرة .. نظريتهم .. انهم يشترون السيارة و يبيعونها على العميل بالسعر مالهم .. يا سلام

هل فعلا ملكية السيارة تنتقل لبيت التمويل او ايا كان؟

و اذا انتقلت معناته السيارة لهم .. هل العميل له الحق انه يكنسل الشروة؟

يقولون لا .. طبعا علشان لا تبور بجبودهم السيارة .. يكونون حافظين حقهم يعني .. شلون يعني؟

بالاسلام .. الشريك .. لازم يكون شريك بالربح و الخسارة .. مو بس بالمرابحة

سامحيني على طريقة الشرح قاعد اكتب على عيله

SECRET

Anonymous said...

تكفين يا معوده لحقوا علينا اذونا لجنه الظواهر السلبية يا ريت تتبنين حملة القبس الرائعة في هذا الموضوع وياريت تشتغلون على القصه ما نبي نسكتلهم والله باكر يلحقونا في الشارع بالخيازرين
سهى

nEo said...

شخصية الاسبوع اذا ما كان عجب

اكيد راح يكون هذا الشخص بو دشداشة !

http://img261.imageshack.us/img261/4355/naroo7.jpg

ARTFUL said...

مبروك حق الازرق وعسى الله يزيد ويبارك

وعلى سالفة الراب والمرابحه
صح كلام سيكرت
بس هذي حلال وهذي حرام

وتبون الصج ان الفرق بين الحلال والحرام شعره

عندك الزواج مثلا .. بكلمه تصير البنت حلالك وتقدر تسوي معاها اللي تبي مع انها كانت حرام عليك قبل هالكلمه
الملجه كلها على بعضها من سلام وجاي وقهوه وعشا خفيف من المغرب لي العشا

.. المشكله بسوء استعمال بيت التمويل وطريقة التسويق وتجميل الصورة والاحتكار

=)

Anonymous said...

هلا آرتفل

لا اهما يسيئون استغلال الدين .. الدين اعظم من جذي .. و الفرق اكبر من شعرة

و توضيح اخير .. البنت ما تصير حلالي بكلمة .. افا عليك بس .. وين الشهود العدول .. و وين موافقة ولي الامر .. و الاشهار؟؟ .. صارت الكلمة بس اللي تعادل بين الحلال و الحرام

Anonymous said...

هلا آرتفل -تكملة

عزيزي الدين نص و روح .. و اذا كانت النتيجة-الروح- موجودة ماله داعي فرض النص على المجتمع .. لكنهم حريصين على تطبيق النص فقط .. و مو بس جذي .. ما يبون احد غيرهم يطبقه .. حب السيادة

يعني ناس ما شفتهم يشربون .. 24 ساعة تزن على روسهم ترى الشرب حرام؟! هم مايصير

الاخوة و المحبة و الوحدة اشياء كانت موجودة بالكويت من قبل ولولاها جان ربك ما رد لنا ديرتنا لكن الحبايب ما يبون هالشي يتطبق الا بدشداشة قصيرة و لحية .. و الدين اكبر من هالشكليات

والله قهر .. هاد كل شي و يبيهم يراقبون العاب الفيديو!!!!!!!!!

SECRET

Anonymous said...

كذبة اخرى للمليق احمد الفهد

http://alwatan.com.kw/Default.aspx?MgDid=637908&pageId=163

يقول د. الخطيب و المنبس ماخذين سيارات من المجلس. كذب

مو حرام الكذب؟

و عجب يا عجب!! مبروكين!

حمودي said...

اذا بشتري قوطي كلنكس بدينار مثلا وماعندي دينار اروح البنك يسلفوني دينار وارده لهم دينار ونص
اما المرابحه اني اروح حق البنك اقوله اشترلي قوطي لكلنكس وبيعه علي بدينار ونص مع اني ادري انه سعره دينار بالسوق

صبه حقنه لبن
نفس الشي بالظبط بس اسلموها لانه الناس تبي تريح ظميرها وعبالها بتدش الجنه لي سوت جذي

Anonymous said...

walla chena sawaha bo fahad
a7amd elfahad hatha `6ahera seyaseya yjb derasat-ha 3shaan tgdr enek et7arbaa mo bs mo7rbtaa le2ajel eqsa2aah yabdoo enh 3need w shares fa lazem ytm dersata bdeqaa
w ana a`7aaf 3alekom etha darstoo 3n halsh`79 tqtn3oon feh
w bs arja3 w athkrkom 3daad elnf6 khrbaan :P aheeeeeeeeeeeeh 3la golat el9a3edee ;p

Anonymous said...

w tdreen shegol ya danah s3d zghlol
w ehwa 3la frash elmoot
mafesh fayda ya 9afeyaa
`3a6enee ya 9afeya
w a`7er klemaataa
`3a6ene ya 9afeya w 9awaty

lwatan-ajmal said...

اول شي مبروك للأزرق الفوز الحلو هذا بس المشوار طويل وصعب , وبعدين ما شاء احمد الفهد الكاتب ويه سمح ودمه خفيف ويكتب بجريده شعبيه وحلوه تخيلي عنده برنامج يقدمه مع خالد عبدالجليل بعد والله تكمل بس شنسوي هذي مخرجات الوطن