هذا الخبر منشور بالرؤية يوم الثلاثاء 29-7 بصفحة 19 عن البرامج المقترحه لتلفزيون الكويت برمضان
طبعا الخط وايد صغير فبكتب لكم ياهم
البرامج الدينية
أحداث رمضانية لمحمد الطبطبائي
وقفات من التاريخ لطارق سويدان
هنا وقف الحبيب لعبدالعزيز العويد
مع الاسلام لخالد المذكور
نور القلب لأحمد القطان
حديث القلوب لمصطفى الزلزلة
العبادة سعادة لحمود الزعبي
قبل الافطار
رحمة للعالمين لوزارة الاوقاف
برامج للاطفال
مسلسل كرتوني من القصص النبوي
برنامج من قصص القرآن
الفلاشات الرمضانية
فلاش التنافس على الطاعات
فلاش سلوك الطاقم في العمل
فلاش الصيام والسنة
فلاش سنة النبي في الافطار
فلاش فضل صلاة التراويح
فلاش فضل السحور
طبعا في مسلسلات ومسابقات
بس الحيز الاكبر اهوا لكل هالامور
انا عندي اقتراح اسهل والله
الصبح تبثون قناة العفاسي
الظهر تبثون المجد
العصاري تنقلون دورة الروضان
المغربية ام بي سي تنقلون التراويح
عقب التراويح تبثون قناة الانوار
وبعدين تبثون العربية الساعة10الأخبار وتسكرون
ليش المصاريف بعد؟؟؟
هذا وخلصنا منه
نروح حق سالفتنا الثانية
واحد من أهل الكويت
تديّن حطوه إمام مسيد
يوم اليمعة خطب بالناس
خلّص الخطبة سأل ربعه ها شرايكم يالربع
قالوا له تمام بس في عندنا خمس ملاحظات
اول شي أكو سلّم حق المنبر ليش تشقح؟؟
ثاني شي ما يصير تولع زقارة بين الصلاة والخطبة
ثالث شي ماكو صحابي إسمه جمعان
رابع شي الملك عبدالعزيز ما شارك بغزوة أحد
وخامس شي
ندري إن بو لهب كافر بس ما يصير تقول عنه ابن ال... ما اقدر اقول
عموما
نروح حق الجيران
أهل ايران
حاطين دوبكم دوب حدّاق
شنو الفكرة يعني خاطفين حدّاق شالفكرة
مابي واحد يقول كا السعودية سووا
أدري في ناس مخوخهم مركبة شمال
نووي ولوية وقصة وتتحدون امريكا وتسكرون هرمز
وتطيحون البورصة
وكل هالجبروت
وبعدين مجابلين حدّاق خاطفينه؟؟
عيب والله عيب
بس الشرهة مو عليكم
الشرهة على دكتورنا اللي من أول الشهر مخطوف ولدنا قبل يومين يذكر ان في كويتي ولد هالارض يتحمل دكتورنا مسؤليته
وإحنا ما راح نسكت
واصلتني اخبار انها انفرجت تقريبا وبيرد حسين لأهله وربعه
لكن اذا مصخت وعد منا نجابل السفارة الايرانية ليما يرجع لنا
وبعدين لحظة لحظة
نوّاب الامة الحلوين وينهم
لا يقولون إجازة وكلام فاضي
جاسم البحر توفى رحمة الله عليه يتسابقون على التصاريح والمواساة
وهذا من أول الشهر ما ندري عنه
ومحّد تكلم
خصوصا رئيس المجلس الموقر
اللي بس فالح يدافع عن ايران
ما تنطق ما تقول
وأنا هم ما كنت ادري وطبعا الشرهة على إعلامنا
لولا المدونات اللي علمتني عن الموضوع
شخصية الإسبوع
بيضة كندر اليديدة إهيا شخصية الإسبوع
:p
لا لا أتغشمر
ما طلبوا شي المساكين
يبون سلندر غاز
ومعاشهم كامل
وسكن للاستخدام الادمي
ومكيف للواهيب الكويت
وعلى الرغم من حماقة خليف
وسخافة صحيفته
إلا إن ثورتهم وصلّت الصوت على الرغم من بعض التصرفات الطايشة والمتوقعه من القهر والجوع اللي يعيشونه وقلة التعليم أو إنعدامه
الا انهم اطلقوا جرس انذار على ظلم الكويتيين
وعلى الظاهرة السلبية فعلا بالكويت
يستحقون شخصية الاسبوع
ويا رب تسخر لهم اهل الكويت الطيبين
يوقفون معاهم ويردون لهم حقوقهم مو اكثر
البنغال هم شخصية الاسبوع
23 comments:
dalal_eng:
وانا اقول حته قناة الرسالة بعد معاهم
بس طارق السويدان عجيب
مشكورة بس نكتة الامام سامعتها غير الي عندج(:
وحسين الفظالة وضعه طبيعي
وعن موضوع بوسخيف حرام تعبين نفسج وتردين عليهم الكل عارف سخافتهم
ودمتم سالمين.
انا مو محيرني الا سكوت الناس عن موضوع الفضاله
!!
اشوف على سالفة بشار الصايغ والقامس اعفسوا الدنيا و اعتصموا مع ان كنا بعز الصيف بعد
كلهم اعيالنا
بس حتى حسين ولدنا
وكرامته من كرامة الكويت
هذول من صجهم ولا يتغشمرون كل هذي برامج دينيه اشدعوه شايفنا كفار قريش؟؟
أما حسين الفضاله فما أقول الا الله يعين اهله ويصبرهم ويرد لعياله وزوجته بخير وسلامه
7abayt shakhseyat ilesboo3.... malaf il3amala ilwafda kbeer oh mokhjel.. shlown deera ghaniya methel l'kwait e3eeshoon feeha bashar eb hal daraja men ilfaqer wel 6'olm?..ilmawthoo3 tara chayed wel ma6loob moo bas ta3a6of mo'2aqat men ayadee 6ayba bel mojtama3...laken ta7arok 3ala mostawa ildawla; qawaneen 9arma to3aqeb kel men yarfe9' ya36y ilajeer ajrah aw eytajer eb arwa7 ilmostath3afeen. Ilma6loob 7omlat e3lamiya, tathqeefiya 3an 7ajm ilma2'sat oh 3awaqebha ilsalbeya 3alayna kelena. Maadat 7uqooq ilensan ely ra7 eydarsoonha eb madaresna kha6wa mohema eb hal 6ereej. 6ab3an ilmofakereen bel modawenat wel jarayed ma gaseraw- yama ktebaw 3an hal mawthoo3.. oh e7na yama enkesar kha6erna. a3teqed a7sanlena law en3aseb methel ma ilbanghaleyeen em3a9been eb hal soora! en3a9eb li'2anah hal entihakat ilsarkha emshawha som3at deeratna oh mabade'2na 3ind ilkharej wel omam ilmota7eda!? yemken etha 3a9abna shay sej e9eer.....:-/
oh shokran li'2anech balaghtay 3an mawthoo3 waladna 7sein, ely ma kent ra7 asma3 3anah eb 6areeqa thania (khsoosan eny mo bel q8!) allah ey9aber ahalah oh eykoon eb 3onhom oh eraj3ah bel salama enshala ..:-/
يب ينفرون و يكفرون كل مسلم من دينه! مو ناقص الا وزارة الاوقاف توزّع على كل بيت كويتي داعية يعيش معاعهم بالبيت. انغمتت!
و الله يساعد البنغال على ظلم الكويتيين الهمج
men 9ejiich entay wala el nas nesat ena fe shay esmah qanat el kuwait, wezara fashla o maku ay
ta56ee6 qanat 3umiirha aqal men sena kel el kuwait gamat etsoolif
3anha o qanat el dawla el
rasmiiya ele 9arlaha sneen webneen el nas neesoha wala qahar !
lol entay 3ogoob hal nekta mo zain etdsheen salwa ;p
wala 7saiin ma ra7 eriid ela etha
9ar fii she3oor bel mas2ooliya shway men qebal el 7ekooma ya
jema3a ta3alimaw men israel shway
3ashan 2 damart deera kamla e7na nabeekum 3ashan wa7ed bas
etii7arikon o et7asiisonhum enkom mehtameen !
khoosh sha59eyat esboo3 :)
3asach 3al guwa :)
مادري ربعنا متى يحسون.. احسهم متوهقين
تكرهون الناس بشي شنو تتوقعون يصير ؟
عيل لا تتسائلون عن سبب انتشار الالحاد بالكويت
من مدونة المبدع فريج سعود
في سنة 96 توجه خمسة شباب عيم الى اقواع الخمس وعشرين للحداق وتفاجؤا بقدوم دورية ايرانية من جهة الكويت فتم القبض عليهم والتوجه بهم الى ايران والتحقيق معهم لمدة ايام عديدة وكانوا يطعمونهم في اول الايام صيدهم من الاسماك ثم بعد ذلك تم ارجاعهم بعد ان صودر طرادهم
وهذه الحالة لم تكن الاولى بل لم تكن ايران الوحيدة التي تصطاد صيادينا فالسعودية عملتها وعملت اكبر منها عندما لاحقت في أواخر التسعينات شابين كويتيين في أوائل العشرينات واطلقت عليهما النار فاردت احدهما صريعا واعدمت الاخر بتهمة تهريب المخدرات وقد كان الاخر الذي اعدم ابن احد الفنانين الكويتيين المشهورين
.
منطقة ارياق الدرة الواقعة بين ثلاث دول هي الكويت والسعودية وايران منطقة خطرة ويستخدمها المهربين بكثرة وقد وقعت بها اعمال تهريب عديدة لذلك فالتواجد هناك يثير الريبة لدى الاجهزة الامنية للدول الثلاث
.
في السابق كما ذكرت كانت المروحيات والدوريات السعودية تقبض على اي طراد يتواجد هناك حتى وان اقسمت السمكة التي بيد الحدّاق انه اتى مخصوصا لها وبعد ذلك تم عمل اتفاقية بين البلدين على ان يسمح للحداق بان يتواجد في المنطقة السعودية بتصريح من قبل الجهات المسؤولة في السعودية
.
كذلك لا يقل الجانب الشمالي خطورة عن الجنوبي فالسلابة منتشرين هناك منذ عهد زوج سجودة الى يومنا هذا
.
اسألوا الحداقة عن مغامراتهم وعن خطورة التواجد في تلك الاماكن
.
اما ادخال الطائفية وهذا سني وذاك شيعي في هذه الاحداث المتكررة منذ زمن بعيد فهو خطأ كبير وتصوير على ان الامر مقتصر على الحداقة السنة بالنسبة للجانب الايراني والحداقة الشيعة بالنسبة للجانب السعودي
.
في الحقيقة الأمر يثير الضحك الى درجة البكاء
.
الله يرد حسين الفضالة الى اهله واولاده
وزير خارجية الكويت صاحب تصريح
الكويت رقم صعب لا يقبل القسمة
الحبيب ما يدري أن الرقم اللي ما يقبل القسمة هو الصفر
صراحة بعد هالتصريح صرت أشك في معلومات جميع خريجي جامعة هارفارد
سخافة الوطن واستهزائها بالبنغال اثبت انها الجريدة الأحقر بالعالم
يستاهلون البنغالية ..
وحسين الفضالة خلاني ابطل افكر احدق نهائيا ..
الله يعين اهله على فراقه ..
انا اقول لو الحكومة تكنسل تلفزيون الكويت .. وتفتح قناة اخباريه فقط تسميها كونا .. علشان تكون الناطقة بإسم الحكومة ..
جذي يفتكون من هالبلاوي الي نازله علينا .. لأن ما اظن اكو كويتي يتابع قناة الكويت !!
السلام عليكم
يعني شهر رمضان شهر الطاعة والعبادات .. بالله شنو تبينهم يحطون بهذا الشهر الفضيل ؟!!!!!!! قلنا طنازة .. ماشي .. قلنا العبادات في كل الشهور .. هم ماشي .. زين ليش تبين تلفزيون الدولة ينافس قنوات القطاع الخاص؟ تبين مزلط وحبني وأحبك .. كله موجود في القنوات
الثانية
يعني سهل جدا توسعين صدرج بغير تلفزيون الدولة الرسمي .... تبين الصج انتوا ناس ما يعجبكم العجب .... على أي حال راح أنتظر تعليقاتج على برامج تلفزيون الكويت في وقفة عرفات ... طبعا بتقولين .. واااي يا ربي ... شنوا هذا .. كله حاطين صورة الكعبة وناس لابسين أبيض فوق الجبل ... واي ما يصير جذيه ههههههههههههههه يحليلكم
مع تحياتي
بوضرغام راعي العود
dalal_eng:
دانة تكفة لاتردين عليه هذا بوالعود عارفين شنو قصدة وشلون تفكيرة
عيب والله عيب
يعني ياابيض والا اسود شالإسلوب
دلال
شلون سامعتها علميني
والمشكلة بو سخيف فاز بكاريكاتير الاسبوع عندهم
وطن النهار
شي يحير فعلا
زارا
مادري يمكن شايفينك بكنيسة
:p
أمواج
تدريس حقوق الإنسان مهم جدا
لكن مو انه يدرس كتأدية واجب وبتهميش هذا الخوف
حمسة
شوي شوي ويصير اللي تقوله دام الناس ساكته
نوخذانا
المشكلة انها قناتنا الرسمية يعني واجهتنا
وانا قلت واحد من عيال الديرة ما قلت من اي منطقة لا توهقني
استاذ حمام
يعطيك العافية على جهدك
واشكره متوهقين
حمودي
ما تقول لهم ذبحونا
انو
لا وزيرنا دكتور
كويت فرس
طبعا
مطعم باكه
اذا بتحدق روح سوق شرق
:p
أنو
وعليكم السلام
عجبتني وااي شنو هذا
لا عزيزي
كلنا تربينا وكبرنا واحنا ما نشوف غير تلفزيون الكويت
كان برنامج او برنامجين دينيين وخالصين
شنو هل كل ما تمر السنين نكفر زيادة ولا شنو
اذا التركيز دوم بيصير برامج دينية خنسكر القناة وننقل من قنوات دينية اخرى
ليش المصاريف
دلال
خل يعبر عن رايه ونحترمه
للوطن ..
يعني علشان بنغال مو لاقين خير بديرتهم نهضم حقهم .. والله حاله !!
نقطة نهاية السطر :
بيضة كندر .. شكلها يشوق !
ما يبون اسوون حظر تجول قبل المغرب ؟
و لا كل واحد يطق كرته بالمسيد ؟
الله يستر بس
..................
بالنسبه لولد الكويت حسين الفضاله الصراحه
احنا آسفين انه ماكو رياييل بالكونغرس الكويتي
و نقدم له اعتذارنا
والله يرده سالم انشالله
شخصية الأسبوع مادري ليش سفروهم معاشاتهم بروحها 17 بعد مو 20. و هم ما يعطونهم :(
أنا أقول الأثنين غلطانين لأنه أهما هم وايد كسرو سيارات و أشياء مالهم حق يكسرونها و ملوت ناس مالهم ذنب. الحين تلقين كل أصحاب الشركات ملوت العمالة بربوع سويسرا و جميع أنحاء العالم و هالمساكين سفروهم
ما أقول إلا حسبي الله و نعم الوكيل
تلفزيون الكويت ليش ما يقلبونه قناة الأنوار أو الرسالة وايد أفضل
تلفزيون رجالي متروس عمامات و لحى و مسلسلات صراخ
افا يا دانه ما هقيتها منج!
مناشبه التلفزيوون ليش يعرض برامج دينيه في رمضان! بالعكس! هذا الشي اللي المفروض يصير! مو احسن من مسلسلات تبطل صيامج!
و صدقيني راح تنصدمين من عدد اللي ما يصوم بالديره! او يصوم و يدخن الظهر! او يصوم و ما يصلي!
الله يرجع حسين بالخير ان شاء الله
ولا تعليق عالبنغال! بس اذا الكويتي قام ينلعن خيره اب ديرته! ما استغرب اللي قاعد يصير صراحه
ربنا يزيد
ربنا يبارك
ديــــرة الهم فيها ينصرف مع التموين
الله يستر :)
مبروك على افتتاح القناة الدينيه !!
ثاني شي جرايدنا خايفه من قوانين الدوله بس ينشرون اخبار ربعهم فوق هذا نوابنا يتشيحطون جنوس و بويات و لظس و ناسيين ولدنا والله وياكم يدام السفاره الايرانيه بس وين عنوانهم؟
يقووولك اذن من طين و اذن من عيّين
اهل الفضاله ليش ما يعتصمون جدام المجلس؟
ليش معترضة على البرامج الدينية برمضان
لو تعرفين قيمة رمضان جان ما اعترضتي
انتي الظاهر موديلج مال خيم رمضانية و شيشة و رقص
Post a Comment