18/07/2008

إحموا الناس من الطاعون + شخصية الأسبوع



أول شي مدونة يدية اسمها

Zueching

ما كنت مخططه اني كل شوي آخذ عنوان الموضوع من مسلسل مبروكه ومحظوظه

لكن الكاتب السخيف المليق اللي شفته امس اجبرني على هالعنوان

قبل كل شي لازم اقول واعلن

اني مستحيل بيوم اوقف مع اي تيار ديني من التيارات الدينية اللي اشوفها حاليا شيعية كانت او سنية

محلية كانت او اقليمية

لا حماس او حزب الله او اخوان او سلف او جمعية ثقافة او عدالة ومادري شسمهم او غيرهم

خلصنا من هالسالفة

من اشهر اشتغلت جريدة الفتن على موضوع كاد إن يقسم الكويتيين مرة ثانية إلى شيعة وسنة بطائفية كريهة

بحجة شنو الدفاع عن الكويت

عماد مغنية قائد في حزب الله تم اغتياله

وسووا له تأبين احدى الحسينيات

وحضر التأبين أكثر من نائب شيعي

الوطن اشتغلت ان هذيل ولاءهم مو للكويت

وهذا خطف الجابرية وحزب الله ارعبوا اهل الكويت واعتدوا عليها

المشكلة في الناس اللي صدقت الوطن في ذاك الماضي القريب جدا

وقامت توزع الوطنية وحب الكويت بميزان جريدة الوطن

المهم انتهت السالفة واندقروا وتهزئوا وصارت الانتخابات وفازوا نواب التأبين على قولتهم

وكان في رجال بالكويت تقول كلمة الحق بصوت عالي حول هالقضية امثال عبداللطيف الدعيج وساجد العبدلي وغيرهم

لكن لنفرض ان الوطن كانوا من صجهم يبون مصلحة الكويت

ويحاربون كل من اعتدى عليها

أدري إن هالكلام يضحك بس نفرض

يوم الأربعا نزل هالكلام من رجل الاعمال الكويتي

ناصر الخرافي وصفحة اخيرة بالقبس


صورة المقالة خذيتها من ساحة الصفاة

يمجد بحزب الله اللي قالت عنه الوطن ان خطف الجابرية وحاول اغتيال اميرنا الراحل الشيخ جابر الله يرحمه

السؤال
سألوه الأمة وأنا هم أسأل

اين جريدة الوطن عن الدفاع عن الوطن

اين هايف وربعه اللي ركبوا الموجة بطائفية بغيضة وطعنوا بالكل

ولاّ صفعة دينار الخرافي اقوى من الوطن يا جريدة الوطن

هذا الكلام بس حق اللي وقفوا وصدقوا جريدة الوطن



الكاتب المليق والطاعون اللي اقصده نزل مقالة امس يقول في احدى فقراتها

تدرون ان لو حزب الله حكم لبنان راح يفرض العباية والحجاب

انا طبعا ما يعجبني هالشي

بس انت يالمليق ما يعجبك ان تفرض العباية والحجاب

ولا الدم الطائفي القذر اللي فيك يخليك حتى تهاجم افكارك لأنها نبعت من غيرك

اعوذ بالله منك

ومن اشكالك

لا وتدري ان راح يفصل الاختلاط حزب الله اذا حكم لبنان

شرايك جذيه زين او مو زين؟

انزين نروح حق الفقرة الثانية اللي يقول فيها

إن أقدم أسير عربي رد إلى أمه بعد ما أنهى حبسه بالسجون الاسرائيلية يعني بسنة 2008 أنهى حبسه

الغريب شنو



إي مثل ما شفتوا ان سنة 1980 حكموا عليه بخمس مؤبدات + 4 سنين فوق البيعة
يعني حكموا عليه بأكثر من 100 سنة

شلون أنهى مدة إحتجازه بالله؟؟

يعني انت مو مفروض انك تتكلم وتجابل الناس على اساس انك متدين وتصلي وتصوم وكل شي مو عيب تجذب على الناس

على الاقل اعتذر وقول انا جذّاب

بس قلة حيا شنسوي

لا ويكمل ويقول

عاد الأسرى الإسرائيليين إلى منازلهم معززين مكرمين

حضرة المليق طاعون

ردوا بتوابيت؟؟

يعني والله عيب هالجذب الاشكره

الناس عبالكم مدمغين مثلا؟؟

الزبدة اللي يبي يقولها باخر فقرة من مقالته

ان حزب الله خسر وماكو فايده من اللي صار

وانا بيني وبينكم فتحت القبس اليوم وشفت


اسرائيل وبريطانيا وغيرهم يقولون حزب الله انتصر

هذا غير ناصر الخرافي

انزين ليش الطاعون المليق يقول عكس جذيه؟؟

الظاهر ان هذا اهوا السبب


شخصية الإسبوع

عاشت في زمن جميل ماكان فيه ظواهر سلبية تحرمها من اكمال دراستها والابتعاث للخارج للتحصيل العلمي السليم

وخدمة المجتمع الكويتي بسلاح العلم

د. نورة مبارك الفلاح الله يرحمج

وياليتنا عشنا معاج في هذاك الزمن الجميل بعيدا عن احمد الفهد وهايف ونبيل العوضي وكل متخلف من اشكالهم

25 comments:

سرحان said...

اللهم لا شماته...!

تسلم الأيادي، و ياليتنا كنا في ذاك الزمن الجميل.

zaradisht said...

ناصر الخرافي ماراح اعلق عليه لاني علقت بساحه الصفاه
اما التيارات الدينيه فانتي قلتي الدينار يغير النفوس
اما جريده الوطن فما اقول الا
صحيفه تتصدر راس الفتنه بالكويت اشويه يهال قاعدين يلعبون على كيفهم

Bad-Ran said...

عدي جم كومنت راح يقولون فيه انج تبع حزب الله ولا تدافعين عنهم

:)

kuwaitforus said...

أخالفج الراي مع اني ضد جريدة الفتن لكن مصر على تحميل عماد مغنية جريمة الاختطاف

Bashar said...

أهم شي سالفة الأسرى الاسرائليين ردوا معززين مكرمين!

لووووووووووول!!

لا بعد اذنج .. لازم لازم هذي تاخذ حيزها بالانتشار!

تحياتي

Bashar said...

بعدين رابط الأمة غلط :)

Mohammad Al-Yousifi said...

الشرهة على اللي يقرأ مقالاته

ديّن عفلنقي

هالكلمة مو انا اقولها , هالكلمة كتبها المعزب كليفة عنه في احدى مقالاته

يمهل و لا يهمل

nEo said...

رحم الله معلمة الكويت

حياتي هدف مو عبث said...

عاشت في زمن جميل ماكان فيه ظواهر سلبية تحرمها من اكمال دراستها والابتعاث للخارج للتحصيل العلمي السليم

..


شكو الظواهر السلبية بموضوع الدراسة بالخارج ؟؟

Anonymous said...

ana 3an nafsii kent atfiiq weya el wa6an eb mawthoo3 el ta2been ele
7ariikoh lakin ana mali sheqil sheno ahdafhum o ba3ad ham mali sheqil etha 9ar 3endhum salfat
7alal 3ala bo marzouq o 7aram 3ala
3abdul9amad le2ana ana adrii ehma shwayat mortazaqa ma 3endihum
mabaadi2 bas hatha el shay mo
me3nata enii a5tiilif ma3ahum eb kelshay :)

o bel nesba 7ag ele egoul ena moqniya el ma7kama ma adaniinta ana agoola al7een kelna nadri ena
3ali el khalifa 7arami lakin el
ma7kama ma adaniita Laish ?!
le2ana e7na nadrii ena fii shohood 3alaih lakin maku 7okom fa hatha el shay ma ebareeh , o nafs el shay bel nesba
7ag moqniya fee shohod
3alaih o wazeer el dakhiliya
em3adiidhum bel esim bel link ele ta7at lakin maku ma7kama adaniita
fa hatha el shay ma ya3ni ena mo mojriim :)

http://www.aljarida.com/aljarida/Article.aspx?id=55374



lol el maleeeq ma eyoooz el moshkilla kel ma taktbeen 3ana ezeed akthar maskeen 3abala te7di ma yadrii ena 6ay7at 7ath ;p

asef 3ala le6wala o 3asach 3ala el guwa :)

Anonymous said...

(kan wedy a6ba3 bel 3araby bas many 3arfa 3ala hal computer?!) ilmohem, eb rayee enah aghlab ilnas etwajeh se3ooba kbeera fee enha etfaker 7ag nafs’ha men ghair ta'2theer kharejy (sawa'2an kan jayed aw ta3ees nafs ta2'theer jareedat ilfetan)...oh yemken ilba3th 7atan law estantejaw shaghla broo7'hom 3an maw6'oo3 mohem, eykhafoon e3abroon 3anah etha kanat jomoo3 ilbashar tekhtelef ma3ahom- khe9oo9an eb mojtama3na ilmo7afe6'. laken ilmo9eeba lema nas ten6'elem bain ilesha3at oh 3adam taqa9y il7aqa2eq!..oh ba3dain 3ala seerat iltayarat ildeeneya- a7terem rayech lema tgoleen ma a2ayed'hom, bas 7e6ay eb balech enah law 7okoomatna il3arabeya kanat kafoo oh 3arfa ta7my she3oobha , chan ma sar ely sar. ana shakhseyan lail7een mo gadra afham 7ezballah? bas ele agdar astantejah ena nasrallah mota7adeth 3indah esloob oh man6eq oh roo7 qeyadeyah ma sheft metheltha bel wa6an il3araby, oh a7terem feeh hal 9efaat :-)

Eng.f said...

تدقين ابتلشنا بهل الأسلامين خاصه امثال هايف وربعه اتباع حزب الأمه والكتاب امثال الفهد والشيباني
ياخي ماراح نخلص منهم ولا من امثالهم واهما الي راح اييبون لنا الطائفيه بديرتنا والله يحفظج ياكويت

بيت القرين said...

سرحان
يا ليت

زردشت
صدقت

بدران
ليما الحين معديه على خير

كويت فرس
خالفني مو مشكلة انا مو قاعده اغير قناعات
بس اكشف ان ممكن انت لأنك تحب ديرتك تقول جذيه بس انا اثبت لك ولغيرك ان اهما الفتن ما كان همهم الكويت

بشار
ياما بقت منكم فبوق مني بدون استئذان
:)
وحط لي الرابط مالكم عقدني

مطقوق
طلع لنا ياها الله يرضالي عليك

نيو
الله يرحمها

حياتي هدف
تعتقد لو كان في من شاكلة اعضاء لجنة الظواهر في الخمسينيات هل كانوا راح يسمحون للفتاة بالابتعاث للخارج؟؟؟

نوخذانا
نفس ردي على كويت فرس اقراه

امواج
عيب حكومات وشعوب يا عزيزتي

مهندس ف
الله يستر على الكويت من هالعقليات

Bashar said...

دانة

أدري فيج كبرتي .. والكبر شين :)

http://www.alommah.org/blog/index.php?option=com_content&view=article&id=215:2008-07-16-14-50-58&catid=1:2008-07-17-15-52-54&Itemid=7

هذا الرابط

Anonymous said...

6ab3an 3umra el e5tilaf bel nesba lii ma yo2adii ela 5elaf :)

6ab3an ya dana kelna nadriii ena el fetan ma sawat hal salfa kelha men bab 7ub el wa6an o ana ma kan radii men bab el defa3 3an jariidat el fetan ana radaiit 3ala point el nas ele 9adiigaw :)

بيت القرين said...

بشار
اي والله الكبر شين
الله يعينك وانت اكبر مني
:p

نوخذانا
ادري ان انت مو معاهم
الكل حر برايه يشوف عماد اوغيره سيئين او لأ
بس انا هذا مو موضوعي ابد
كل موضوعي تلون جريدة الفتن

حياتي هدف مو عبث said...

حياتي هدف
تعتقد لو كان في من شاكلة اعضاء لجنة الظواهر في الخمسينيات هل كانوا راح يسمحون للفتاة بالابتعاث للخارج؟؟؟

..


لازم تفرقين بين اللجنه وبين
تدخلها بالأمور هذه
يعني محد من حقه يمنع الفتاة تدرس بالخارج إلا ولي أمرها
فلا تخلطين هالشي باللجنه
وبعدين اللجنه موجوده شفتي قالوا ممنوع البنت تسافر عشان تدرس
؟؟

وأنا وحدة ماني واحد

:)

العاصي said...

عماد مغنية ما يلكة ؟

بيت القرين said...

حياتي هدف
ما يقدرون اللجنة يقولون شي الحين لان ابتعاث البنات للخارج واقع صار له خمسين سنة
لكن شفتهم يتدخلون بألعاب اليهال
وشفتهم يقررون حق الشباب شنو البرامج اللي يدشونها
وبشوف زود
السؤال انتي عاجبتج اللجنة؟؟؟

العاصي
اي يلكة
لا ما يلكة
مادري اذا يلكة ولا ما يلكة
بشنو تفيد هالاجابات يعني

Anonymous said...

ewtha7at el noq6aa o ana atiifiq
ma3ach :)

ساحبة سايد said...

نعيش ونشوف العجايب بهل بلد

حسبي الله على كل ظالم
ويظلم رملة وحدة من تراب هل وطن

. . . ساخر كويتي said...

بيني وبينك اختي العزيزة
بالنسبة الى المليق
احب اعطيك معلومات عنه

فهو من ناحية ارتباطه فعليا بالسلف او بالاخوان فهو كان معاهم وبعدها صار ترك وصار كووول :)

فاعرف عنه ومن مصادر موثوقة :)( لا يكون بس الهاشم )
مو مرتبط معاهم الا بلحيته اللي كل يوم تخف :) وبالطرح بجريدة العفن


من ناحية اخرى انا متابع قديم لمدونتك المميزة ولكنها مشاركتي الأولى
ولن تكون الاخيرة باذن الله

بالتوفيق

Anonymous said...

اختي عماد مغنيه مجرم و حزب الله هم اللي خطفوا الجابريه و كل من يعرف هالسالفه خاصه الناس اللي عاشوا بذيج الفتره و اي كويتي مخلص حق ديرته ما يرضى ان يسوون حق هالمجرم حفل تأبين على هالأرض اللي ذبح 2 من عيالها و اذا انتي ما تتفقين مع جريدة الفتن على قولتج و لا تحبينها هذا ما يعني انج ما تصدقين ولا كلمة تنقال فيها و خاصه بخصوص المجرم مغنيه الله ينتقم منه و لو كان هالمجرم ذابح واحد من اهلج لا سمح الله جان عرفتي شلون تقولين ان هالموضوع يؤجج الفتن و يدعو للطائفيه
صفاء

Anonymous said...

الى صفاء .......برافو صح لسانج احبج

Anonymous said...

الحرب اسمها حرب يوليو (تموز) او حرب تموز-آب مو حرب حزيران، أثول