13/07/2008

الخروف


مسج كويت نيوز البارح يقول نقلا عن هايف

النائب هايف: العبث الأخلاقي الذي تقوم به شركات الإتصالات عبر غرف الدردشة ورسائل الشات يتحملها وزير المواصلات

مو قلنا لكم

هذا نائب فايز بجريمة انتخابات فرعية

ياي بيتحكم بالمسجات

يا جماعة لحد يقول له في خدمة توفير تقلل سعر المكالمات

وفي خدمة مكالمة الفيديو

وفي خدمة هوائي بعد

اشوه ان ما يعرف ال آي آر سي

الا صج ليما الحين موجود؟

المهم



الخروف كلمة تطلق على كل مسبه تابع يمشي ورا الراعي بلا تفكير او هوية

طبعا المصطلح دارج بين البنات والشباب

أعطيكم مثال

بنت وصبي يكلمون بعض

المهم واعد ربعه الصبي ان يطلع معاهم ويعزمهم على العشا بنينو مثلا

قبل العزيمة بدقايق تدق عليه البنت وتقول له لا ما تروح واهوا لا يحترم كلمته اللي عطاها حق الشباب ويسمع كلام البنت

هذا يطلق عليه خروف

مثال آخرصبي يكلم بنت

ويحبها وما يخونها وكل كلام اغاني الحب يسويلها ياه

صادها مرة بدون لا تدري واهيا تقول حق رفيجاتها ان اهيا ممشيته سيده

دق معصب وقال لها بكل عصبية

حبيبتي لا تقولين جذيه مرة ثانية

المهم واهوا طالع اليوم الثاني شاف واحد يتحرش فيها وواقف معاها بعد ومعطيها الرقم

دق متنرفز يقول منو هذا

قالت له ولد خالتي

قال لها آسف حبيبتي شكيت فيج

اليوم اللي وراه على طول كان فالانتاين شافها شاريه ورد وإيدها بإيد واحد وطالعه من السينما

قالها لها منو هذا

قالت ولد عمي توه راد من بره وهالورد حقك

وصدق واستانس بعد

اكثر من جذيه ماكو

المهم

في يوم 19 مارس 2006

ابتلانا الرب احنا يالكويتيين ببلوى اكملت البلاوي السابقه

هذي البلوى تسمى فؤاد الفلاح

تم تعيينه مدير عام الهيئة العامة للشباب والرياضة

يعني تقريبا وزير للرياضة الكويتية

عاد من يوم تعيينه الى اليوم اليكم بعض ما حدث

على مستوى كرة القدم فقط

خروج المنتخب من تصفيات كأس آسيا يعني حتى ما كنا من أفضل 20 منتخب بآسيا

خروج المنتخب من كاس الخليج بعد تعادل مع اليمن وخسارة من عمان وخسارة من الامارات

يعني دشينا البطولة وما فزنا وطلعنا وأظنها اول مرة بتاريخ الكويت يصير هالشي

خروج المنتخب من التصفيات الأولمبية

الوعد على مدى سنتين بإنهم يزرعون ملاعب القدم عشان تصلح للعب وما صار شي

البدء بتنفيذ ستاد نادي اليرموك والتوقف عن تنفيذه لمدة أكثر من سنة يعني بإختصار نادي اليرموك ما عندهم ملعب

الهروب من حضور اي اجتماعات للجان الشباب والرياضة بالمجلس

يعني بإختصار فؤاد الفلاح كان يبي يتحدى في ان يكون الأسوأ على الإطلاق ونجح بإقتدار

وغيره وغيره من مصروفات وهدر بالمال العام على حساب الدولة

بعد كل هالخمبقه والمهازل اللي يقودها فؤاد الفلاح

نفتح الجرايد اليوم او نفتج جريدة الفتن بالأصح ونشوف

استح على ويهك شوي

من زين رئيس الهيئة عشان تدبر ضده صفقة في ليل على قولتك

يعني ذكرني فؤاد وحضرتك يا نائب بالصبي والبنت اللي كتبت عنهم فوق

فؤاد يخربط وإنت تبيه يستمر

احنا نتكلم عن رفعة الدولة ومجدها وانت حضرتك زعلان ليش يشيلون فؤاد

اذا ما انشال هذي المهزلة صج مو اذا شالوه؟

وين بنروح بعد

اي حضيض بتودوننا زود

حرام اللي قاعد يصير بالبلد والله العظيم

على فكرة اليوم ايضا

قالوا بيوقعون مع مدرب يدرب منتخبنا ويعيد امجاده

الطريف بالموضوع ان المدرب اللي ودهم يوقعون معاه

عاطل عن التدريب من سنتين
نقلا عن القبس

واخر منصب تولاه اهوا تدريب منتخب صربيا في كاس العالم وطلع الأخير بالمجموعة

ومسجلين في مرمى فريقه 10 اقوال من 3 مباريات

وتمت اقالته

يا عيني عليك يا عجب والله يعينك انت وربعك على ما بلاكم


كل الشكر لموقع هايدوو الرياضي واحد المشرفين فيه على تقديم المعلومات الخاصة بفؤاد الفلاح بشكل سريع جدا

ملاحظة مهمه: ما اقصد اني اقول عن النائب قويعان ان حيوان لا حشا لكنه مصطلح دارج لإيصال المعلومة لا اكثر



22 comments:

Anonymous said...

امبيه ! باديه تصيرين سخيفه ( سوري ها ) وحدج ما عندج سالفه ! بليز شي يديد !

Anonymous said...

خوش موضوع الصراحة

ومشكورة على انج تكتبين وايد حتى بالصيف

وياليت بالديره بس خروف واحد

Bad-Ran said...

لا حشا ما قلتي شي :)

بنظري إن خراب الرياضة من عيال الصباح مو من فؤاد

سرحان said...

anonymouse أول "وحدة".. لأنه أشكره أسلوب بنت... إذا موضوع رياضة الكويت و سمعتها الدولية شي سخيف عيل شنو الشي المهم؟ امبييييه So naive!!

Paris hilton wanna-be's!!

لول.. المهم.. د.فؤاد الفلاح، مع احترامي لعائلته الكريمة لكنه عنصري درجة أولى و يفرق على اساس أسماء العوائل، و أيضا يتميز بمحاضراته اللي يدرسها في العلوم الإدارية بأسلوبه الوقح و عبارته الشهيرة "مثلكم انتو مكرم السامع".. مع حركة الكوتيشن مارك اللي يسويها بإيدينه.. و لحد يقول اهو مو جذي.. الله بلاني بمادة عنده و رحمني منها بـ FA

فإذا كان واحد نفس هذا أهو رئيس الهيئة شنو تتوقعون؟؟

عسى الله يفكنا من هالأشكال اللي ادمرت الديرة.

Anonymous said...

عاد تصدقين

تصدقين عاد

على بالي اول شي مشكلة الرياضة بالكويت أحمد الفهد

بعدين قالوا أحمد اليوسف

والحين طلع الفلاح

: )

kuwaitawy said...

الله يستر عالمنتخب

سرحان said...

ترا على فكرة... د. الفلاح ذيل من أذيال طلال و احمد :) معلومة بس للي يحبون يتصيدون

فريج سعود said...

كل امثلتج عن الخروف وما يبتي شي عن الخروفة وهذا تعصب جنسي
نبي امثلة عن الخروفة
نبي امثلة عن الخروفة
نبي امثلة عن الخروفة
ترى القويعان خروف بمرتبة دكتور
با لهوي

al-nokhitha said...

tadreen sheno afthal shay ena etkoon fe wezarat shabab o reyatha 3ashan yet7asab el wazeer seyaseyan o tara wazeer el she2oon allah
e3eena 3ala wezarta kel balawi el denya feeha ba3ad foug hatha reyatha fa a3tiiqid ena foug
6aqta :)

hayef yer7am umik khali9at balawii el deeera 3ashan etiifaraq 7ag el chat ana agool welii yer7am waldaiik jabiil sheqlik 3adiil o tefaraq 7ag mashakil el dawla o kelish mala da3ii kel youm 6ali3 etirazaz bel jarayiid o kel ta9ree7as5af men el thani wala 3aib !

allah ya36eech el 3afya :)

Bashar said...

الله بالخير

فقط للعلم أن فؤاد الفلاح حضر أكثر من اجتماع للجنة الشباب والرياضة في المجلس الماضي، ولكن الأمور على حطت اليدين.

محد قالي .. شوف عيني :)

ومشكورة على الموضوع.

تحياتي

Anonymous said...

من الناحية الفنية فقد لوحظ توقف أسلوب زراعة الثيل الطبيعي لملاعب كرة القدم منذ مدة بمعظم الدول لأنه يحتاج الى كميات كبيرة من الماء للري أضافة لسهولة تلفه بسبب الأجواء الحارة وكثرة الدوس مما يتطلب تكلفة عالية و صيانه مستمرة

أما الأسلوب البديل عن الزراعة الطبيعية للملاعب فهو تغطية ملاعب الكرة بالثيل الصناعي الأخضر . وهذا النوع متوفر حاليا بالسوق المحلي وبسماكات مختلفة حسب الطلب . وصيانته سهلة وسريعة وليست مكلفة ويتحمل الدوس والأجواء الحارة ويتم رشه بالماء لتنظيفه من الغبار قبل بدء المباريات . وقد استخدمت هيئة الزراعة هذا النوع من الثيل الصناعي للزراعة التجميلية في بعض مشاريعها كما لاحظت ذلك في منطقة النزهة بالقرب من فرع البنك الوطني بجمعية النزهة



أما عن رحلة البحث عن المدرب الوطني لتدريب المنتخب فالمشنص أولى بلحم ثوره

: )

Anonymous said...

سرحححححححححان عبد البصير .... محد حاجاك ! بعدين شنو قصه جمال حسين مع التدوين

فتى الجبل said...

فؤاد الفلاح عصعص عيال الفهد

Anonymous said...

استحوا على ويوهكم ذيل وما ذيل شهالكلام الريال ولد اكبر العوائل ( مو مثل حال اغلبكم اعتقد ) شسوى فؤاد الفلاح يعني ؟؟ خلاص صار اهو ساس البلا ؟؟؟؟ انتوا ذيل منوا ؟؟ بالوزارات او الشركات اللي تشتغلون فيها ؟؟؟ والله عيب كل واحد عباله روحه سعد زغلول !!!

kila ma6goog said...

سكرتارية الشقيق الأوسط

سرحان said...

محد حاجاني أنو..

بس ما أرضى على بيت القرين :P

ساحبة سايد said...

هايف وربعه ودهم يمنعون كل شي..

على أبو إن يمس الأخلاق

وبكيفه قال يتحملها وزير المواصلات!!

***

الفلاح خلاص عوووع مشوه وإلا خل يستقيل.. مو ناقصين إحنا

ومتى تسلم الرياضة لرياضيين أو اداريين مناسبين؟؟

Anonymous said...

قويعان

وع

خل يستريح احسن له

بعد نظر said...

لول سوري حبيبتي شكيت فيج!
صج في جذيه خرفان؟

OuR Q8 said...

بالسابق فؤاد الفلاح كان مخرفن حق فهد الاحمد
والآن القويعان مخرفن لفؤاد
وبالأساس فؤاد مخرفن تمام حق طلال وأحمد الفهد

Anonymous said...

اور كويت ...... وانتا مخرفن حق منو ؟ يا سعاده الباشا

Anonymous said...

دانه

اسم الخروف وايد لايق على البيلر

صار له سنين طايح سب في الأردن وعشان دعوة مجانية لعمان لعدة أيام صار يمدح فيهم ويهين كل الطلبة الكويتيين الدارسين هناك .