15/07/2008

يبيلنا دكتور شرقان


دكتور شرقان حق اللي ما يذكره مع اني استبعد هالشي

دكتور شرقان اهوا الدكتور اللي كان بالمصح يعالج مبروكه ومحظوظه


اللي كان يميز دكتور شرقان إن كان يتحمل غباء وينون مبروكه ومحظوظه ويصبر عليهم

من اللي شفته باليومين اللي طافوا إكتشفت إن لازم كلنا نكون دكتور شرقان عشان نتحمل كمية الغباء والينون اللي نشوفها يوميا بالديرة خل ندش بالعرض العملي وبدون تنظير

شوفوا معاي


دوام المدارس بيصير مثل ما كان كل سنة بنص تسعه تقريبا

حلو الكلام

وايضا بيبتدي مثل ما إبتدى السنة اللي طافت برمضان

يعني مو بدعه يديده مو ظاهره دخيله

شي طبيعي

وطبعا هذا القرار حكومي بحت

وإهيا الجهة المخولة بإتخاذه

المجلس كان رافع توصية والتوصية معناتها عدم الإلزام

التوصية تقول يا حكومة أجلي الدوام ليما عقب العيد

ورمضان راح يكون هالسنة اما 31-8 او 1-9 حلو

يعني يخلص اما 30-9 او 29-9
حلو الكلام

يعني بكل الاحوال راح يبتدي الدوام حسب رغبة النواب بشهر 10 تقريبا 5-10

يعني تأجيل العام الدراسي عن الوضع الطبيعي لمدة ثلاث اسابيع

الحكومة شقالت

وبررت مشكورة قرارها بعدم التأجيل

قالت اذا اجلنا الدوام معناته مدة التأجيل راح تنضاف على آخر السنة

ورمضان 2009 راح يكون بنص 8

يعني اجازة المدرسين والاهالي اللي عندهم عيال بالمدرسة تصير شهر واحد بس

وحزتها هم راح يتحلطمون على قصر الاجازه

واتخذت الحكومه قرارها بعدم التأجيل

عادي اجراء طبيعي حتى لو اختلف البعض معاه

بس على الرغم من إن الحكومة حرة بقرارها واهيا الجهة المخولة الا ان نوابنا ومثل ما شفتوا بالصورة اللي طافت شلون متذابحين عالتصاريح

يعني رئيس مجلس الامة بالنيابة روضان الروضان يقول هذا يثبت عدم التعاون

يا حكومة اما تاخذين توصيات المجلس او انتي مو خوش حكومة

ليش موجوده الحكومة عيل؟؟

انتوا حكموا وخالصين

هايف يقول تخبط حكومي لأن الحكومة خذت قرار من صلاحياتها؟؟

المحيلبي يحذر من علاقة متوتره بين السلطتين لأن الحكومة خذت قرار من صلاحياتها؟؟

تحمل نوابنا يا شرقان


وهذا مسلم بعد سوّى نورية سجن بوغريب حمدالله والشكر

اي كيفهم هالشي من صلاحياتهم وعطوكم المبررات بعد فوق القرار

نحترم اللي مو عاجبهم بس مو تأجيل الدوام او تثبيته يصير كفر الله يهداكم

انا مو حاريني الا التيار الديني

بكل سالفة يتكلمون بالشرع والشرع يقول يصير وما يصير

ولما رب العباد يقول ان العمل عباده يطالبون بعطلة رمضان والربادة؟؟؟

تعال دكتور شرقان تعال شوف رئيس المجلس الموقر والفاهم

هذا رئيس مجلسنا تصدقون؟؟

يصرح عن حزب الله يصرح عن ايران

يصرح عن العراق
يصرح عن احياء التراث

كل شي يعرف ما شاء الله عليه

الا شي واحد

اهوا الدستور الكويتي اللي اهوا اكثر واحد مفروض ان يتصرف من خلاله ويدافع عنه

تقدر تقول لنا يا جاسم الخرافي

اي ماده من الدستور تنص على اللي تقوله؟؟

والا اهوا عناد مثل عناد اليهال لأن الجريدة مسكت عليك هالجملة من قبل فقلت تكررها يعني قوي

دكتور شرقان ميخالف تحمل شوي بعد واخلص اللي شفته بيومين بس بديرتي
شباب طايحين له هيروين ومحششين وقاعدين يفجرون بخلق الله ويقولون جهاد

هذا واحد لازم تعرفون من اللي وزّه وسهّل له الروحه حق افغانستان

ودلّاه الدرب

عشان يقعد ويّا شلة محششين ومدمنين فاصلين عالدنيا وما فيها

المصيبه شوف التعليق اللي بالصورة عاليسار شيقول

دكتور شرقان انطر شوي

شوف هذا بعد حامي حمى الدستور

إنتظروني في المجلس

ليش ما تقول لي إستاحش علي البيت .. في الشريط القادم مرة وحده
وهذا الثاني بس ناقص نحط له اسم الألبوم .. طمني بس


دكتور شرقان أدري ينّناك

ودام هذي هموم نوابنا وهذا كلامهم

مانقول إلا




27 comments:

Anonymous said...

مجلس الوزراء تردد وتأخر كثيرا في هذا القرار العادي مما شجع هالنوائب على تصريحاتهم الفاضية على الطالع والنازل

وللأسف الصحافة ومن خلال النشر اليومي لتصريحاتهم السخيفة تشجعهم على الاسترسال

سرحان said...

إي والله... على الدنيا السلام.

خليها على الله، فحال لسان العقلاء يقول "خرج و لم يعد".

kuwaitawy said...

ما اعتقد دكتور شرقان

بيصبر على هموم الديره

Anonymous said...

اثناء فترة الانتخابات زارنا روضان الروضان في الدوانيه وتبين انه انسان مايفهم ومع الخيل ياشقرا
لذلك اشك انه مو فاهم شنو يعني توصيه

Dr. Academy said...

انا بس ودي اعلق على موضوع حسين الاحمد كوني كنت اعرفه قبل لا ينهبل ..

حسين الاحمد لما قرر انه يهد الفن و يتوب و يتدين طاح عليه واحد سوسه يمشي و يخرب بشباب هالديره و يقص عليهم و طبعا تحت شعار الدين و الجهاد ..

هذا الواحد تخيلي ان عنده برنامج اسبوعي على فضائيه كوتيه و يكتب في الجريده اللي تتبعها هالقناه و طبعا حلال عليه المال الحرام مال الجريده و القناه

هذا الشخص اللي اشرطته لو تسمعينها "قبل لا يطلع بالتلفزيون" راح تعرفين شكر يحرض الناس فيها على الجهاد و الاستشهاد جابل حسين الاحمد عقب ما تدين يوميا .. كل يوم يروحله البيت .. لما اقتنع حسين انه يروح يجاهد بافغانستان ،،

انا بس اللي ودي اشوفه ... ان النيابه عقب ما تخلص من حسين تمسك "بلبل" و تحقق معاه و تشوف اذا كان له دور والا لأ

و اسف عالاطاله

Anonymous said...

مبروووك مبروووك الحكومه عندها لساان! تكلمت اخييرا :D
الف الف مبرووك
مع اني يعني اقول ان لين الحين ما صار شهر 9 فننطر يمكن يحوشها شي :p

مييزه الدكتور شرقان ان ما كان عنده مفهووم للجنون! يعني اي واحد ممكن يكون مينون و يكون عاقل في نفس الوقت! اللي قاعد يصير بالديره ان العاقل قاعد يفكر شلون يصير مينون زياده :D

Anonymous said...

Al7een kelina dawamna bermothan , sheno ya3ni ma 9ar lena shay
a9lan el youm yamshi asra3 ekoon fe shay esawoona bedal el rebada, al7een laish el dala3 yaboon
e5aloonhum e3a6loon 3ashan eyaniinon ahalhum min 9eba7 allah
5air eb ermothan !

madrii laish yayni e7saas ena rothan el rothan ehwa ra2ees majlis el oma el qadiim o ehwa ele be6ayii7 el 5rafi :)

3asach 3ala el guwa :)

Mohammad Al-Yousifi said...

سالفة المدارس نكته

طول عمرنا نداوم و احنا صايمين شنو المشكلة ؟ ليش هالسنة بس دوام رمضان صار انقلاب و مصيبة ؟؟

Jandeef said...

Thanks for the song :*

kuwaitforus said...

أخالفج الراي
الحكومة هي من تحتاج الدكتور وليس الأعضاء ، شفنا الاسبوع الماضي نورية تصرح ان التربية لامانع لديها من التأجيل وأن التأجيل قرار اقتصادي بحت ، وأمس تخرج علينا وتردد أن العمل عبادة
!!!!!!!!!!!

عادي أمس عينت وزير ماتبونها تلعب معانا

Anonymous said...

hatha elee ya3jebny eb esloobech...balawy ildeera et3abreen 3anha eb jomletain aw laq6a ..(yama takhayalt nafsy an7aash chithy!looooool)

ButterFlier said...

الله يسعد قلبج

zaradisht said...

للاسف الكويت عليها السلااااااااااااام

Anonymous said...

مساء الخير

اختي العزيزه

اسمحيلي بعلق هالمره مع اني اقرا بس
بس عندي ملاحظه عليج تكررينها مرات عديده
و هوا شلون اقولج امممممم كلامج لاذع شوي اقرب الى السب منه الى النقد
يعني انا اكثر بلوقز اقراه بلوقج و بلوق طاخ طيخ فودي كقارئ لمدونج انه يخف الرمي
مو يوقف التخفيف بس
هههههه
و إلى اامام اختي

اخوج
senior_a7maad

Anonymous said...

قرار تشكر عليه الحكومة .. و أزيدعلى الأخ مطقوق ،إحنا على أيامنا كنا نداوم برمضان مو بس بعز الصيف، و أصلا ما كان أكو إلا بنكات للتبريد ،يعني مراوح مو مكيفات ، و كنا نستوعب و مدرساتنا عندهم انضباط ويؤدون مهنتهم بأمانة . ما كانوا الأهالي يقيمون إلى الفجر بالمساجد اللي تطول ولا كانوا يهدون عيالهم بتالي الليل و يخلون القرعة ترعى و لا كانوا أقل ديانة من أهالي آخر زمن و
أشوف الناس ما اتذابح على المساجد إلا علي المساجد اللي تخلص الفجر

فريج سعود said...

خلوا الدوام بوقته احسن
لان الناس لا راح تداوم ولا شي وبنفس الوقت عطلة السنة الياية بوقتها
وسلم لي على دوام رمضان الي بين عطلتين

Bad-Ran said...

الفئران آتية أحموا الناس من الطاعون

Sn3a said...

ضحكتيني بدكتور شرقان

يبا انا بعرف
الحين اهم ماعترضو على عرقله المصفاة الرابعه
ماعترضو على الملايين اللي بره
ماعترضو على الكويتيين اللي عازين نفسهم على الطراره واكل ماعندهم
زين ماعترضو ان المستشفيات مافيها سراير

بس اعترضو
لان العطله ماكبرت عشان ينامون زياده
ياما داومنا برمضان

وبعدين هذيل ربع اللحى
مايدرون ان كان في عزوات برمضان
والرسول صلى الله عليه وعلى اله وصحبه وسلم ماقال للمسلمين ان رمضان شهر الراحه

عيل لحيتهم حق شنو بالله؟

وغير اللي انتظروني بالمجلس
لا يبا
ننتظر بالعلاج بالخارج

Bashar said...

عندي سؤال!

في الفيديو .. التصوير بأي شارع؟؟

تحياتي

حياتي هدف مو عبث said...

silly

Anonymous said...

ماشالله عليك البوست وايد حلو وفي منتهى العمق
وبدت الخبرة تزيد في التحليل
وبصراحة المدونات اللي مثلك اصبحوا ينافسون بعض الكتاب المؤثرين ولايزعل بوراكان

ابوعلي

wa6an-alnhar said...

حسين الأحمد
يازينك و انت تغني
كنت تفرح قلوب

بس من غسل مخك بلبل
قمت تخلي
ألف عين وعين تدمع
ألف قلب و قلب يتألم
الله يسامح اللي كان السبب

بيت القرين said...

أنو
بهذي انت صح

سرحان
اي والله خرج ولم يعد

كويتاوي
يبيلنا اكثر من واحد

حمودي
جايز جدا جدا

د.اكاديمي
نزل بوست عن تفاصيل هالموضوع واكشفهم

أنو
العاقل يفكر شلون يصير مينون
خوش حكمه

نوخذانا
الله لا يقول

مطقوق
وكل مالنا ونتردى زود يا مطقوق

جنديف
افا
بس الاغنية؟؟
:p

كويت فرس
الحين مالي شغل بنورية او غيرها
تعتقد القرار صح او غلط؟

أمواج
تسلمين يا رب
واذا بتنحاشين ناديني
:p

بتر
اجمعين

زارديشت
الله يستر

سنيور
شكرا عالنصيحة
وراح اراجع المواضيع واذا تيقنت من كلامك راح يخف ان شاء الله

أنو
اشوف كل واحد قاعد يطلع حرّة دوامه أيام الحر
:p

فريج سعود
أكثر شعب يفكر شلون يخترع عطل احنا

بدران
صرنا كلنا قاقوقه
:)

سنعه
اللحية خذوا منها اللي يبون ووصلوا المجلس وبس

بشار
اذا اي احد يعرف خل يقول
لأني شفت الاغنية مليون مرة بحاول اعرف المكان
:)

حياتي هدف
شنو السلي بالضبط انا ولا الموضوع ولا المجلس
نورنا؟

بوعلي
اي قاعده اصير مخضرمه مع الايام
:p

وطن النهار
شنو اغاني حسين الاحمد؟؟

Xeon47 said...

انا سمعت ان الشعوب بيدها القرار

و شعبنا الله انعم عليه بنعمة اتخاذ القرار ..

و صناديق الانتخابات ترصعت بهذا القرار

يعني اذا قابلية نشر الفكر الجهادي موجودة عند بعض اعضاء المجلس فهذا يعني وجوده بدرجات متفاوتة بين ابناء الشعب ..

الذاهب للجهاد .. مو المجاهد ..

ليش تمسكه الحكومة ؟

هل لانه عرض امن الدولة للخطر؟
او لانه شوه صورة الدولة بالخارج؟

سواء كانت الاجابة الاولى او الثانية .. هذا يعني ان في درجات متفاوته من الشعب مستسيغين فكرة تعريض امن الدولة للخطر او تشويه صورتها بالخارج

و هذا شي خطر الصراحة .. و ما نقدر نطمسه عند الكبار الا بالعقوبات .. و عند الصغار بالتوعية في المناهج عن ماهية الجهاد الحق ..

المناهج لعبة خطيرة جدا .. الاسلاميين عارفين اهميتها عدل و لاعبينها صح .. اما البقية يا غافلين لكم الله!

Anonymous said...

مليقه وغبيه

nEo said...

LOOOOOOOOOOOOOOOOOOOL


لي استاحش علي البيت

Anonymous said...

قلبتو علينا المواجع يابيت القرين

احساسنا بالغربة في وطننا ليس بجديد