15/05/2009

الثالثه ثابته

هذي الرسالة الأخيرة قبل الإنتخابات من مسفر الدوسري

شوفوها وإستوعبوا كلامها عدل

ونشروها اذا تقدرون

قبل لا أدش بدائرتي الثالثه

بقول لكم شي وصلني من مجموعة على الفيس بوك تتحرك لرفض إزدواجية الجنسية

وطبعا أحد أبطالها السلفي ستايل الضاحية

يقولون

محمد المطير من أوائل الاعضاء اللي راحت لهم مجموعتنا لدعم قضيتنا وهي ازدواجية الجنسية , وطبعا واعدنا اكثر من مره وكشت فينا , ولكن صدناه آخر مره فقلناله عن قضيتنا وطلبنا انه يناصرها بحملته الانتخابيه ... تدرون شنو رد علينا ؟؟ قال لنا انا أؤيد قضيتكم قلبا وقالبا بس ماقدر اصرح الحين عشان ما أخسر صليبيخات والدوحه وهذيل ثلاث ارباعهم مزدوجي الجنسيه !!!!!!؟

هذا السلفي ستايل الضاحية يطعن بإنتماء 3 ارباع عيال صليبخات؟؟؟
لا وقال هذيل بعد
:p


المهم مو هذا موضوعنا

موضوعنا حدس وسلف الثالثة تحديدا

بعد أكثر من محاولة فاشلة للطعن بأسيل العوضي وصالح الملا من خلال التدوين واليوتيوب وغيره

أعلنوا حدس حبهم للسلف وقالوا تحالفنا وحلفلي قال يخطبني
:)

السلف اللي اهما فيصل المسلم راعي الشيكات اللي بعدين قال لنا انا عبالي اكو شيكات

وأحد مستلمي هذي الشيكات وليد الطبطبائي

أعلنوا نكرانهم لهذا التحالف
على الرغم من
هذي

وغير هذي
يعني هم دينين على قولتهم ويجذبون

واذا مو تحالف وبترقعونها تبادل أصوات

طبعا الشيخ بن باز الله يرحمه عالم جليل وهذي رسالة للسلف خصوصا

بعد تلون ربعهم

وتحالفهم الواضح مع الإخوان

شوفوا
شقال الله يرحمه يا سلف

سئل الشيخ عبد العزيز بن عبد الله بن باز -رحمه الله تعالى -عن (الإخوان المسلمون) في مجلة المجلة العدد (806) تاريخ :25/2/1416(ص24) ، وهذا نص السؤال والجواب
سماحة الشيخ : حركة "الأخوان المسلمين " دخلت المملكة منذ فتـرة ، وأصبح لها نشاط واضح بين طلبة العلم. -مارأيكم في هذه الحركة؟ -وما مدى توافقها مع منهج أهل السنة والجماعة؟.
أجاب الشيخ :حركة الإخوان المسلمين ينتقدها خواص أهل العلم ،لأنه ليس عندهم نشاط للدعوة إلى توحيد الله، وعدم التوجيه إلى العقيدة الصحيحة ، التى عليها أهل السنة والجماعة

يعني يا فيصل ووليد اصحاب الدعوة السلفية هذا انتوا تتحالفون مع اللي قال عنهم عالم جليل تجلونه وتشهدون بسداد رأيه أنهم لا يوصون بالعقيدة الصحيحة!؟؟؟

بس هالتحالف غريب الصراحة

يعني فيصل فتّن على وليد بسالفة الشيكات

والشايجي وعايلته الكريمة زعلانين من وجود الدلال مع الشايجي لأنه يسحبهم لورا

شلون صاير هالتحالف مادري

لو تلعبون سبيته أحسن

عموما تحالفتوا ما تحالفتوا الوعد مع النتايج الأحد

واذا كانت إشاعاتكم على صالح الملا ما يحضر وتفندت وبينت سخافاتكم

وهم سخافتكم بيوتيوب أسيل اللي مقتبسته من تفسير القرآن

غير الضرب اللي حاصل على أحمد السعدون

ومنها اقدم طرح بالدنيا

فايز أكيد لا تعطونه

الملا السعدون رولا وأسيل اهما صوتي لوطني

وهذا رايي الشخصي

لا وفي تحالف يديد بعد الروضان والعبدالهادي ومعيوف

على قولة دغيشم

اللللله

كل هذا بسبب الصداع اللي مسببينه أسيل وصالح والسعدون

لعبوا غيرها

الخوف بعد الخوف ان جويهل وجمال العمر يتحالفون
:)
والثالثة ثابتة للمرأة

أخيرا

أرضك يعني عرضك

18 comments:

Icarus said...

الثالثة ثابتة...آمين يارب

الدســتور said...

كثر الله من أمثالج

Blog 3amty said...

مخطأ من ظن يوماً أن للأخوان دينا !

مَـــــعْــــمَــــعَـــــه said...

اقذر انتخابات بتاريخ الكويت السياسي والله قاعد نشوف ونسمع هوايل يشيب لها شعر الراس حرام الكويت يصير فيها جذي والله حرام

khalid said...

أولا محمد المطير مو سلفي، الريال محافظ مثل عامة الشعب الكويتي
وثانيا سالفة انكم رايحين له على موضوع مزدوجي الجنسية! وإنه قال أهل صليبيخات ثلث أرباعهم مزدوجين ما أقدر أخسرهم! فهذا كلام غير صحيح و واضح انكم متحاملين عليه من يوم طيح رمزكم النيباري وطلع الأول بالضاحية.. يا ناس اشذنبه إذا الناس تحبه؟
اشتغلتوا عليه وحاربتوه وهم نجح
بعدين اشتغلتوا عليه وحاربتوه وطلع الرااابع، يعني الثاني إذا أخرجنا مرزوق وجاسم من الحسبة لأنهم يشترون
محمد المطير مشكلته صاحب مبدأ وما يعرف ينافقكم.. الله يوفقه ويكسر روس العذال

khalid said...

أولا محمد المطير مو سلفي، الريال محافظ مثل عامة الشعب الكويتي
وثانيا سالفة انكم رايحين له على موضوع مزدوجي الجنسية! وإنه قال أهل صليبيخات ثلث أرباعهم مزدوجين ما أقدر أخسرهم! فهذا كلام غير صحيح و واضح انكم متحاملين عليه من يوم طيح رمزكم النيباري وطلع الأول بالضاحية.. يا ناس اشذنبه إذا الناس تحبه؟
اشتغلتوا عليه وحاربتوه وهم نجح
بعدين اشتغلتوا عليه وحاربتوه وطلع الرااابع، يعني الثاني إذا أخرجنا مرزوق وجاسم من الحسبة لأنهم يشترون
محمد المطير مشكلته صاحب مبدأ وما يعرف ينافقكم.. الله يوفقه ويكسر روس العذال

العرزالــــــه said...

عفوا

مالي صلة بالمطير او تأييد

بس وين الدليل على كلامه؟

اذا السالفه نقل عن ناس فما اظن تفرق عن بقية الكلام اللي يقال عن باقي النواب بدون دليل واللي الكل يرفضه بمافيهم حضرتكم

بيت القرين said...

jako
آمين

أبوالدستور
وأمثالك

بلوغ عمتي
يبيله تسوي لهم فيديو على هالاغنية

معمعه
صدقت

بوي
ممكن الناس تحبه بس مو كل من ينحب زين
وثاني شي شنو قدم للكويت علمني

العرزاله
أنا ما قلت لك صدّق
بس أنا أصدق أعضاء هالمجموعة بالفيس بوك
ونقلت اللي اصدقه
وانت حر

Anonymous said...

شكلهم حلو و اهم يلعبون سبيته؟؟؟ لان بتصير خيانات مالها اول و لا لها تالي!!!!

بو عبدالملك said...

بلوغ عمتي انت ماشاء الله الناس تحسدك
منو قالك ان ليس للاخوان دين
وعلى فتوة بن باز رحمة الله عليه
مو شرط ياخذ بها لان الانسان ياخذ فتاوي بالاجماع
وهناك علماء ردو على فتوة بن باز رحمة الله عليه
وعلى طاري التحالف حدس تحالفت او ماتحالفت لان ثقلها بالثاله

aChar said...

منقال ان المسلم سلفي؟؟؟؟؟؟؟؟؟

امبين انكم خلطين الأوراق!!!

المسلم حدسي مستقل على قولتهم.. اهو مع حدس ولكن اعيال عمه ما ايخلونه ينزل معاهم

و من قال الطبطبئ سلفي؟؟؟؟

اهو صرح انه اسلامي مستقل ماله دخل بالسلف

واخر شي بو براك عن 10 رياييل من التحالف لو شنو ما ايسو شي ايضر الكويت و اجذب كلامك و ثقتي فيه ثقيله

_____

و استمرو يالاستهزاء و الضرب تحت الحزام و جمع الادله المفبركه,,, لانه هذه مستواكم و لا تقدرون عليه يا اعيال التحالف.... ولما ضرب اعيال حدس اسيل باليوتي (وكان غلط منهم) زعلتو؟ ليش مو هذه لعبتكم علمتوهم انتو؟ ضربتو حدس في 2008 باشاعت استخدام المال الخيري في الانخابات وغيره من اشاعات ضد الصانع و الشايجي؟ انتو علمتوهم هل اسلوب وانقلب السحر على الساحر و ادري اسيل بتفوز

ولكن سمعتها تضررت ولم تنفي ان الي باليوتب مو رايها بالدين و لم تعتذر لقلت الادب مع نساء النبي عليه الصلاة و السلام مع العلم الي صارله حركه دنيأه و سيأت الخلق

جبريت said...

انا شنو قلت لج ؟؟؟

انا قلت لج انه في بيناتهم ضرب مضارب وانا متأكد من هالشي 100%والمعلومه اكيييييييييييييده

والنهايه بيوصل واحد بس من الاخوان

Anonymous said...

توقعات نتائج انتخابات مجلس الأمة 2009
engineeer.maktoobblog.com

MFTELET said...

صوتي لوطني

لابد للحق ان ينتصر اذا وجد من ينصره

:)

Anonymous said...

أخوي لا تتكلم عن د. فيصل المسلم بهذه الطريقة إلا بعد ما تتبين الحق و تستكشف الحقائق! رجل فاز في الإنتخابات اللي فاتت بالمركز الأول بفارق يكسر الظهر عن منافسيه .. و تقولي غير نزيه و متحالف و متلون؟؟
أخوي المسلم قال "قبل حل المجلس" : لدي معلومات عن وجود شيكات ، و لن أصرح بالأسماء لأنني غير متأكد و لن أقذف أحداً .. و لكن متى ما تأكدت سيتم محاسبتهم و كشفهم ..
طلع بعدها بفتره قصيرة ولد الطبطبائي و شرح شيكه وين راح " حق مبره كيفان" ..

و المسلم قالها في أكثر من مقابله إنه ما قال عندي أسماء .. قال عندي معلومات .. و معلوماته طلعت صحيحه!! :)
الرجل منزلين ضده 4 عتبان في خيطان و الصوت وصل 400 دينار بس علشان يطيحونه ..
و سالفة ندوه حدس .. للأسف لعبه غير شريفة من حدس نظراً لموقفهم الضعيف يبون يصعدون عن حسابه .. أهوه مشارك في ندوه لهم و صوروه و نزلوا البروشون بدون علمه!! و هالكلام قاله اليوم في الراي و نزل نفي في الجرايد ..
المسلم حاضر في ندوه : مسلم البراك ، أحمد السعدون ، صالح الملا ، حدس
يعني حاضر في أكثر من مكان و توجه ..
لأنه مستقل مستقل مستقل ..
و سيظل هذه الرجل الشجاع مستقلاً ما حيى ..
و بإذن الله المسلم فاله المركز الأول ليصمت جميع من يحاول إخراس صوت الحق ..
فاللي يشتغل و يعمل .. يحاولون يشوهوه صورته و يطيحونه ..
و لكن بإذن الله غداً الأحد الوعد


اختك/ ساره

العرزالــــــه said...

اقول ابي الدليل على اتهامكم تقولولي الدليل ناس قايلين واحنا نصدقهم..تبي تصدق صدقهم ماتبي كيفك؟

أعتقد مدونة بيت القرين وايد اكبر من جذي

:)

Anonymous said...

الخرافي يستهزء باليوعان
http://www.youtube.com/watch?v=1oRcT13A5RY

deeratna said...

على طاري فتوى الشيخ بن باز الله يرحمه، ترى ما تهمهم وايد مصلحة الدين، لأن ياخذون من الفتاوي على كيف كيفهم، واللي ياخذون منهم الفتاوي أصلاً محرمين الديمقراطية وهم يمارسونها، تناقض؟

والله ثم والله ان الدين عندهم وسيلة لتحقيق الغاية، وبن سعود قال "الدين طير من صاده قنص به "

والعم نيكولا ميكافيللي ماقصر، فضحهم قبل قبل مئات السنين