11/05/2009

علامهم السلف؟

أول شي ندوتين كل وحده تقول الزود عندي

البطل حمد اليوعان يتكلم لأول مرة من عشرين سنة بمنتدى عام في خيمة القبس الساعة 8 ونص باجر الثلاثاء

احمد الخطيب واحمد السعدون وعبدالله النيباري واحمد الشريعان ومحمد العبدالجادر بندوة وحده الساعة 8 ونص بالشريط الساحلي للصليبخات مقابل غرناطة هم يوم الثلاثاء

عاد توهقوا انتوا بس بالنهاية روحوا حق وحده فيهم

اثنيناتهم يسوون

واليوم الأثنين ندوة حق عبدالرحمن العنجري بمقره بالنزهة الساعة 8 ونص يشاركه فيها عادل الصرعاوي ومشاري العصيمي ومشاري العنجري

انزين

خنبلش مع الشاب اللطيف السلفي ستايل الضاحية محمد براك المطير

اللي وقف وراح يوقف ضد مشاركة المرأة كما أعلن سابقا في الإنتخابات

المهم دزوا لي ايميل عن احد اعلاناته الانتخابية اللي اهوا
هذا

المهم رحت ودشيت مع الاسف موقعه الالكتروني ودشيت على القسم
هذا

دورت اي جملة تقول اذا اقتبس الدعاية او شي ما لقيت

المهم بنفس الايميل اللي وصلني وصلني الاعلان
هذا بعد

بووووق؟؟؟

مو حرام يا سلفي ستايل الضاحية تسوي جذيه

البوق ما يجوز حرام ما يصير

واذا انت مع تعديل المادة الثانية لازم تنقص ايدك بعد

انا اكثر ناس محيريني هالايام اهما السلف

يعني
واحد يبيع خمر ولحم خنزير وبعدين يقول اذا فازت إمرأة ما اسافر بوفد تكون اهيا فيه!؟؟

والثاني يدش انتخابات فرعية فيها غش وتزييف لإرادة الناس ومن غشنا فليس منا؟

بفهم بس شنهي الفكرة من السلف المرشحين عندنا بالديرة مخالفة شرع الله بكل شي يعني؟

بس الشرهة مو عليكم على اللي يصوت لكم والله ويعتقد انكم تملكون صكوك الجنة والنار

اما الموضوع الثاني واللي يحر

هو سكوت وايد ناس عن التكتل الشعبي

طبعا برايي ان وجود بوعبدالعزيز له دور بالموضوع

لكن لا بو عبدالعزيز ولا غيره يشفعون حق التكتل هذا

واذا ما تكلم بوعبدالعزيز راح تحوم حوالينه اهوا علامات الاستفهام ايضا

ووجه الجري رسالة الى البراك بقوله «لم يكسر جناحك بخروج الجري بل كنت على قدر المسؤولية والان سيكون على يمينك خالد الطاحوس

هذي من
عالم اليوم

الطاحوس على يمينك؟؟

يعني يمين البراك راح يكون مجرم؟

الفرعية جريمة والطاحوس احد المشاركين فيها
يعني مجرم

شنو هالكلام الفاضي

هل هذا اهوا التكتل اللي يمثل صوت الشعب ويحاسب المتجاوزين

ترى عيب

وعيب اكثر ان تتغمض العيون عنهم

واكبر العيوب ان نعتبر التكتل منزه لأنه يضم بو عبدالعزيز

والباجي
بنت الشامية تكلمت فيه

عبدالكريم نزّل اغنية من سنتين من أروع ما تم غناءه من التسعينات والالفية اليديدة

بس مادري الناس ملت من بوخالد او خلاص انتهى وقته

اغنية روعة تستاهل تنسمع

وما عرفته

17 comments:

حنطفيس said...

الاربعاء القادم رد الراشد على البراك بندوته بالفيحاء

ZwaiZ said...

al-takatol esha3bi ethim 3 bas esi3doun wel barrak o li7baini .. lil7een mako shay esma khaled e6a7ous laish ena mako takatol ela dakhil majlis el-omma o gabil latgi6litehamat ask ppl eli kanaw eb GUST o esa`alouh 3an khaled e6a7ous o 3an etakatol

أنا كويتي said...

هذا وينه عن موقع لصوص الكلمة؟؟

http://bader59.com/main.htm

al-nokhitha said...

el ma6air kent men ashad el
mo2ayadeen lah gabil o bel majlis ele 6af esma kan men bain el arb3a ele ekhtarthum lakin el sena wala ma eshim el 9oot ana ma a9awit 7ag ensan mosayar mo mokhayar :)

مَـــــعْــــمَــــعَـــــه said...

الندوة الاولى الصراحه ما تتطوف

محمد المطير سلفي ستايل الضاحية وقبل جم يوم الوشيحي كاتب مقاله عن السلف ربع باقر والسلطان والسلف ربع الهيلم والمناطق الخارجية خوش مقاله

ma6goog said...

التجمع الشعبي تجمع فوضوي


تجمع ربع الدوام

الذهبي said...

اليوم اصدرت وزارة الاوقاف فتوى تقول ان المرأة لها حق الترشيح والتصويت وهذه االفتوى تدل على ان السلف يستخدمون الفتوى من اجل اغراض سياسية بحتة
وعلى الرغم ان المرأة لها الحق فى التصويت ولماذا ليس لها الحق فى دخول المجلس ؟

MFTELET said...

وسعوا صدركم على قوله كوكو , المهم احمد السعدون مو مسئول عن تصرفات الطاحوس والا غيره , على فكره مرزوق الحبيني كان يدش فرعيات , التيار الديني مو شي يديد عليه الي قاعد يسونه , وانشالله ماتكونين احد اطراف الحمله الي قاعد تحارب بوعبدالعزيز , وانشالله موضوعوج هذا مايكون محاوله رد على حمله الاتهامات المتبادله مابين التيار الديني والليبرالي , ولاتنسين الناس الي قاموا يحاربون حمله "اقسم" وقالوا انه مبيوق .

عنيف said...

السلف هالايام قاعدين يتخبطون ويدابجون ويجدفون بأيدهم وريلهم للوصول الى الكرسي الاخضر التعيس الذي سيحملهم ويرجو من الله ما يحمل اثامهم الثقيله بحق الكويتيين والسبب والسر عندج بالامان (اهم شي بالامان )انه يقال انه هناك مرشح جديد بالثالثه معتدل التفكير يناقض اخوه السلفي وكشف اساليبهم بالثانيه
اخونا سعد الخنه ويقولج والسر عندج بالامان (شلون سر وكل الناس بتقرا ما ادري بس سر)هذا في الدائره الثالثه اثنين سلف من نفس التجمع يحفرون حق اخوانهم السلفيه العلميه ويحفرون حق بو الشيكات وفوق هذا يحفرون حق بعضهم بعض واهم من السلف المرشحين من قبل جمعية احياء التراث وممثلين عنها وهذي كل القصه
(الظاهر صاحبنا راعي الخمور توهق من بعد ما طلع انفولونزا الخنازير ما يقدر يبيع شي منهم الحين لوووووول)
واسف على الاطاله

بيت القرين said...

حنطفيس
وين؟

زويز
حتى الحبيني شارك بفرعية
انت جاوبني شنو قال
عشان لا اتهم على قولتك

انا كويتي
ما ينسونه لا تحاتي

النوخذه
من زمان

معمعه
قريتها
حلوة

مطقوق
يبتها ييب

الذهبي
ماكو عقول ما تبي تسمع لو الف فتوى
والكويت لا تدار بالفتاوي

مفتلت
طبعا ماني من حملة ضد السعدون
بس محد فوق النقد ولا شرايك؟
انا شفت ممارسة برايي خاطئة وانتقدتها
يحق لي مو؟

أما بالنسبة لأقسم ودعاية المطير
مجموعة اقسم اعلنوا من البداية ان مقتبس
وهذا انا تعمدت ادش موقعه الالكتروني اللي حاط فيه الاعلان وما كان كاتب اي شي عن الاقتباس

عنيف
بسنا اسرار يا عنيف بسنا
:)

Anonymous said...

التجمع الشعبي صاير تجمع خرطي يجمع النطيحة والمتردية

البراك فقط للنباح

الحبيني خريج فرعية

السعدون مو لاقي نواب أوادم توقف معاه

Anonymous said...

http://www.youtube.com/watch?v=0Ujahyp9wsM

http://www.youtube.com/watch?v=be-nOnoWqBg&feature=channel_page

http://www.youtube.com/watch?v=RFVQNAT3PNs&feature=channel_page

Anonymous said...

تم تغيير مكان ندوة السيد حمد الجوعان الى فندق الشيراتون

بوحمد said...

نترك جميع حسنات أحمد السعدون التي لا ينكرها حتى خصومه وننتقده بكلام قاله وليد الجري ... من المستفيد من نقد السعدون بهذه الطريقة..أم أنكم لم تجدوا شيء يستحق لنقده...هل ننضم مع نبيل الفضل وفؤاد الهاشم ونكمل الطريق معهم..في السابق كان من ينتقد الوطنيين من أمثال الدكتور الخطيب والمرحوم سامي المنيس وحمد الجوعان ومشاري العصيمي والسعدون أيام الانتخابات معروفون ... أما الآن ... هم توقفوا وتركوا لنا إكمال المهمة للأسف... أتمنى منكم أن توجهوا أقلامكم في النقد على من يريد هدم الدستور لا على من يدافع عنه حتى وإن أخطأ

ولاّدة said...

سؤال: عبدالرحمن العنجري ليش داعي الصرعاوي السلفي اللي صوت ضد حق المرأة السياسي يتكلم في ندوته؟


العام نقدت على صالح الملا لانه خلاه يفتتح مقره...هالسنة العنجري الله يهديه كرر نفس السالفة

معارض said...

طيب ليش ما تنتقدين نواب الائتلاف اللي مجتمعين على اساس طائفي

وبالنسبة للطاحوس :
كيف تصفينه بالاجرام ولم تثبت عليه اي تهمة، تحتاجين الى شوية انصاف يا متسترة بالعلمانية

صلوات على يزيد ال يزيد وبني امية

Anonymous said...

http://bu-sanad.blogspot.com/2009/05/blog-post_11.html


دندون

شرايج بالموضوع هذا