05/05/2009

وطن من جديد

شوفوا بالأول


ترى وايد سهل التحريف

بالضبط خذا مني ربع ساعه

بوجود حضرة موقع طرب

ووجود برنامج

Adobe Audition

ووجود السيد

Windows Movie Maker

وصاحب الأفضال الجليلة السيد يوتيوب

أسيل أول مرشحة كويتية تهاجم بهذا الإسلوب

السيء السخيف وفوق كل هذا غبـبـبـبــبـبـي

طبعا مصدر الوصاخة اهوا شبه معلوم

وما راح يطوّل اسبوعين وينكشف

بس تعالوا يبا خنشوف شالسالفة

اسيل لي هالدرجة مؤلمة

اللي شلّه تجهز لها فتوى

والثانية تسجل لها محاضرة وتحرفها؟؟

شنو يعني اسيل الحين بتخسر؟؟

شوفوا وهذي مني وقبل 11 يوم من الانتخابات

اسيل العوضي اول عضوة في البرلمان الكويتي

وفوزها راح يرسم الوطن من جديد

سبيتوا زورتوا حرفتوا

ما يفيدكم الحين

وانتوا طبعا عارفين بنجاحها قبل بداية الإنتخابات

والدليل دزيتوا جنودكم يسجلون لها من قبل لا تترشح

وبالنسبة للطالبة اللي سجلّت المحاضرة

الله يعينج على اللي بييج

وخل يفيدونج
ربعج

رساله بالنهايه حق أسيل بس

وإني أحبك

26 comments:

بلا قيوود said...

"دعنا نقول "القافلة تسير والكلاب تنبح

forzaq8 said...

مرزوق الغانم و جاسم الخرافي و المطير
كلهم في فيديوات تهاجمهم اثناء الانتخابات

بلا بطولات

C'est La Vie said...

صارت السياسة لعب عيال

ma6goog said...

سوولها دعاية ما كانت تحلم فيها

دلال said...

شي يضحك ان نرى من هذه الاشياء تصدر من اشخاص اسلاميه و الاسلام بري من افعالهم !
مفلسين لانهم عارفين انها بتفوز
و انا اكيده ان الي سجلت من قائمة الائتلافيه التابعه لعدس !!
مسكينه والله سببتي على مستقبلج و سمعتج بهالفعل الرخيص :)

Eng.TaRiQ said...

"بيت القرين" العزيزة ..

صراحة أعتبر فيديو شعبان عبدالرحيم تبرير غير منطقي للسقطة المدوية للدكتورة ، و انا ما انكر ان هذي عملية انتخابية و"حدس" راح تستفيد من هذا الحدث ، لكن ما يبرر الخرابيط التي تفضلت فيها الدكتورة الفاضلة وكان الأجدر عدم المكابرة والإعتذار عن سوء الأدب مع مقام النبي عليه الصلاة والسلام وزوجاته الكرام رضوان الله عليهم ، أما قضية الفبركة على بنات الكويت ورئيس مجلس الوزراء فهذي القضية لا تعني كثير من الشارع الكويتي.

وعذرا على الإطالة
م. طارق

Anonymous said...

أسيل الـعـوضي بـ ببيانها اليوم بالجرايد


أقـــــــرت


أن التسجيل صحيح لهاا ،، لكن المقاطع اللي تتكلم فيها مأخوذه من محاضره كامله


يـعني ماله داعي نكابر ونقول ان التسجيل الصوتي مفبرك وملعوووب فيها

نعم او مأخوذ من محاضره


لكن كلام اسيل بالمقطع المعروض

ما يـتــرقـــــع



عموما الترقيعات كثرت

مره المحاضره الفكر النقدي

مره الصوت مفبرك

مره شلون تسجل المحاضره واهي ممنوعه

والخ الخ الخ

Dasmawee said...

أنا كنت أحد طلبة الدكتورة أسيل بالجامعة

الدكتورة دائما تطرح الاراء الصحيحة و المخالفة و تترك الحكم للطلبة
و احيانا تتقمص دور الرأي المخالف و
تطلب من الطلبة محاولة الرد

مثل مل قالت الدكتورة هالتسجيل على قاعدة
ولا تقربوا الصلاة

ان شاء الله الدكتورة ناجحة
و على عناد العدو نمشي سوية

مَـــــعْــــمَــــعَـــــه said...

الفجور في الخصومه والاسلوب الرخيص اساليب معتاده وليست بالغريبه

Fatma said...

باذن الله فااااااااااايزة

MFTELET said...

اسيل تبي تحول هذا التسجيل لصالحها وتبي تكسب تعاطف الجمهور , وتبين للناس انها محاربه وانه مظلومه ,, واذا هذا رايها خل تقوله بصراحه وبشجاعه وراح نحترمه بس مو تقعدون ترقعون لها , خل اهي تدافع عن نفسها

Pangion said...

السياسة بالكويت بفضل التيار الديني صارت اقذر من القذارة

مستعدين يدمرون الديرة وفعلا دمروها عشان مصالحهم وافكارهم الظلامية المتسترة بالدين

اهي يت على اسيل ؟
مستحيل الفراشة تقدر تعيش بمستنقع وصخ
فجور بالخصومة واسلوب رخيص وواطي مع اللي يختلفون معاهم

ومستعدين يطلعونه حتى بره الدين
ويحرضون الميانين عليه ،إن تطلّب الامر لتشويه سمعته ،ومستندين بهالشي على قطيع المخدرين الدايخين اللي بس يسمعون شي يمشون وراه بدون تفكير.

السواء said...

هذيل الإخونجيات دعات الإصلاح
من بره براءه و طيبه و كل شي زين ..

و من داخل للاسف حقد و ضغينه ..
عموما مو كلهم و لكن البعض منهم ..

أسيل العوضي أول نائبة في مجلس الأمة
للعام 2009 بإذن الله تعالى ..

و لا عزاء لعدس !!!

عنيف said...

خل نقول انه المقطع صحيح لكن هذا دليل على انهم يخافون من الي اقوى منهم وثانيا لما قالت فراش هذا كلام الاسلاميين مو كلامها وبالتحديد ضيف الله بو رميه لما قال انه جابر المبارك ما احطه رئيس قسم على الفراشين

ولكن سيري يا اسيل ونحن من ورائك سائرون والكلاب تنبح نخليهم لما يطيح ترهم فوق لحاياهم اولهم صاحب مدونة الطارق العدسي

نـاقـوس said...

اسيل ،، ادلع يا كايدهم

بس ترى يسويها شعبان عبدالرحيم مو بعيده هههه

أنا كويتي said...

أصبر على كيد الحسود فإن صبرك قاتله

فالنار تأكل بعضها إن لم تجد ما تأكله

إلى الأمام يا أسيل
إنشاء الله تكونين أول الغيث

إمـرأة لا تُنسـى said...

اكبرت السالفة :)

المتهـافت said...

دانة تعالي عندي شوفي حقيقة أسيل الجزء 3
:)
www.khobzah.blogspot.com

fastfooder said...

للأسف يا شعبان عبدالرحيم, انا كنت بصوت لك بس بعد هالكليت طحت من عيني

ديرة بطيخ said...

يا جماعه ترى السالفه مافيها تلفيق واسيل اعترفت بالتسجيل وهذا اسلوبها ولي مقتنع فيها بصوت لها بغض النظر عن التسجيل

فماله داعي انج توحين لنه انه مزور ومحورف فيه مثل ماسويتي بفيديو شعبان يا دانه

Naser said...

واللله انا كنت اتمنى شخصية مثل اسيل انها تدخل المجلس وتطهر القاعه من بعض النجاسات السياسية لكن للأسف اللي حصل لها بسبب الفيديو السخيف واللي ماله معنى راح يسقطها بإمتياز واذكرو كلامي الناس في الكويت بسيطة لا يغركم اشكالهم ولا ادعاء ثقافتهم ترى واللله ولا شي كلمه توديهم وكلمة تييبهم وحسافه عليج يا اسيل

doon said...

المفروض في المرشحة تصارح الناس برأيها في الحجاب هل تعتبر الحجاب فرض على المرأة المسلمة ومن لا تلبس الحجاب هي عاصية أو أنها ترى الحجاب مجرد قطعة قماش تحجب العقول ولا أصل لها في الدين الاسلامي بدلا من اللف والدوران والبحث عن مبررات لا معنى ها

DiLLi O MiLLi said...

صــــــــــــــح ألســـــــــــــــانك
بالعكس هذي الحركة خلتنا أنتمسك أكثر بأسيل
تســـــــــــــــــــــــــــــتاااااهل أصـــــــــــــــوااااتنا




يه يه صايرة رومانسية يا دانة
فيديو كلب .. واني أحبك
حتاااااا انا أحبهـــــــــــــــــا
:)

al-nokhitha said...

lol el youm bu rashed daz msg 3an your blog ;p

Q80 Blogger said...

وفوزها راح يرسم الوطن من جديد


من صجكم !!!!!

ZOOZ said...

يلا ألحين أبيك تشتغل على تحليل التسجيل الجديد وهو موضوع البويات والبحرين