01/05/2009

عشان جذيه متخلفين


مجموعة تطالب بالكفاءة وهذا شعارهم

يا ليت يستمرون حتى بعد الإنتخابات

المهم مو هذا موضوعنا

تدرون ان معظم المنتزهات اللي على البحر ما فيها حجز ليما نهاية شهر خمسه

والافينيوز دايما زحمه بنفس الوقت اللي المنتزهات مافيها حجز

ومطاعم البحر هم زحمه

والبدع زحمه

و
living colors

هم زحمه

وطيران الوطنية والجزيرة والكويتية وطيران البحرين بعد عندهم رحلات يومية ليما البحرين

وطيران الامارات والوطنية والجزيرة والكويتية عندهم رحلات يومية ليما دبي

وحفلات فبراير تخلص حجوزاتها اول باول

وكلهم بنفس الوقت

يعني اللي يسافر مو نفسه اللي يكون بالمنتزه او بالمجمع او بالمطعم

ناس غير

يعني شعب يدور الوناسة يدور الإنفتاح يدور الحرية والفرح

ومع كل هذا



اي ليش تصوتون ضد رغباتكم فهموني؟؟؟

ويبقى شي نهديه حق نبيل العوضي خصوصا اللي
يقول

تلفزيون وجريدة «الوطن»، هذه المؤسسة التي تعودنا منها رعاية كل ما هو نافع للوطن والمجتمع، فجزاهم الله خير الجزاء

وإنته سبب بلواي


16 comments:

Fahad said...

انتي قلتيها بنفسك

يعني الناس قاعدة تطلع وتروح وتستانس وتسافر مع ان اغلبية البرلمان من الاسلاميين

هالنواب الاسلاميين ماحولوا الكويت لديرة نكد مثل ما نفهم من طرح الليبراليين

الله ينصر ويعز و يرفع كل نائب اخلص النية لفرض شرع ملك السماوات والأرض وخدمة الكويت.... آمين

ساره النومس said...

الله يكون بالعون ...


والكفاءة من زمان مطلوبة توهم يحسون؟؟

Icarus said...

القطو ما يحب الا خناقه

مادري لي متى راح يظلون متعاطفين مع هالفاشيين

بلا قيوود said...

أنا أعتقد أنهم يبرون ذمتهم أمام ربهم كما يعتقدون فتلاقينه يسوي الغلط ومايرضى أخته أو أمه تسوييه ...
أو مثلا يصوت حق حدسي أو سلفي
عشان يبري ذمته ...
فهمتي شقصدي

المتهـافت said...

الكويتيين عايشين بين سكرة السلف وزار الاخوان ورئصنييي
الكويتيين عايشين صدمة الحداثة إلى الآن مع انهم قطعوا شوط في استيعابها لكنهم مازالوا في مرحلة عسر الهظم وأنا متفائل بنجاح هذه المرحلة رغم المخاظ العسير

Mohammad Al-Yousifi said...

سادية

بـركـــــان said...

بعد التحيه ،،،

للاسف ان الناس يتعاطفون مع المتديننين لصورهم و ظنهم بانهم خايفين الله اكثر من غيرهم ما دروا ان حالهم كالبقيه مستفدين و تجار .. اصحوا يا ناس المتدين لنفسه و لربه نحن نريد مخلصين للوطن و ان كان فاجر بينه و بين نفسه بس وين الالباب؟

bydvsj said...

الوناسه الى يبونها النواب الاسلامين سوق ومنتزه فقط لا غير

مع الضوابط الشرعيه الى بوجهه نظرهم:)

راح ايى يوم ايطالبون ان يسكرون السينمات نفس السعوديه


راح اى يوم ايطالبون بإلغاؤ هلا فبراير وهذا الى حاصل بتحلطمهم على المهرجان


طبعا انسوا اذا فى حفلات فى الكويت

غير مطالبتهم بتسكير المسارح مثل ماقاله الفنان الكبير عبد الحسين عبد الرضا
مسرح خاص للدوله مافى

الموسيقى جزء اساسى من الترفيه واهم يطالبون بإلغاء

تحلطمهم برمضان على المقاهى وان الناس تتسحر بره

كل هذا يبون وناسه:)

الترفيه جزء كبير اساسى من الفن

واهم عندهم الفن حرام

كاريكاتير said...

مرحبا

اختي العزيزة

بإذن اله لجنة كفاءة امامها تحديات عديدة فهي تواجه قضية الوعي السياسي الوطني

امامها قضية الانتخابات الفرعية والنعرة الطائفية والنفوذ والمال السياسي

شكرا على الدعاية المجانية للجنة

C'est La Vie said...

نبيل العوضي خله على صوب
يمدح بليالي فبراير عشان الندوات
اللي سووها وينسى الباجي


كل مالهم قاعد يضيقون علينا
ما يبون الانسان يعيش حياته ولا يفرح
كلشي حرام بحرام والدنيا كلها فاسده
اذا مو عاجبتهم ديرتنا خيروحون وحده من هالدول اللي منا
وصدقني راح يلاقون اللي يعجبهم هناك :)

Anonymous said...

احسن خل ينثبرون بالبيت ويتحلطمون

صج تخلف
ناس ما تفكر
ناس عميه
ماتشوف

السياسه تتناقض مع الدين
دام ان المرشح متدين شكو راز ويهه بالسياسه الا اذا عنده مصلحه دنيويه

انزين بالنسبه للمنتزهات
شلون يعني
وين نرووووووح
ويييييييييين


وشسالفت لفنق كلرز
الكل يحجي عنه

Anonymous said...

مليقققققققققققققققققققققققةةةةةةة

Common_Sense said...

الظاهر الواحد يصيع بره ويكفر بذنبه بالتصويت لنائب اسلامي

يعني تبينه يدش النار؟ مايصير

al-nokhitha said...

living colors 7asafa khariiboh el
haiilag wela gabil esh7alata ;p

moo chethi el mawthoo3 elee edawroon el wanasa 3ala goltich ma e7athroon youm el ta9weet mo hamhum el majlis 3ala golathum
ye96efil o hatha akbar '3ala6
le2ana ele ma esharik bel
enti5abat esa3id eb 6areeqa '3air mobashra eb naja7 sha59 sayi2 :)

Dana wala baz3al 3alaich etha yebtay serat nabeel mara thanya hatha kafoo ehda2 la barak allah feeh walah farg lama ashoofa wela ashoof Dr.khaled el mathkoor aw Dr.3ajeel el nashmi yenshri7 el 9adir bas thaak ekti2ab :)

deeratna said...

نتيجة الاستطلاع مادري الاستفتاء ماهي مستغربة أبداً، لأن احنا نعيش في تناقضات فكرية.

مثال على
Typical Kuwaiti: اللي معتبر نفسه اسلامي:

يسمع أغاني، ويقول بأنها حرام.

يشوف المتدين، ويقول بأنه أحسن من الدكتور الجامعي مثلاً، لأن معيار الافضلية للكفاءة المهنية ما تهمه بالطقاق، المهم لحية ودشداشة قصيرة، او عمامة بيضه او سوده اذا كان سيد اصلي وبشت خفيف.

يروح مسرحيات، بس يشوف بأن التمثيل أصلاً حرام.

لما تسألينه انت شنو؟ اسلامي ولا ليبرالي؟ راح يرد، ليبرالي؟ اعووذ بالله !! انا اسلامي طبعاً.

الحين خلاص، هالعلقيات متفشيه بسبب حالة اللاوعي، غلطــان، غلطان من يظن بأن عدد الاسلاميين بين الكويتيين هو نتاج لثقافة وانفتاح، بل هو نتاج لثقافة الانغلاق والتناقضات بل حتى الجمود الفكري والثقافي.

السؤال هو، جيل الشباب، كيف نغرس التنوير فيهم؟

الحل الأمثل هو التعليم، مع العلم بأن صعب، لأن كل ماله والمناهج تأخذ طابع ديني اكثر واكثر، ناهيك عن محاولات الغاء مواد علمية مثل الفلسفة وحتى علمية+فنية مثل الموسيقى.

بوضعنا هذا، اعتقد الحل صعب، وهو بيد الشباب الوطني "المدني" بكل تأكيد.

:)

Anonymous said...

والله انا انسان عادي ماني متدين و اروح حفلات و استانس و اسمع اغاني

بس مثل ما انتوا تبون توصلون للتمثيل السياسي و طرح اهدافكمو رؤيتكم بحكم انكم مواطنين اب هالبلد

هم الاسلاميين لهم نظره و يحق لهم انهم يوصلون

هاذي اهي الديمقراطيه

و بصراحه كل ما اشوف نا يهاجمون الاسلاميين يزيد تعاطفي وياهنم