08/05/2009

عادل أدهم


أول شي

الأحد الساعة سبع ونص إعتصام بساحة الإرادة

للتنديد بالفكر التكفيري والتكفيريين

ثاني شي المنبر الديمقراطي نزّل بيان او برنامج يطالب فيه بشراء المديونيات

وبعدين نزّل بيان ثاني ان غير ملزم لمرشحين المنبر

شهالخمبقة بعد؟؟

ثالث شي نقطع سالفة اسيل من عرجها

المقطع مجتزء صح أو غلط؟

طبعا صح

معناته ممكن يزيف حقيقة الكلام

صح أم خطأ

هم طبعا صح

اذا لا يناقش الى ان يعرض كاملا دون اقتطاع

وهذا اللي سمعت ان بيصير اذا ما خافوا ناشرين المقطع المجتزء

وهذا الميدان يا حديسان


عادل أدهم أفضل ممثل عربي شفته يجسّد أدوار الشر

يعني لما اشوف ادواره احس ودي اطقه من كثر ما اهوا لعين ونحيس

طبعا هذا ايام ما كنت اشوف افلام قديمة لأن ماكو قنوات وايد

اكثر شي كان يحرني بأفلامه ان لما يروح يقص على الطيبين ويصدقونه

مع ان يبين ان شرير

بس المريح ان كنت ادري ان تمثيل وما يصير بالصج هالشر كله

على الاقل حوالينا

لكن اليوم او مو اليوم طلع لنا بالساحة السياسية الكويتية عادل ادهم بالصج مو تمثيل

عادل ادهمنا

بعد ما خمبق بالسياسة وما ترقعت الحكومة من بعده

طبعا من سوء ادارة ناصر المحمد هذا سبب ومن الفداوية اللي انفرضوا علينا بالمجلس

رياضتنا توقفت بشهر 12 وبجهد من محمد بن همام رئيس اتحاد اسيا بشكل خاص

انرفع الايقاف عنا لمدة 6 اشهر

واللي يقول غير جذيه خل يرجع
لهالموضوع وبالتواريخ ويشوف

المهم اميرنا الشيخ صباح

عين عادل أدهمنا

رئيس للجنة مؤقته عمرها 6 شهور عشان يحل المشكلة مع المتمردين بقيادة اخو عادل ادهمنا

وبلشت الشهور السته من شهر 12 اللي طاف وتنتهي بنهاية هالشهر

ادهمنا

تفرغ حق شنو؟

تفرغ حق محاربة بن همام ودعم شيخ بحريني

والنتيجة طبعا طلعت اليوم فاز بن همام وخسر البحريني!!؟؟

يعني حتى بجمع الاصوات فاشل مع ان راح وما خلّى رئيس او وزير اسيوي الا وعطاه وسام

انزين وشصار على مشكلة الكويت الرياضية؟

ماكو بس نادوا الأندية حق اجتماع بشهر اربعه يعني بعد اربع شهور من تعيينه عشان يحلون المشكلة

واتفقوا على نقاط يطبقونها باجتماع رسمي

المصيبة شنو

ان قرر ادهمنا ان الاجتماع اللي نادى فيه الاندية اهوا انتخابات؟؟

مع ان ما صار فيه انتخابات ولا بلغوا الجرايد بالانتخابات ولا قالوا شي

وصاروا من لجنة مؤقته لي اتحاد دائم

كل هذا باجتماع تشاوري

ولما القبس حطوا له صورة الكتاب المدزوز حق الفيفا ان تعال يبا شلون مسوي انتخابات ومحد يدري

قال اشاعات؟؟

انزين الكتاب موجود وموقع منكم شلون اشاعات يبا؟؟

لا اشاعات

انزين شنهي الاشاعات بالضبط

بس اهيا اشاعات

في احد انتخبكم؟

ما ارد على هالسؤال الراي راي الاغلبية

عادل ادهمنا العن وايد من عادل ادهم الأفلام

راح تتوقف الرياضة مرة ثانية وهذي ست شهور يديدة من عمر الرياضة وراحت

انا بفهم شي واحد بس

ليش يسوي جذيه؟؟

شيبي بالضبط؟؟

دمر السياسة ودمر الرياضة وقبلها الاعلام شنو نبي نشوف زود عشان نقتنع ان محور الشر متمثل بهالانسان؟؟

ماكو الا رويشد وهالموال العجيب
والعجيب اكثر ان حق جميلة الجميلات احلام!؟



18 comments:

عثماني said...

اي والله .. ذبحنا عادل ادهم

بس ترى الشرهه مو عليه

الشرهه على من مخليه يلعب على كيفة

Mok said...
This comment has been removed by the author.
al-nokhitha said...

9a7 kalamich a7mad el fahad mo zain bas ham marzoug el ghanim mo zain o shareek asaasi bel moshkela o ben hammaam arda warda o thed el kuwait wel daleel ena esta5dam nefootha o kan yabi ya7rim lekuwait min el ta9weet lawla el qathaa2 el nazeeh :)

Alsager said...

تصحيح بسيييييييييط جدا جدا جدا

هالمره راح يتوقف النشاط الرياضي لمدة سنتين

يعني ٢٤ شهر بس

يعني ٩٦ أسبوع بس

يعني ٧٣٠ يوم و نص بس

يعني ١٧،٢٨٠ ساعة بس

يعني ١،٠٣٦،٨٠٠ دقيقة بس

يعني ٦٢،٢٠٨،٠٠٠ ثانية بس

Hasan.B said...

La tensain tadmer el naf6

Anonymous said...

المهم اميرنا الشيخ صباح

عين عادل أدهمنا


: )

ma6goog said...

فاز بن همام؟


يا شماتت ابلة طازة فينا

Mishal said...

خليفة الخرافي ليش انسحب !!!!!شسالفته

Jako said...

الله يا هو شنو يغث عادل أدهمنا

Anonymous said...

محور الشر عاد !!! ما اقول الا استحي على ويهج والله عيب !! شوفي لج سالفه غيره ،، صج مفلسه وسخيفه

Pangion said...

بنشارك انشالله بالتجمع ضد التكفيريين
وكل من يرفض الوصاية على عقولنا وافكارنا مفروض يشارك ويجسّد معارضته لسياسة الارهاب الفكري التي تمارس ،الى معارضة ايجابية.
.................
(2)
يخصوص الرياضة و
عادل أدهم الكويت
فقلبي يعورني عندما أتذكر الرياضة الكويتية وكيف تدمرت بفضل عيال أدهم.

أما آن الأوان لنقول لهم كفى !؟

Anonymous said...

مرحب دندون_تعودنا منك الحياديه واتمني ذلك اذا كانت أسيل قالت هذا الكلام فيجب محاسبتها واذا كان مبفركه كل الكويت بتكون معاها بس شكل "أسول" مخنبقتها علي الاخر قالت بالاول أنها ماده دراسيه تعتمد علي استفزاز الطلبه ومادري شنو وأن هذه موكل المحاضره وأنها مجزأه وبعدين قال لها محامي الفزعه العسعوسي أنكري كل شئ وراح اشتكي علي يوتيوب طلع للمحاضره جزء ثاني الحين شتبي ترقع .طيب اصلا كلامها راكب عليها لأن فكرها ليبرالي وهذا أسلوب اللبراليين الكويت ضرب كل ماهو أسلامي والتاريخ موجود

Kuwaiti said...

ياجماعة عاد توني ياي من دوانية عروقها بالماي
يقولك كللش تمص الماي مص
يقولون انه عادل أدهم خط أحمر وانه لازم ياخذ راحتة بالديرة
من فلم لين فلم
عشان ترى اهوة مرشح يكوون (?؟؟؟)والسر عندكم بالأمان
هذي يسمونها تكنلوجيا أهل الكويت
اللي تقول ( هذا ولدنا )ويستاهل

عنيف said...

انا بشارك مع ضد الوصايه على الفكر بس اي ساعه بالضبط الصبح ولا بليل ؟؟؟

ثاني شي عادل ادهم الي خلاه يصير جذي يبي ينطق الظاهر ومطول الشعر ولابس كاو بوي وهو ثور مقعد من زمان انه صار له 3 سنوات قامتينه بالامن الوطني الي سعى كثيرا انه يدمجه مع امن الدوله الي كان ماسكه اخوه الي من المفترض انه يحاكم كمجرم حرب لكن حطو واحد العن منهم اثنينهم على امن الدوله ورفض الدمج
فصار صاحبنا مفتاح انتخابي حق كل مترديه ونطيحه وباجر بتشوفونه يشوي كباب مع لاعبين المنتخب بالمباريات العالميه بين بنغلادش وسيلان

دلال said...

احلى شي رويشد منور بوستج ;p
والله يشافي رياضتنا من المرض الي فيها
و بالنهايه اكيدة ان الخير بينتصر على الشر بوقفتنا

عاشق الكويت said...

الغريب ان الشيخ ناصر المحمد غير موجود بالكويت ولكن هناك اصرار على تحميله المسؤولية عن كل ما يحدث فما علاقة الشيخ ناصر بما قامت به حدس تجاه اسيل ؟ واذا قامت الحكومة بتطبيق القانون واعتقال كل من يخالف القانون وتقديمه للمحاكمة ثار الجميع وقالوا ان الحكومة تكمم الافواه واذا تعاملت معهم برقى وشكل حضارى لم نفتك من كلام النواب والمرشحين العيب والمشكلة تكمن فى غياب الاخلاق عن الكثير من الكتل السياسية التى تدخل الحسابات الشخصية مع السياسة واذا كانت حدس استغلت كلام الدكتورة اسيل بشكل اخر فان هذا افضل دليل على سياسة المصالح

Anonymous said...

Your demonstration against censorship is more damaging than fruitful.

Kuwait is an exceptional example of freedom and you, as well as many others, know that.

What you're advocating is not freedom of expression but rather an appeal to eradicate Islam.

Kuwait is a predominantly Muslim society, whether this pleases you or not, and promoting atheism instead of focusing on national reform will set you up as an adversary to the majority of the people, Muslims and others.

Instead of riling up the majority of the people, focus on reform which is what's desperately needed.

Your actions against religion will not dismantle corruption but rather, it will dismantle you, your people (in the event of a civil war), and your future aims for reform (if that was ever in the original plan).

Peace

Common_Sense said...

مع اني مو مع احمد الفهد بس اللي سواه ضد بن همام اللي اشتغل شغل جبار لمنع صوت الكويت كان شي جيد سواءا كنا معاه او ضده فهو رفع راس الكويت بالمؤتمر.

بس مادري شبسوي برفع التعليق وخصوصا ما بقى شي .. بس نشوف وننطره