02/05/2009

أنا هم بندد


التلفون ما سكت أول أمس اليمعة مسجات

ما ظل نائب الا وصرّح عن موضوع منع الندوات بالجامعة

وندد بالقرار القراقوشي

وجمعية مال عام وجمعية خضروات وجمعية النزهة كلهم نددوا

المشكلة مو بهبّة الناس على التنديد

اللي اقوى من هبّة البلاك بيري

المشكلة كلها ان التصاريح اشتغلت يوم اليمعة

والقرار تدرون متى طالع؟؟

الأحد اللي طاف يعني قبل اسبوع!؟؟

بس مرشحينا او غالبيتهم العظمى عشان لا نكون ظلّام

شافوا ان شباب الجامعة ممكن يكسبونهم شوي

ويالله معاهم

يا ليت هبّاتكم هذي تتوحد عالصحة والاشغال والرياضة والتعليم والكهرباء والماي والطاقة وكل شي ردي بالديرة

المهم





هذا اعلان عن ندوة تحالفاوية بالجهرا الأحد

ضمن حملة صوتي لوطني

وبيني وبينكم تناقشت مع مجموعة عن خطوة التحالف بندوة بالجهرا

بوقت الإنتخابات

وكان في رايين ما قدرت احدد الأقرب لي بيناتهم ليما الحين

وأبيكم تعاونوني

راي يقول

ان التحالف يسوي ندوة بالجهرا بوقت الإنتخابات ماهو الا لذر الرماد في العيون

عشان يقولون شوفونا احنا موجودين

وراح يختفي نشاطهم بعد الانتخابات


وكل ما ينتقدونهم الناس ان محكورين بمناطق معينة

راح تصير ندوة الجهرا شماعة

ان احنا سوينا بالجهرا

اما الراي الثاني فيقول لا والله هذي محاولة جيدة وبوقت مناسب عشان تاخذ خوش زخم اعلامي

وتبرهن ان على الرغم من انشغال الناس وخصوصا مجموعة التحالف للعمل مع مرشحين معينين

الا انهم ما نسوا مختلف مناطق الكويت بالتوعية بحملتهم وهذا شي يحسب لهم

انتوا شرايكم بخطوة التحالف؟


17 comments:

كويتي شعبي said...

خطوة موفقة

لكن الأهم إنة يستمر التواصل و تأسيس منتديات سياسية شبة دائمة في المناطق الخارجية حتى نظهر البوتقة الواحدة و إذابة المسميات من داخل و خارج

إلى الأمام

جبريت said...

سالفة التنديد حتى يوم كان الطاحوس بالسجن محكور ينددون الي بالدوائر غير دائرته هذي نقطه التنديد وخصوصا من حركة عدس الاسلاميه الي تبي تقمت اصوات الكثيرين قامت تندد بالحريات ووأد الحريه ودفنها

اما خطوة التحالف فهي جيده نوعا ما لوجودهم بالمناطق المتحكمه من قبل القبائل حتى يتضح صوت من لا صوت له واذا اييون عندنا بالخامسه هم زين على زين بس لا يأيدون اصحاب دغدغة المشاعر والكلام الفاضي مثل طاحوس

على فكره ازيدج معلومه صغيره وقيمه
امن الدوله ادى خدمه جليله لخالد الطاحوس لانه خالد الطاحوس الفخذ الي ينتمي له بالدائره الخامسه يتكون من 250 صوت
وامن الدوله سوى له دعايه مجانيه غير مدفوعة الاجر للصحف والتلفزيونات

راعي تنكر said...

خطوة ممتازة

Mohammad Al-Yousifi said...

محاولة جيدة و الضيوف أجيد


بس محتار بين شروق و بين عبيد الوسمي


صعبة

مَـــــعْــــمَــــعَـــــه said...

اول شي بالنسبة لمنع الندوات بالجامعه فأغلبية المرشحين ما عندهم سالفه ولا موضوع فيبون اي موضوع يشبعون فيه تنديد

ثاني شي اعتقد ان خطوه جيدة من قبل التحالف وتفكير مستقبلي باقامه ندوه في المناطق الخارجية ونتمنى نشوف النتائج في المستقبل

حنطفيس said...

خطوه طيبه
الله يوفقهم

Dasmawee said...

خوش خطوة

جبريت said...

ممكن طلب صغيرون ؟؟؟

ابيج تضيفيني بالمسنجر بس بتعلم منج جم شغله وتكونين مشكووره ويعطيج الف الف عافيه من بعدها؟؟؟؟
flake-q80@hotmail.com

Orangee said...

خطوة ايجابية

Anonymous said...

بس عبيد الوسمي الي ان الواحد يستاهل يروح
لكن ذكر تيش فيش
احمد طنا حيص بيص
انور الشريعان ماعرفنالك والله
الا سم الاخير نسيته
وعلى اي اساس تم اختيار الاسماء الي ماتطلع الا وقت الانتخابات
لكن والله حسافه عبيد يكون بينهم والحسافه الاكير ان عرس اخوي اليوم
وبعدين انا اعتقد الراي الثاني بيذلووونا انهم سووا الندوة بالجهرا
نرجع ونقول ذر للرماد

al-nokhitha said...

bel nesba li khe6wa ejabiya o enshalah e3adloon ele khariboh ele gabilhum o netmana el estimrariya :)

ele bas2lich entay eb ay da2ira
et9awteen ?

جنة الحواس said...

هي خطوة أتت بعد مطالبات قديمة و عديدة بالإهتمام بأبناء المناطق الخارجية

و بغض النظر عن النوايا .. أعتقد إنها بادرة طيبة .. يستحقون عليها الإشادة و التشجيع


و آنا أرجح الراي الثاني

سرحان said...

خطوة سليمة

THE F NAME said...

خطوة ممتازة
لكن عيبها أنهم اختاروا المحاضرين لأسباب قبلية
يعني ما نقوهم لانهم أكفاء أو لأن عندهم رأي معيين يبون يقولونه
اختاروهم لأنهم أبناء قبائل متواجدة في المناطق الخارجية
يعني ما أذكر أنهم جمعوا هؤلاء المحاضرين أو حتى نصفهم للمشاركة في ندوة في مقر التحالف سواء كان في الروضة أو النزهة
على العموم
هذه خطوة إيجابية جداً تحسب للتحالف وأتمنى أن يستمر هذا التفاعل
المسألة تحتاج وقت طويل وجهد كبير
أنا متفائل بخالد الفضالة وأتمنى للتحالف كل التوفيق

Icarus said...

خطوة ممتازة وهذا الي كان لازم يصير من زمان

Q80 Blogger said...

اللعب خارج الارض وبدون جمهور شي صعب

بس اذا كانو بقوه برشلونه .. ممكن يلعبون لعب !

AyyA said...

خطوه جيده
بس أخشي أن تكون جاءت متأخره