20/08/2008

قصة المصفاة الرابعة


على طريقة الأمة
هذي لاعبة أولمبية

منو هذي؟
وشجنسيتها؟
وشتلعب؟

تهقون اللي راح يجاوبون صح شباب ولا بنات؟؟؟

مدونة يديدة بعنوان
الله يحفظ الكويت زوروها

على فكرة ترى لما اعلن عن مدونة مو معناته اتفق معاها او اختلف

لكن من باب دعم التعبير عن الراي بكل اشكاله المحترمه

والناس اهيا الحكم للتدوين الزين او الشين

عموما

نتكلم اليوم عن المصفاة

أول شي واحسن شي صار على قصة المصفاة إهوا إن اذا يانا سؤال بإمتحان أو مقابلة وظيفية هالايام يقول

كم عدد المصافي النفطية بالكويت

الكل راح يعرف الإجابة

:)

المهم

المصفاة بوقة أو مو بوقة

شبهة تعدي على مال عام او لأ

راح نطرح لكم حقائق بهالموضوع ووجهة نظر والحقائق راح تكون باللون البرتقالي وممكن تراجعونها بمعرفتكم

المصفاة الرابعه ماهي موضوع يديد

صار لها سنوات قيد البحث والدراسة حاله حال اي مشروع مهم بالكويت

لكن شنو أثر تأجيلها على مدى السنين اللي طافت

المشكلة ان
كل ما تأجل مشروع ضخم مثل هذا

كل ما تضاعف سعره أكثر وأكثر

وهذا سر تضاعف تكلفة هالمشروع على مدى 6 سنين فقط

ووصلت تكلفته حسب تأكيد شركة البترول الوطنية 4 مليارات وشي دينار كويتي

المهم

وعشان لا تتكرر غلطة المكلسن والمدينة الاعلامية

ان الكل سكت على الاتهامات ليما صار الكل يحجي بالقضية وكأنها بوقة مثبتّه

لازم الناس تقرى وتعرف شالسالفة عشان لا تصير المصفاة ايضا قصة

مناقصة المصفاة رست على شركات معينة منها شركة عبدالله الصقر وفلور والثويني

طبعا الإسم الأهم اهوا شركة عبدالله الصقر لأن على طول صورة محمد الصقر نطت بعقولكم

وهني نتساءل هل كل تاجر حرامي بالكويت؟

هذي الشركة ملك لعائلة الصقر وليست لمحمد الصقر

وطبعا اذا كان فيها بوقة لا محمد الصقر ولا غيره راح يسكتونا

مناقصة ورست على هذي الشركات

طيب منو المتضرر من هالمناقصة

الشركات الخاسرة

وأبرزها شركة علي الخليفة العذبي الصباح - وشركة أخرى يترأسها إبن العضو خالد السلطان

هذيل الشركات الخاسرة بالمناقصة

انزين منو بعد خسر

السيد خالد المرزوق يعد أيضا خسران كبير من مسألة المصفاة بكبرها

بحكم إن منطقة المصفاة اهيا بجانب مشروع لآلئ الخيران الشهير جدا جدا

واهيا طبعا بكونها منطقة نفطية راح تضر السيد خالد المرزوق

انزين مسألة المصفاة تحولت للنيابة العامة

والنيابة حفظت البلاغ


اذا فالمصفاة من ناحية القضاء ما فيها شبهة جريمة

واليوم العليم مصرّح ان راح يحيل صفقة المصفاة لديوان المحاسبة

لمتابعتها

وبهذا تستنفذ الخطوات الاحترازية واللي تقي الوزارة من اي شبهة مالية

انزين خنتكلم الحين من وجهة نظري البسيطة جدا جدا

الوزير من حدس واحد المستفيدين عايلة الصقر من كبار نواب التحالف

هل نفّع أو سعى العليم الحدسي لتنفيع الصقر التحالفاوي؟

منطقيا لأ

والأدلة هو عدم عقد هدنة بين التحالف إلى اليوم والدليل الهجوم المستمر من نوّاب أو أنصار التحالف على حملة ترشيد الحدسية

وأيضا مهاجمة الحدسيين للتحالف باستمرار وأبرزها بقضيتي التعليم المشترك واللجنة الدخيلة

اي ما عليكم امر
ام صدّه

هل يجوز شرعا ادق على هارديز يوصلون لي اكل ولا ما يجوز؟

السؤال الثاني هل يكون الطارح والمحرك الاول لقضية المصفاة من خلال جريدته - علي الخليفة

حريص فعلا على المال العام، ويفضح سرّاقه؟

الإجابة المنطقية تقول لأ أيضا لأن علي الخليفة اذا ما كان حرامي بحسب رأي القضاء

فتح الباب للحرامية امثال عبدالفتاح البدر وحسن قبازرد لما كان وزير للنفط

وهم فتح الباب لنهب استثماراتنا لما كان وزير مالية

هل تعلمون اعزائي واحبائي القراء

ان وفد دولة الكويت اللي راح بكين يمثل الكويت بالاولمبياد

يتكون من 7 لاعبين و 42 اداري

عاشت الرياضة الكويتية

وهل تعلم ان رئيس اللجنة الاولمبية الحالي اهوا احمد الفهد

عاش بو فهد

اللي ابي اوصله من سالفة المصفاة اهوا التالي

كلما يتأجل المشروع تتضاعف الاسعار حسب المعايير العالمية ماهي معايير كويتية

وممكن سؤال عبدالله النيباري بهالخصوص

التهافت على قضية المصفاة حاليا من باب انا بطل

ولتستمر الازمات ولتتوقف التنمية

والعليم قاعد يرد اول بأول على هالموضوع وهذا اللي موهق جماعة
ابو كثير

الخطوة الصحيحة واللي يجب الدفع باتجاهها اهيا انتظار تقرير ديوان المحاسبة واهوا اللي يفهمنا اللي حاصل

بدال بيع الكلام اللي حاصل

وركوب الموجة

انا محد عاجبني بالموضوع الا روضان الروضان

قوي رئيس المجلس بالانابة
:)

ونخليكم مع هالسالفة الحلوة



33 comments:

Anonymous said...

I really wanted to read something abt this subject away from the newspapers . Thank u for making it as simple as this .



Broke

Anonymous said...

عندى أحساس أنك ولد

أقصد رجال

الاعبة هذة مخطوبة :P

دوار الجوازات said...

المصفاه الرابعه صج صايره حديث الساعه!

يعني الحين والله في امور من رايي الشخصي وايد اهم منها..

انا ادري انها انجاز استراتيجي لزياده الدخل القومي بالكويت

بس والله يا جماعه امور كثيره كنت اعتقد انها تسبب مشاكل بدال ما تفيد

يعني الحين ولله الحمد عندنا فائض و مو قادرين يطورون التعليم و الصحه و امور كثيره

يعني الحين لو مثلاً تنفتح المصفاه الرابعه هل يعني عجله التنميه راح تتحرك

مو معقوله

وبعدين وعود اعضاء مجلس الامه في التنميه وينه؟ لي متى يعني؟ والله انهم عطوني امل في الانتخابات إلي فاتت و كنت اتوقع انهم جادين في اصلاح البلد و تحريك عجله التنميه

والله جماعه يمكن كلامي تقليدي وسامعينه الف مره،،

بس شسوي؟ هاذي الثقافه إلي تعلمتها و يا للأسف،،

موضوع المصفاه الرابعه ما راح يمشي إلا بتأزيم وحل مجلس و حوسه،، كباقي التشريعات و لجان التحقيق المأزمه

فيمان الله،،

ونسيت اقول،، ترى انا من المعجبين وايد في كتابات المدونه و ضيف يومي حتلوا ماكو موضوع يديد ،، اقعد افتر على المواضيع السابقه،،

احبكم يا مدونه بيت القرين

Street 965 said...

Leryn Franco

hatha esem 9a7ebat el9oora la3bat ramye elrom7 , o 3are`6at azya2 b3ad ,

As YoU LiKE said...

روضان الروضان ابرك من اللي حط لسانه بحلجه وانطم.. على الاقل تكلم وطلب توضيحات ..

مو اللي قاعد يصارخ ويدافع عن المصفاة !

الا بسألج نسيتي .. عبدالمحسن المدعج .. ترا وياهم بالمناقصة .. متى صار تاجر هذا ؟

Anonymous said...

عندي تعليق للسادة القائمين على موقع بيت القرين لما يتعلق بموضوع المصفاة الرابعة الاخوة الاعضاء في التكتل الشعبي سبب تصديهم لهذا المشروع يختلف تماما عن سبب القائمين على جريدة الوطن فكل وطني يعلم جيدا أن أصحاب هذه الجريدة لا تعنيهم مصلحة البلد لا من قريب و لا من بعيد و في المقابل كل وطني يعلم من هو أحمد السعدون و مواقف أحمد السعدون و تصديه للفساد
ورد الى علمي بأن المشكلة هي أن شركة فلور استشاري المشروع وكيلها فؤاد الغانم و المقاول الرئيسي للمشروع أيضا شركة يملكها فؤاد الغانم و هذا بعني بأن اي اوامر تغيرية في المستقبل يضعها المقاول أثناء تنفيذ المشروع يوافق عليها نفس الشخص الذي وضعها و هذا سبب احتجاج التكتل الشعبي على المناقصة

ولكم جزيل الشكر

Anonymous said...

مسلم البراك واحمد السعدون ليش مسوين هولليله ؟
انا عن نفسي اثق بالسعدون ثقه عمياء

Bad-Ran said...

هذي القمنده

Anonymous said...

wala ana rayii men rayich nan6er dewan el mo7asaba :)

mashalah 3alaih rothan neshee6 eb kel mawthoo3 lah wagfa o ta9ree7 bas 3ad nabii mena
fe3il malaina men el 7achi :)

3asach 3ala el guwa :)

kuwait-al3z said...

هالبلد مسكين

الكل ينهش منه

ومحد يعطيه

حسبي الله عليهم

زقوووووم ببطونهم

آمين

kuwaitforus said...

شوفي الجميع تكلم عن المصفاة الرابعة وكل طرف يتحدث بوجهة نظره لكن اللي حبيت أوصله ان الموضوع مو موضوع بوقة احنا نتكلم عن اجراءات طرح المصفاة وضرورة مرورها بلجنة المناقصات
عموما احالة الموضوع الى ديوان المحاسبة ام جيد لننتظر ونشوف

ZwaiZ said...

awalan ela3iba esimha Leryn Franco o 3araftHa men bab eligafa laish ena awal ams 7a6eenlaha soura 12x16 eb yahoo.com thani shay mawthou3 el-misfat 7asab 3elmi ena eli metqadim beshakwa sharikat ezabin laish ena taqadimat eb aqal o afthal el-as3ar wel monaqasa resat 3ala thani afthal se3ir o ehni edkhalat eshobha eshay ethalith allah esalimkoum el-wa6an mo wagfa 3aba6 el-kil e3aref mawaqif el-wa6an thid Fouad el-ghanim wela lahoum wa6aniyeen walahoum soub el-wa6aniya men el-asas .. bas sheli dakhal esim Khaled el-Marzoug?

أبو جيج يدور نعاله said...

26-year-old Paraguayan javelin thrower Leryn Franco

من باراغوااااااااااى..

نوووو وااااى

شفت لها صور أكثر...فإنخدش حيائى

و الحين عرفتوا ليش نوابنا يبون يمنعون بث الألعاب النسائية؟؟

علشان الشباب لا يصيعون

بيت القرين said...

ano
welcome :)

أنو
يبقى إحساس وبس

لا مو مخطوبة بعد
:p

دوار الجوازات
شكرا على الإعجاب أولا
والكل متحسر على توقف التنمية
بس احنا لازم نلوم انفسنا
هذا اختيارنا وخل نتحمله

أيه بي أيه
الجنسية ناقصة
:)

آز يو لايك
لا في ناس تتكلم بمنطق وفي ناس تصارخ عشان تحسسنا انها قاعد تسوي شي
:)

أنو
أنا ما قلت ان هدف الشعبي مثل هدف الوطن
كل اللي اقوله برايي ان الشعبي يستخدم جزء واحد من صلاحياته وهو جزء الرقابة وساعات بمصاخة
وجزء التشريع يتجاهله تماما

حمودي
ثق فيه بس اشوفه نسى دوره بالتشريع والتزم بالرقابة وهذا غلط

بدران
هذي القمنددددده

النوخذه
الحجي سهل بدقايق يطلع الفعل صعب
والله يقويك

الغريب
خنساعده عيل شرايك؟

كويت فرس
نشوف

زويز
يعني بتفهمني ان لو حاطين صورة هيا شعبي جان قريت هالكثر عنها؟؟
اجابتك صح بالاسم بس وين التفاصيل
لا واشوفك حتى حجم الصورة حافظه
وعلى المصفاة هذا اللي حاصل لا مصلحة بلد ولا شي
انتقامات وبس

بوجيج
اشوف مانعين وهم صعت
اجابة صحيحة وكاملة
انت الفايز
:)

بعد نظر said...

شكراً على التوضيح
المصفاة الرابعة حديث هالصيف
ماشالله كل صيف نطلع بسالفة يديدة

مــعـــارض said...

Leryn Franco
(born 1 March 1982 in Asunción) is a Paraguayan athlete who specializes in the javelin throw. Her personal best throw is 55.38 metres.

In 2006 she was runner-up Miss Paraguay. She participated at the Miss Bikini Universe pageant and also has her own calendar which was shot in 2007 by Martin Crespo.

Anonymous said...

مرحبا دانه
صراحه ماعندي شي اظيفه لكن حبيت اعلق عشان تعرفين انه في ناس اتابعج بصمت مع ابتسامه حق قطاتج الحلوة
ياليت تكتبين موضوع بعيد عن السياسه شوي نبي موضوع اجتماعي ساخر اكيد راح يطلع حلو منج وبخفه دمج
موفقه
المتابع الدائم والي حاطج بالمفضله(اهي بال ظ او ال ض ) عبدالله الهاجري
كيفان :)

Anonymous said...

حقائق تتعلق بالمصفاة الرابعه وملابساتها
حملة الوطن سببها غضب أحمد الفهد لأن شركة الصقر قررت أستبعاده من المشاركه معهم فى أرباح المناقصه وذلك لعدم حاجتهم له على عكس أيام تمرير صفقة الفحم المكلسن أبان تبوأه وزارة
النفط
أهم الملاحظات التى تشوب المشروع تتمثل فى تكليف شركة فلور القيام بدور الاستشارى أضافة للسماح لها بالحصول على عقود بناءوهذا أمر غير مسبوق أضافة لترسية عقد الاعمال البحريه على شركة وائل الصقر ثالث أقل الاسعار وأستبعاد كا من الفائز الاول والثانى رغم عدم وجود ملاحظات عليهم.السر الغامض حتى الآن هو سكوت كتلة العمل الشعبى طوال الوقت السابق وتحركهم الحماسى الآن

Anonymous said...

طيب و تغيير موقع المصفاة الرابعة بميناء الزور
شنهي قصته ؟

رجاء بدون التعرض للشقيقة الكبرى

: )

عبدالرزاق said...

شكلها هولندية من اصل صومالي وشكلها تلغب جمباز ودي اسوي تحرياتي الخاصة عنها بس مالي خلق لانه دانة مو حاطة جوائز :p

DiLLi O MiLLi said...

وشركة فلور منو صاحبها ؟

Anonymous said...

http://alaan.cc/client/pagedetails.asp?nid=18266&cid=30

Anonymous said...

shakilha hindya...

interesting clarification

Thanks

Anonymous said...

PARAGUAY!!!!!
haha

she is from PARAGUAAAAAAAAAY

nice lookin i thought shes an arab or indian

بيت القرين said...

بعد نظر
إهوا بس الصيف
طول السنة نطلع بأشياء غريبة عجيبة

معارض
شرايك تتزوجها مرة وحده

عبدالله الهاجري
المشكلة ما يمدي تكتب وكل يوم بلوى بهالديره
واهيا بال ض

أنو
شكرا على الإضافة

أنو
والله يابو هاني طافني هالسؤال
لكن الحين ييك رده
:)
إنطر شوي بس

دلال
طارت الطيور وجاوبوا
وشوفي الشباب ردودهم بالتفصيل عنها
غير طلبات الزواج
:)

دللي ومللي
عبدالمحسن المدعج
توها توصلني المعلومة

حمودي
تحليلهم جيد
لكن للأسف هوس الإنتقام من التحالف مقحم بالتحليل

بوشا
إي يطلع منهم أهل بارغواي
:)

وسيشهد said...

أنا استغرب من بعض النواب اللي صايرين و بقدرة قادر يدافعون عن أموال الدولة و يعطلون أي مشروع و اللي يضحك إنه خلو جريدة الناقلات و محاميهم يكيكي يدافعون عن المال العام


إنزين مثل ما تفضلتوو بالموضوع إنه تكلفة المشروع تضاعفت أكثر من مره بالسنوات اللي تعطل فيها المشروع و هالشي حصل في مستشفى جابر و أزمة الكهرباء و غيرها من مشاريع

انا بفهم يعني بتصرفات النواب هذي بيوقفون البوق ؟؟

عمي اذا المشروع قيمته مثلا ٢ مليار خلهم يبوقون مليار و نص و يبنونه

أحسن من بعد ٦ سنين يبنونه ب١٦ مليار و يبوقون منها ١٥مليار و٩٩٩
لا و ابشرك و ما يبنون المشروع من الاساس

اذا كل ما نبي نسوي شي لازم نحيله ديوان المحاسبه و مجلس الامه و مجلس الوزاراء و روتين التدقيق الممل اقول سكرووو الديرة وشوفولكم واحد مثل صدام يغزينا مره ثانيه عشان تصير عندنا شماعه نقول الغزو الغزو الحين لما نقول الغزو ما يكون عندنا مصداقه ترى ١٧ سنه مر عليه يعني هيروشيما و المانيا و غيرهم تطوروا في مده اقل من هذي بوايد

ZwaiZ said...

la 3ad shda3wa haya sh3aibi? ya3ni 3al aqal nanzil bel mostawa shway wengoul Norman As3ad ehni momkin atlaigaf again .. inshallah when ever i have sumthin new about el-misfat ill let u know cuz kil yoom im gatherin some information o ga3id asawi my own analysis

Anonymous said...

والله اذا السعدون و صالح الملا معترضين، اكيد السالفة مو بهالبساطة، و فيها ان

مــعـــارض said...

بيت القرين:

خوش فكرة!... على إيدج
:)

ناخب بالدائرة الثالثة said...

شكرا لإعلانكم عن المدونة
مقدر لكم هذا الإعلان وممتن جدا

جنوب السرة said...

حقيقة قرأت موضوع المصفاة الرابعة وبما أن لدي من الحقائق الموثقة الكثير الكثير لذا فإنني أدعوكم لزيارتي على هذا الموقع الذي يكشف الحقيقة الكاملة لموضع المصفاة الرابعة

http://jnobalsora.blogspot.com/

Anonymous said...

looooooool شكله العزاب قايلين لك افتح لنا بلوق ودافع عنا جماعة التخلف التجاري الوطني مشروع المصفاة مشروع نائب شيفروني بحت وجمع زبالته وخلاهم يتكلمون انه المستفيدين سلف واخوان ههههههه راحت عليكم بس

أمل الكويت said...

والله انا ماني فاهمة شقصة هالمصفات هذي
يعني الوحده تغييب عن الجرايد يومين تطلع قضايا من تحت الارض
يقولون لها سنين وانا توني اسمع فيها!! شلون؟؟ وانا اللي اعتبر نفسي متابعة وذابحة نفسي بالمتابعة
فهموني واللي يرحم والديكم!