16/08/2008

هايف ومرقص + شخصية الإسبوع


ما فهمت شلون يراقب بغضب

يعني مثلا قاعدين وعاقدين النونه مثلا

ولا يخزّون الكويتيين ويدخنون

ولا شلون يعني

نبي بالضبط شلون بغضب

نروح حق هايف اللي ما راح نخلص منه ابد

سؤال دستوري قانوني يا ليت اي محامي أو اي فاهم بالقانون يجاوب عليه

الحين الدولة مو يحكمها دستور وقوانين وضعية؟؟

إنزين لو أي واحد كويتي قال أنا ما اعترف بالدستور او إهوا مو مرجعي في تسيير شؤون حياتي

هل يعتبر هذا جريمة أو لأ

حسب معرفتي البسيطة

إن عدم الإعتراف بقانون الدولة يعد عدم اعتراف بالدولة كلها

طيب إذا عدم الإعتراف بقانون الدولة يعتبر عدم اعتراف بالدولة

انزين اذا كان هذا اللي يقول اني ما اعترف بالدستور عضو مجلس امة

بمعنى دش الانتخابات بحكم الدستور - لان الدستور إهوا اللي يقول ويحدد الإنتخابات النيابية

وفاز بالإنتخابات بحكم الدستور - لان الدستور والقوانين اهيا اللي تحدد شلون يفوز المرشح

وأقسم بأول جلسة بإحترام الدستور

ويا بعد كل هذا ويقول الدستور والقوانين مو اهيا مرجعي

شنو حكمه هذا من ناحية قانونية؟؟؟

وحتى من ناحية دينية لانه أقسم كذبا وزورا

وين اللي حرموا مسلسل نور ووزارة الاوقاف بعد يعطونا رايهم الديني

دام الديرة ماشية على فتاوي الخط الساخن

باختصار هذا هايف وهذا الدليل شوفوه



بعد مو كلام ملفق او تأليف

يا ليت نستبدل هايف بمرقص وايد احسن

ونزيدهم بعد حبوب ضغط وسكّر فوق البيعة

اي على فكرة مرقص بضم الميم عشان لحّد يألف كلام

شخصية الإسبوع


شركة بإدارة قطرية تغير الوان مبناها وموقعها الالكتروني وتترس الصحف اعلانات كله عشان الكويت وتدعم مشاركة الكويت الاولمبية ماديا

أشهد إنكم أفضل من هيئتنا العامة للشباب والرياضة وتجّار الكلام

شكرا الوطنية للإتصالات

ونخليكم مع أحد إبداعات الشهيد فايق عبدالجليل

وإسمع يا نهر



25 comments:

Bavaud said...

خبر الحرس الثوري اللي يراقبنا بغضب قريته امس بالليل، ولا فهمت شلون يراقينا بغضب! بس جريدة الوطن كل شي عندهم فـ عادي مسموح

أما السيد العضو هايف! فما اقدر اقول الا هذا اختبار الشعب الكويتي، اللي صوتوا لا كانوا سعودين ولا كانوا ايرانيين

و توني اعرف عن اللفته الحلوة من شركة الوطنية! هذا و جريدة الوطن لوعت جبودنا بالمؤمرات القطرية ضد الكويت، و اقول للوطنية مشكورين و ما قصرتوا

Bad-Ran said...

انا مرّة سألت الصرعاوي ، قلتله لو ياك قانون يتوافق مع الشريعة بس غير دستوري .. شنو راح يكون تصويتك ؟
قاللّي .. أطمنك دائما الأولوية راح تكون للشريعة !!
هذا الصرعاوي اللي نعده عنده مخ ..

لازم نتحرك على العلمانية .. لازم يصير في نواب بداية كل دور انعقاد ، مثل ما ذيلاك يقولون نبي نعدل المادة الثانية ، احنا يكون عندنا نواب يطالبون بإلغائها .. طول ما احنا مستحين من مبادئنا لا نتوقع الناس توقف معانا

kila ma6goog said...

ماني شايف اي تناقض بكلام هايف

الرجل منسجم مع نفسه و من صوّت له و علينا التعامل مع الامر بواقعية

هو لا يمثل نفسه و لكنه يمثل فئة من لشعب و المفروض على الحكومة المنفية و جهاز الأمن القومي ان يدرس أسباب ضعف الايمان بالدستور عند فئات المجتمع

ملينا من الفزعات و النعرات , نبي حلول واقعية و فكرية

يعقووبوو said...

ايرانيين ويترقبون بغضب
اكيد يطقون على ريلهم بغضب واضحة
--
الشرهه مو على هايف
الشرهه على اللحى إلي فوزته
-
الوطنيه للإتصالات انصدمت منها وصج بيضتها

وشكراً على هالتشكيلة

العرزالــــــه said...

إي نعم

استفزازات ايرانيه

وقاعدين يدشون لين عوهه وياخذون عيالنا

وفي خبر قوي ان حسين الفضاله ماخذينه الحرس الثوري

بس كل التفاصيل راح تنشر بوقتها

Bo Jaij said...

من حق أى مواطن أو مواطنة رفض ما يراه غير متوافق مع توجهاته و أفكاره و عاداته و تقاليده

الجنسية الكويتية تعطيك كامل الحق فى رفض الدستور و كل القوانين


و العدو الإيرانى علينا أن نستعد له...هذى معركة وجود و صراع حضارات أزلى

عيل شنو فايدة إتفاقيات الدفاع مع الأمريكان و الأوربيين؟

و أقترح إعطاء مهمات خفر السواحل لسلاح البحرية الأمريكى و فرقاطاتهم المزودة بصورايخ ذرية....و خنشوف الحرس الثورى إشلون يكشّر و يبعبص عقبها

Eng_Q8 said...

واشفيها يعني يراقبون بغضب ؟؟؟؟؟

يعني ننكر ان ايران تهدد والا اشلون يعني ؟؟ كفايه خاطفين ولدنا

---

وبعدين كل الي صوتوا حق محمد هايف يدرون اهو شنو فكره ويدرون اهو شنو يبي ليش الاستغراب؟؟ لا وابشرج لو ينزل مره ثانيه هم راح يفوز شو متوقع وعادي

يعني النتايج بالدائره الثانيه زينه ؟؟ صلوا على النبي

why me said...

:(

kuwaitforus said...

الوطنية للاتصالات أفضل ألف من شركة كويتية رتدعم الاندية المصرية وتاركتنا

bahama mama, WV said...

ماني عارف وين المشكله بكلام هايف!!!

ثلاث ارباع الكويتيين ممكن يقولون هالكلام وما في مشكله بس المشكله انه من هايف يعني ولا شالموضوع؟؟

بالدستور ان دين الدوله الاسلام وهذي مسأله تندرج تحت المواضيع الي اختلفوا فيها العلماء ناس يقولون عادي وناس يشوفون ان في تعظيم وتقديس للعلم فما يجوز وين المشكله ... الحين صار ما يعترف بالدوله وانقلاب على الحكم مو ناقص الا ان يكون اهو سبب خساره فريق رامي بالهداف .... وانا هداف انا هداف :)

al-nokhitha said...

3adil kalam el 3erzala o agoolich tara ma e3arif el iraniiyen ela
ra3i el ba7ar o jarab ena mara eyoon lah el 5afar el irani o
egii6on ba6ariiyat el 6arad bel
ba7ar o egoolon dabir 3umrik o yamshoon :)

men 9ejich dana ya3nii sheno etiwaqa3aiin men wa7ed hayef :)

wala el wa6aniya yestahloon o 9ej enha sharika wa6aniya :)

3ala 6ari el reyatha 3ayal abarik lech o lel jemhor el qadsawii 3ala el fooz el youm wagooool :

heya heya el qadiisiya jemhoor redaw 3alaya :)

فريج سعود said...

تدرين وين الجذب ؟
الجذب انه ماكان يلعب قيم ولا يدز مسجات
كان يسوي روحة مشغول بالموبايل

يعني لو مو قايم للسلام الوطني بدون لا يتعبث بموبايله جان شصار ؟

deeratna said...

بشكل عام هناك جهل "شعبي" بالفترة الحالية بأهمية بقاء المادة الثانية من الدستور دون مساس، بسبب ظهور ما تسمى بالصحوة الدينية وسيطرة إعلامية يتمتعون فيها، و إسلاميينا يعزفون على وتر المادة الثانية وتعديلها ويدغدغون عواطف "الغالبية البسطاء" ، و نقولها بصراحة، الموضوع لو يطرح على شكل إستفتاء شعبي بشأن تعديل المادة الثانية للدستور راح يتم الموافقة عليه بالأغلبية من المواطنين،ليس بسبب قناعتهم بذلك بل بسبب الجهل الثقافي بأهمية دستور "محايد" في دولة مدنية عصرية، والسائد هنا هي الثقافة السلفية ومدى تأثيرها على الكثير من أبناء وطننا العزيز حتى على غير المتدينيين، ممن سلموا عقولهم لغيرهم ليفكروا بها. و جان زين بس اللي سلمولهم عقولهم يفكرون.

تعديل المادة الثانية من الدستور هو مشروع طائفي -وجهة نظر- لعدة أسباب.

حمّود راعي السيكل said...

انتو ليش تحاولون تنسون ان محمد هايف نجح لأن فيه ناس انتخبوه

زين هالناس جايين من جزر القمر؟

هذوله أهل الكويت

ربعه

ناسه

قبيلته

يعني شفيها؟

ترى آنا ما أدافع عنه, بلعنتين تلعنه, عاد من زين شكله والا سوالفه

بس الحق ينقال
-----------------------

دانة شنو انتي أول مرة تقرين الوطن؟

خو هذي سوالفهم من مبطي, لازم يحطون شوية توابل وفلفل أحمر على أخبارهم

هذي الصحافة, وهذا اللي يسمونه
The power of Media

طبعا مو معناتها ان أخبارهم كلها سكّة

اعتبري جريدتهم مثل القرقيعان اللي فيه مخلّط

اخذي النخّي وبيض الصعو

وقطي السبال المحزّر

------------------------------

بعد ظل شي من النقاط ما غطيتها؟

تصدقين مالي خلق أرجع للبوست مرة ثانية

اي تذكرت شغلة عن الوطنية

بس آنا خطي زين

يعني هذولة من الأعداء

لووووول

Cute But Imperfect said...

ايي والله حلاتهم الوطنيه.. عادي ترا الوضع الطبيعي بالديره ان هالشي يكون من احد مو كويتي! كان ممكن عالاقل البلوقز يسوون شعار حقهم كسبورت يعني مو اكثر بس هم ماكو :)

و على هايف.. مممم.. ما الومه! اهو تربيته صايره جذي.. عقليته جذي.. و ترا وايد كويتيين يتفقون معاه!

بس عندي سؤال سخيف بس لان صج ابي اعرف... اهو اكو دور للحكومه اب اي شي يصير للكويت و لا لا؟

بيت القرين said...

باف
حتى انا ما فهمت
بالفعل هذا اختيارنا بس مو معناته ان اذا اختيارنا اهان قانون الدولة وما اعترف فيه كمسير لشؤون الحياة بالدولة نسكت
والوطنية بيضوها

بدران
اتفق معاك
خاصة بسالفة مستحين

مطقوق
انا اشوف
ما يهمني شنو اهوا ومنو صوت له
انا سئلت سؤال بسيط و ابي افادة احد قانوني
هل يجوز الاعتراف بعدم الخضوع لقوانين الدولة؟؟

يعقوبوو
الظاهر جذيه
والشرهة على اهل الكويت
والوطنية احسن من وايد شركات كويتية

العرزالة
انت من صجك
انا حاطه مربع احمر حق اللي ما يشوفون او ما يبون يشوفون
تعليقي كان واضح على يراقبون بغضب
ليش بتسويها قصة
فتّح أول وشوف مثل ما شافوا اللي قبلك وفهموا اني اقصد المربع الاحمر اللي حطيته مو تفسر غصب
يالله انشر خنرد حسين لأهله ان شاء الله
بدل عنصر المفاجأة

بوجيج
يا هلا ومسهلا أول شي

أنا سؤالي بسيط
وقانوني
يصير ان نخضع كمواطنين كويتيين لقوانين غير قوانينا الوضعية
سؤال قانوني بحت
تعرف اجابته؟
أنا أقول نعطي الدفاع كله لهم احسن

مهندس
اشرح لي شلون بغضب
ومن قال انكر
في مربع احمر
وخل يصوتون حق هايف مليون مرة يعني يصير زين اذا صوتوا له
وطبعا الثانية نتايجها مو زينه
طلعت المطير والحربش ودميثير والخرافي
وين الزين فيها بس شكو يعني؟؟
وألف من ذكره

واي مي
وانا بعد
:(

كويت فرس
صدقت

بهاما
الهداف
سؤالي بسيط
هايف يقول ان مرجعه ماهو الدستور والقوانين الوضعية
هل يجوز هذا الكلام قانوينا من واحد اقسم على احترام الدستور

نوخذانا
الله يهداك بس
تعليقي كان على اللي حاطته داخل المربع الاحمر مو اكثر
شلون يراقبون بغضب
ما يبت سيرة ان الايرانيين اجدع ناس
ومستحيل يكونون اجدع ناس
والدليل ودلنا بعده يعاني عندهم
ويجذبون المسلمين ويقولون ما ندري عنه

والله يبارك فيك ومنها لأعلى لبني قادس

فريج
لا تقول عنه يجذب ترى يزعلون بعض الناس

ديرتنا
لا فض فوك
وآخر سطر يحتاج لتوضيح

حمّود
فاز بفرعية
بس انا ما يهمني فاز او ما فاز
كل اللي هامني يجوز اللي يقوله قانونيا او لأ

وبالنسبة للوطن
المحزر اكثر من الحلو عندهم
والوطنية احسن من زين
وانت العدو
:)

كيوت
سؤالج مو سخيف
سؤالج صعب وايد وما عندي اجابة معقولة له

العرزالــــــه said...

ماعليه

انا اسف ماقريت الكلام عدل

بس ماله داعي كل هالرد

فتح عدل والكلام اللي ماله داعي

احنا اكبر من جذي

بيت القرين said...

العرزاله
انت تدري انك من المدونين اللي احترمهم واقدرهم
لكن حضرتك من قبل لمحت على اني أكتب بإسلوب طائفي وما كنت متوقعتها منك
وييت وكملتها بهالموضوع
وهذا اللي خلاني ارد بهالاسلوب

واعتذر اذا شفت ان الرد كان اسلوبه مو زين

العرزالــــــه said...

حصل خير

:))

Anonymous said...

سخيفة وهيلقيه

al-nokhitha said...

Ana asef ma rakazat far7at el fouz kanat ma5thatni ;p

aham shay ena wadalna ;p

مطعم باكه said...

:) ..

بالنسبة لـ يراقب بغضب .. فما فيها شي ..

تلاحظين دائما بالصحف يكتبون المجتمع الدولي يراقب الأحداث في الدولة الفلانية بحذر .. وهذا ما يعني ان كل العالم مجابلين الأحداث وكل واحد ماسك مسباحه واهو قلق ..! :)

اما بالنسبة لهايف .. فمو غريبة ..

..

بالنسبة للتعليق الأخير :
اذا ممكن تشرح لنا ليش سميتها هيلقية ..؟

جد والله مو غشمرة صارلي فترة ابحث عن تعريف مناسب لكلمة هيلق وياليت نعرف ليش بيت القرين هيلقية ؟ :)

تقدر تراسلني على الإيميل ..

حياتي هدف مو عبث said...

محمد هايف

كيفه .. خل يقول اللي يبيه
مو الدستور كفل هالشي !

ولا كفل بس حق فئة من الناس !؟


امركم غريب

Killer M. said...

تصدقين كل ما أشوف شعار الوطنية أتذكر شعار الوورد بريس

خصوصا ال 'W'

Anonymous said...

http://independent-kuwaiti.blogspot.com/