22/08/2008

بس شاطرين على بشار وجاسم؟ + شخصية الإسبوع

صورة ماله داعي أعلق عليها

هذي رياضتنا، وهذي قيادتها

يقول حان وقت الحصاد

شزرعتوا انتوا اللي تحصدون؟؟

ملعب حق البشر ما سويتوا وتقول لي حصاد

دام انت وإخوانك موجودين الأرض بتظل بايره بلا حصاد بلا كلام فاضي

للعلم فقط

وفد الكويت راح بكين للأولمبياد

الإداريين 42 إداراي راحوا بالدرجة الأولى بالطيارة

واللاعبين السبعة راحوا بالدرجة السياحية

لا ووصلني خبر بعد إن لاعبين الرماية دافعين وزن أمتعة زيادة

تهقون حق شنو؟

حق الأسلحة اللي بيشاركون فيها

يعني شلون مثلا يروحون بنبّاطة ويلعبون ولا شنو؟؟

نروح حق الموضوع الأهم

قبل سنة تم اختطاف بشار الصايغ وجاسم القامس من قبل جهاز أمن الدولة

لأن كان في تعليق بمنتدى الأمة تم مسحه يسيء للذات الأميرية وطبعا مرفوض هذا الأمر قانونيا وما يصير

المهم جاسم طلعوه بعدها بفترة قصيرة وبشار خللوه جم يوم هناك

بجهاز أمن الدولة

يعني بشار كان مشتبه فيه بإن خطر على أمن الدوله والسبب تعليق مو من بشار من واحد صادوه بعدين

المهم

إسم أمن الدولة شارح نفسه

طيب خل اعطيكم افتراض

انتوا ناس فقارى مو متعلمين بالغالب

تغربتوا وييتوا الكويت عشان تطلعون جم دينار

أرد وأقول مو متعلمين

وقاعدين ومخططين إن خلال 10 أو 15 سنة من الشغل بالكويت راح تكونون مطلعين شي يعيشكم عيشة كريمة وتردون لدولكم وأهاليكم

وفجأة وبعد أول سنة لكم من الغربة تقرون خبر مثل هذا

الخبر عن 250 ألف مصري و50 ألف سوري وثلث العمالة الآسيوية

بالذمة شراح يسوون هذيل واهما يسمعون إن مصدر رزقهم بينقطع خلال اشهر

طبعا بوق وطق وهواش وصراخ

لأني أركز إنهم بالغالب مو متعلميين

وحتى لو متعلمين ولقمة العيش اللي تحييهم أو تموتهم تختفي

راح يلجأون وطبعا مو كلهم لإرتكاب الجرايم

وكل هالجرايم بتصير قبل لا يترحلّون

بالله ما تقولون لي وين أمن الدولة عن هالجريدة ؟؟

هذيل صج الخطر اللي يهدد أمن الدولة

التحريض أي لون صاير بعد

أمن الدولة والأمن الوطني اللي ما أدري شمهمته بالضبط ما تقولون لي من يتحمل مسؤولية الشغب والجرايم اذا زادت بشكل كبير من العمالة الخايفة من الترحيل

ولا بس شاطرين على بشار وجاسم؟؟

شخصية الإسبوع

شخصية الإسبوع هذا ما أقدر أعطيها حقها مثل ما قدمها جاسم بودي بالراي اليوم

إحسان إبراهيم

شكرا على تعليمنا درس مهم

15 comments:

kila ma6goog said...

العازمي شصار عليه؟ ماياب شي؟

Dalal_eng said...

ترحيل 800 الف عامل خلال 3سنوات حدها قوية يعني اكثر من 266 الف كل سنة
يعني اكثر من 22 الف كل شهر جان زين
بس مااتوقع

وموضوع ديوان المحاسبة ياخبر اليوم بفلوس بكرةابلاش

secret said...

اللاعبون خرجوا بخفي حنين .. بس الاداريين لا

Bad-Ran said...

اللاعبين بالسياحية و الإداريين بالأولى !!! و الله شي يحر

a.b.a said...

لازم الديرة تتغير وهالشي مرتبط بالفكرة القديم عند القياديين الي لهم صلة بالرياضة يعني هناك خلاف بين طلال ومرزوق والضحية المجتكع الرياضي فانا اقول ان المتسبب الاول طلال ومرزوق والسبب الثاني الحكومة الي ساكتى على هالشي فلعنة الله على الضالمين ،، الحل خطة بعيدة المدى يتخللها خطط قصيرة المدى لتطوير الرياضة والرياضيين وضع برنامج بإشراف متخصصين شرفاء

kuwaitforus said...

أي رياضة صار عندنا هواش يهال على المناصب وصرنا أضحوكة عند اللي يسوى واللي مايسوى

خليها على الله

al-nokhitha said...

Dana Ana eb wejhat nathari ashoof ena el reyatha bel kuwait malaha ela 7alain :)

1- ena e7i6oon wazeer reyatha o
e9eer mo7asab mo7asaba seyaseya fe 7alat el tag9er o ehdar el mal el
3am methil salfat el 42 edari eb first class :)

2- ena etiim ta59ee9 el andiya o eb hal 7ala el nadi ra7 e9eer
ma9dar rezg 7ag molaka fa ra7 yehtamoon feh men el na7ya el faniya ka modarbeen o moshrfeen o ra7 yehtamoon bel la3been o
ya36oonhum 7awafiz 3ashan eyeebon lehum el be6oolat o yerbi7on o ham ra7 yehtamoon bel marafiq 3ashan
la3eebenhum ma etii3awiiron :)

eb hal 7ala ra7 ye6la3 lena la3ib watheefta reyatha o ra7 yabdi3 eb majal 3amla le2ana etha 9arat sharika ma feeha keri meri ya
tel3ab 3adil aw fe 1000 yabi
yel3ab bedalik o chethi ra7 ye6la3 lena monta5ab 3ala mostawa 3ali :)

ana 3an nafsi ashoof #2 afthal :)

Kal 3ada ekhteyar momtaz 7ag
sha59eyat el esboo3 mashalah
3alaich :)

thani comment aktiiba awal wa7ed enmisa7 9ej e7tarait ;p

3asach 3al guwa :)

Anonymous said...

ما أسماء الوفد المرافق من الأداريين ؟

فقط للعلم عدد كراسي الدرجة الأولى محدود في كل رحلة لذا يستحيل لعدد 42 أداري السفر في الرحلة الواحدة على نفس الطائرة

يرجى التأكد من المعلومة

Eng.f said...

مرحبا
انتي ترى وايد عافسه الدنيا تاكدي من معلوماتج وترى احمدالفهد نظيف لا يغرج سالفة النل المفتوح. وبعدين كراسي الدرجه الأول بس 18 كرسي. وسالفة المغتربين ترى هاذي حسبيها وراح تطلع من صالحج وصالح كل مواطن وخل يكون بعلمج ترى اغلبيتهم ماعندههم شهادات وكبار بالسن والمصريين شنو محصلين من وراهم ولاتبين باجر يسوون اضراب نفس ما صار من جم سنه الله يهديج اختي وبالنسبه حق جاسم وبشار ياخي لا تتكلمون عن الأسره الحاكمه تكلمون على قدكم وعلى المشاكل الي نشوفها بديرتنا والبوق الي قاعد يصير
والله يحفظ الكويت يارب

lwatan-ajmal said...

مساء الخير :)
بالمسبه حق الأداريين يقولون 37 مو 42 :) يمكن الخمسه كانوا مع الاعبين بالسياحيه طقت بوربع :)
وبالنسبه حق الخبر مال جريده الله يكرمكم وحرام الأسم هذا لها ... الخبر بس اهي اللي ناشرته والله وما في اي جريده ثانيه عندها نفس الخبر .. غريبه صح :)

εκşĥα5™ said...

العازمي دعم :p

Cute But Imperfect said...

امن الدوله تمد ريولها على قد لحافها..
يعني ما عندها ريول توصل اللي ما تطوله بايدها :D

بيت القرين said...

مطقوق
ما ياب شي

دلال
ننطر

سيكريت
انت صح
:)

بدران
شنو اكو ما يحر

إيه بي إيه
منو اللي بيخطط يا ترى؟؟

كويت فرس
على الله

نوخذانا
انا مع الحل الثاني

والله يقويك

أنو
طبعا ما عندي الاسماء
روح هيئة فؤاد الفلاح وشوف
بس ترى مو شرط رايحين بطيارة وحده بس

مهندس
احمد الفهد من قال عنه وصخ الحين غصب بتدخله بسالفتي
بس ترى عادي اكثر من طيارة مو شرط كلهم برحلة وحده
وشنو تكلموا على قدكم إحنا والإسره قد بعض
اقرى الدستور

لوطن اجمل
يقول لك ما غريب الا الشيطان
:)

اللي ما اعرف اكتب اسمه
مادري
:)

كيوت
مايصير بس احنا لحافها
كله إحنا
:p

صياد الأخبار المفبركة said...

افا والله
طلعت اخبارج كلها مفبركة
قبيلة اداريين كلهم بالدرجة الاولى؟
بصراحة
جذبة كبيرة وماتترقع
خليج بسوالف يكيكي ابرك
الظاهر خيالج واسع
بس هالمرة قدرتج على التأليف خانتج
ماعليه
هههههه

Eng.f said...

الظاهر انتي ةالي ما تقرين هههه شنو تكتبين انتي مو متكلمه على طلال الفهد وقلتي روح انت واخوانك وبعدين جم طياره يبيلهم عليمن يوصل الوفد للصين اختي انتي اقري الدستور ولا تصيرون وايد فهاميه وتحجو العالم بالدستور