تحديث تحت كلمة عيب والله عيب
::::::::::::::::::::
جريدة قطرية إسمها ستاد الدوحة نشرت كلام منقول من أحد الشخصيات الرياضية الكويتية يقول
إن في واحد من المحسوبين على أحمد الفهد متلاعب بنقل كلام اللجنة الانتقالية لادارة اتحاد القدم الكويتي حق الاتحاد الدولي - فيفا
تقدرون تشوفون التفاصيل عند وجهة نظر
الحين الكلام ممكن يكون صحيح وممكن يكون جذب
مع ان مو غريبة على ربع بوفهد
بس الكلام يحتمل الصواب والخطأ
الغريبة شنو
يعني حضرة وزير الاعلام صباح الخالد
ورطتنا وما عرفت تتصرف او مابغيت تتصرف بالإصح لما كنت وزير شؤون عشان لا تورط عيال عمك
اللي مرمطوا سمعة الكويت عشان كراسيهم
الحين حتى وانت وزير اعلام مو راضي تفكنا من شرّك
شنو يعني تمنع الجريدة من انها تدش الكويت
وين الله يوفقنا وانتوا موجودين بالله
عيب والله عيب
هذي صورة من الكتاب المرسل من جاسوس حولي مثل ما سمّوه حق الفيفا
واهوا أحد المحسوبين على بو فهد
وأيضا تعليق الجريدة القطرية على مصادرة جميع اعدادها من الكويت
والله فشله
شبتسوون بسمعة الديرة زود؟
::::::::::::::::::::
امس الخميس نقلت الجرايد كلها من رويترز معلومات عن مدينة الحرير
حتى سعد الفرج وخالد النفيسي ولا عبدالأمير التركي يتهم الجرؤة إن يشلخون هالكثر بحامي الديار
يقولون
مدينة الحرير بتصير قطارات من اوروبا ليما الصين
وبيسكنونها 700 الف نسمة
والمعلومة الاعظم انها بتخلص ب 2023 يعني بعد 15 سنة
بس قلنا يالله خنتفاءل ويمكن صج
دام ان رويترز قايلين كل شي جايز
حتى سعد الفرج وخالد النفيسي ولا عبدالأمير التركي يتهم الجرؤة إن يشلخون هالكثر بحامي الديار
يقولون
مدينة الحرير بتصير قطارات من اوروبا ليما الصين
وبيسكنونها 700 الف نسمة
والمعلومة الاعظم انها بتخلص ب 2023 يعني بعد 15 سنة
بس قلنا يالله خنتفاءل ويمكن صج
دام ان رويترز قايلين كل شي جايز
وسبحان الله السالفة ما طولت يوم عشان تثبت انها العن من كذبة ابريل
وهذا موضوع الفتن اليوم يثبت
بيمنعون مقرر الفلسفة بالمدارس واسبابهم منطقية الصراحة
لأن مصر والسعودية وقطر ما يدرسونهم فإحنا لازم ما ندرسهم
ولان تزعزع ثقة الطالب بهالمرحلة بالدين الاسلامي
الطالب يحدد مستقبله وتشعيبه بالثانوية ويقرر اول ما يخلص يعني بعد يومين من نهاية الثانوية العامة شنو بيدرس بالجامعة
ويحدد شكل حياته كاملة بس لا راح يتزعزع
انزين سؤال الحين منعتوا الفلسفة من الثانوية
وبعدين منعتوا الكتب المتعلقة بالفلسفة وزعزعة الدين بالمعارض
ما تقولون لي متى البني آدم يقدر يقرى ويتعرف على الأفكار
حسبي الله عليكم
لا وطلعة ثانية بعد
اهيا اللباس الرياضي مال التربية البدنية
يعني احنا طول السنين اللي طافت بالمدارس اللي تخرجوا من الستينات ليما اليوم ما يراعون حدود الله
صج قلة أدب ووقاحة ما بعدها وقاحة
شنو ظل ما شككتوا فيه
بيقفلون على عقولنا وتفكيرنا وبعدين يقولون مركز مالي ومدينة حرير وحجي فاضي
حمدالله والشكر
والخير بقبال دامنا ساكتين ومحد يواجههم
شخصية الإسبوع
شهيد ضحى وقاوم الإحتلال الإسرائيلي وقوفا مع الحق ولا شيء سوى الحق
هذول اهما عيال الكويت الصجيين
الشهيد فوزي المجادي
إلى جنات الخلد بإذن الله
17 comments:
يمنعون جريدة من دخول الكويت عشان انتقدت شخصية
بغض النظر عن الشخصية المنتقده
ما يصير تنمنعها من دخول البلد يا حضرة وزير الاعلام
الله يرحم شهيد الكويت
فوزي المجادي
رحم الله الشهيد فوزي المجادي
وكل شهداء الكويت
اختيار موفق لشخصية الاسبوع
هذي خطة املة للسيطرة على عقول الكويتيين ، بيسوون الكويت مثب السعودية الحريم أسود باسود و ما يسافرون إلا بمحرم و لايدرسون فلسفة و لا يشغلون مخهم بس يتبعون إللي يفتون فيه شيوخ الدين المتشددين. لكن الكويت غير ما راح نسكت ، و بيشوفون نبي همتكم و مساعدتكم عشان نرجع كويتنا قبل لا تصير كويتستان
shfeeh el lebis el reyathii ba3ad mo kafeehum ena elabsoon el banat malabis 5adamat el 7emdela wel shekir al7een yayeeen 3ala el PE ana agool 5al yemni3oon tadrees el banat ba3ad !
hal bo fahad hatha athka seyasi bel kuwait el kel etiikalam 3ana o 3an balaweeyah o ele esaweeh o maku ay shay yathbit 3alaih youm galaw
7awlooh el neyaba 3ala salfa men fatra ehwa ele 6alab el ta7weel o nafs el shay maku shay 3alaih o
e7ariik el majlis eb telephone o
ma7ad gader 3alaih 9ej 9ej
3afariim 3alaih :)
3asach 3ala el guwa :)
dalal_eng:
لاتذكرينا بالمتاسلمين
لا تقلبين المواجع والله الكل عارف جذي بس الاغلبية ماتتحرك ضدهم لانهم يمكن خايفين على مصالحهم
بس انشاءالله راح تتغير الامور محد دايم يوم لك ويوم عليك راح ومراكز القوى تتغير راح بس خل الوطنيين يتحركون ويتحدون ضد المتاسلمين المتخلفين
وضع وافكار الرجعيين من ابناء وطني نتيجة التخلف والتراجع من تعليم وتدريس وثقافة والافكار الطائفية المستوردةوالضرب فيما بينهم على حساب الوطن والتنمية ومو بس احنى حتى موجود بالوطن العربي والاسلامي
ودول العالم الثالث
دانة عن موضوع الرياضة واحمد الفهد ترى الكلام موصحيح وايد كلام واشاعات ينقال باسم احمدالفهد بالذات
ومشكوورة
ودمتم سالمين.
قوة دانة
على قولتج الخير بقبال :) قريبا عندي موضوع عن الفلسفة و الدين.. مو تحرقينه علي :P
Great Post
اتمنى سمو الأمير يرد لأعضاء اللجنة بقرار الغائها و يفكنا منهم و من عقلياتهم الداثرة
اهم شي قطر و السعودية و مصر
مايبون يحطون ضوابط حق المقصف بعد ؟
سبحان الله
عاشور والمهري وغيرهم يطالبون بتغيير مناهج التربية الاسلامية وبكل طائفية مافي مشكله
لكن لجنة شكلها الامير الراحل وفيها اشخاص قديرين ووطنيين مثل د.خالد المذكور يطالبون بتغييرات في مادة تمس الجميع تعتبر مشكله
اسمحي لي انتي طائفية
مهما حاولتي تخفين الشي هذا
كويتاوي
لا والمصيبة الصورة اللي حطيتها بالتحديث
صلاح
الله يرحمه
وشكرا
انو
الله يستر
نوخذانا
يا ليت يستغل ذكاءه حق مصلحة الكويت
دلال
الظاهر مو اشاعة شوفي التحديث
سرحان
خلاص ننطرك
مطقوق
انا هم اتمنى
فريج
في نية ما يبون زعتر لأن يشغل المخ
والمخ مو بحاجه لان يشتغل
العرزاله
انت من صجك ولا قاعد تتغشمر على هالتعليق؟؟
ام الهيمان
شلون طحتي علي؟؟
الغاء مادة الفلسفة !!
يبون يمنعون الانسان حتى من حقه بالتفكير و تحمل مسئولية تفكيره
!!
-----------------------------
جريدة ممنوعة من دخول الكويت لانها (انتقدت) شخصية...و اللي غزونا و ذبحوا اعيالنا داشين ماكلين شاربين على راحتهم
!!
صج نظام الحكم فيها ديمقرا طي
cover me ya dana!
والله لوعو جبدنا فشلوونا
وطن النهار
كل يوم اردى من اللي قبله
سنعه
خلصت كل انواع البطانيات يا سنعه
يا يخلوني رئيس وزراء
يا اهد الديرة باللي فيها
القائل
البطل المقدام احمد ابن الشهيد الاوحد فهد الاحمد
أنا ما أقول إلا إحنا وين رايحيين؟؟
اختي الكريمة ..
ما قولك فيما حدث لي بالثانوية
كنت من المعجبين بمادة الفلسفة بشكل كبير!! لما تحمله من اخلاق و قيم ..
فكتبت موضوعا انشائيا عن التشابه و الاختلافات بين الفلسفة و الدين .. و اعجب بالموضوع استاذي و علقه عند باب القسم افتخارا بطالب مفكر على كلامه ..
ثاني يوم ناداني مدرس الدين و قاللي ان اللي كتبته كفر!! كفرني الشيخ .. و طلب مني ان اعود الى الدين و اترك عني هذه التفاهات !؟
و لم الق الى كلامه بالا .. و لكن ما صدني هذا
جئت يوما الى باب القسم و رأيت ورقتي التي كتبتها ممزقة .. فسألت الاستاذ فقال لي ان واحدا من الطلبة قد مزقها !!!
اذا حقوق الفكر تغتصب بالثانوية !؟ فما بالك بحالة البلد ..
تحياتي لقلمك المعطاء :)
Post a Comment