07/07/2008

شاللي صار يا بو صادق؟

شكرا لجريدة الجريدة وشكرا لنايف الأزيمع على هالكلام

نجذب عليك اذا قلنا ان ما يفرق أو يأثر هالكلام

صدقني اي كلمة إطراء أو تقدير من الناس سواء بالصحف او المدونات او اي وسيلة اعلامية او حتى بالتعليقات والايميلات تعتبر

مثل اعادة شحن لطاقاتنا

أو مثل الرصيد بالنسبة للايزي والاكسبرس

شكرا استاذ نايف على الرصيد هالمرة وما تقصر وان شاء الله ما نخيب ظنكم

هذا اللي يبونه

طاقين محرر صحفي

انتوا يا الخونة الائتلافية

وتستنكرون اعمال العنف يعني تستنكرون انفسكم

بس تدرون شنو الحل بالنسبة لهم

اعادة الحواجز جدام صالة التسجيل لتقليل الاحتكاك بين القوائم

شكو؟

القوائم شكو الحين

محرر بيغطي اخبار ومنها انتقاد على وجود الحواجز يت الجامعة والغت الحواجز بناء على موضوع المحرر

ما عجبهم هالشي لأنهم راح يلقون صعوبة نوعا ما بنشر اكاذيبهم على الطلبة المستجدين لان القوائم الثانية بتزاحمهم

فطقوه وريحوا نفسهم

الحين أكبر راس فيهم يعني الفاهم

يقول ردوا الحواجز عشان ما نطق الصحفي مرة ثانية

صج قلة ادب

مليت منهم ومن سيرتهم بس لازم نفضحهم

المهم

يكيكي مادري شنو بباله لما يكتب هالشي

هذي مقالة بيوم 1-7 كاتبها يكيكي

شوفوا هالفقرة

وما بين شاليهات الخيران وفلل ديفون »المقاطعة السويسرية الشهيرة« نقاط تلاق واختلاف، في صالة البولينج القديمة والتابعة لمنتزه الخيران زحمة لوجوه الكويتيين »الجلحة الملحة« ويا حلو »الجلحة الملحة« فقد زرت سويسرا مرة وتوقفت عند ديفون وعندي الناس الجلحة الملحة بالخيران احلى من الناس »الفاهية« هناك، صيحتهم وضحكاتهم تفز البسمة والخاطر من الصمت الديفوني السويسري القاتل هناك

يقول زار سويسرا مرة وتوقف عند منتجع ديفون السويسري

الطريف بالموضوع ان منتجع ديفون فرنسي مو سويسري

يعني يا جذاب شنو فايدة هالجذبة

قول سمعت عن منتجع بسويسرا ماشي

عشان لما تطلع غلطان تقول والله مادري سمعت

مو تقول زرت

يعني تاكد انك رايح المكان

وأثاريه بفرنسا

شنو يعني بس جذيه تجذب بس من اجل الجذب؟؟

حمدالله والشكر

السيد حسين القلاف - بو صادق

بالنسبة لي وبرايي الشخصي ان يعتبر من اكثر النواب الملتحين تمسكا بقناعاته وآراءه حتى لو اختلفنا معاها

يعني قصدي ان قليل التلون يشبه في ذلك زميله عادل الصرعاوي

مع افضلية برايي للصرعاوي

السيد القلاف كان من أشد المحاربين لجريدة الفتن

وشهدت الفترة النيابية الاخيرة له قبل فوزه بهالانتخابات حرب كبيرة ما بينه وبين جريدة الفتن

ورسموا عنه بو سخافة وبو سخيف اكثر من مرة

ووصفته الجريدة بصفحتها الاولى بالكذاب ايضا في فترة سابقة


الغريب ان بعد خسارته بانتخابات 2006

او بالاصح بعد اعلانه الترشيح لانتخابات 2008

اصبح القلاف صديق ودود لقناة وجريدة الوطن

طلع بتلفزيونهم اكثر من مرة طوال الشهرين اللي طافوا

يطلع بالجريدة بشكل شبه يومي

وطبعا كله من باب تغطية جميع تحركاته اعلاميا مو من باب الشتم والسب اللي كانت تمارسه جريدة الوطن ضده

اعتقد ان القلاف يدري اكثر من أي احد فينا شنو جريدة الوطن

وشنو التفرقة اللي قاعد تزرعها بين اهل الكويت

فشاللي حصل يا بوصادق

واحنا نعرف عنك ثباتك على قناعاتك حتى ولو اختلفنا معاها

ارجع لمداخلتك في جلسة طرح الثقة بيوسف الابراهيم وتعرف شنو كان القلاف امس وشنو اهوا اليوم

لا يكون اشتروك يا بو صادق؟

22 comments:

kuwaitawy said...

مع انني كثير الاختلاف مع بو صادق

لكن ما اعتقد ان الوطن شاريته فهو رجل ذو توجهات ثابته

والله اعلم :)

Bad-Ran said...

الظاهر جذي

Don Juan said...

رئيس الاتحاد جنه يقول
يا جماعة وخروهم عنا ترى والله ما نقدر إلا نطقهم ;Pp

والله احنا يا طلبة " القوائم كلبونا " علينا فناتق ما صارت ;PP

و بالنسبة حق بوصادق

الي راح راح .. انا مادري وين راح حسين القلاف مال ال96 و القلاف الي وقف الوزارة كلها على ريل وحده ... Gone with the wind :)

Anonymous said...

عزيزتي هذا ما يسمى بالسياسه
السياسة مثل علم التغذية والرجيم ... مافيها ثوابت ... كل من هب ودب صار خبير سياسة وسياسي محنك ... مثل ما يصير في علم التغذية والرجيم .. كل من هب ودب يألف كتب

فريج سعود said...

عندي لج هدية بدز لج اياها على الايميل في اقرب فرصة

lwatan-ajmal said...

يعني يا دانه ما تعرفين ملوت الأخوان المسلمين واسلوبهم الغبلا مؤدب بالتعامل مع الناس وخااصه اللي يختلفون معاهم بالفكر بس شنو نسوي محسوبين كويتيين علينا وبالنسبه للسيد صح كلامج امره غريب وتتوقعين شنو السبب؟؟؟

Anonymous said...

5laiiif tekfa wadnii divonne o etha kelish kelish montazah el
5eran :)

wala divonne ya 7eloha o ya 7elo ahalha o ent ya Yak Yaki ele kalamik yethba7 !

ana thed el e2telafiiya 100% lakin ma a7iib a7kom 3ala el shay men
6araf wa7ed yemkin el mo7ariir
'3alii6 3alaihum wela mestifzhum eb shay o el shabab zahbeen 7ag el nejra :)

3asach 3ala el guwa :)

blackLion said...

السلام عليكم احب اقدم التحية لصاحبة المدونة و على فكرة انا متابع لكم من قبل بس ما كنت اشارك و احب اضيف بما ان انتي من التيار الديمقراطي احب اقولج انه التيار الديمقراطي للأسف ما فيه من يحمل الفكر الديمقراطي او بمعنى اصح رموز التيار سوري على هالكلمة افشلون و للحديث بقية اما بالنسبة لموضوع بوصادق ترا السياسة طول عمرها جذي يعني ما فيها عدو دائم ولا صديق دائم فالوضع طبيعي جدا و عادي و زي الماي البارد اما عن يكيكي فهذا باي صورة يحاول اغطي بوقة المعزب العود يعني هم زي الماي البارد و بعد للحديث بقية و احب اجدد الشكر لكم و تمنياتي لكم بالتوفيق

kuwaitforus said...

سيــــاسة

ومسكين يا شعب الكويت

مريم الموعذراء said...

الي تكسب به العب به

Anonymous said...

دانه

بصي... شوفي... نورية... بتعمل ايه عند.............. عاجل

عسكر جاي ياشباب هو اللي حينظف المجلس أحسن من رابسو

As YoU LiKE said...

كنت اشوفه على التلفزيون والجريدة وردي كان:
شروه .. الدينار يطيح اكبر راس !

Anonymous said...

عزيزتي دانة

ودي بقلمج الرشيق تعلقين على الصورة في الرابط ولو تحطينها بوست صغير

ودي أضحك :)

http://www.alqabas.com.kw/Article.aspx?id=411265

ساحبة سايد said...

يعطيكم العافية يا بيت القرين وتستاهلون


الإئتلافية وأطفال الأخوان هم بكل تأكيد في صدارة ممارسين العنف داخل الجامعة..

وحتى تاريخيا ومنذ عام 1978 عندنا تسببوا بدخول قوات الشرطة لأول مرة إلى داخل أسوار الجامعة منذ إنشاءها
وكل هذا ليعرقلوا الية الفرز ويتهمون الوسط الديمقراطي بالتزوير
الذي لم يثبته شي ولا حتى الإئتلافية نفسها قدمت طعن بذلك

لأن كذبهم والعنف الذي مارسوه داخل صالة الفرز لعرقلة نتائج الإنتخابات بعد أن بان أن الإتحاد يتجه لقائمة الوسط الديمقراطي


وجريدة الوثن للأسف الكثيرين قاعدين يجاملونها..
ديرتنا ما تستحمل كفاية عاد..

فتى الجبل said...

اشتروه؟
كل شي جايز بهالديرة

zaradisht said...

بدال لا نلوم بوصادق اذا غير مواقفه ولا ماغير خل نلوم ربعنا الي نايمين بالعسل ولا ندري شنو موقفهم من وايد شغلات
ثاني شي يا دانه بالسياسه مافيه اعداء على طول يمكن بوصادق حسبها صح
وليش نشره على بوصادق وربعنا بالانتخابات الاخيره كانوا يروجون للصرعاوي ومسلم بالدائره الثالثه والنعم فيهم كأشخاص بس نسينا انهم من تيار اسلامي واول ناس صوتوا على لجنه الظواهر
يعني خمالنا يبناه بأدينا

Anonymous said...

يادانة انا ماافرق بينج وبين جريدة الوطن

اثنيناتكم تجذبون وتكتبون الي يعجبكم حتى لو كان غلط

وعلى سالفة الفزيع

فترى في فندق اسمه ديفون بسويسرا

www.circumvista.com/divonne.html

:) هاردلك

بيت القرين said...

زردشت
نلوم بو صادق ونلوم غيره
ماهي مشكلة والسياسة اذا كان البعض يستخدمها كلعبة وصخة
احنا اللي لازم ننظفها

بيت الصبية
لا تفرق افا عليك كل واحد ورايه
بس هم ديفون اللي قصدها نواف غير ديفون اللي انت حاط لنكها
والدليل هالجملة
وما بين شاليهات الخيران وفلل ديفون

يقول عن فلل ديفون
وديفون اللي انت حاطها عباره عن فندق من دورين مافيه لا فلل ولا شي
وهذا الرابط عشان تشوف وين ديفون

http://maps.google.com/maps?daddr=Divonne-les-Bains,+France&geocode=&dirflg=&saddr=geneve&f=d&hl=en&sll=46.363041,6.157837&sspn=0.634952,1.19751&ie=UTF8&ll=46.440696,6.183929&spn=0.634049,1.19751&z=10

اذا ما اشتغل روح على جوجل

إختار مابس

واكتب ديفون وشوف شيطلع لك

Anonymous said...

بوصادق ...... ونوريه

زغالة

ما غيرها تبي تعيين عمدا الكليات على مزاجها.. وتبي تعين قريبتها وكيلة لها.. وشالت الفقير المسكين من باريس، وقالت: مدته انتهت قبل ما تخلّص بسنة!


سين و جيم

س: منهو المرشح لمنصب وكيل التربية؟!
ج: لا... قول منهي المرشحة!


القلاف يسأل الصبيح عن إنهاء ندب الفيلي
وجه النائب حسين القلاف سؤالا الى وزيرة التربية والتعليم العالي نورية الصبيح جاء فيه:

1 - ما سبب انهاء ندب الدكتور محمد الفيلي رئيس المكتب الثقافي في باريس؟

2 - قبل انهاء ندب الدكتور المذكور هل تمت مواجهته بأي ملاحظات أو مخالفات ظهرت اثناء عمله كرئيس للمكتب الثقافي؟

3 - هل توجد اي مراسلات بين وزارة الخارجية والوزارة تتعلق بأداء الدكتور الفيلي وعلاقته بالسفارة هناك؟ أرجو تزويدي بالمراسلات.

4 - ما الطريقة التي تم بها ابلاغ الدكتور محمد الفيلي بإنهاء ندبه؟


: )

Street 965 said...

ممكن ان القلاف مع اي جهة ضد عبدالصمد ولاري ودائما السياسة مصالح فالقلاف اخو المصلحة ...

Unknown said...

و الله حرتني طلعة بو صادق على الوطن ...
قهرني انسجامه مع المذيع الطراح أو البداح ...
نسى السيد شلون كان صوتهم ضده صداح..
نسته الانتخابات و عساه اليوم يذكر فتنهم ونرتاح ..
يعطيهم على قد حجمهم و يخلي غلقتنا من اثر كبوته بالوثن تنزاج
لا تضحكهم عليك ياسيد و فك الارتباط و و لا تدخل معاهم بجد و مزاح ....
و ما عندي تاليف بعد و الحجي من بالي را و سلامتكم و تعيشون ....و على طلعة السيد بالوثن ...الف حا ....احااا..و اللي ما يدري يقول....عسى اللي براسه خير

Anonymous said...

السلام
شكرا على البوست
القلاف باعها من زمان... المصيبة محد مكتشف هالشي
من دخل في شركة العقيلة مع التجار و هو ورا الفلوس
حتى لما اسألوا في احد الندوات عن سبب دخوله كعضو مجلس اداره (و هو رجل دين بسيط لا تاجر ولا من عوايل التجار)... تدرون شنو الجواب؟
ان الشركة في حاجة ماسة لرأيه الفقهي!!
على من تضحك
انت سنة اولى حوزة.... يعنى في الدين ما وصلت هالمواصيل
روحوا و سألوا عنه حوزة قم.
و في الختام
دينكو ديناركم....قبلتكم نسائكم
و السلام