05/10/2007

مزاج اليوم - عمي الخليفة + جذبة يديدة

هذه صيده تستحق الاشارة لها كونها طازجة وتكشف غباء جريدة الوطن بكافة أقسامها
جريدة الوطن

وفي رده على سؤال حول قضايا التحييد قال الفلاح "ليس من المفضل ان نتحدث عن موضوع أمام القضاء فالأمر لم ينته حتى الآن من درجات التقاضي مع كامل احترامنا للقضاء سواء كان لنا أوعلينا".
تأتي إجابة الفلاح لتؤكد انه نسي أو ربما تناسى أن الحكم النهائي في قضايا التحييد اصدره القضاء وتم تسليم شركة المال إلى مجموعة الخرافي وانتخاب مجلس إدارة جديد .. يبدو ان الإدارة القانونية في البورصة لم تعلم مدير السوق بمجريات الأحداث

http://www.alwatan.com.kw/Default.aspx?MgDid=552098&pageId=39


أما بيان شركة الاستثمارات والتابعة لمجموعة الخرافي فتقول

اما المؤتمر الصحفي الذي ردت فيه لجنة وادارة السوق ممثلة بمدير السوق فقد اكدت حرصها على حماية السوق والاقتصاد الوطني ومدخرات المستثمرين وهي اهداف لا يختلف عليها اثنان وان كانت هناك بعض نقاط الاختلاف الرئيسية في ما يتعلق ببعض القرارات التي نصفها بالمتسرعة وغير المنطقية، مثل ازمة التحييد التي لا يزال امرها منظورا امام القضاء، وان كان قد اصدر بها قرارا اوليا ببطلان اجرائها.

http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=320090



نلاحظ أن الشركة تقول أن قضية التحييد مازالت منظورة في القضاء وتتفق فيما ذكره مدير البورصة صالح الفلاح، أما جريدة الوطن أعطت أحكامها النهائية بالقضية، وحاولت ضرب الفلاح من خلاله
ا
شكرا يا باشا
________________
مزاج اليوم ماكان بالحسبان بس روعة
بواردي
من جريدة الجريدة

الحرامي مو مثل أول
كريه.. وإلاّ شيفه
ولا لازم .. تلقا في وجهه أثر
جرحٍٍ قديم
أو بعد.. ندبه خفيفه
الحرامي الحين ممكن لو تشوفه
من حلاته .. تقول :هاك
هاك كل اللي تبيه
بس أطالع بسمتك هذي الظريفه
أنا ما أقصد أبد عمي الخليفه
***
الحرامي الحين تغير
وصار يواكب الحياة
صار ما يهتم للأشيا البسيطه
والفتات
صار يفكر
شلون يبوق الشركات؟
شلون يسرق ناقلات؟
شلون ينهب بورصه؟
شلون يخلي الديره تمشي
على كيفه؟
أنا مو قصدي ترى.. عمي الخليفه

***
الحرامي مو مثل أول يبوق
لنّه.. جايع
الحرامي صار يظن البوق
من أحلى الطبايع
وإن مال الناس هذا
مال حلال
مال ضايع
لو ما لحَق أهو عليه
صار هذا المال .. فاسد
لا له شاري .. ولا بايع
واحنا مفروض نشكره
إن هو فكر يبوقه
ونشكر الفكره الحصيفه
أنا مو قصدي ترى.. عمي الخليفه

***
الحرامي الحين يبوق
من أجل الهوايه
مو لأن المجتمع
ما عطاه الحق يعيش
أو لأنه مالقى
فالعيش وسيله
ولا غايه
أو لأنه شاف نفسه ..فجأه يائس
وشاف عمره يقترب نحو النهايه
أبدا
أهوَ ياسيدي يبوق
بس.. هوايه
أو أحيانا يظن
إن هذا المجتمع كله غبي
وشي محزن له ..وجوده بينهم
فضروري يدفعون
شي أشبه "بالجبايه
وهَمّ ..لازم يدفعون
حق هالطلة البهية
والذرابه
والتهندم
والغتره البيضا النظيفه
أنا مو قصدي ترى.. عمي الخليفه

17 comments:

Anonymous said...

aiwa ana awal comment
awal mara
wanasa
meno kateb hal kalam ??????

bo9ali7 said...

ما اظن انهم يحسون انها بوقه
اتوقع يشوفون ان المال مالهم
والارض ارضهم
يعني ما باقوا شي
بالعربي ضميرهم ما يأنبهم

ARTFUL said...

هذا ماهو شعر هذا نثر

بس محاولة جيده وحلوه

أهم شي الفكرة

تسلمين خيتووو

=)

Bad-Ran said...

كل شي ولا عمي الخليفة

Q80 Blogger said...

منو يقصدون؟
:)

Anonymous said...

أنا مو قصدي ترى.. عمي الخليفه

ممكن يقصد عموووووووو الخرافي !

Mohammad Al-Yousifi said...

أكيد يتكلم عن عبدالفتاح البدر و حسن قبازرد؟

زرادشت said...

ايييييييييييييييييييه

خلوها على الله الي هالحرامي صار من اصحاب المقام الرفيع

خلوها على الله الي الشعب للاسف يتابع قناته الي هي من فلوسنا

خلوها على الله الي صارله 25 سنه واهو يضحك علينا وعلى الحكومه الاصلاحيه كانه الفلوس فلوسه من معاشه جمعها

خلوها على الله انه هالديره ما ندري لوين رايحه ضيعنا البوصله ما قمنا نعرف الشريف من الحرامي

بس ما اقول الا مثل ما قال الشاعر

تحياتي للحرامي صاحب المجد العصامي

..... الفنطـــاس said...

:)
ابلدنا الحين عندنا وايد خليفه
صار مثلهم والعدل دايم حليفه
من لقاله فلس لاهيه عنه الحكومه
حطه بجيبه وماقلا حد يدينه
الحراميه تلفوا سمعة بلدنا
لطخوها وماتتنظف لو فركناها أبليفة
.......
دام خليفه مهدود ومايتحاسب كل يوم بنلقالنا 100 خليفه والله المستعان

فتى الجبل said...

عمي الخليفة؟
حسافة بس لوشايلة الميم
وحاطة مكانه لام

Anonymous said...

من عنه عيل ؟؟؟

Anonymous said...

يعطييييج العافية

بس اكيد الجرامي هالايام غير
دام انه مهدود وبدال ما يدان صار يدين
وبدال وسيلة اعلامية صاروا ثنتين
وبدال الحبس طايحين له حفلات

شلون بصير الحرامي حرامي

يعني حتى لو كان عندي ضمير (ادري ما عنده ) وفكر يأنبه بيوم ما راح يصدق هالاحساس دام الشعب مستانس وهو يشوف نفسه ينباق

Anonymous said...

هيك شعب ...... بدو هيك حراميه

Bad-Ran said...

خوش صيده

سنيار said...

نثر جميل و معبر

Anonymous said...

mabrook el new look

بيت القرين said...

أنو
مو كاتب اسمه والله

بوصالح
اي واحنا نشتغل عندهم

أرت
نثر شعر اللي اهو
اهم شي الفكرة
:)

بدران
آسفه

كويتي
مادري
:p

انو
ممكن

مطقوق
لا اظن عن عبدالكريم عبدالقادر
شكو؟؟

تشي
اي والله فلوسنا

الفنطاس
صح لسانك

فتى الجبل
طافت علي

حمودي
محد يدري ليما الحين

أنو
اي والله الشعب ساكت

انو
يسلم تمّك

بدران
مو انا صايدتها
الباشا صادها مابي اقول اسمه

سنيار
صدقت

حمودي
الله يبارك فيك