21/10/2007

يكيكي عاد عاد




من خارج الكويت وما راح أقول ويني ليما ارجع

لأن الكويتيين فيهم بلاغة شف مو طبيعية ويقعدون يدورون مادري شيسوون

المهم انا لاحظت بالفترة اللي طافت ان يكيكي كان يحاول يتعدل والتشلخ كان مقلل منه بشكل كبير

وطبعا لأنه لقى ناس تفضحه والحلو ان شنو

ان اللي قاموا يقرون بيت القرين اكثر من اللي يقرون مقالاته

بس قبل يكيكي

اليوم هم الطبل كاتب

دروا اني سافرت وخذوا راحتهم
:p

الطبل أيضا متساءل خوش سؤال

ولأن يبي إجابة نعطيه إجابة ما يمنع حاضرين يا مستر طبل

ولكن لم يتوفر لنا رجل شريف واحد ولا كاتب شجاع واحد ليقول لنا ما هي مؤسسة الفساد!!. ومن هم مؤسسوها ومن هم إداريوها وكوادرها ومنظموها. فلا يعقل ان يعرف هؤلاء المتذاكون عن مؤسسة بكاملها ولا يعرفون من ورائها ومن يعمل بها

يبا إحنا متوفرين وموجودين بس انت تقرى وتستهبل طبعا

انا ما راح ارد عليك بأسامي تدري ليش لأن كل واحد راح يكتب تعليق بهالموضوع راح يكتب اسم من اعضاء المؤسسة وسببه، عاد مو تفشلوني

بس هم مايمنع ان نقولك ان ابو الناقلات من المؤسسة وابو الوسيلة من المؤسسة وابو كاس الخليج 16 من المؤسسة وابو مجمع اولمبيا من المؤسسة وابو القروض من المؤسسة وابو الاستثمارات وغيرهم وايد

راح تشوف شكثر فيه كتاب شجعان ما توصل انت لمواصيلهم يا بو قلادة مبارك

اي على فكرة عندي صورة لك يا طبل راح تخليك تستخف

بس مابي احطها الحين

انطرك تقل ادبك وايد بعدين اكشفك

بس فكّر بمنطقة بنيد القار شوي ومعهد فلكس القديم شويتين

ما ولهتوا عليه؟؟؟




يكيكي يعود للتألق من جديد

الظاهر الحكومة مشلخينه قضايا وهذي ضريبة الجذب طبعا

ومسكين حده خايف

خلننتقل لموقع الحدث واهوا مقالة يكيكي

يقول عن قضية ولدنا بشار الصايغ وجاسم القامس اللي يسميه ولد ليلى احمد بالمقالة مادري ليش يناديه بإسم أمه؟؟

إذا كان قاعد يتطنز هذا شي مضحك لان الطنازة مليقة اذا تبي تتطنز صج قول يصير حق نواف الفزيع

وهذي قمة الضحك

المهم يقول عن بشار

وبإسلوب الأطفال طبعا

ناس كذبت على أمن الدولة واتهمتهم بكلام مو صحيح وما شفنا القضايا هلت عليهم؟

يعني ليش ترفعون قضايا علّي وما ترفعون على هذيلاك

والله يحسسني ان ما يكتب المقال الا لما يلبس شورت ازرق وقميص ابيض ووياه قوطي فيه مطارة وتوسته مغلفه بقصدير او نايلون

دامها بقوطي اكل ليش مغلفينها بعد مادري؟؟

المهم يقول عن بشار ان جذاب

حلوين ياولاد

اعتقال مهين لبشار الصايغ مخالف لاجراءات القانون الجزائي

سؤال واحد بس وين قاعدين؟ لا يكون عبالكم ان احنا في عراق صدام حسين، في دستور وفي قانون، وراح نحاسبكم ان إما حركتوا الموضوع للنيابة لكن طراقات وسب وحجز غير قانوني هذا شيء لم ولن نقبله

امس بدر العنزي واليوم بشار الصايغ والله يعلم باللي جاي، ولا تنسون الجلاهمة الذي وان كنت من اشد المختلفين معه الا ان اعتقاله غير القانوني وما تعرض له اثناء الاعتقال من اعتداء كذلك يمثل مساسا ولا ننسى محمد هايف وما تعرض له كذلك


شفتوا هذي الثلاث فقرات

تصدقون انها كلام نواف الفزيع نفسه
!!!!

لا والله والله صج ما اتغشمر

هذا كلام يكيكي في 21-8-2007
قبل شهرين بالضبط

يعني قبل شهرين يا يكيكي يا ولد ام يكيكي قلت انهم تعرضوا للاهانة والاعتداء

واليوم تقول ان اللي يقول انهم تعرضوا للاهانة والاعتداء جذّاب ولازم الداخلية ترفع عليه قضية

يالله مبروك الظاهر الداخلية بترفع عليك قضية لأنك جذبت بكلامك عنهم


وهذي جملة من مقالته اليوم

وين المراجل وين اللي ينتخي يا كويت؟

وضحااااه

والله بس ناقص تقول ولي ونّة من سمعها ما يناما

أحب أبشركم درب المحاكم ادله، وماني خايف منه

والله درينا انك قوي وشجاع و سوبر فالكن لا تحن روح المحكمة واطلع براءة وبعدين اكتب قد ما تبي

الا صج انك انت محامي تنظيفكو؟؟

تهقون ليش سوبر فالكن كان مغتر؟؟
لا وحاط قفل بعد

شهالديرة اللي ما تعرف

لا تهدم نفس الناس


ولا تبني نفس الناس؟

يعني ما تفهمومني ليش سووا مواقف سوق شرق على البحر مو السوق نفسه على البحر


أبي تخيلوا انكم بتروحون مقابلة وظيفة وانتوا ناس جامعيين ومتخرجين من هارفارد

واللي مقابلينكم يدرون بهالشي ومع هذا ييبون لكم سؤال بهالنص

How do we spell the word car?

شنو شعوركم بالذمة ما تحسون بالاهانة وان اللي ممتحنيكم قاعدين يستصغرونكم

انا بالضبط هذا شعوري كل ما اقرى جريدة الوطن

المهم خلصنا بس عندي سؤالين اليوم أول شي شنو اسم كامل الأوصاف بمسلسل الغرباء؟

ثاني شي شنو كلمات الجملة اللي يقولها رويشد بأغنيته أمشي وبالضبط في الدقيقة سبعة و خمس تعش ثانية؟

بعد ما يقول انا هنا في غربتي صمتي غريب

26 comments:

ZwaiZ said...

well mara7 a3aliq 3ala ur post cuz mashallah 3ain esawab bas 3ala 6ari eligafa shloun el-jaw 3endich wenshallah merta7a!? o btw shi3our 7ilo laman el-wa7ed yeg3ad bel beit eb yegra el-jarayid o mayelga jareedat el-wa6an bainhoum ;)

Bad-Ran said...

أعضاء مجلس إدارة مؤسسة الفساد

أحمد الفهد .. رئيس مجلس الإدارة و العضو المنتدب
محمد عبدالله المبارك .. نائب رئيس مجلس الإدارة
علي الخليفة .. عضو
خليفة علي الخليفة .. عضو
جاسم الخرافي .. عضو
أمثال الأحمد .. عضو

b7r said...

والله انكي انتي من صنع نواف فزيع وعمل له صيت .... ولا هو (( حمار ميت )) وللاسف بسببك عمله بين الناس اسم
على العموم دئما مبدعة وتساوين كل الشوارب واللحى الموجودة في جريدة العفن

ملاحظة : حقوق الطبع محفوظة لمصطلح حمار ميت

kila ma6goog said...

يقولون شايفينج تشترين عقارات بمحافظة ظفار بعمان

قصوا عليج معارض العقار؟؟


انشاءالله ما تخسرين

بو يكيك مولع اليوم , مركب بطارية يديدة

Anonymous said...

بالنسبة لموقف سيارات سوق شرق على البحر فهو طال عمرج تقليد أعمى لموقف سيارات المستشفي الأميري على البحر

الفنان غانم الصالح مثل دور كامل الأوصاف


تردين بالسلامة

Faisal said...

ضحكني التعليق على سوق شرق ومخططه الغبي.. ذكرت لما دعونا معماري فرنسي معروف الى الكويت (هو واحد مافي غيره للي متابع العمارة) وشاف سوق شرق مات من الضحك وقال بلكنة فرنسية ثقيلة:

Zis must bee zee most expensive car park in the world

فشلونا

AnGlOpHiL said...

يكيكي يعاني من شيزوفرينيا حادة....الله يهديه و يصير ريال

و رويشد شكله كان مستعيل بس هاذي الكلمات

كلمات من معلقة زهير ابن ابي سلمى

انا هنا في غربتي صمتي غريب

انا هنا عن ناظري قريب

واللي شقه عمره شقه والشمس نور للي بقى

واحنا افترقنا يا هواي واحنا يا روحي نلتقي

خرواش said...

نبي نشوف الصوره :)

Bashar said...

صباااااح الخير من حيث تكونين :)

مشكورة على البوست .. وفيتي وكفيتي، وأنا بعتبر هالرد .. على لساني :)

انزين .. دانة ..

شنو شعورج اذا حرقت الصورة عليج وقلت شنو؟ :p

تحياتي

Anonymous said...

It seems that everybody els commented on everything in the post but Sharar's Photo. I have a feeling that he is going to show up again ladies and gents. I caame up with this conclusion after I read article in the Aalam alyoom http://www.alamalyawm.com/ArticleDetail.aspx?artid=14767
BO em7ammad

خالد said...

لوووول

و الله انا ما عرفت الفزيع الا من مدونتج

ولّه قبل بيت القرين ما قط سمعت فيه

عموماً، يقول البلبل:

"كنا سنحترم كاتباً يقول ان مؤسسة الفساد مكونة من نبيل الفضل وربعه فلان وفلان وفل"

لووووول

و الله عنده خبّة من نفسة!!

:-D

غصب بيعطي نفسة قيمة

لووووول

أهبل٠

ARTFUL said...
This comment has been removed by the author.
ARTFUL said...

السموحه

ويعطيج العافيه =)

فتى الجبل said...

المشكلة ان أعضاء مؤسسة الفساد قاعدين ينهبون ويخربون الديرة والكل ساكت...صج احنا شعب ماكاري

Alia said...

تروحين وتردين بالسلامة


شرار .. لأ أبدا ما اشتقناله
الله يبعده عنا ويبعدنا عنه
قولي آمين

أما الصورة فناطرينها

nEo said...

كامل الاوصاف اسمه كامل بالمسلسل


زينب الضاحي دايما تناديه كامل




بعدين


عقار عمان مو شي

لا يقصون عليج


:P

كويتي said...

مواقف سوق شرق على البحر لأسباب
أولاً: علشان اللّي يمشي على البحر ينزعج من السيارات
ثانياً: علشان اللّي يمشي على البحر ما يتنفس هواء نقي ولكن الغازات السامة من السيارات
ثالثاً: بعض خبراء الفن المعماري يطبقون أول حرفين من كلمة تخطيط وآخر ثلاث أحرف بحالة منفصلة وليس ككلمة واحدة

على فكرة خلفية المارينا مول صوب القهاوي صايرة مضرب شمس، يعني سنو الضرر لو كانت معكوسة يعني ظهر القهاوي صوب الشمس

ButterFlier said...

أخاف رايحه حداق ّّّ!!

نورينا

;p

ibrahim said...

hiii
anaa mabii atkllm 3n nwwaf alfzii3 l,anna al7biib ma6l3 lsnah oo ma9ar mrtzg ella lmma a7md alfhd ft7lah 7sab fi albank oo gallah kl sh,hr ra7 ykon br9iidk khoosh mblg bs ... lazm etbabm3 shwyyy ... oo sa,loony 3n ejtma3at tally allil fi alkhaldyah 3lshan y6y7oon a7md als3doon ... ohwa a7md alfhd !!!!wella jasm alkhrafi!! wella 3wiiir wella zwiirr !!!!! khllooha 3la allah

hatha khl9na mnnah :-

blnsbah 3n shrar ... anaa obooy kan mn ma,asesiin bit altmwiil oo kan ygooli enna shrrar kan m3ahm oo kant jnsiitah s3oody bs rzzooh lmaa alshiikh jabr r7mt alaah 3liih tzwwj ekhtah ... wella chan ohwa lil7iinn shawyy fi br chbd ...
oo thnx : wld alkhaldyah

rwatan said...

looool

الطبل الحين راح يتلثم كل ما راح شقة الأنس.. أو ممكن يدش بعبات. كل مافي يكيكي طبعا مضحك.... و عفيه عليكم

فريج سعود said...

الاثول يكتب وينسى الي كاتبه
ترى سؤالج عن اسم كامل الاوصاف نفس السؤال الي تقولين عنه يحسس بالاهانة
How do we spell the word car?

b7r said...

توه الحمار ميت
طالع بتلفزيون الكويت برنامج بيتك
ويتكلم كمحامي عن مشاكل الطلاق
أنزين يا الاثول مو انت تقول ان الحكومة محاربتك وترفع عليك قضايا
وللعلم جميع قضايا النشر ترفع عن طريق وزارة الاعلام

شلون قبلت تطلع بتلفزيون وزير الاعلام الي يرفع عليك قضايا ؟؟؟ والا السالفة تبي اترزز وتطلع وتصير مشهور

على فكرة مطول شعره .... الظاهر تأثر بقعداته وايد مع معازيبه الشيوخ

Kuwait Karma said...

مرحبا..

بوست زي العسل

انا عندي نظريتين بالنسبة لمواقف سوق شرق اللي ما دخلته الا بعد 3 اشهر اعتراضا على تصميمه المقرف

الاولى، في سبيل خلق طبقة مخملية نخبوية في البلد، أصحاب اليخوت ما المفروض يتعبون علشان يوصلون لمراكبهم. خل اولاد الفقارة يسوقون كم متر زيادة علشان يوقفون طقطاقياتهم (اعتقد ان هذا جمع طقطاقي)

النظرية الثانية، البنغالي اللي دزوه يصور المخططات طاحت من ايده وصورها بالمقلوب والبقية معروفه، طبعا لأنهم "بدلية" الكويت، مشوا الموضوع سلق

يتبع...

Kuwait Karma said...

تتمة...

الاخوة الاعزاء

أعتقد ان الوقت قد حان لاطلاق حملة جديدة تكمل مسيرة الخملة السابقة تحت اسم "نبيها خمس...الآن" حتى ننتهي من هذه المهزلة والمآسي التي تمر بها البلد.

شرايكم؟

انتهى

خالد said...

سوق شرق تصميمه عبقري..حتى السينما حاطينها على البحر

وين اكو صالة سينما مغلقة بالعالم على دح الماي؟؟

شفتي؟ شعرفاج انتي؟ لووول :-)

(هذا تعليق نمرة توو)٠

حنطفيس said...

لااا و أبشرج ترى عليه شيك بدون رصيد بخوووش مبلغ . وشكله رااايح قش

راح اعطيج باجي تفاصيل هالسالفة قريبا بس توصلني تفاصيلها بالكامل