30/10/2007

عدنا


تــحــديــث


علمت الآن أن اللجنة القضائية الخاصة المكلفة بمحاكمة الوزراء قد حفظت القضية التي وجهت فيها اتهامات لوزير النفط الأسبق الشيخ علي الخليفة الصباح والتي اشتهرت بقضية الناقلات، وقد استندت في حفظها للقضية على عدم كفاية الأدلة

البعض إلتبس عليهم الموضوع وإعتقد إن الحكم براءة علي الخليفة

لكن الحفظ لعدم كفاية الادلة

مو معناته البراءة

وننطر الوطن باجر

والحين اقروا موضوعي اللي تحت التحديث


مبروك للقدساوية الفوز على العربي انا أشهد إن ويهي خير

أول ما وصلت فزنا

:)

المهم

شنو يعني هالديرة ما نقدر نخليها شوي

بس سافرت لي جم يوم

استجوابين

وتشكيل وزاري يديد

وتوقيف منتخب الكويت

لا ووصلني خبر عن الوسط الديمقراطي بعد

يبا ردينا خلاص ردينا

ونحل الأمور كلها

عندي وايد تساؤلات والله

ألحين النواب محتجين لأن غيروا وزارة الحميضي
قبل الاستجواب وهذا تفريغ للدستور من محتواه

والله كلامي حلو

بس مبيوق اشكره

اي مو مايصير قبل الاستجواب تدورونه مو كلام هذا

ياجماعة خلونا محايدين

ميخالف دوروه دوخوه سووا اللي تبونه

بس مو قبل الاستجواب

يمكن يطلع بايق مثل علي بابا

شلون يعني تعطونه النفط بعد المالية

انا ما اشكك بالحميضي لأني ما أدري عنه بس اقول مثلا يعني

بس اشوه ما اكتشفت الحكومة هالحركة على ايام التلميذ جان مدورينه الحين

ياجماعة قصّوا الحق من نفسكم شوي ولا تقولون النوّاب يسوون بلبلة مو لا تعطونهم فرصة وما يسووون بلبلة


يا زينهم زيناه والله بنات الكويت يعني العرباوية حجاب وكبوس

والقدساوية صايره كابتن

:)

انزين دام يومنا رياضي خنشوف شسالفة توقيف المنتخب من المشاركة الدولية

السالفة مثل ما عرفت ان مجلس الامة قال لازم اتحاد كرة القدم 14 عضو منتخب

شصار عاد

الفيفا بشهر 3 قالوا مو مشكلة احنا موافقين وسووا انتخابات وفكونا وشيلوا احمد اليوسف بعد

بس تكفون فوزوا
:)

شصار بعدها

اللي سمعته ان

قاموا بعض الاندية الكويتيه وراحوا وقالوا حق الفيفا ترى احنا مو راضين عن 14 مانبي هالعدد نبي 11 أو 9

مع ان قانون مجلس أمه وموقع عليه الأمير

يعني باختصار هالانديه عصت اوامر الكويت

ألحين رويشد ونبيل ونوال وبلوشي طلعوا مع بعض

شمعنى بلوشي اللي صار حده يغني دعايات ال اف ام والباجي حفلاتهم وصلت امريكا؟؟

وثانيا ليش عادل رويشد ليما الحين يغني بالنافورة الموسيقية مادري الراقصه؟؟
لا لا موسيقية ا يسكرها الطبطبائي

المهم

مثل ما قلت هالانديه عصت اوامر الدولة

ومو بس جذيه اتحاد الكرة اليديد مثل ما قريت بالقبس من جم يوم داز كتاب للفيفا يقول تكفه لا تعاقبونا

مع ان السيد فيفا ما بطّل حلجه بكلمة بس لما شاف الكتاب عاقب الكويت

وقال لهم نبيها خمسه

يعني خمس اعضاء بالاتحاد مو 14

انا مادري شالدبره الحين وشنو الحل

اللي يعرف خل يقول


هذي سفالة بوسخافه اليوم

المربع الثالث بالضبط

يقولون الليبرالي ما يصلي

ابي وين أحمد الفهد السلفي على هالكلام الطيب هذا بارك الله فيه

اي صج خليف شريت لك

Game boy advance

بس الصراحة اوقاف ومواصلات مع بعض خوش تركيبة وعدل وشؤون بعد

الله الله يعني الصراحة ابداع

وثانيا ما يصير المحيلبي يعرف كل شي

بلدية واعلام وصحة ومواصلات واوقاف بسنتين






يعني على هالقعدة يالشحومي ناقصك كره

:)

لا وعاشور قاعد يزفه بعد

يالله عاد مصختها انا

خل أختم

وصلني خبر ان الوسط الديمقراطي اقترحوا باجتماع انهم يقاطعون جريدة سراق المال العام

بس ما مشى الاقتراح الظاهر الخوف شوي مأثر عليهم

بس هم زين تقدم اقتراح

طلع شي من القوائم على الاقل

وان شاء الله يطلع شي من المستقلة والهندسية والأكاديمية والوحدة مالت امريكا بهالخصوص

والله اي احد منهم يسويها راح احط شعاره بكل بوست

يالله شدّوا الحيل

اليوم لأني توني رادّه ماراح اجابل يكيكي وبلبل والشلّه بس الوعد جدّام



ماكو وحدة على شعار القادسية

بس خلاص
اي شريط ميامي اليديد يونّس

19 comments:

حنطفيس said...

حفظت لجنة محاكمة الوزراء البلاغات ضد الشيخ علي الخليفة اليوم (قبل قليل ) نهائيا لعدم كفاية الادلة .

وبذلك يسدل الستار على هذه القضية للأبد .

هل وصل الفساد الى القضاء الكويتي ؟؟؟

هل حللت المحكمة اموالنا وأموال ابنائنا لعلي الخليفة وصبيانه .؟؟!!

خبر محزن ومحبط
__________________

kila ma6goog said...

أي علي بابا؟

خلاص يبا احنا علي بابا

الرجل طلع بريء

Bad-Ran said...

صج اثول الشحومي

فريج سعود said...

قرقيعانج حلو

بو حامد said...

حنطفيس

البلا ان شاء الله انا اقول ان شاء الله ان مو من القضاء

لكن مع هذا سامتنع عن توجيه اي تهمه لعلي الخليفه لأني مو افهم من القضاء ماهي الحكومه عارفه كل حااااقه

Anonymous said...

A fact :
Even القضاءcan be "influanced" by his almighty!
Just deal with it ,or wish for a miracle !

3antaroosi said...

LOOOOOOOOOOOOOOOOOOOOOOOOOOOL!!!!!!!!!!

الشحومي غلطان بالنمرة

هااااهههههههههههههههه!!!!

ManalQ8 said...

First
Hope you enjoyed your holiday and congratulation to Qadseya team, hard luck to us :(


Next I want to say to حنطفيس that the law in our country is fair on some people, but not with the people with big family name

But what is the right thing to do

“o 7’eerat el balad mabyooga”

I’ll be back

Thank you

Anonymous said...

ana bdeet asheek fech we9ltay nfs wagt w9ol nwaf elfzee3 shaklkom rb3 w `7ltee 7jma akbar mnh ya danaa
w `7alaaa9 sa7bt `76btee `7af tshabhena :P

مساعد said...

أول شيء العود أحمدوووو

ثانيا القصة إن الفيفا مو مقتنعين بنظام الإنتخابات بالإتحاد الكويتي لكرة القدم بالله شالمسخرة 14 نادي و كل نادي يدز اللي يمثله يعني أكيد ماكو تفاهم كلش و هواش و إحفرلي و أحفرلك فدز لهم كتابين يقول فيهم سووا إنتخابات يفوز فيها 5 أعضاء فقط و منهم الرئيس و النائب و 3 أعضاء و هالطريقة إيوون مجموعة متكتلة على قلب واحد و قرارهم فعال و قوي مو بس تصيد.
طبعا وزيرنا اللطيف رفض و قال فكرة ال14 نادي و ممثليهم إهي فكرة الشيخ جابر الله يرحمه و أمر أمير البلاد أولى من الفيفا. يعني الحبيب ما كلف عمره يقنع أميرنا الحالي بأن الفيفا ما يتغشمر و إن هالنظام ما يركب و مو موافقين عليه الفيفا و علشان يفك عمره من الإحراج الأمير يوصي بإتباع تعليمات الفيفا.

واللي صار إن الوزير أرضي الشيخ جابر الله يرحمه و عصى الفيفا فالفيفا جمدت الإتحاد و الوزير غير وزارته و قال إبآ آبلني لو تقدر تستجوبني.

و بس :)

فتى الجبل said...

حمدالله على السلامة
وماعتقد ان الديرة راح يصير فيها اصلاح

حمودي said...

احتريت

Anonymous said...

You are BRILLIANT!! :-)

bo bader said...

باقي الشعب - مصدر السلطات جميعاً

مو بيدنا اختيار السلطة التنفيذية ولا القضائية

بيدنا كامل الحق في اختيار السلطة التشريعية

فلنحسن اختياراتنا

Anonymous said...

عيب التشكيك بالقضاء ,, دائما الشك يفسر لصالح المتهم و اذا تبون تحكمون قلوبكم كلنا بنقول علي الخليفة بواق لأن النواب يقولون بس في أحد منا عند وثائق و أدلة ؟ اللجنة اقعدت سنين تبحث بالقضية و بالنهاية القضاء المتولين القضية هم من خيرة المتسشارين و الله يخليكم لا تمسون قضائنا ولازم نحترم رأيهم حتى لوكان عكس ماهو متوقع لأن اهما اللي بيدهم الوثائق و الأدلة و احنا ما بيدنا الا حجي زايد من نواب وشكرا و سامحونا

Q8i_Blogger said...

الصراحه ثلاب قوي بهل كراكاتير
صج صج .. ليش ثاني يوم علي الراشد طالع ينتقد الحكومه
6 ربعك
عيل التكتلات الثانيه اشلون؟

واشهل خبر مال الوسط
يعني كله اقتراح
اشدعوه سووها
بشوف اشلون راح يسوونها ... يخافون لأنها اشهر جريده الصراحه .. واهما الي هامهم يوصلون صوتهم

يعني ودي اصدق باجر حشد مثلا ماراح اتنزل اعلانات انتخابيه بالوطن
ولا التكتل الوطني
مايقدرون


مبروك القادسيه

بس بنات الكويت على قولتج .. صراحه يهبلووون .. ذوق راقي
وفيهم تره روح رياضيه .. يعني رفيجات وكل واحد نادي
شي جميل

Barrak said...

لو نسافر قرون هم ماكو فايده

Anonymous said...

http://www.q8circle.com/ هذا رابط مجلة الوسط اعلان الوطن تارس الصفحة

Anonymous said...

صح انا سمعت انه في اقتراح مقدم من قبل احد الاعضاء بمقاطعة قائمة الوسط الديمقراطي لجريدة الوطن
وبخصوص مجلة سيركل فهي غير تابعة لقائمة الوسط يمكن الاسم قريب من القائمة بس حسب علمي انها غير تابعة لانه مافيه شي يدل انها مجلة وسطية وانشالله نشوف تحركات من القوائم الطلابية حول هالموضوع وشكرا