05/09/2007

يعني تقدرون


حلان لتطوير الخدمات الصحية بأمر أميري

واعلن المحيلبي عن اعتماد ميزانية 73 مليون دينار لتأهيل المستشفيات والمراكز الصحية ومشاريع الخدمات الصحية، اضافة الى اعتماد 800 مليون دينار لانشاء 13 مستشفى جديدا في جميع المناطق

كا شزينكم تعرفون تسوون شي

بس المصيبة إن ما تتحركون إلا بامر الأمير

يعني الأمير جابر الله يرحمه
قرر يكون في ستاد جابر
وكاهو ستاد جابر خلص حسب ما عرفت

الأمير صباح قرر تعديل الوضع الصحي

وهذي الملايين حق مستشفيات يديدة وتأهيل القديمة

أبي أفهم ليش مجلس الوزراء موجود دام الأمير اهوا اللي يقول وتسوون على طول

ليش ما نشوف شي منكم إنتوا يا وزراء
وإنتوا يا مجلس

شنو هالوضع
ذبحتونا تخلف

يا طويل العمر دام ما يمشون إلا بأوامرك وإهما ما يتحركون من نفسهم

عطهم اوامر بتعديل القطاع الاسكاني والسياحي والوظيفي والتعليمي
ما راح أخلص

عطهم اوامر بتعديل الكويت

عشان تتعدل

ولا ماكو فايدة الظاهر كلش منهم

اليوم الوطن منزلين موضوع عن رفيج بوش

إن فزع حق الكويت وبيحاسبونه

ولان ما عندي خبر عن تفاصيل الموضوع

ما راح اناقشه بس عندي جملة وقفتني بموضوع الوطن عن رفيج بوش

بعضها تجاوز كل الخطوط الحمراء، وشمل مساسا بحكام الكويت جميعا وبالشعب الكويتي وبألفاظ بعضها سوقية جدا يعف القلم النظيف واللسان العفيف عن ذكرها

منو القلم النظيف واللسان العفيف

لا يكون قصدكم الصحابي الجليل فؤاد الهاشم؟؟؟؟

ولاّ الإمام نبيل الفضل!!؟؟

وثانيا واحد رئيس جهاز خدمة المواطن والثاني رئيس جهاز الأمن الوطني

شغلهم مختص بالديره

بالله ما تعلموني شكو

Tango & Cash

رايحين مع وفد الأمير ؟؟

ما تجابلون أجهزتكم أحسن



28 comments:

Deja vu said...

اختي احنا فيلم كوميدي
هذي المستشفيات راح تكون متطورة جدا
و لا تحاتون الكهرباء انشألله راح توصل للمستشفيات من الدمام
و جماعة ترشيد بيدقون على المستشفى و يقولون ترى وصلنا مرحلة الخطر و لازم تسكرون كل شئ و المرضى نحولهم للعلاج بالخارج

P.S
ربع من حبنا لها بنوفر لها قامو يدقون علي بالدوام
و قلت لهم حاضر الحين بطفي كل شي و بفصخ الدشداشة و اقعد بمكسر عشان ما اخيس عشان اوفر لها
و الشغل ما عليه انكمل لما تطلعون من مرحلة الخطر

ButterFlier said...

ههااهاهاهاهاهاهااهاها


naaaaaaaaaaaaaaaaaaaaaar


tango and cash ehehehe

Bad-Ran said...

منو اللي خرب الديمقراطية بالكويت وخلاها تنتج لنا مجالس امه مو هامها المستشفيات ولا هامها المنشآت الرياضية !!!!!؟

Anonymous said...

صباح الاحمد طول عمرة بالحكومة وصار رئيسها فترة جان زين ماخذ هالقرار من زمان لانه خوش قرار الصراحه
ولان الخدمات الصحية رايحه فيها من زمان

شكلة ناصر المحمد ينطر يصير امير عشان يحل الوضع التعليمي

Mohammad Al-Yousifi said...

لوووووووول

تانغو أند كاش

شفيهم معصبين؟ شهالنظرة؟

و أحمد الفهد ليش مطول شعره جذي؟

لوول

ZwaiZ said...

chaykay besaf7a eriyathiya 7a6een la3ibeen montakhab el-yad o libsHoum feyh shi3ar el-wa6aniya hehehehehe 6afat 3alaihoum ;)

Anonymous said...

ارجو تعديل علم البلاد ليكون للاعلى وشكرا

Anonymous said...

ولو اني اكتب هالبوست وانا Anonymous
الا انني اطالبك ان تلغين هذه الميزة لان
على ما يبدوا ان جماعة فداوية الوطن
بدئوا يستخدمونها ضدك بالتسفيل والشتم السوقي

===
على فكرة تانغو وكاش هذا اللقب راح يكون لقبهم من اليوم ورايح

ههههههههههههه

shee6an said...

بنشوف هالمستشفيات ال 13 متى بتخلص

بتصير مثل ستاد جابر اللي المفروض من سنتين يخلص

والا دوار الجوازات اللي لي الحين ماخلص والمفروض يكون خالص اذا ماني غلطان نهاية 2006


والا مثل مدينه الحرير الي لي الحين ماشفنه منها شي

وصج دانه تقولين ليش مسافرين وهادين الشغل انا اقولج

احلى سفره بالصيف وبلاش شيبون بعد
:)

وصج دانه قوليلنا منو تانقو ومنو كاش عشان نمشي عليهم الاسامي


مطقوق


احمد الفهد لازم يطول الشعر بغير اللوك
مع السفره
:)

Anonymous said...

البيلر تغير موقفه من مصر 180 درجة

وعجبي

Anonymous said...

اي والله حرام بو دينا وسمية الخشاب ومصادر سرية عقب ماكان يرفع لهم ويطبل لمصر وشعبها بس عشان يحطون له قدر داخل الفنادق والكازينوهات قلب عليهم عشان المعزب ولا اهوا ماوده اكيده عشان خرابيطه وسمعته هنااك!!
يالله راحت عليه
ههاهاهاهاهاه

جهراويه

Anonymous said...

اليوم في الوطن

الى فؤاد الهاشم مع التحية

الموضوع: القطرية تتحدى طفلة

في حادثة غريبة من نوعها، تعرضت فتاة كويتية لم تبلغ السابعة عشرة من عمرها بعد الى تعنت وظلم من موظفي الخطوط القطرية بمطار لندن، فبدلا من مساعدتها لها ومراعاتها كونها لاتزال طفلة

ياجماعه!!!! 17 سنه طفله؟؟؟
شفيهم الوطن فصلو موصاحين؟؟؟
ولله حتى نظام صدام ماكان يخربط جذي

Anonymous said...

TANGO & CASH OR THE BLUE BROTHERS ?

Bad-Ran said...

كاتبين عنج بالجريده :)

http://aljarida.com/aljarida/Article.aspx?id=23232

Anonymous said...

13
مستشفي جديد

بسنا يا حسين ... بسنا يا حسين

ودي أصدق

بس قوية

قوية

كــويـت الـيـوم said...

رئيس جهاز خدمة المواطن
ورئيس جهاز الأمن الوطني


مايجوووز هالكلام هذا كلام غلط

الصح

رئيس جهاز الأمن الوطني
ورئيس جهاز خدمة المواطن

Shurouq said...

بيت القرين

ولو إني ما أعلق على كل مواضيعك بس إعجابي باللي تكتبينه بلا حدود.. هذا غير اني من كثر الضحك ومرات البكي ما أدري شنو التعليق المناسب

هالموضوع تحديدا يقرقع بقلبي من زمان.. بس الظاهر آنا جبانة مو مثلك.. خايفة أقول شي يقولون مساس بالذات

والأمر ما يسلمش

المهم، انتي تحفة

Bashar said...

صباح الجمعة الأخير ..

بالأمس أقر مجلس الوزراء برنامج عمل الحكومة "مبدئيا" لنرى تفاصيل البرنامج وتفاعل المجلس معه، وان كان يقيني أنه سينتهي بحبر على ورق.

الحين .. شالطاري المواضيع الأخيرة كلها بالألوان!؟ هذا تغيير خطير يستوجب المساءلة المدونية.

شروق

الله بالخير .. عاد ترى يمرون ربعنا هالمحاري :)

تحياتي

فتى الجبل said...

الحكومة ما تشتغل لسبب بسيط .. إن أعضاءها موظفين كبار مو وزراء و بالتالي مالهم كلمة ... روح يمين يروح يمين ... روح يسار يروح يسار ... و على فكرة ترى البيلر خاش عنكم شي و ما قاله لكم ... ترى اهو كان رفيج بو جهل و بو لهب كان يلعب معاهم اتيل و هو صغير ..

و على طاري تانغو كاش ... تانغو كان لابس قميص وردي

KQ8 said...

توج تدرين انهم يقدرون؟؟

يقدرون ونص ولو يبون جان قفطو دبي..بس هم يبون المواطن يحوس ويحس بالاحباط وينشغل بقضايا جانبية علشان مايفكر بشي ثاني

Anonymous said...

هههههههههههههههههههااي

بس شنو يعني

tango and cash

bydvsj said...

ايعرفون يسون شى بس ما يبون عاجبهم هالتخلف وهالاميه الى البلد عايشه فيها واكيد راح تطلع الف شغله وشغله تعطل بناء المستشفيات

Shurouq said...

lol
الله يبشرك بالخير بشار

وتري آنا ما أعرفك
وبيت القرين ما عندها سالفة
وهم أبخص

الله يعزهم

ButterFlier said...

بشار

متعويدا


شروق

إنكي جبانتٌ

Anonymous said...

shareet 2 new lines .. kha6aain wa6aniya ams ;p .. fee offer @ carfor avenues ..

بيت القرين said...

deja vu
الله يعين

بتر
حاضرين للطيبين

بدران
مادري أظن إحنا
:p

حمودي
شكلك بتوديني بداهية
لا تعليق

مطقوق
يعني جد النظرة ورؤية ثاقبة بعد
اما الشعر فهذا ستايله قبل الوزارة طلع من الوزارة ورده

زويز
أي شي تشوفه دز لي ياه لو سمحت

أنو
تم التعديل

أنو
القافلة تسير ماعلينا


شيطان
النص المليان من الكوب أحسن
يبيلك متفائل

ومادري إنتوا حطوا أساميهم على كيفكم

أنو
أكيد يتغير موقفه لأنه راعي مبادئ
:)

جهراوية
طالما اكو من يعمر جيبه ما يوقف على مصر

أنو
تشلخ مو يديد عليهم
:)

انو
لا تانغو اند كاش
:p

بدران
أي شفت
:)

أنو
ستة ألف
سبعة ألف
:)

كويتي
أعتذر جدا على هالخطأ الجسيم

شروق وبشار
عفوا منو إنتوا؟؟؟
ما اعرفكم
والشعب كله بخير ويدعي للحكومة
والأخبار كلها سعيدة
وتم تحويل الصحرا إلى مدينة جليدية
رجاء لا تسوون فتنه وأقلامكم اللي تسعى للتفرقة وقفوها
إي وعلى طاري الألوان
مادري يعني حركة
:p

فتى الجبل
إي كان رفيجهم بس تهاوش معاهم على جاريه وإختلفوا

كراكاتوا
لا الحكومة مافيها شي وأضمك لقائمة شروق وبشار
:p

أنو
إضغط على إسم
tango & cash
وراح تعرف

نور
إذا الشعب يوما أراد الحياة

شروق
إي الحين أعرفج عدل ورابين سوا بعد
:)

أنو
مبروك وزين تسوي
:)

زهرة الرمان said...

..

الفساد وصل العظم و ياخوفي هالملايين تروح للمناقصات المشبوهة يمكن تطلع لنا شركة "أمانه للخدمات الصحية اللوجستيه " :) وقيادات الصحة مو قدها صراحة ..

..

و برنامج عمل الحكومة انشائي و من اعداد اخوانا الخبرا المصريين عز الله شأنهم في بلدهم :) و من شاف قيادات وزارة التخطيط - المأسوف على شبابها- .. واللي ما يعرفون الا التلاعب والخمبقه واحد خريج جمهورية رومانيا الاشتراكية وتخصص جغرافيا والثاني كل خبرته مدير للخدمات بوزارة الشئون .. مايتفاءل باللي ياي منهم
..

غيروا قيادات الوزارات في نفظه اصلاحية وجيبوا الكفاءات ...

وبعدين يمكن تقدرون على قوله اختنا بيت القرين

.. خوش حجي ويعطيج العافية

Bashar said...

منو بشار!!

لا ما أعرفه .. ولا يمكن أعرفه .. ومابي أعرفه!!!

أنا بُشار مو بشار!! في فرق

:P

تحياتي