28/09/2007

حجي هتلر

والله إن الكلام وايد

وغباء خليفة لا يضاهى

وأمل خالد علمته قدره بالأمة

وجاسم بودي علمه قدره بالراي

وهم انا بعد ناوية على رصاصة الرحمة


وطبعا كالعادة مع الوطن في مواضيع وتشلخ ما يخلص

بس نتكلم عن شي شي

إبن الزعيم كاتب صفحة
وصورته ماخذه ربعها
المهم

في هوشه بين جاسم بودي وخليف

وانا أساسا مالي شغل فيهم مشاكلهم يحلونها بروحهم

وكل واحد بيخاف على فلوسه وجريدته ومنافسته هذا شي يرجع لهم وما اتدخل فيه

لكن خليف
جليل حيا

وهذا شي خالصين منه

وجذاب
وهذا هم شي خالصين منه

وخنشوف شيقول
صفحة كاملة
وما اجمل ان ترى نفسك تضع بصمة في مجتمعك وتبني مؤسسة جديدة من الصفر

ما مدى ترى تضع بصمة صار لكم اسبوعين

يعني شهالبصمة بلشنا
ما تعرف تكتب وتعبر مو غصب

فنجحوا بامتياز في جعل الرأي العام ـ آنذاك ـ صحيفة الكويت الثانية

ومنوا الاولى؟؟
ومنوا مسوي الإحصائية بذيك السنة وإنت شدراك عنها مع إنك كنت بالمدرسه مثل ما يقول جاركم بودي؟؟؟


فأصدروا اول قناة تلفزيونية فضائية كويتية خاصة وخصصت لهم ارض شاسعة في الشويخ الصناعية الا ان الحكومة تداركت الامر بعد ان قدم النائب أحمد السعدون سؤالا برلمانيا حول ذلك التخصيص فتراجعت عن قرارها

زين يعني بلسانك تقول إن السعدون اوقف مشروع فيه شبهة تعدي على المال العام واملاك الدولة
يعني السعدون يدافع عن المال العام بشهادة خليف
شكرا


فبعد ان وفقنا الله سبحانه وتعالى نحن في الادارة الجديدة لجريدة «الوطن» في زيادة الفارق بيننا وبين الجريدة الثانية «الراي» وما يحمله ذلك من تبعات مالية على منافسينا، مَنْ منّا يتوقع ان تكون علاقة «الوطن» بـ «الراي» في احسن حالاتها؟، فالمنافسة حسمت في المجال الصحافي، الا ان الطامة الكبرى كانت لم تزل في الطريق

لحظة بالعقل بالعقل شوي
زدتوا الفارق بشنو بالضبط ونبي المصدر ؟؟

ثاني شغله
تقول ان المركز الاول والثاني لازم علاقتهم تكون سيئة
وبطبيعة الحال ان المركز الثاني اهوا اللي يغار من الاول مو العكس
لأن الأول ما راح يغار من ان في واحد تحته
بس الثاني بيغار ان في واحد فوقه
وطبعا اذا الثاني اخلاقه خايسه
بتتحول هالغيرة لهجوم وسب مثل بغل ومزيت وغيرها من مصطلحات على مستوى البيلر بمقالة الخميس

المهم
احنا نشوف انك مخصص صفحة كاملة تهاجم فيها الراي
واول امس مخصص نص صفحة تهاجم فيها الراي بعد
ومسلسل بلاغ للراي العام وتقول لأن واحد ماسك ايد وحدة فيه خدش حياء

انا اقول شوف الوزيرة

اذا دعايتها ان لمياء طارق تبوس واحد بالتلفون

الا عالطاري ليش كل ادوار لمياء بنت رايحه فيها؟؟؟

فكما توقع استطاع تلفزيون «الوطن» ـ ولله الحمد ـ ان يحقق في اسبوعين ما لم يحققه تلفزيون «الراي» في اربع سنوات

Rupert Murdoch
هدي بالك


اننا نجزم بان ما بثه تلفزيون «الوطن» لم يصل ولن يصل الى كثير مما تم بثه على تلفزيون «الراي» سواء من مشاهد لليالي حمراء وكلمات غير مقبولة كما حدث في مسلسل الامبراطورة في رمضان الفائت

شتسوى عليك فجر السعيد تسوي مسلسل عن الناقلات

شكو متحرش فيها

والله جان زين تسويها

وانا اللي ما اطالع مسلسلات فجر راح اتابعها

اما الامر الثاني المثير للضحك فهو تعرضك لشخص والدي الكريم الشيخ علي الخليفة العذبي الصباح صديق عمك العم الكريم مصطفى جاسم بودي الذي تعتبره مثل والدك رحمه الله

شتبي يعني

ابوك الكريه متهم
مو كلامي ولا كلام بودي كلام الدولة
ولا مو معترف بالدولة بعد؟؟

وثانيا شنسوي يعني اذا ابوك رفيج عم بودي

نسكت عن ان متهم

مو هذا خالد هلال ولد عمتك مادري ولد خالك وصبيانك يكتبون عنه خلوّد الشرير

اشوف ترضى على واحد من أهلك ينسب

حتى اصبحت الناقلات حيلة من لا حيلة له وحجة من لا حجة له يتاجر فيها، ويحاول بواسطتها ابتزاز من لا يُبتذ

ممكن أعرف شنو معنى الكلمة الأخيرة ؟؟؟

انها مجرد نصيحة لك من اخ لك محب لعمك وبني عمك الاكرمين

تراك قد عياله شتبي أخ لك مادري شتهذي

عموما راح تتفنون بالردح على قولة بودي بس احنا لكم

وليد الطبطبائي

كاتب مقاله بتاريخ 27 -9

عنوانها رساله إلى الشيخ

وطبعا الرساله موجهه لأسامه بن لادن

ويقول له إن إنت ذبحت ودمرت ونفرت الناس عن الاسلام

بس مع هذا ناداه بالمقالة بكلمة شيخ أسامة 7 مرات وعنوان المقالة الثامن

والتوقيع اخوكم وليد الطبطبائي

بالله هذي اشكال يا مسلمين؟؟

دام جذيه هتلر حجي
:p

اخيرا وليس آخرا

يكيكي

أتركم مع هالجملة بس

بودي ان اؤكد لكم بان ما جاء في مقالتكم بالادعاء عن المستشار الذي رافقني في رحلة الصين، لا اساس له من الصحة ولا سند له من الواقع

هذي جملة من رد موسى الصراف وزير البلدية والاشغال بعدد اليمعة بجريدة الوطن على يكيكي

بسك تشلخ يكيكي
ختاما ابي اعرف
ليش السبانخ لازم تيي داخل خبزة مثلثة؟؟؟

38 comments:

kila ma6goog said...

اذا شفتيني بالغبقة سلمي علي

:)

Zaydoun said...

حتى انا بعد سلمي علي

Bad-Ran said...

بالعافية

Bashar said...

هممممممممممم

هذا كلام خطير :)

بيت القرين كانت بغبقة التحالف!؟

وين البوست!؟ الغبقة خلصت ورحنا بيوتنا ..

تحياتي

حمودي said...

يالله

Bin3agul said...

Dana u should read il rai w shofay jasem boodai shkateb 7ag 5alifoo.. tharoori post 3an il mawthooo3


ta7yaati

Anonymous said...

خلهم يولّون عنج

حِتَت حراميّة يجمع بينهم بو فهد

الله يبلّغنا فيه أمير

حيلهم بينهم يا خدا

nEo said...

هل ايام عندك وجبات دسمة

زين والله لك خلق برمضان

رمضان مخليني مريح

مالي خلق حتى اعلق

..... الفنطـــاس said...

بالانتظار....وصح ضروري تمرين بمقال بودي يبرد الجبد بصراحه
:)

رشيد الخطار said...

عسى ماكو ضغوط بس

Anonymous said...

اليوم بودي ضاغط خليف ومهوس عليه , وآخر قال يا ابني !! ماراح ارد على حفلة الردحة الي بتصير , عاد دريت بأن بن بودي من النوع الي يغرم على السامري ومايحب الردحة وحيلهم بينهم

البرزنجي

Snow White said...
This comment has been removed by the author.
حمودي said...

عسا ماشر ؟؟؟

Snow White said...

أحلى شي بالمقالة كلمة يا ابني كااك ! زين يسوي فيه برد جبدي خصوصا لما قاله نتمنى عليك ان تكشف لاهل الكويت كيف عملتم وكيف كبرت مشاريعكم وما هي مصادر أموالكم. او تدري، اوجه لك نصيحة بأن لا تفعل كي لا يؤثر ذلك على مسار التحقيق.

bo bader said...

الله يسهل ونشوف فضايح أكثر بينهم!!

الزين بالموضوع إنه كل واحد يطلع خياس الثاني وكل ما طالت السالفة بنشوف ونسمع أكثر!!

نار شبي بحطب!!

بنت الشامية said...

فى افلام الكابوى الحراميه بعد ما يبقون البنك او القطار يروحون مكان مهجور.... ويتقاسمون الفلوس

وهناك ...يتخانقون ....ويتذابحون

وينتهى الفليم...بالقبض عليهم

بس فليم العذبى وبودى توه بادي

وباجر نقعد جنب الحيطه ونسمع الزيطه

الله يحفظ الكويت من شرهم

..... الفنطـــاس said...

حرب وقامت ومالناالا نقعد نقعد انتطمش ونضحك....والله من فضايح بتطلع
:)

Bashar said...

أعتقد "الهوشة" انتهت! حسافة ..
بس استفدنا شغلة جدا مهمة ..
أن خليفة علي الخليفة غرق في قطرة ماء (وطبعا مو غريبة عليه) .. ولن يستطع أن يرفع رأسه الآن في شارع الصحافة .. لأن السؤال الذي سيحتل الصدارة في هذا الشارع .. "من وين مصدر فلوسكم؟"

تحياتي

..... الفنطـــاس said...

:) كنت ناطر اليوم الوطن تعلق بس أعتقد الجرعة الي سقاهم اياها بودي دخلتهم بغيبوبه لووول

Anonymous said...

نفس أعرف من هم الذين كتبوا المقالة لخليفة العلى ؟ أهو نبيلو أو نوافو أو فؤادو وله آخرهم وليدو الجاسم ؟ اللى عنده معلومهة خل يكشفها يرحم والديكم ، ورمضان كريممممممممممممممممم.

nEo said...

الهوشة شكلها ماراح توقف


خليفة مسكين يقول حق جاسم بودي اخوي


قاله جاسم انت يوم مسكت انا الوطن كنت بالمدرسة


مسكين مسكين

حمودي said...

خلييف خرييش
حمدالله والشكر
يمع كل العيوب الي فيه وقالها بغيره

دام ان ابوه بوااااااااااااااااااااااق
فما نشره عليه


بس صراحه وناسه اهوشه اكشن
:)

someone_q8 said...

السلام عليكم

النار لما تشب تحرق نفسها واللي حواليهاو
اللي ياكلها الفقير المسكين وهو المواطن اللي قاعد يتطمش
نسأل الله العافية والامن من هالبلاوي اللي قاعد اتصير بالديرة
وتبون تنمية بعد !!!!!!
:)

فريج سعود said...

انا كنت متوقع انهم ما يطولون بهالحرب لانها مو من صالح الاثنين فالبطحة كبيرة على راس الاثنين

فتى الجبل said...

ما شاء الله
عاد علي بابا وولده حدهم عصاميين
بنوا نفسهم بنفسهم
ما باقوا الناقلات ولا الاستثمارات
صج مثال للناس المحترمين:p

ARTFUL said...

انا ما قريت عدل بس داش بتشكر منج

في شي صار بالوطن ذكرتج

الغبقة مالت أحمد الفهد

قلت وين بيت القرين عنها

نفس جذي تهول ما شفت

:)

كويتي said...

الغريق لازم يدري ان القشة ما تنقذ "من يرمي الناس بما فيهم، رموه بما ليس فيه" فما بال من يرمي الناس بما ليس فيهم، شنو يصير؟ أهدي من ينطبق عليه الكلام السبق هذا الدعاء: اللهم احفظني من أصدقائي الذين يزيّنون لي الخطأ ووفق من يكشف لي عيوبي

kuwaitya_7saweya said...

سالفة الراي والوطن انا مالي شغل فيهم


بس برد على سؤالك
ليش كل ادوار لمياء بنت رايحه فيها؟؟؟
المرأة المناسبه بالمكان المناسب

ليش السبانخ لازم تيي داخل خبزة مثلثة؟؟؟
تصدق هم مادري ليش يمكن لايق شكل السبانخ مع المثلث

Anonymous said...

صورتج في غبقة أسد حولي

lol

بيت القرين said...

مطقوق وزيدون

اول شي انا مجهولة الهوية اونس
:D

ثاني شي شعرفني بأشكالكم

صورتين مكشوفي الرأس لو سمحتوا
:p

بدران
الله يعافيك

بشار
آسفين ع التأخير

نيو

والله كلش مالي خلق برمضان بس يجبرون الواحد والله

رشيد
لا لاتحاتي واساسا ما يفيد اي ضغط
:)

سنو

بودي عارف شلون يعطي خليف حجمه

بوبدر
خنشوف والتالي

بنت الشاميه
لول

الفنطاس
ننطر

بشار
اي والله غرق بسرعة

الفنطاس
غرق بقطرة مثل ما قال بشار

أنو
إذ عندك خبر قول

نيو
صج عرف له بودي
:)

حمودي
حدهم حركوا الأجواء
:)

ون
الله يعين

فريج سعود
صدقت

فتى الجبل
شفت شلون

آرت
مالي خلق والله

كويتي
صح قلمك
:)

كويتيه حساويه
مشكوره على الإجابه الوافيه
:p

انو
وين الصوره؟؟

Bashar said...

بيت القرين

يعطيج العافية .. بس الخط أكبر اشوي حتى نستمتع بالقراءة ..

تحياتي

ARTFUL said...

مادري وين ايميلج ضيعته

بس بقولج شي

انا الحين قاعد بالبيت بطلت قناة الوطن بلس والا الوطن ناقلين نتايج انتخابات اتحاد الطلبة بجامعة الكويت

الشي اللي استغربت منه
انهم مقابلين د.عصام الفليج
دكتوراه من السودان مادري بلغاريا اذا ماني غلطان المهم شي خربوطه
المهم الدكتور عصام محسوب من عرجه على الاخوان المسلمين
ومن خلال سؤالي وتحرياتي ((طبعا تدرون الاخوان مقسمين حق قطاعات من داخل ، قطاع سياسي ودعوي وجامعي والناشئة وشباب المنطقة والمبرات وغيره))تبين ان حضرة الدكتور ماله مو ذره الا أقل من جزء من أجزاء الذرة بالقطاع الجامعي ، واذا كنتوا مثبتين أغلب البرامج اللي يطلع ويقدم فيها كلها عن المتبرعين وأصحاب الصدقات في الديرة واللجان الخيرية وغيره

يعني شكو ياييبيييييييينه مادريي

وبس ،، ليلحين مالج خلق

;p

تعالي رحت محل فطاير سألته قالي اكل وانت ساكت @@
حتى راعي الفطاير يمارس القمع
لووول ;p

Anonymous said...

الاستاذة بيت القرين
كلما تتحفنا كلما نتشوق برؤية موضوع جديد و لكن ارجوك استاذتي ان تتحدثي عن انتخابات الجامعة و لاي معلومات انا مستعد اطرشلج ايميل و افهمج على ادق التفاصيل
لان والله حرام اللي قاعد يصير معقولة جامعة الكويت فيها اكثر من 5700 اخونجي ؟؟
معقولة الكويتيين يفضلون القيادة بيد الاخوان و يرفعون من شأن الاسلامية
- القائمة الطائفية الاخرى-
ارجوك رجاء حار ان تكتبي عن هذا الموضوع

بو ناصر said...

تراني اسوي سمبوسك سبانخ اصلية

ادري هم مثلثة لووول

بس لج مني اطرش لج اياها بالايميل

----
الهم
----

و بالنسبة للموضوع: يالله حيلهم بينهم، و عساهم يحترقون، حرامية..و و واجهتان كبيرتان لمن يقف خلفهما، و من يقف خلفهما هم مجموعة -او عصابة- واحدة

Anonymous said...

hahahahaha...

alla yig6a3 suwalfich!

shoofai hathi 3ala 6ari khlaif lil ara'6i malt il ba9at wi sherikat il 6ayaran o ghairha

http://zort.blogspot.com/2006/05/blog-post_03.html


heeeheheheh walla inich a9liya ya beitilgrain! o a7la shai yakyaki e7i6oona 3ala funoon al7een

ARTFUL said...

Anonymous
لا مافيها 5700 اخونجي
لحد علمي المحسوبين على الاخوان تنظيميا
يعني داخلين معاهم في التنظيم وليس مؤيد لا يتجاوز 200 الى 300 بالكثييير وانا متأكد من كلامي
ونص هذول المنتظمين مو أعضاء فعالين في الانتخابات
والاخوان المحسوبين تنظيميا ويشتغلون ما يتعدون خمسين ولو بتظيف لهم البنات يمكن يوصلون 100 ، بسسسس المؤيدين صح نفس ما قلت 5700 اذا مو أكثر
وتبي الصج يستاهلون بس مو من زينهم او زين شغلهم وفكرهم لااااا ، لانهم اقدروا يكسبون حب الناس او تأييدهم

انا متخرج من الجامعه صارلي مده بس أسمع من أهلي واخواني ، يقولون لما تدخل الجامعه وقت انتخابات الاتحاد محد له خلق يشتغل ، محسومه محسومه محسومه
وين الهمه وين الشغل وين الروح شلون تبي تفوز وهذي همتك؟؟!!!

ترا نفس ما طاحت الوسط من العلوم الادارية ممكن تطيح الائتلافيه
وخاصة ان المؤشر اللي ذكرته فوق ان الأصوات اللي تحصل الائتلافيه عليها أغلبها مؤيدين ماهم عاملين

كل قائمة لها نواة والمؤيدين يتجمعون حوالين هالنواة
صج ان نواة الائتلافية تعتبر أكبر نواة بالجامعه بس المؤيدين اللي حواليها ممكن بأي لحظة يتركونها ويروحون حق نواة ثانية تحتويهم

وعلى فكره هالكلام ينطبق على انتخابات مجلس الامة

وبس خلاص

=)

Liberal network said...

باقي يومين على انتهاء المقابلة مع النائب علي الراشد حيث سيتم اغلاق باب الأسئلة المختص بقانون الأحزاب المقدم من السيد النائب

للمشاركة

www.secularkuwait.net

ZwaiZ said...

ta3alay mala7athtay shay eb Bu Malaqa o bu Maleeq!?
3adalaw 3alam qatadouh kan bel magloub ams ga3ed ashouf el-bidaya wela em3adleena