03/09/2007

مسرحية يكيكي وتراجيديا المزيني



خاطب سمو الأمير المجتمعين قائلا: من لديه أي فكرة او اعتراض او شكوى منكم فعندكم مجلس ادارة العائلة برئاسة الشيخ نواف، وانا أيضا بابي مفتوح، فلا داعي لعرض مشاكلكم في الصحف والدواوين

انتقد سمو الأمير من أسماهم انصاف المثقفين في العائلة الذين يتكلمون في الصحف، وتساءل: هل جاءوا يوما وقالوا ما عندهم وجها لوجه؟ هذا الشيخ أحمد الحمود، لقد خرج من الوزارة، وسلك سلوكا راقيا ولم يتسبب في أي مشكلة

قال سموه: دستورنا ليس فيه عيب، بل العيب فيكم أنتم

طلب الشيخ مشعل الاحمد من الشيخ أحمد الفهد أن يحب رأس الشيخ جابر المبارك، فتوجه إليه قائلا ليس بيني وبينه شيء.. وحب رأسه

هذي شغلات إنذكرت بعد إجتماع سمو الامير مع أبناء الأسرة في شهر 4 اللي طاف


لكن السؤال إهوا هل إلتزم عيال الأسرة أو بعضهم بهذي الاوامر من أمير الدولة؟؟؟

لا صج صج يعني هل الأمير كلمته سهل إنها تكسر بالنسبة لأبناء الأسرة؟

أنا ما ادافع عن هذا ضد ذاك


فانا لا أعرف جابر المبارك ولا ناصر المحمد ولا أحمد الفهد ولا دعيج الخليفة حتى

لكن الامير شايف إن في وضع سيء داخل بيت الأسرة

وعشان جذيه جمعهم بشهر 4 وكلمهم

وامرهم

لا توصلون خلافاتكم للجرايد

لا تخلونها ساحة تصفية حسابات

ليش ما سمعوا كلامه؟

ليش يكسرون كلمته؟

حق مصلحة منو بس علموني

يمكن ما أفهم

فهموني

صباح الخالد طبوا فيه

محمد الصباح طبوا فيه

جابر المبارك ليما اليوم

ناصر صباح الأحمد طبوا فيه

ناصر المحمد مو مخلينه

كل شيوخ الوزارة حاشهم الكلام عدا اللي ما يطق الطار مقلوب

منو يتحمل مسؤولية هالشي وهالحرب الضروس

حلوة ضروس

خنشوف يكيكي اليوم

طبعا المسرحية اللي قاعد يسويها واضحة

واتمنى اصحاب القرار ما يحققون اللي يبيه

اليوم طاب بوزير الداخلية بقوة وعنف وشر وكل شي

مو حبا بالاصلاح طبعا

المسرحية كالتالي

اطب بوزير الداخلية

يعتقلوني

اطلع بطل

اذا وقفوا وياي التيار الوطني

معناته إن قلبت التيار الوطني على وزير الداخلية

اذا ما وقفوا وياي

جريدة الحرامية تشرشحهم وتشرشح الوزير

اتمنى اتمنى اتمنى إن ما تطوف هالمسرحية

ننتقل للبطل اليديد

اللي يشابه حجي كنتاكي

بس قبل حجي كنتاكي

مرة ولد يسأل أبوه المحشش

يبا الثعلب يولد ولا يبيض؟

قال له الأبو المحشش: يا ولدي
الثعلب مكّار توقع منه أي شي

:)



يقول المزيني بإعلان ربع صفحة ملون بالوطن بتكلفة 3500 دينار

وطبعا اهوا ليما الحين مو عارف شنو اسم تنظيمه

يقول عن السعدون

يتمتع بكاريزما وصوت جهوري ونحذر منه فهو رجل خطير

أبي ليش المزيني صار العم وحيد؟؟

وعليه مآخذ كثيرة اهمها دعوته إلى الإعتصام المدني -ديوانيات الأثنين

يعني اذا هذا اهم مأخذ عندك

أكيد المآخذ الباجية إن يدعو للتمسك بالديمقراطية

حمدالله والشكر

ماابي اطول معاك

منزل اعلان بالوطن

ما تستاهل طوالة

وافق شنّ طبقة

ومن أجمل المقالات ردا على المزيني


هنا

25 comments:

حمودي said...

العيب فيهم ومو بالدستور

Bashar said...

مساء الخير

المزيني .. ليش حاط صورته بالاعلان!!!

تحياتي

ZwaiZ said...

ya3ni shino eli yabi yousala Batman qasdi limzaini!? ya3ni mo awal bayan enazla o awal mara asma3 eb tantheema o laish me7tar men esa3doun makil 7alal obouk!! lo allah efik edira men ashkalich chan e7na eb khair

حمودي said...

بعدين تعالي ليش مظيع اسمع التنظيم ماله ؟؟؟


تهقين الاعلان دفع فلوسه ؟؟

Bad-Ran said...

ما تعرفين دعيج الخليفة !!!!!!؟

افاااااااااااااا والله

جكي جمبو كتكوت .. الحق عليه لا يطوفك جكي جمبو

shee6an said...

loooooooooool lemzeny

hatha film elmawsem 9g

oo 9g yeshbah kantaky

9g abee a3rf hatha chm 9oot yab bmshref fee nas 3a6ooh a9watehom ??

Anonymous said...

راااااااائع

ومبروك التصميم الجديد اللي فوق بس يا ريت علمالكويت يكون مرفوع مو نازل والف شكر

Krakatoa said...

رجاء المزيني تخصصي

Anonymous said...

يالله نبي معلومات يا بيت القرين عن امانه يقولون حتي الرئيس متورط كما ذكرت جريدة الان يالله نبي الاسامي كلها
نبي تشليييخ فضايح
افضحوا كل الحراميه يعطيكم العافيه وانا صراحه لو من احمد السعدون اقاضي المزيني واربيه

كويتي said...

شكثرهم اليوم اللي ظحكوني
شوفوا عيل صاحب النكته في مدونتي
www.kuwaitforus.blogspot.com

Anonymous said...

http://www.alamalyawm.com/articledetail.aspx?artid=7764


متكلمين عن يكيكي حبيبج

Anonymous said...

أنا ما مر على مثل جذب يكيكى ، والله يساعد الناس اللى تلجأ للدفاع عن قضاياهم ، أكيد ومؤكد وحتما ولزما وبلا مراوغة طلع مجرمين براءة من جذبه ، تدرين ليش علشان يكسب الآلاف من الدنانير ويروح يشترى سيارة بنتلى لزوم كشخة المحامين هالأيام !!!!!!!!!!!!!!

فريج سعود said...
This comment has been removed by the author.
فريج سعود said...
This comment has been removed by the author.
فريج سعود said...

يعني الفزيع الحين عاد نفسه قاعد ينتقد وزير الداخلية بهالصورة الشخصية يبي الاصلاح
العمي والاصمخ يدري انك قاعد تكتب الي تكتبه بايعاز من الوطن الي باط جبدي ان خليف يوم صار رئيس التحرير الامير استقبله والله لو انا من الامير اسوي له فلقة بنفسي واحط الصور بجريدته بالصفحة الاولى وبعدين احول نشاطها الى محل بيع البراغي بس براغي مثل محل خرما الي بالشويخ
اما المزيني والله العظيم ما يستاهل ان الواحد يكتب عنه كلمة لانه بكل بساطة مينون واحط برقبتي انه مينون

ARTFUL said...

اوخيتي بيت القرين
تهقين هاليكيكي يقرا مدونتج؟

اذا قرا وحس انج طحتي عليه تهقين يغير الخطه؟؟
لووووووول

@@ أوووه طاحوا علي شسوي شسوي

لووووووول .. كل مره صايدينه

mtfa2el said...

عاد من متى و اهم يسمعون كلام الأمير ؟
هذي أجندة عندهم قبل و بعد كلام الأمير

Anonymous said...

المزيني ينطبق عليه المثل المصري التالي

اللي معاه أرش ومحيره

يشتري فيه حمام ويطيره

مليونير ومو عارف شيسوي بفلوسه

kila ma6goog said...

المزيني رايح فيها و اسلوبه خرطي

مالت عالتجمع اللي هذا احسن واحد يكتب فيهم

لوول

Enter-Q8 said...

اختي الفاضلة بخصوص موضوع الشيوخ و اجتماعهم مع صاحب السمو
لا ارى تفاوت اعلامي حاليا يقاس بعد الاجتماع
لكن التطرق الى الانتقادات
فا خلنا نكون واقعيين اشوية
و صريحيين كذلك
الانتقاد لوزارة الخارجية في محله ولك المقياس بذلك البحرين
الانتقاد لوزير الداخلية والدفاع
يعني هل معقول ان مافي لهالدرجة
البنغالية و كثرة الجرائم والتخبط و ماكور افراد بالمخفر
يعني انتقادات في محلها وليس ان الوطن كتبتها او اشارت اليها ينفي مصداقية الخبر ، او يكون من ورائه شيئ اخر الا انه واقع و للأسف مرير

اما نكت والي خندريس

وهذا اللقب اطلقه العزيز عاجل عليه
اظنه بات مسرورا الان ان احمد الغانم رد عليه
يعني زين لقى احد رد عليه
امل ان تستمعي بما ورده الزميل العزيز وتعليقات المدونين من قبل عام
نعم عام
على هذا الرابط بمدونة العزيز عاجل

نكت والي خندريس

Deja vu said...

لما الحين الاسم مو ثابت

looooool

فتى الجبل said...

زين سؤال و من صجي .... المزيني يصير حق كنتاكي ؟ :P
بعدين يكيكي شنو يبي من هالمقالات ... يبي يفوز بالانتخابات يعني ؟ الله لا يقوله

Anonymous said...

حسبي الله علي ابليسج الكويت قامت اتسمي نواف الفزيع يكيكي لوووووووووووووول كل كتاب المقالات بالجرايد قامو يسمونه يكيكي مسكيين كسر خاطري هاهاهااه اتوقع كل يتخيل شكل علي المفيدي قبل لا ينام ويقول يكيكي انا لا مو معقوله انا يكيكي هاهاهاها

Mishari said...

انا قتلج وايد وانتى مو راضية تسمعين انتى قاعدة تنفخين فى جربة مقضوضة
واهو مكمل على هالحال


ولا تزعلين مني
ترى انتى مو منطقية بكلامج وكلام ENTER Q8 جانب الصواب اكثر

يعنى الحين القبس والجريدة ما ينتقدون جابر المبارك والكل يدري ليش
والوطن ندري انها جريدة منحرفة ولكن تهاجم حالها حال الجرايد الباجية الاخطاء الموجودة بالداخلية
فما له داعي هالتهويل
وناصر صباح الاحمد اثبت فشله مع الاسف بكل جدارة
يبقى فقط اللى على الجانب الصح اتوقع نوعا ما محمد الصباح
اما الباقي شغليلهم اغنية راشد الماجد سلامات

Anonymous said...

تصدق ما يعرفلج غيرى
انتى مو امج مصرية وبس
الا رداحة
عنبو دارج استحي وانتخي بنت لا حيا ولا مستحى فيج
شكلج من هاللفو طايحين الحظ وتبي تصيرين مشهورة حالج حال الهيلق وقلتي يالله خل اسب مع اللى يسبون

فرحي يا روح امج فرحي