25/09/2007

شنو دينهم؟؟؟



افتح جريدة الحرامية وكل الجرايد أشوف

الإسلامية»: رسالة الخرافي للنائب العام حكيمة... والبعض استغلها لتصفيات سياسية

يعني انا أبي أفهم شي واحد

كتلة المسلمين هذي

شنو دينهم بالضبط؟؟؟

لا صج صج

شنو دينهم

خنقول يبون الإسلام

ونقرا اسامي بعضهم نلاقي

دعيج الشمري او كما ورد في بعض الروايات

دعيج الكذّاب

يعني يجذب والدليل عند ام صده

والجذب مو شي إسلامي

نروح حق وليد الطبطبائي

وليد يبوق مقالات

يعني حرامي أفكار

والدليل عند بدر

والبوق شي مو إسلامي

جمعان الحربش

اللي يقول عن أمور غير تربوية بكلية الطب

وهذا قذف

والقذف هم مو شي اسلامي

خالد العدوة

ناصر الصانع

والحبل على الجرار وما نخلص

طيب دام مو دينهم الاسلام

يمكن يمشون على دستور

لكن هم الدستور يقول

في المادة رقم 163

لا سلطان لأي جهة على القاضي في قضائه، ولا يجوز بحال التدخل في سير العدالة، ويكفل القانون استقلال القضاء ويبين ضمانات القضاة والأحكام الخاصة بهم وأحوال عدم قابليتهم للعزل

بس أبي أعرف شنو دينهم؟؟

اللي يعرف خل يقول

هالصورة أحطها لأني ذكرت ممثلة بالخرّاز

ستايلها عجيب

:)

إنزين ناخذ فاصل بس مع وضّاح والناقلات ..وبعدين؟

أنا ما أعرف بالرياضة

بس أعرف إن قوانين إنقرت بالمجلس شهر 2 اللي طاف

وأنا أقلب بجريدة الحرامية لقيت تصريح يقول

البيدان: حان الوقت لتغيير القوانين

شيبي هذا

إنتوا طبقوها بالأول بعدين حان الوقت على قولتك

حمدالله والشكر

يكيكي يقول

بالرغم من أنه أحد الوزراء قال لشخص مسؤول وبالحرف الواحد (أن نواف الفزيع لازم نحط له حد

أبي الوزير ما قال بعد هالجملة هاها ها ها ولعب بشواربه بعد

والمسؤول ما قال له أميطه؟؟؟

سكت الوزير الزعلان واللي لا هو ولا غيره يقدرون يحطون لي حد، دام المسألة فيها الكويت

شدعوه شاهين

:p

اللي مو متابع مسلسلات رمضان راح يضيع معاي

صج على طاري مسلسلات رمضان

ما وصلنا نص الشهر ليما الحين

مسلسل الوزيرة فيه شقق وبنات يكلمون شباب وبلوتوث

بلاغ للرأي العام فيه وحدة تحمل بدون زواج

للخطايا ثمن فيه وحدة تتزوج متعة 600 مرة

الأصيل فيه هبة الدري تكلم 2 ليما الحين

الخراز فيه بنت ضايعة وهتلية بس تزوجت

عرس الدم فيه بويه ومدرسة فيها ابله تودي البنات حق الشباب

ابي اذا الديرة كلها جذيه شلون يقولون احنا مجتمعنا محافظ؟؟؟

شاركوا بمسابقة وجهة نظر تحت رعايتي

نكمل مع يكيكي

ملاحظة: عضو ابنه يشتري لزوجته بمناسبة عيد ميلادها بنتلي بـ 80 ألفا يعني فوق قرض التسليف بـ 10آلاف .. عليه بالعافية.. كلها من فلوس الإصلاح والنضال السياسي

وإنت شكو؟؟؟

انا اعرف وزير سابق شرى جريدة وشركة اتصالات وشركة طيران وتوه فاتح قناة

وأشكالك ياخذون منه فلوس

من فلوس منو تهقى؟؟؟

البيلر

قلنا قبل إن إهوا يا يلكّه يا مدمن على حد تعبيره

اليوم إكتشفنا فيه شي يديد

يقول بمقالته

انا اللي ما استحي

والله خوش كاتب والباب لايق على الخراب

خلصنا

25 comments:

Shurouq said...

خوش :)

Bad-Ran said...

OK

Bad-Ran said...
This comment has been removed by the author.
moodless said...

في الانتظار

Fteeni said...

waiting

Bashar said...

ماشي .. يعني انأخر الكنافة والشاي ..

بالانتظار ..

تحياتي

Anonymous said...

ملاحظه بسيطه
يكيكى والبيلر والطبل نبيل أدوات،انتبهوا لوليد الجاسم المدبر صاحب البلاوى والمتستر دائما وراء معزبه الشيخ

Anonymous said...

بوست ولا اروع طلعتي الي بجبدج كله
:)


والله متابعه انا حدي طاش ما طاش ورياكشن على المرينا


welcome back

دستوري said...

على قولت السوريين "يسلم البطن يلي حملك" تمام

ديرة بطيخ said...

لا ومسلسل الوزيره كله تنغز على السعدون ومسلم البراك واستجواب علي الجراح

زرادشت said...

انا ما اقول الا الديره من اسوأ لي أسوا والسبه هالحرامي العود وجريدته الي تييب المغثه

اما يكيكي فما اقول الا روح اللعب بعيد يا بابا اي وزير ما عنده شغل عشان يلتفت لك يا محامي الحرامي

maci said...

Post 3ajeeb w qawi 9ra7a..
ya36ech el 3afia w 9a7 lsanch..
LOL@ ame6ah

بروفسور حمادو said...
This comment has been removed by the author.
Bad-Ran said...

عائده بقوه .. ولكم باك يا حبيبة الشعب

Fteeni said...

بيذان بيدان كله واحد أهو نادية من أردى أندية الكويت والقادسية عطوهم 5 مع الرأفة ويتكلملي بالقانون سنع ناديك أنا أقول

Mohammad Al-Yousifi said...

ليش ما شاركتي بموضوعي الجديد

؟؟

حلوة شاهين

mtfa2el said...

هذيل لا اسلاميين ولا قالها الله
اصلا كلنا مسلمين فلسفة اسلامي و غير اسلامي و الكتلة الإسلامية خل ينقعونها و يشربون مايها

ARTFUL said...

يعطيج الف عافيه خيتووو

=)

اي والله صدقتي !!! بعدنا نص رمضان وجذي المسلسلات
آخر رمضان بتنقلب الكويت حوط او بيوت دعارة

الله يكافينا الشر

عساج عالقوة

=)

فتى الجبل said...

ليش نسيتي خضير العنزي
ترى كان يوزع جناط شانيل
مو رشوة ...هدايا انتخابية
مذهبهم حده واسع

White Wings said...

جريدة الوطن و"أعضاءها" كأنهم مسلسل لفجر السعيد
مهزلة
يسلم قلمك

فتى الجبل
جمال العمر هو الي يوزع جنط شانيل
:)

someone_q8 said...

السلام عليكم

جريدة الوطن من أسوء الجرائد في الكويت وصاحبها متهم بالاختلاسات و اسلوبها يعتمد على الطائفية والقبلية والفئوية وكل هالاشياء تجتمع مع اسم واحد اهوه جريدة الوطن
كل مناسبة لازم تختلق ازمه بين المجتمع بجميع طبقاته فا بالتالي اهيه مو كفو احد يقراها ,
لكن عندي تساؤل محيرني عقب ما عرفنا عن هالجريدة الدايخه وهو : يعني ماكو حرامي بالديرة كلها الا صاحب هالجريدة ؟؟؟
يعني ماكو جرايد فيها بعض اللي موجود بالوطن ؟؟؟؟؟
يعني الكويت اذا تخلصت من جريدة الوطن وخصوصا صاحبها راح اتصير نظيفة وما فيها مشاكل ؟؟؟؟؟؟
لا انصير عين عذاري بالنقد فقط ننقد شيء واحد وانخلي الباجي والاقرب اوهم قريبين منا
ولكم مني كل تحية ولك اختي بيت القرين كل التقدير والاحترام

فريج سعود said...

ليش تتطنزون على الي يقول الحق الريال يعترف بانه ماكان يستحي والحين قام يستحي زين يعني هو بطريجة الى الآدمية بس يبيله خمسين ستين سنة فقط

Deja vu said...

اهداء الى بيت القرين
joke of the day by
يكيكي:

وتبوني اسكت حولوني للنيابة مثل ما تبون! بس والله ماني ساكت!

..... الفنطـــاس said...

يكيكي يبي يبين انه يطالب بالحق!!!!بس يشتغل عند حرامي عود عادي مافيها شي
مثل ما حدس يمثلون التيار الاسلامي....ومافيهم ذرة من الاسلام هم عادي مافيها شي
الديره راده لي ورى بسبة هالاشكال...والوضع مبين انه الجماعه عندهم الوضع عادي مافيه شي

nEo said...

ماي بارد

ماي بارد

البوست ماي بارد