28/07/2009

مو عيال عمّه.. إهوا

من بعد السنة الثانية من توليه للوزراة وأنا غاسلة إيدي منه

ومثل ما يقول الوشيحي بأحد مقابلاته

ناصر المحمد كرجل وأخلاق يستحق تزوجه بنتك

وفي الإدارة تطلقه منها

فعلا هذا افضل توصيف لرئيس الوزرا

واللي قاعد نشوفه منه

ولأني أشوف إن معركة الرياضة اللي صار لها ثلاث سنين الا..وليما الحين ما انصلحت ولا راح تتصلح

ماهي غلطة لا أحمد الفهد ولا طلال الفهد ولا عذبي الفهد ولا ضاري الفهد ولا خالد الفهد وطبعا ماهي غلطة سعود بوحمد

هذي مصيبة يديرها ناصر المحمد المستريح في ربوع جنيف حاليا

تخبطاته وااااايد بشكل غير مقبول ولا يدش العقل ان هذا رئيس سلطة تنفيذية وآخرها اليوم


لعدم اكتمال النصاب وغياب الوزراء
الكويت بلا اجتماعات لمجلس وزرائها

خل اذكركم بشغلة بس قبل لا أسترسل ماشالله علي

تذكرون محمد السنعوسي



محمد السنعوسي وزير للإعلام وأتوقع إن صاحب أقصر وزراة اعلام بتاريخ الكويت

وطبعا اهوا اعلامي معروف قبل الوزارة

وتاجر معروف ايضا

وأشهر مشاريعه الكويتية اهوا شوبيز

وعلى الرغم من دخوله الوزارة ووجوده كجزء من السلطة التنفيذية

الا انه تم سحب مشروع شوبيز منه بحكم مخالفته للقوانين والإجراءات

مو إلا السنعوسي

ناصر المحمد بنفسه وقضية مصروفاته

سوى لجنة وحول المصروفات لديوان المحاسبة وحولها للنيابة ومستعد يمشي وراها لي أبعد مدى بحجة تطبيق القانون

الحين ابي افهم شمعنى الرياضة اللي مو قادر تحول مجرمينها وتاخذ حقوقنا منهم؟؟

عيال عمك الصغار مخوفينك؟؟

وبشنو قاعدين يخوفونك خنعرف يمكن احنا نخاف بعد؟

اربع وزرا للشؤون ما قدروا يسوون لهم شي هذا امر مو منطقي الا اذا كان باوامر منك

مالها حل ثاني أبد

لحّد يقول أحمد الفهد كان مخرّع الوزرا لأن الوزارة الوحيدة اللي دشها بوفهد وكان في عندنا أزمة رياضة اهيا هالوزارة

يعني صباح الخالد وبدر الدويلة وجمال الشهاب كلهم موجودين بدون وجود بوفهد بالوزارة

وهذا اللي يخليني على يقين بأن المشكلة مو بو فهد واخوانه

المشكلة برئيس الوزرا

انزين لنفرض احنا كلنا ما عندنا سالفه واللي يعارضون قوانين الرياضة اهما اللي صح

انزين اتبع وياهم الإجراءات القانونية وبس مانبي اكثر

شوف اليوم فضيحتهم اليديدة

ولله درك يا جاسم أشكناني ياللي دمك احترق 3 سنين من دون نتيجة

عصابة التكتل دازين كتاب للفيفا مع ان الفيفا قايلين لهم قبل اسبوعين لا تدزون شي الا من خلال اللجنة الانتقالية

المهم دازين كتاب يقولون فيه اي تعديل على النظام الاساسي للاتحاد ما راح نقبل فيه ونرفضه

يعني اشكره وبتواقيعهم واسماؤهم الكتاب موجود

بعد الاجرام بحق القانون شلون قايل

بدال الفرارة بأفريقيا ونيل الأوسمة

سو لهم مثل ما سويت بشوبيز مو أكثر
دان الفنان محمد الصيرفي التصرف اللامسؤول الذي قام به أحد الأشخاص، وتسريب مقطع من إحدى حلقات برنامج «الاسنصيد» المزمع تقديمه في رمضان المقبل ونشره على الـ «يوتيوب»، مؤكدا أن المقطع المنشور عبارة عن بروفة لإحدى الحلقات التي ستبث في شهر رمضان

مقطع من برنامجه يقول فيه حق ضيفة البرنامج صارخي الحين وابي دموع
وبعدين يقول بروفة
أول مرة أشوف كاميرا خفية يسوون لها بروفه مع الضيف

شهالإستهبال بعد؟


وهذي اهداء لنيو

9 comments:

Alrebash said...

باختصار شديد ناصر المحمد ضعيف ويا ليتها مساله ضعف بس, بل مغلوب على امره وليس له القدره على مجاراهخطط من يلعب تحته

أبو الدســتور said...

انفخ يا شريم

Anonymous said...

والله ماكو شي يهون المصايب اللي بالبوست إلا الاإغنيه , هذي بالأصل حق عوض الدوخي او حق مغني ثاني ؟

al-nokhitha said...

ya em3awdaaa ehya yat 3ala el reyatha bas el rayal eth3eef
eth3eef eth3eef o 3ala fekra el
3am bo 3omar el nesif ehwa asra3 wazeer estaqal eb tareekh el kuwait aqal men esboo3 :)

بوناصر said...

كله مو مهم .. إلا اسقاط ديون العراق

أظاهر معزمين هلمره وما بذنهم ماي لأنه العراق وافق على حسم موضوع الحدود

عنيف said...

كلام سمعته من نائب سابق عن ناصر المحمد خلاني اقتنع انه ناصر المحمد فعلا لا يستطيع ادارة دوله بأي شكل من الاشكال

خااالف تعرف said...

غريب امرنا

انا اقول لو فيه ضوء اخضر عليهم جان اعرفت الحكومة التعامل معاهم بس الموضوع مو بيد ناصر المحمد

أهل شرق said...

اتفق مع ابو الدستور

وكذلك مع خالف تعرف بأن الوضوع عند ولي الامر

والمشكلة ان ولي الامر ماعطاهم الضوء الاخضر لانهاء الموضوع

White Wings said...

وها هم يعدون له منصة الاستجواب
وهي خطوة متوقعة

ولكن النتائج ترعبني...الله يستر من القادم