10/07/2009

إعتزلوا !!؟؟

أول شي مدونة يديدة إسمها صوت الكويت زوروها

ثاني شي

شدعوه محد نقل لنا اللقاء اللي طلبه صالح الملا مع الشباب

نورونا يا ناس

ثالث شي واهوا الموضوع

صار لنا 9 ايام على جلسة طرح الثقة

اللي نتايج تصويتها ما عجبت وايد ناس وبالأخص المدونين

وقرروا يعتزلون المواضيع السياسية الظاهر

وأنا طقتني البوهة على قولة ساحة الصفاة

طيب أفهم مواقفكم كلها

وإذا كنتوا تعتبرون رفض طرح الثقة طراق

فماهو أول طراق ولا راح يكون آخر طراق ابد

وهذا الشي اللي يخليني أستغرب

مو عاجبتكم مواقف النواب

تعتقدون انهم فرطوا بالمال العام

خلاص لا تساعدونهم بالانتخابات اليايه شالقضيه يعني؟؟

بس انكم توقفون الكلام وما تتكلمون بالسياسة لأنكم تعتقدون إن النواب المحسوبين علينا باعوا المال العام

بعد هذي غير شغله

برايي ان التدوين اهوا لتوعية الناس اكثر من توعية النواب والوزرا

وعلى هالاساس لازم نستمر بالكلام لتوعية الناس

لا تعجبنا المواقف

لا يعجبنا ولا نائب ولا وزير

خل نعجب انفسنا ونقتنع بآرائنا بس ونوصلها

آخر شي

أحمد الفهد لما يطالب بتغيير اللائحة عشان يرد وزير مكان وزير

بغض النظر عن هبل كلامه

بس هذا قاعد يقول عنك يا بوصباح وعن أفضل ناس برايك واللي انت اخترتهم انهم ما يعرفون يتكلمون

مو عيب ؟؟

وإعتزلت الغرام

17 comments:

راعي تنكر said...

احلى مافي اقتراح بوفهد الدايخ هو كشف الجانب الكوميدي من محمد هايف عندما اطلق على الاقتراح الاستعانة بصديق ومن ثم ما صدق بوفهد حتى رد عليه ولكن بشكل مليق وقال انه راح يربح المليون

ساعات احسهم اطفال مدارس

ابو عبدالملك said...

مايجوز الغناء الله يجزاك خير
كما قال الرسول صلى الله عليه وسلم ياتون اقوام من امتي يستحلون الحر) والحرير والخمر والمعازف )

Dark angel said...

nice choice i mean the song

:)

صوت الكويت said...

أول شي مشكوره لأنك ذكرتي صوت الكويت وهذا شي أعتز فيه خاصتا إنه منك

ثاني شي مسلسل الإحباط إلي قاعدبن إنعيشه إهو إلي خلي الواحد ما يقدر يكتب عن الوضع السياسي
لأن الوضع السياسي بالكويت ينطبق عليه إغنية
شوصف فيك شخلي منك طيبة قلبك وضحكت سنك
مع الإعتذار للإغنيه
بش أهم شي يونس حاليا إن أحمد الفهد قص شعره

خااالف تعرف said...

المشكلة ياخوك

ان الخيوط اللعب بيد الحكومة وهذا اللي خلى الحكومة تتجرأ تطلب تغيير لائحة المجلس اللي من اختصاص المجلس


وغيرها تعهدات النواب ايام الانتخابات صارت سراب نطرده نحن المدونين

ولكن شخصيا لن اتوقف لكي لا ينسى كل من انخدع فيهم واعطاهم الصوت

جرفاس said...

كلام صحيح .. واللي سووه ربعنا المدوّنين ماهو الا تسجيل موقف وبعده ان شاءالله تعالى يردون بقوّة ..

وشكريااا يا دندن

MFTELET said...

شوفي يا دانه

المدونين من حقهم يبدون رايهم
وتعتبر هذه الطريقه احدى وسائل ابداء الراي

اعتبريها اجازه :)

انشالله بيرجعون

وسعي ’’سدرج’’عليهم على قوله بوشنب

عنيف said...

قوه الاخت بيت القرين


اولا اللقاء بين الشباب وصالح الملا راح اكتبه بعد يومين ثلاث لانه احنا قعدنا من الساعه 7:30 بليل لي الساعه 2:30 بليل ودقيناها سوالف

ثانيا الاستجواب اخذ حقه الكافي من النقد والاحباط الحين وقت انه نتكلم عن الي راح يصير بالمستقبل ومخططات الحكومه الي من الحين يبون يحرمون النواب من الاستجواب

حمودي said...

انا ما اشوف ان اكو مشكلة اذا وزير تكلم مكان وزير ثاني المهم ان يكون الكلام مقنع وعقلاني ويفند المحاور

al-nokhitha said...

Ana bel nesba lii ashoof hal shay th3iif o heroob menhum lakin bel nehyaa lehum wejhat nathar
to7taram :)

ahmad al fahad lama yetkalam 100 % makhiith shoor bo 9eba7 le2ana bel nehaya youm bo 9eba7 baqaa esheela shalaaa o youm baqaa eriida rada faa ehwa el aqwa :)

عنيف said...

اتمنى تزورين مدونتي وتقرين اللقاء الي صار بينا وبين صالح املا بإختصار شديد ورساله كررها على مسامعنا وكتبتها بتحريف مني

أبو الدســتور said...

من حقنا ناخذفس قبل الكتابة
:))
الصدمة كانت كبيرة

Q80 Blogger said...

المفروض انت الي تنقل لنا الي صار في دوانيه الملا
مو انت من أكثر من يدافع عنه ؟
ليش مارحت ونقلتلنا كلامه !!!

ولا تقولي ماكو مجال بنات !

ما اعتقد الملا راح يمانع ! تحسسني انك رايح عند الطبطبائي وانا مادري !!



وبعدين اهو مو اعتزال

فقط راحه وترتيب أوراق .. خصوصا من المدونين الي كانو يعتبرون بعض الأشخاص ممثلين لهم عن التيار الوطني .. بعدين اكتشفو انهم باعو مال وطنهم !!!!

الله يعين

أستاذ حمام said...

الاغنية روعه!

أهل شرق said...

ما ألوم المعتزلين لان الصدمة كانت كبيرة ،،

ثانياً اعتقد ان المواجه مع النواب المتخاذلين والحكومة هو الحل الانسب

出張ホスト said...

女性会員様増加につき、当サイトの出張ホストが不足中です。女性の自宅やホテルに出向き、欲望を満たすお手伝いをしてくれる男性アルバイトをただいま募集していますので、興味のある方はTOPページから無料登録をお願いいたします

家出 said...

最近様々なメディアで紹介されている家出掲示板では、全国各地のネットカフェ等を泊り歩いている家出少女のメッセージが多数書き込みされています。彼女たちはお金がないので掲示板で知り合った男性とすぐに遊びに行くようです。あなたも書き込みに返事を返してみませんか