19/02/2008

سبب الإختلاط إنهيار الدولة العثمانية + ندوة التحالف صارت بالخريجين

وهم تحديث و مهم بعد

باجر راح أكشف لكم عن جهة كانت موجودة بتأبين مغنية
ورفضت جريدة الوطن إنها تتكلم عنها لمصالح خاصة
راح أشرح المصالح بالتفصيل
وهم راح اكتب عن كاتب كاتب مقالة مهزلة بس مو بالوطن
نطروني

تحديث مهم

بعض المتابعين والمعلقين يعتقدون إني أهمش موضوع مغنية
ويمكن بالفعل ما قدرت أعبر عدل عن اللي ببالي

فخل أقول لكم اللي أقصده

عدنان عبدالصمد وأحمد لاري وفي ناس بعد كانت بتأبين المقبور عماد مغنية بس جريدة العفن ما ذكرتهم
راح أذكرهم بموضوع قادم

هذيل الناس خونة للكويت وإلى مزبلة التاريخ الكويتي

هذي مسألة غير قابلة للنقاش برايي الشخصي

وكلام الوطن عنهم كلمة حق مراد بها باطل وعندي أسبابي حق هالكلام

ألحين إقروا الموضوع

جريدة الحرامية وايد قاعد تزن على موضوع عماد مغنية وموقف عدنان ولاري وغيرهم اللي يفشل بهالإتجاه

بس عشان تكونون بالصورة

وتفهمون عدل إن هذيل مو هدفهم الدفاع عن الكويت

والدليل فتنهم اللي كنت انشرها على مدى الفترة الماضية + وقوفهم مع المفسد على حساب غيرهم

انزين يا دانة شالفكرة من إنهم يبون فتن وتقسيم للمجتمع؟

لم يسرق زعيم العصابة و الحاشية الكويت إلا في فترة الفتن وإنقسام المجتمع فقد سرقها في فترة الحرب العراقية الإيرانية والإنقسام الكريه الحاصل في الكويت انذاك وسرقها مجددا في فترة الغزو وهاهو يسعى لفتنة كبيرة جديدة ليعيث في الأرض فسادا أعظم

بس يا دانه عدنان وامثاله أهانوا اهل الكويت

ومنو قال غير جذيه وماكو كويتي شريف ما يستنكر هالأمر سواء من عدنان او غير عدنان

ماندري شنقول لج بس هم نبي إثبات على كلامج إن ما تهمهم مصلحة الديرة وبس يبون الفتن؟
الحين إهما مو يقولون زعلانين لان في ناس بالكويت ومنهم عدنان وأحمد وقفوا مع قاتل الكويتيين؟

اي يقولون جذيه شفيها؟
يعني إهما يزعلون على أي احد يرقع أو يدافع عن اللي أهان الكويتيين؟

اي الزبدة شنو خلصينا؟
هذا موقف إتحاد الطلبة بقيادة الخونة بخامس إسبوع من الغزو
لو إهما صج يبون مصلحة هالديرة خل يسوون ربع اللي سووه على عدنان وأحمد

سمّوا الإحتلال خلاف

خل يوروني مرايلهم

مو بس جذيه خل يشنون حملة بعد على اللي باق استثماراتنا وناقلاتنا لو من صجهم


اليوم الثلاثا ندوة التحالف صارت بجمعية الخريجين بسبب الجو وراح تكون عن التعليم المشترك والرد على بيان جمعية الإفساد الساعة 7 مو 6 مو تقولون غبار وما تيون كرامتنا اهم من شوية رمل بالجو وإن شاء الله يطيح الغبار

أمس صارت مناظرة منظمها إتحاد الطلبة بقيادة الخونة إستضافت البطل علي الراشد والإستاذ عبدالله النيباري من جهة و د فيصل المسلم اللي درس الطالبات بالجامعة وجمعان الحربش اللي هم اظن درس الطالبات بالجامعة

في طرائف وايد حصلت بالمناظرة اولها إنهم قاطين البنات فوق ومانعينهم من المشاركة بالكلام مع إن الطالبات يشكلون أكثر من 60% من طلبة الجامعة

زين ما كتبوا عايلات وشباب على القاعة




وحده إسمها دلال المسلم دازه ايميل تقول إن هذي أول مرة يفصل إتحاد الطلبة بقيادة الخونة القاعات وخاصة هالقاعة

وقبل عيد الحب بيوم كان في ندوة حق نبيل العوضي بنفس القاعة ومختلطة

بس خونة ومالهم لون

المهم هذي أول الطرائف

ثانيها

وأهمها جمعان الحربش

الحين بلش كلامه وقال خلونا نرجع حق الجذور التاريخية للمشكلة

يعني بيقنع ويعطينا من فيض ما يعلم

جان يقول إنهيار الدولة العثمانية إهوا السبب!!!!!!؟؟؟؟؟؟

خنعرف شلون

يقول زوال الدولة العثمانية كدولة إسلامية إهوا اللي خلّى العادات الشاذه ع المجتمع مثل الإختلاط تطلع وتأثرت الكويت بهالسالفة

أول شي الكويت ما كانت تابعه للدولة العثمانية وإقرا كتاب تاريخ الكويت حق عبدالعزيز الرشيد

ثاني شي يعني الحين دول إسلامية مثل الأموية والعباسية والعثمانية كانت دول فاضلة يا دكتور

انا أعتقد هالدول شربت خمر أكثر من اللي موجود الحين

وغرقت بالفساد ولو كان في كاميرات بذاك الوقت تصور قصورهم واللي يدور فيها جان افلامهم إنمنعت بسينما الكويت على الأقل

الا جمعان دكتور بشنو؟؟

ومن وين بعد؟؟

ندوة التحالف صارت بالخريجين الساعة 7 مو 6

وكرامتنا أهم من شوية رمل بالجو

ثالث طرفة إهيا موقفهم من بيان جمعية الإفساد

د فيصل و د جمعان قالوا ان جمعية الإفساد إعتذروا طبعا اهما ما قالوا افساد بس هذا اسمهم بالنسبة لي

أول شي إعتذارهم كلام فاضي والدليل التحديث اللي حطيته بالموضوع اللي قبل هذا

ثاني شي إعتذارهم مثل اعتذار علي الجراح ما يقدم ولا يأخر

الواحد لما يعتذر عن اللي يدور بقلبه ما يكون مقنع

يعني لو عدنان وأحمد يعتذرون الحين في أحد بيقبل ؟؟؟

إحساس جمعية الإفساد وقناعتهم إن التعليم المشترك يزيد الزنا والسفلس واللقطاء

لما يقولون آسفين هذا اذا قالوها اصلا

يعني راح تتغير قناعاتهم؟؟

طبعا لأ

بس الرد عليهم اليوم بحضوركم
ندوة التحالف صارت بالخريجين الساعة 7 مو 6

وكرامتنا أهم من شوية رمل


علي الراشد تساءل سؤال مهم بمناظرة إتحاد الطلبة بقيادة الخونة

يقول علي الراشد
إن أمين سر جمعية الإفساد دارس بنظام التعليم المشترك

هل إهوا مريض بالزهري؟؟


نبي إجابة من جمعية الإفساد

بس تدرون شنو أحلى شي اليوم

إن الوطن عشان الفتنة اللي يبون يسوونها حاطين علامة صح على صورة الصقر والسعدون والعنجري ومسلم البراك

لوول

مسكين إنت يا خليف

22 comments:

فتى الجبل said...

سبحان الله
قوى الفساد وتيارات التأسلم السياسي السنية والشيعية واحد يرفع والثاني يجبس
واللي قاعد يضيع اهوا البلد وأهله
لا لقوى الفساد اللي من بينها الوثن وتيارات التأسلم

Anonymous said...

أختي العزيزة .. عند كرامة البلد نتوحد و نكون يد وحدة و أعتقد لولا الوطن جان الموضوع مر مرور الكرام ..ولا أحد منا تفاعل و أنا شايف في فصل واضح لقضية عدنان و الشيعة بالعكس ما سووا فتنة مثل ما تقولين بل حتى الشيعة نفسهم اكتبوا و اعلنوا انهم ينددون بالتأبين و أظن هالسالفة وايد أهم من سالفة منع الإختلاط اللي انا من مؤيدين الموضوع وانشالله يلغى القانون ..

نصيحة دانه .. في ناس وايد خصوصا من مؤيدين التيار اللي تميلين له و مسؤولين عن مدونات هم مؤيدين لحزب الله و يحاولون حاليا التأثير على الناس بتغيير الموضوع .. و أتمنى إني أكون مخطأ و تقبلي تحياتي ..

الله يا أنا بحصل سب ههههه

Bo Jaij said...

ما إقترفه عضوى حزب الله عبد الصمد و لارى
خطيئة لا تغتفر تصل لمستوى الكارثة

الشعب الكويتى لا يرحم من يتحالف مع الإرهاب...إى يمكن ينسى بوقات المليارات و سرقات الأراضى و فضائح الفساد و هزائم الإزيرق...بس طعنة خنجر مسموم مثل إختطاف الجابرية و إرهاب الثمانينات من الإستحالة تناسيها و لا يمكن مقارنتها بأى (مصيبة) أخرى


نحن نعيش فى زمن أغبر شفنا فيه أبناء الوطن يقدمون مصالحهم الحزبية على مصالح بلدهم و شعبهم

و يالبيت لو كانوا هؤلاء من عامة الشعب...هم نواب منتخبون يمثلون الشعب .., و يمثلون الكويت بالمحافل الدولية..و لهذا الآلام مضاعفة و الصدمة أشد

صحيح عندنا قضايا أخرى تهمنا كشعب و لكن يجب أولا أن (نجابل) هالمصيبة إللى أوقعها عبد الصمد و لارى على رؤوسنا

لايمكن أن نرتاح و هالأشخاص يمثلونا بالمجلس و لهم يد بتشريع قوانين أو إطلاع على أسرار البلد

القضية مالها أى علاقة بالطائفية

فالكويتيين يكرهون (مغنية) لأنه إرهابى و قتل كويتيين...مو علشان هو (شيعى)...و هذى الشغلة يجب أن يفهمها الجميع

Anonymous said...

دانه :

شنو علاقة الإخوان بالموضوع ؟ و علاقة الكتاب ذا كانت تهمهم مصلحة الكويت ولا لا؟
دانه في مواضيع أتفه وايد قلبتي الدنيا في مدونتج .. ما تعتقدين الكويت تستاهل إن تعرين موقف اللي متشدقين بالديمقراطية؟

أبي توجهين هالكلام لكل من ربعج المدونين اللي كلت ألسنتهم نار هواهم لحزب الله السؤال .. شنو موقفك من عماد مغنية؟

أول ما يبدي يقولج والله الموضوع معقد في أقاويل تقول ... اهني جعميه لأن هذا يغطي شمس الحقيقة بإيده العفنة ..

ولو الوطن أثارت هالموضوع فموضوعنا اهوا في واحد تحدى مشاعرنا هذا الأهم مو ليش أثاروا الموضوع و اشمعنا !! شي غريب والله

دانه لحد يأثر عليج بحجة الوطنية و تشتيت المواضيع

Anonymous said...

أختي الفاضلة
أرجو أن لايتداخل لديكي كره القائمين على جريدة الوطن مع حجم وسفالة قضية عبدالصمد ولاري، هذا من ناحية.

ومن ناحية أخرى، يجب أيضا النظر بتمعن لأبعاد هذه القضية، فمسك العصاية من النص يعتبر في رأي نفاق.

حزب الله حزب يقوم على أسس لايمكن أن تتوافق مع المبادئ الكويتية والبحرين خير مثال، وتم بث الفرقة بين أبناء الشعب الكويتي حضري وبدوي مناطق داخلية ومناطق خارجية إسلامي ليبرالي، ونسيتم أن الكويت فقط الكويت هي المأوى.

Sn3a said...

دوله عثمانيه
ويت هذا من صجه دكتور
مت من الضحك
الفساد كان منتشر وعلى اصوله بعد بذاك الوقت


اما سؤال على الراشد يدش بقلب المشكله صراحه
والوطن مسويلنا فيهم اهل الديره ومحاتينها

mtfa2el said...

و الله الوطن صارت وطنية بهالموضوع اكثر من ناس وايد

al-nokhitha said...

3adnan 3abdul9amad o a7mad lari Ma Ehtamaw o Ma qadiraw masha3ir ahal likuwait o ib kel berood esawoon
3aza hathool akbar 5awana o 7eta law e3algoonhum eb ga9er naif shwaya 3ala ele sawooh !

o il Dr jam3an shakla nesa nafsa o 5ala6 taree5hum taree5 ahal il shemal ma3a tare5na taree5 el kuwait :)

Tathkreen youm agoul nabeel il
3awathi 3ala kalama shakla feeh
naq9 6ala3 9ej !
o ana il maskeen ele 3abali min
3awatheeyat likuwait,
6ala3 Tawa mitjanis senat 1998 o jenseeta ya3ni enta mo men ahal likuwait o malik ay 7ag o tada5ol ib seyasatha o e7mid rabik eniik tejanast o foog kel hatha et6iib eb sharaf ahalhaa 9ej 9ej ma3a shainik gowat 3aiiinik wala ma
5arab deeratna ela ent o amthalik ele janisoohum da5altoo 3alaina
a6ba3 o 3adat o 7eta kaliimat ydeeda ma 3arafnaha wala ahalna
e3riifoha gabilna
kelna 3yal graya o kel men e3ariif a5aya !

o 9ej 9ej jareedat il sha3b o
7amed bo yabiis shagooh shag ib hal maqaalah
http://www.alshaeb.com/news_details.asp?nid=1545&pName=محليات


o 7eta majliisna ni9a mo kuwaityeen mozawereen jensiiya
3waiir o zwaiir wil minkiisir weli ma feeh 5air !!

Allah ya36eech il 3afya khoosh post o entay khoosh wa7daa shaklich wayed wayed
6ayba et7eeben tartheen il kel youba hathii modawintich o mokanich ketbay ele ya3jiibich entay mo ele ya3jiib il nas o kelish mo malzooma etjawbeen 3ala il email :P

بو محمد said...

الأخت العزيزة دانة
تقبلي أجمل التحيات و الإعجاب في المعالجة الهادئة جدا والتي نقلت وجهة نظرك الراقية بصراحة بخصوص الشق الأول من الموضوع
أما عن موضوع المناظرة و بداية الإختلاط و ما أسماه العضو الفاضل بتسمة من هذا القبيل فلي تساؤل لو سمحتي

أبي تسئلين العضو الفاضل عن اللي قال

قُل لِلمَليحَةِ فِي الخِمـارِ الأَسـوَدِ
مَـاذا فَعَلـتِ بِراهِـبٍ مُتَعَبِّـدِ

قَد كـانَ شَمَّـرَ لِلصَـلاةِ إِزارَهُ
حَتَّى وَقَفتِ لَهُ بِبـابِ المَسجِـدِ

وَالخَمرُ شاغِلَـةٌ إِذا ما عوقِـرَت
يا اِبنَ الزُبَيرِ عَنِ النَّدى وَالسُّـؤدُدِ


النوخذه والا بو دعيي؟

و هل كان ذالك في أحد أحياء قاروه حيث كان يقطنها بعض الناس إبان العهد الفستقي؟

و أنا بانتظار الجواب

و السلام

كويــتي لايــعه كبــده said...

السلام والاحترام للجميع

بوجيج, جبت اللي ابي اقوله جيب! نقطه نقطه وبالحرف الواحد.

شكرا وانا اخوك

Anonymous said...

المقبور هو الذي يشعر أنه أعلى عرقا من بقية الناس
كويتي غير متعصب

butash5e9 said...

مظيعة مشيتج و مشيت الحمامة .. يا أبيض يا أسود

ناخب بالدائرة الثالثة said...

http://independent-kuwaiti.blogspot.com/

بو حامد said...

كلن يغني على ليلاه

MFTELET said...

اليوم وصل لي خبر اكيد انه مرزوق الغانم يبي يقدم استجواب لوزير الشؤون على القرار الاخير الي اتخذه وهو بحل الاتحاد وانتخاب مجلس يديد مكون من 14 عضو والله اعلم

وترقبوا تصريح مرزوق اليوم بالجرايد

Anonymous said...

mftelet

يا عمي زين مرزوق. خل يستريح. جبان. كل ما صارت قضية تبي وقفة قب و انحاش و صك تليفونه

خل يرد يتفرغ لنادي الكويت و يخلي المجلس للي قدة

انا صوت له و نادم قد شعر راسي

مع احترامي لك يا مفتلت

Anonymous said...

بالنسبة لموضوعك يا دانة، فالاسلاميين شيعة و سنة ما يختلفون عن بعض بشي! وجهين لعملة واحدة.. ارهابيين خونة يتسلطون على خلق الله. و ما لي خلق ازيد و اشرح لانا عيزنا نبين البراهين و الادلة، و اللي يبي الدليل بحث بسيط و يلقاه

كل هالمتأسلمين دجالين محتالين باسم الدين و خصوصاً الاخوان و حزب الله

و على فكرة، الاخوان ما تعورهم الا مخابيهم. بيزتين توديهم و بيزتين تجيبهم. و كافي مناقصات الشركة الهندسية مالت دويلة و مناقصة الحكومة الالكترونية اللي يلالي عليها ناصر الصانع

ما يوقفون الا لما يستولون على الحكم. ماكو اخطر منهم على الكويت

Ali said...

الاخت الكريمة أشد علي إيد إخواني الكرماء من المدونيين الكويتيين الشرفاء إللي ما حاولو يغيرون موضوع خيانة عدنان عبد الصمد و لاري و صفر بو جنسية ثانية إللي عملتهم كبيرة و لازم تكون حملة وطتية ضد إللي سو لانهم مسو كرامة الكويت و هذا الموضوع أهم من الاختلاط يا جماعة لا تصيرون إمعة و ديوثون بدون غيرة علي ديرتنا الكويت

مثل ما قال واحد من الاخوان هناك من يتظاهر بأنه ليبرالي و علماني و لكنه إيراني الهوي و النفس و يريد تغطية عملة أسياده. طبعا معروفين منو

abdulrahman said...

الاخت الفاضله دانه
انا اقرى مدونتج من فتره او لاحظت انج وايد متعصبه ضد الوطن او بحاول افهم الناس الطريقه الاصح
1- لو خليف على قولتج ما باق هالمليارات جان دش شي اب جيبج ولا جيب اي احد ؟ طبعا لا , فشنو الفايده من هالموضوع ؟ محد يدري
2- الديره مافيها مليارات غير الي باقهم خليف على قولتح؟ فيها , اخذنا منهم تنميه ؟ لا , يعني هم قضيتج خسرانه
3- تحاولين تهمشين موضوع عدنان عبدالصمد واحمد لاري "عزكم الله" عشان بوقه قديمه ؟ لا تستخفين بعقولنا واضح موقفج منهم او انج تأيدينهم او سالفة البوقه صارت شماعه كل ما الوطن قالوا شي قلتي البوقه , مسمار جحا اهو؟

الله يستر منج ومن حزبكم , تلفون الحقايق بالاوهام والضايع المسكين الي ما يدري شسالفه

اتمنى هالتعليق ما ينحذف وتردين علي وتصلحينلي اذا في غلط يا ام عبدالصمد

Q80 Blogger said...

اختلاط والسالفه وصلت لضرب الوحده الوطنيه

اشهد انكم تحلقون خارج السرب



وكلامك عن الدولة الامويه والعباسيه مردوود عليه

رجائا التأدب مع تاريخ المسلمين

اختصار كل تلك النهضه والفتوحات والرجال الصالحين الذي نشرو الدين الحنيف
بكم خمر !!!!!

اتقو الله في انفسكم

اقحام هذي المواضيع بشغلات تافهه جذي عيب

اخذو الاختلاط
بس رجائا
ذاك اليوم الطعن في بن باز وبن عثيمين .. واليوم الدولتين الامويه والعباسيه !!!!
كل هذا عشان اختلاااااط

اخذووووه وفكونا من شركم

الله الهادي

butash5e9 said...

إلى جميع المصبوغين بصباغ الوطنية و الثورية .. و اللي تخاذل في الفزعة من أجل الكويت ..


http://youtube.com/watch?v=IGfqeD8r-aI

http://www.youtube.com/watch?v=-BPTSDECDX8

http://www.youtube.com/watch?v=kDbMFGJXw9I
على أمل إن يحرك فيكم شعرة وطنية

Anonymous said...

الزيادة ....... وآخرتها 120 دينار

أشوف فيكو يوم

وربنا على المفتري