06/02/2008

مجهول + شخصية الإسبوع


عشرون ألف دينار تعويض أولي للنائب السابق وليد الجري
بعد حكم أولي صدر لصالحه ضد جريدة الوطن


هذي من الآن

هذا طراق اليوم

وفي حالة رغبتك في قراءة نقد للاوضاع المحلية فما عليك الا زيارة بعض المدونات للاطلاع على كتابات طريفة وظريفة وانتقادات لما يستحق النقد والتعليق، حيث يمكنك زيارة مواقع مثل »أم صدة« و»بيت القرين« لمتابعة آخر وجهات النظر التي يطلقها اصحاب المواقع والمشاركون فيها بحرية ومن وجهة نظرهم

وهذا
عبدالرحمن النجار هم اليوم وبالوطن

يا زين شبكة التلفزيون
:)

البيلر حاطينه صفحة اولى قلت الحين كاتب ملحمة الولد

لم افعل شيئا اكثر من محاولة كفكفة دموع امهات وآباء اسرانا في العراق حين كانت قناة الجزيرة ـ وعرابها الشيخ«حمد بن جاسم» تسخر من معاناتهم وترقص على صوت.. أنينهم

دموع أمهات وآباء آسرانا تتكفكف لما ترد بوقات الغزو يا بيلر

شكوى الشيخ «حمد بن جاسم» تدل دلالة واضحة على ان ريشة قلمي قد اخترقت اللحم لتصل الى العظم
يا سلام الحين اذا اشتكى لانكم جذبتوا صارت ريشتك يابوالريش وصلت ليما العظم؟؟

يعني تجذبون عادي وما يقول شي ولا شتبي؟

انت تقول ايميل وسري وحمد بن جاسم داز مقالتك حق امريكا
وطبعا اشكره هالكلام فاضي
شتبي يسوي يخليك تكمل تشلخ
وعلى فكرة انا ماني حمد بن جاسم لا من قريب او بعيد
وشكله ما ينبلع اصلا

بس تعال انت يا بو قناة الجزيرة شوفوا شيقول

لم افعل شيئا اكثر من تبريد قلوب الكويتيين التي اشتعلت نارا ـ طيلة سنوات ـ ومرتزقة المحطة يمزقون لحومهم ليل.. نهار
يا حنّين
يعني قناة الجزيرة حرقت قلوب الكويتيين عدل؟
وانت بتنتقم عدل؟

عيل دام جذيه مؤسسة الحرامية ليش سوّت دورات مذيعين بقناة الجزيرة؟؟؟
وهذا كلام مذيعتهم السابقة من خلال مجلة أبواب عدد شهر يناير 2008 صفحة 103

ماذا تقولين لتلفزيون الوطن؟
أقول لهم شكرا وهم دربوني في دورة في قناة الجزيرة مدتها اسبوعين

عن التشلخ لا تقولون مصلحة الكويت وتتباكى وإنتوا بس ورا مصالحكم
يا ولا مو الا يا

هذي ثلاث طراقات بس موضوعي مو عنكم اليوم كلّش

عشان تكونون بالصورة بس

منتخب الكويت حق كرة اليد وصل للاولمبياد اللي بتصير مادري وين هالسنة اظن الصين

المهم الاتحاد الدولي لكرة اليد قرر إن يعيد التصفيات اللي وصل من خلالها منتخب الكويت بحجة في تلاعب بالنتايج

وطبعا الاتحاد الدولي مو من حقه يتدخل

القرار لازم يكون من الاتحاد الاسيوي مال كرة اليد برئاسة ابن الشهيد الوحيد
المهم الإتحاد الدولي مال كرة اليد قرر إن تنعاد التصفيات غصبا على الإتحاد الآسيوي
كل دول آسيا رفضت المشاركة تضامنا مع الإتحاد الآسيوي إلا كوريا واليابان
وعلى هذا الأساس تاهلت كوريا بدال الكويت
كوريا واليابان ما إحترموا قرارات الإتحاد الآسيوي
فقرر الإتحاد الآسيوي إن يعاقبهم تدرون شنو العقاب عاد
وقال في تصريح لوكالة الأنباء الكويتية (كونا) ان المجتمعين ناقشوا هذه التصفيات الاسيوية التي أعيدت بمشاركة الدولتين المذكورتين وقرر الاتحاد وفقا للوائحه توجيه انذار نهائي الى كوريا واليابان وفرض غرامة مالية عليهما قدرها ألف دولار.وأوضح ابوالليل أنه في حالة عدم دفع الدولتين للغرامة فانه لن يسمح لهما بالمشاركة في البطولة الاسيوية المقبلة للرجال المقرر اقامتها في مدينة أصفهان الايرانية منتصف الشهر الجاري
والله صج؟؟ألف دولار؟؟؟؟؟؟
وايد صج قيادة قوية
جان قلتولهم يقولون آسفين مو أحسن بعد؟؟؟
الخوف كوريا تتسلف من البنك الدولي الألف دولار
ودامنا بالرياضة مبروك فوز القادسية باول بطولات الموسم
كاس الإتحاد بنسخته الأولى
عاشوا القدساوية
خلصنا من كل هذانروح حق الأثول المجهول وهذي مو سبة هذا وصف منطقي حق اللي داق على علي الراشد ومهدده بالقتل
مجهول
لو مهما صرخت تقول
يا تسحب قانونك
او إنك تبات مقتول
مجهول
ما تعرف الشعب شكلك
بطلقاتك يظل عايش
وبجهلك أكيد تهلك
وتظل مجهول
مجهول
عمي إنت ماتشوف
شباب هالأرض
ما يعرف أبد أي خوف
لا زنزانة او طلقة ولا ينباع أبد بإلوف
مثل هالشمس نظل نشرق
وبجهلك بتظل مكسوف
واكيد مخذول يا مجهول
مجهول متى إنت بتتعلم
أحرار مهما نتألم
وبنظل نصدح ونتكلم
وعمره هالوطن ما يزول
يا مجهول
إحنا بنبقى للديرة
والديرة عليك بتب** يا مجهول
شكرا لكاتب الكلمات
شخصية الإسبوع
طبعا معروفه والكل متوقعها
علي الراشد كلنا معاك ووراك للكويت وللحق وللمنطق والعقل وياك
توكل على الله وشوف عيال الديرة ما يخذلونها كلنا مثلك يا بوفيصل

اليوم مباراة منتخب الكويت جدّام الإمارات والله يوفقهم يا رب بتصفيات كاس العالم

وبهالمناسبة نحط هالاغنية

وماراح اسمح لاي تعليق يطّنز على المنتخب لو تكرمتوا خل ندعمهم ميخالف إهما عيال هالأرض ومالهم ذنب بالظروف

بس إذا بتتطنزون على الشباب اللي على البساط بالأغنية او البنات اللي يعزفون جيتار مو مشكلة



22 comments:

Mok said...

يعطيج العافيه :)

قتلج الف مره ركزي على موضوع تعليم المشترك والتميز :)

لانها فضية الساعة

زوري مدونتي :)

ترا مو اوامر :)

http://shrqawi-mok.blogspot.com/

Al-nokhitha said...

yah Monta5abna Yestahil :)

Ana Kel Dewaniyati ams 7arakaw il emarat eshaj3oon il monta5ab bas ana lil asaf 3endi ertiiba6at bil kuwait ya3ni el youm bashoof il game broo7i :(

3ali il rashed kafu o yestahil :)

3asach 3al guwa :)

kila ma6goog said...

اذا حمد بن جاسم رافع قضية على سالفة مقالة الايميل و المقال القديم مال حزب الله ترى انا مستعد اشهد بالقضية اني انا اللي مسويلها سكان و عندي مليون دليل

جود يحوشنا جم فلس و نشتري اللاند

Sn3a said...

خنت حيلي مسيو فؤاد
يكسر الخاااطر
انا اموت واعرف
الكلكجي لما يعرفونه
ليش يجذب بعد

يعني جد مبدعين باعمارهم هالوطن
مايدرون يرقعونها من وين ولا من وين
اصلا من شفت جم ويبسايت حاطين مقاله مسيو فؤاد قلت الا ادش البلوق مالج اشوف شكاتبه


اما سالفه الاتحاد مال كره اليد
انتي شبتقولين ولا شبتخلين
توهم ماصارلهم دقيقتين سفاره كوريا داقين على بيتنا يبونا نشارك بهالالف خنت حيلي
قلت حشا ماردهم



الله يوفق منتخبنا المسكين


ويارب بحق محمد وال محمد يرد كيد اللي بيخربون هالديره وياكلونها بنحرهم ان شاءالله ويبلغنا فيهم
والله يحفظ النائب الراشد وامثاله اللي ينعدون عالاصابع من هالحوش اللي تارسين الديره واللي مفشلينه عالطالعه والنازله

تلاقينه معترض على الغاء القانون وشهادته الاخ ماوصلت متوسطه حاله حال النواب اللي يأيدهم وووصلو مجلس الامه

ZwaiZ said...

ohhh 3ad tawa eshahar eli 6af 7a6 kalimat hal eghniya 7ag presentation hehehehe .. o yestahil 3ali erashid bas allah ehadahoum wayed 6awalaw 3ala mata7arekaw eb hal mawthou3

مُحَسّدْ said...

ردود منطقية على بائع المقالات

يعطيج العافية وعساج عالقوة

بودي ان اعرف كم قضية رفعت على صحيفة الأعور الدجال وتم كسبها بسبب الكذب والافتراءات التي تنشرها ضد الغير
الله يرحمك يا جاسم المطوع

Anonymous said...

تعليقي بخصوص النائب على الرشد واقتراحه، حرام والله يتعرض للتهديد، وماعتقد القانون راح يمشي لأن عندنا قوى تخلف كبيره بالمجلس :) .. يقولون مايجوز اختلاط بين الجنسين بالقاعه، حبيبي الاختلاط موجود بالجمعيات و المجمعات وكل مكان وقفت عالقاعه الدراسيه؟مالت! .. بس واضح اهمه ماخذينها من ناحيه جنسيه لأن تفكيرهم كله "وصخ" ، وماعندهم ثقه بشبابهم وبناتهم "الاكاديميين" ! .. و الله يوفقك يا علي الراشد ووقفتك بوجه قوى التخلف والظلام و المتحدثين بأسم الاسلام والاسلام بعيد كل البعد عن أشباه الاسلاميين والسلف والاخونجيه!

سؤال يطرح نفسه، ليش "اغلب" عيال المتدينيين اللي مروا علي صيــَّع ؟ .. محد لاحـظ او مر عليه ؟
(على فكره،اللي مروا علي من عيال المتدينين مو اغلبهم صايعين، إلا كلهم بس ماحبيت اعمم )

مع تحيات اخوج الصغير :P

MFTELET said...

مشكوره على هالمواضيع الحلوه

وماقول الا وسع سدرك يالحبيب :(


واتمنى تمرون تتقهون عندي على

http://wwwmftelet-mftelet.blogspot.com

Bu Jassem said...

الله يعطيج العافية
وبالنسبة لليد الحين اخر كلام تاهلوا ولا لا؟؟؟
ومنتخبنا للقدم فشلونا كالعادة :)
ومبروك للاصفر ..مع اني عرباوي بس راحت علينا خلاص :(

Q80 Blogger said...

قدساويه؟
عادي؟
انا قلت يمكن مقاطعه مع جريدتهم
مو طلال موجود؟
ولا شي وشي؟

وخوش كلام عبد الرحمن النجار
بس عرف اشلون يفتك من بيت القرين
قال امحدهم قبل لا ياكلوني

لأنه صراحه هل شخص ابسرعه ينوكل .. يبيلها فريج القرين على مقالاته الحلوه .. تستلمه ليل نهار


خوش مدونة ترفيهيه


تمويه :)

Anonymous said...

اثول ـ بيلر ـ طبل

ماشاءالله قمة الاخلاق وقمة الرقي بالاختلاف بالراي:)
الله يتمم عليكم

Mok said...

تم التغير اسم المدونة الى بس يا بحر بدلا من داخل السور

لوجود مدونة اسمها داخل السور اكتشفتها بالصدفة وهي اقدم مني :)

واعتذر منكم :)

http://shrqawi-mok.blogspot.com/

rwatan said...

بصراحه. كنت قد قرأت مقال النجار بالوطن صدفه. و إستغربت وجودها هناك!!!! يعني شي غريب فعلا نشرهم لها.

Anonymous said...

فيصل الشايع تابع مطيع محمد الصقر مثل الكت ويل - بيا بيا برو برو

Meste7i... said...

انزين... عقب النتيجة يصير انتطنز على المنتخب؟؟ :(

حمد said...

بوست قوي

وسالفة التدريب بالجزيرة

فضيحة

ومن العيار الثقيل

والحبيب قاع يتبجبج على الجزيرة

روح موت

يالبيلر

بو سالم said...

Anonymous

فيصل الشايع عضو المنبر الديمقراطي. شكو بمحمد الصقر؟؟

شنو هالتأليف؟ اما انك تتعمد التضليل و المغالطة..او اما خيالك واسع

bo bader said...

أعيد نشر تعليقي اللي كتبته في مدونة فريج سعود
----------

تبي الصج يا الحبيب ...

إحنا مثل اللي قاعدين في مسرح العرائس ، اللي نشوف مجرد ممثلين والشخصيات الحقيقية تحرك هذي العرائس يمين ويسار !!

مستحيل أصدق أن المحيلبي مع احترامي الشديد لشخصه ، هو اللي يفكر ويقرر ويقترح مثل هذه القوانين !!

صعبة وايد على خريج قسم الجغرافيا بجامعة الكويت !!

Talk about qualified people!!

المهم الحين ان نعرف شنو هدف من وراء هذه العرائس من هذا الكلام الخطير ؟

جس نبض الشارع الكويتي !!
تخويف الناس عن الكلام عن الفساد !!
والأخطر أن يكون تهويشة وابعاد الأنظار عن شغلة وايد أكبر ووايد أخطر !!

تحياتي لك جارنا العزيز ...

فريج سعود said...

عاد والله تصدقين انا حفظت سبيليينج الكويت من هالاغنية

Anonymous said...

What do you think of this? The last paragraph:

http://www.alwatan.com.kw/Default.aspx?MgDid=595744&pageId=163

Anonymous said...

Korea or Japan will not pay the 1000$ because if they pay that means they are guilty. I see it a smart move and provocative! Its the concept not the amount..

Regards

مــعـــارض said...

تحترق القلوب، وتدمع العيون... ولا تزال كويتنا تنزف من غزاة التخلّف

آن الأوان لنهضة "كويتية" صادقة وأصيلة لردع زمن القردة الذين غزوا الكويت الجميلة بثقافتها وفنها ورياضتها وتعليمها واقتصادها وعاداتها وتقاليدها ودينها وشعبها... وريادتها