21/11/2007

سوالف



خنسولف شوي دام الماي راكد وماكو اشياء قوية

بس لا تفكرون بلحظة ان الوطن ما يمارسون الغباء كالعادة وبلبلهم لمبة من غباء الحين اسمها لمبة ولا تريك؟؟؟

وليش تريك اساسا؟

يالله عاد خنسولف

اول شي بما ان الحكومة قررت انها توقف الكوادر لمزيد من الدراسة

انا اقترح ان يدرسون كادر للمدونين مانبي رواتب نبي بس كادر

اذا المدونين موافقين نسوي اضراب

مواطن يعترف بانه قد «دأب على الاعتداء عليها ـ الخادمة ـ بالضرب بالايدي والارجل وتعذيبها بسكب الماء الساخن على أجزاء متفرقة من جسدها..» كما انه «.. لم يعرضها على أحد المستشفيات خشية افتضاح امر تعديه عليها» ثم يقوم «.. بالضغط بيده على عنقها ضغطتين متتاليتين قاصدا ازهاق روحها فسقطت ارضاً وفارقت الحياة»، ثم «.. قام بالقائها باحدى الساحات الترابية... وقام بتغطيتها ببعض أوراق الاشجار اليابسة»!!هذا المواطن «النموذج» حكمت عليه محكمة الجنايات بعدم النطق بالعقاب والزامه تقديم تعهد بكفالة 100 دينار يلتزم بها بحسن السلوك لمدة سنة

هذا جزء من مقالة
نبيل الفضل اليوم

شقصدك يعني الحكم مو عادل

شرايك تقول لأ ويانا بلبل

واحد داز لي ايميل عن مسج من خدمة اسمها الازرق يقول المسج

أحمد الفهد يحاول اقناع اندية التكتل باحترام القانون والتوقيع على ال 14

يعني 10 اندية مادري 11 نادي

بمجالس اداراتهم يرفضون تطبيق القانون وإبن الشهيد يحاول يقنعهم احترموا القانون

يعني وصلنا ان اللي ما يحترم القانون نقنعه ان يحترم

واذا ما اقتنع شبتسوي يا ولد الشهيد؟؟؟

والله خوش ديرة اللي نتفاوض فيها على تطبيق القانون

خو اللي ما يطبق القانون اشتكوا عليه

ولا القضية تحفظ بعد؟؟؟

الا صج أنا في شي مادري لأني ما احب تلفزيون الوطن أشوفه ولا اهوا شي الكل شايفه

نادية صقر ومحمد المنصور ما يعرفون يقدمون ولا يتهيأ لي؟؟

تدرون إن نادية صقر سألت الخرافي بمقابلتهم معاه

ما ولهتوا على أحمد الفهد

وبمقابلة ثانية سألت أظن طلال العيار

ليش بعض الناس يصورون ان الدستور قرآن ومحد يقدر يغيره

يعني اشكره يبون يسوقون هالافكار

آخر شي من السوالف

الحين كل الناس تدري انها جريدة فتن

وكل الناس عارفة هدفهم يقسمون الكويت

طيب ليش كل الناس قاطين روحهم قط على هالجريدة مو في 9 جرايد غيرها روحوا صرحوا فيها

يعني قوائم الطلبة حتى اللي نتريّا منها خير تروح تصرح عندهم مابي اقول اساميهم يفهمون بروحهم

النواب اللي يهاجمون سراق المال العام هم يصرحون عندهم

وغير اللي يعلنون عندهم

اي قاطعوهم ويطيح سوقهم مو قصة

إي على طاري التعليم العالي

من ياب الطاري محد

بس بسولف

ابي اغرب سالفة منكم صارت مع التعليم العالي


وهم



16 comments:

فتى الجبل said...

لأ
_________
الكل يبي يتدرب عند علي بابا
على فن البوق
عشان جذي قاطين نفسهم عليه

أبو جيج يدور نعاله said...

لأ

****************************


أشوه بديتى إتغطين المصايب إللى تبث من على فضائية الوطن

برنامج المنصور و صفر يشاهده عدد أكبر من إللى يقرون مقالات الفزيع...و نبيل الفضل و غيره

يعنى الأكاذيب توصل لشريحة أكبر و تتغلغل بعقولهم و تترسخ من خلال خفة ظل المنصور و ميكياج نادية...و مثل ما غالبية الشعب يتعامل مع تعليقات بو قتادة على إنها (حقائق و براهين )....سيعتمد الكثيرين على مقابلات المنصور و نادية ليقيم أو يحكم على (أخلاق و نظافة) هذا النائب و ذلك المسؤول من خلال ذرابته بالكلام أو ستايل نسفته

Anonymous said...

بصفتي متابع جيد لكتاباتك الجيده وإسلوبك الرائع في الكتابه ومتابعاتك في ما يحدث في الديره كنت أعتقد بأن موضوع إلغاء الكوادر لا تمر عليك مرور الكرام . وخاصة بأن هذه الكوادر درست لفتره طويله كمثال على ذلك الزيادات للقطاع النفطي فتلك الزيادات درستها مؤسسة البترول لفتره طويله وأقرت وبعدها درست من قبل المجلس الأعلى للبترول وأقرت وبعدها درستها مجلس الخدمه المدني وبعد دراستها أقرت وبعدها الى المجلس الأعلى للخدمه وأقرت وبعدها لمجلس الوزراء وأقرت ولكن بعد ساعتيين الغيت لكي تدرس من جديد مع زيادات لجميع الوزارات في الدوله
فهنا نطرح سؤال هل هذه المجالس التي أقرت هذه الزيادات لم تدرسها جيدا وخاصة إنها أخذت تقريا ثمانية أشهر وبعض الكوادر أخذت سنتين لأقرارها وبعد ذلك الغيت !!! للأسف كل قراراتنا تكون بناء على ردات فعل وقرارت ردات الفعل تكون خاطئه وهنا يجب أن لا ننسى بأن رئيس مجلس الوزراء هو من يرئس مجالس الأعلى لهذه المجالس !! فهل إقرارته لهذه الكوادر كانت خاطئه ؟ الله يكون بعون قراراته الآتيه مستقبلا

Mohammad Al-Yousifi said...

نادية صقر كويتية عشان تحشر خشمها بشؤون الدستور؟

وين اللي كتوا فال و طقوا اصبع على سالفة الخطيب و نبيها خمسة!

على نفسها جنت براقش said...

فى مقابلة بالوطن ناديه صقر تبى تشكر ضيفها
i thank u to much

و المنصور يلللبط بدليات و ما يعرف يسأل ضيوفه
و يسألون اهما و يجاوبون
لوووول
اعلام حده قوى

و مع التعليم العالى
رحت ابى اسوى اوراق الماجستير بالصيف و الا منتقلين بالمنطقه الحرة طبعا مكان حده غبى
ما علينا
من 9 الى 12 يستقبلون بس و قافلين الباب عليهم
مأساة
اقول لها عندى ملف
تقول لى شلون دريتى
ارد هذا ثانى ماجستير لى
ترد والله مادرى ندور و اذ ما لقيناه تدفعين 200
الغريب ان 100 تأمين لهم
مادرى ليش و انا اللى دافعة للجامعه
و هم
لأ

Anonymous said...

اللمبة اهيه اللمبه العادية التريك اهوه الي ينمسك بالايد


اما نادية صفر والمنصور فمصيبه
يحليلهم ملَق ويعايشين دور انهم خفاف طينه

Eng_Q8 said...

بصراحه كنت ناطر منج تعليق على عنوان جريدة الوطن لما وقفوا الزياده لان كان هناك اكثر من 72 الف موظف بالقطاع النفطي قراها وارتفع ضغطه

ARTFUL said...

على سالفة الكادر في واحد الشياب نط ذاك اليوم يقول حق صاحب الدوانية اذا ما عطيتنا كادر راح نضرب عن حضور الدوانية
;D

رد عليه صاحب الدوانيه يقوله المفروض انا آخذ منكم اشتراك

;p

Anonymous said...

احد منكم شاف المقابلة مع بشار عبدالله؟

صج فشلة، ناديا صقر و محمد المنصور لا من اسلوب ولا من اسئلة؟

انت يا ناديا بأي وجه حق تقولين لابطال المنتخب ان ما عندهم لياقة؟

محللة رياضية واحنا ما ندري؟ اشلون تستضيفون بشار و غيره علشان الشماتة؟

وين مشاكلهم؟ وين قضاياهم؟

بشار عبدالله وبدر المطوع وغيرهم ابطال الكويت وقدوة لكثير من الكويتيين.

الاسلوب و الفهم ومهارة الحوار مفقود...فهمنا... بس وين على الاقل الادب واحترام الضيف؟

ناديا صقر و محمد المنصور مأساة كل الاحد الى الخميس الساعة العاشرة و نصف مساء.

فشلتونا و فشلتوا الاعلام الكويتي.

فريج سعود said...

احسن شي ان في نهاية البرنامج توقف نادية على درية وويوقف المنصور على الارض علشان العدالة بالطول
وتقديمهم الي يلبط تقطيع على الضيوف

العرزالــــــه said...

لأ

Q80MINI said...

صارلي موقف مع التعليم العالي من سنتين بخصوص الجمع بين الدراسة والوظيفة

رحت افتح ملف جان تقول الموظفة مايصير تقدم لأنك موظف
قلتلها امبلى اقدر لأن قرار المنع ملغي من فترة
واهي مصممة ان انا غلط واهي صح
نادت مسؤولتها
جان تقولي نفس الكلام
مايصير تقدم عالدراسة وانت موظف
وتطلعلي نسخة من قرار منع الجمع بين الدراسة والوظيفة
جان اطلعلها نسخة من قرار الغاء المنع بتاريخ احدث من اللي عندهم
الحمدلله ان كان عندي نسخة من القرار

لكن المساكين اللي ماكانوا يدرون عن الغاء القرار شنو ذنبهم؟

Anonymous said...

أقول زين يسوي البلبل الغبي، "الطليعة" كانو يسمونه المردم، زين يسوي ينتقد الحكم الغريب، بس السؤال شراي المردم بقرار لجنة التحقيق في بوقات معزبه؟ وإلا هذي تصير وذيج ما تصير.
يالله خنشوف موقف الطبل (كثرت الاسامي ومو ملحقين نوصف غباءه).

Anonymous said...

ما فهمت تقصدين الغباء فعلا والا البغاء

Anonymous said...

الموضوع صار فوضى والكل يتكلم والمساكين الي ما يدرون شالسالفه ضايعين بالنص ,, ما علينا المهم التعليم العالي يقولج وانا مقدم لهم على البعثه طلع قبولي بجامعه معينه بامريكا وانا من اول المقدمين بس بعد اسبوع قالولي المقاعد امتلأت!!! شلون يا ولاد الحلال انا عندي كل الشروط و فوقهم كلهم بالمعدل ومقدم مع اول الناس شلووون؟؟ شنو الي صار ؟؟

جان يردون علي الرد الصدمه الي ليلحين احس ان ويهي صار نفس ويه مبارك بجرح الزمن لمن تطقه حياة الفهد :)

يمكن ظرفهم تبطل قبل يمكن ظرفك كان تحت !!!! شلون يعني اذا واحد قلب الملفات الي فوق تروح عليه؟؟

بس الحمدالله على كل حال خيره (الكلمه الي تسمعها حتى لمن تموت , يا جماعه مت اي خيره عادي :)

سؤال: ليش بالافلام المصريه لمه تطق الباب على واحد بالليل يبطل الباب وبعدين يربط روب النوم ؟؟ شنو يعني يبي يورينه انه كان نايم؟؟


بهاما ماما واقطع

bader said...

على طاري الروب
عندي ولد خال قزرها من البيت الى المدرسة وبالشهر مره يروح مطعم قيصر كنت بيني و بين نفسي معطيه مسمى "مو شعبي" يعني ما يعرف يتكلم نفس الشباب ولا محتك فيهم وايد وصج ان شعره ناعم بس الله ستر أسمر و خشمه كبير
بعد زواجي بسنة عزمني مع زوجتي و عزم اثنين من ربعه مع حريمهم دخلنا بيته ولا ولد الخال لابس بنطلون و قميص و كرفته و فوقهم روب
يكون يعني محمود ياسين :)