وهم تــحــديــث
***************
وصلني مسج من كويت نيوز
النائب الطبطبائي سأستقيل من المجلس إن لم يصلح الطويل الصحة خلال شهر
مادري ليش ذكرت جملة طارق العلي بسيف العرب
ترى والله أثوّر بنفسي
:)
تــحــديــث
***************
في شغلة حارتني وماعندي موضوع يديد
قلت أقولها هني
الطبطبائي معطي مهلة حق وزير الصحة شهر وبعدين يوريه وجه آخر على قولته
أنا اقول شرايك تعطيه ربع ساعة مو احسن؟؟
إنت إمسك الوزارة ولك سنة
وعدلها شرايك؟
إي على فكرة ترى أنا بس قاعده أعلن عن الاعتصام وماني من المنظمين
لـلــحـــريــة
السبت ، 17 نوفمبر 2007
اعتصام مفتوح
الساعة 6 مســـاءً
رفضاً للرقابة
دعماً للحريـــــــة
ساحة معرض الكتاب/مشرف
اشعل شمعة واترك توقيعك
مشاركتك موقف وطنــي
وهم
25 comments:
انشالله
بس من ذا الذي مسوي هالاعتصام؟؟!!!
انشاالله نيي بس بالاول خل يعطونا فجه نشوف المعرض يمكن مافيه كتب ممنوعه كثيره!!
ماكو مشكله خل ناخذ اذن من المره ونييكم
((من الحين سكانه مرته)) ;p
=D
يايين إن شاء الله
جهد مشكور
بس يبيلنا نضغط على النواب لإحضارهم للاعتصام لأن التعديل المطلوب على القوانين لازم يمر من مجلس الأمة .
ادارة الرقابة بوزارة الاعلام جهة تنفيذية ولا تملك تعديل أو مخالفة القوانين .
مجلس الأمة هو الجهة الصحيحة للضغط في مثل هذه الحالات .
دوامي يخلص 5 بس احاول ايي
جود لك
اتمنى من وزير الصحة ان يعمل اي شيء بالوزارة ويحاول ان يصنع المستحيل قبل انتهاء مهلة الشهر لاننا بصراحة ما نبي نشوف هالوجه الاخر الوجه الحالي والله يزيده فمابالكم بالاخر
أرت
مادري من مسويه
شفت الاعلان عند عاجل وأثورس
وكفو على المره من الحين
:)
سدرة العشاق
ان شاء الله
بوبدر
عدل كلامك
مطقوق
ان شاء الله
فريج سعود
صدقت والله هالويه كافي
:)
لا الصراحة الطبطبائي ذكرني بمسرحية انتخبو ام علي لما يقول : سنع وزارتك احسلك
واهو مايدري شسالفة
وبالنسبة للاعتصام
will be there :)
ابتلشنا بلشه فيهم
لام نضغط على النواب لحضور الاعتصام...و لنضع اسماء من وافق، و نضع اسماء من رفض في قائمة تنشر في المدونات
!
و اطلب من وزير الصحة انه ما يعدل الوزارة هذا الشهر..عشان يستقيل الطبطبائي...ارجوك يا الطويل خورها لنتخلص من هذا الانسان الذي غفل عنه الزمن منذ العصر البليستوسيني
اولا الاعتصام فكرة جيدة
تستحق الدعم
ثانيا موضوع الطبطبائي والطويل
هو محاولة لتجيير اي عمل ايجابي
من الطويل في الصحة للطبطبائي
بالمصطلح السلغي والسلفي العلمس
سرقة الاعمال الصالحة !!!!
ان شاء الله نتمكن من حضور الاعتصام :)
وأعتقد أن هذا الاعتصام أقيم في السنوات الماضية الأخيرة كنوع من التعبير على رفض الرقابة ..
تحياتي
الاعتصام زين
الطبطبائي ما زين
وانشالله يستقيل
بس ما اظن
ايظن ان بنصدقة
يبه لو فيه خير لاينزل الانتخابات اليايه بو الاستقاله وخل يتفرغ حق الشواطئ وايد احسنله .. بس لايغرق ويبلشنا مثل كل مره
--
والاعتصام باذن الله راح نكون على الوعد
i always wonder why is he still there?!
i mean why do they allow him to do all the crap he is doing? Is there anything they are trying to hide by using his silliness?
الطبطبائي قال عطوني اسبوع أعدلها
حتى ربنا اللي أمره بين الكاف والنون بنى الكون في ستة أيام
والحبيب بعدل مشاكل الصحة باسبوع
وووي ابركها من ساعه كلللللللللووووش استقيل وفكنا علقل نفتك من احد ممثلين طالبان بالمجلس
Judy:
LOOOOOOOOL!!!
I love the comment!! LOOOOOOOOOOL!
"his silliness" LOOOOL!
العزيزة بيت القرين
إن لم يصلح الطويل الصحة خلال شهر يعني إذا ما شال وكيل الوزارة عيسى الخليفة، والا لو رادة على الطويل ووزارة الصحة حتى 10 سنين ما يسنعها والطبطبائي يدري
:)
وعشانج هم لأ
الطبطبائي شيبي بالضبط؟
وأما عن الإعتصام، فأنا ما أحب هالسوالف ولا أءيدها .. لأنها تسوي بلبلة بالديرة على غير لزمة..
وبيت القرين، ليش مو أهو قصده يطب فيج علشان تشهرين بمدونته عندج وتعلنين عنها؟ :p
ترى أتغشمر! ما يحتاي ترد علي بتدوينة بمدونتك!
اتوقعون يسويها و يصير احسن منا......؟!؟!؟
اهو بكلتا الحالتين حط خط للمشوار، ان ما استقال بيصير قبلة للطنازة و الضغاط في الكويت و راح تأثر على تاريخه البرلماني، و اذا استقال، فكنا من ويهه لكن بالمقابل راح يصير بطل و يمكن الناس تنسى غرقته......!!!؟
بكلتا الحالتين احنا راح نستفيد، بس الدقة منو راح يدخل بداله......؟!؟
صج هالحجي انه مانعين 80% من الكتب المشاركة بالمعرض......؟!؟
ok, bnkoon mawjoodeen
La2
Shbabeek
ممكن توضحين بليز؟
شلون تسوي بلبلة؟
و شلون من غير لزمة؟
شكراً
dear kuwait
هم تركب
حمودي
اي والله
عنتروسي
شدعوة بتتصلح بشهر
خل يورينا شلون يستقيل
أنو
هذي ما فكرت فيها
بس والله كلامك ممكن يبون يجيرون الاصلاح لصالحهم
بشار
يا ريت يفيد فيهم
مطرب
هذا الميدان يا وليدان
سكاي
خنشوف شيبي يوصل له
judy
who r they?
فتى الجبل
عندنا سوبر مسلم وهالمرة سوبر طبطبائي
:)
وطن النهار
اي والله وانت صاج
بروفسور
اي همّه كله عيسى خليفة
شبابيك
ليش مالها لزمة
اتوقع انها مفيدة
exzombie
عبدالله معيوف ما يبيله بعد
:)
وبالنسبة للكتب ما أتوقع توصل ليما هالنسبة
أنو
إن شاء الله
خالد
حتى انا أبي توضيح
المشكله ان الحريه مو بالكتب بس ولا بعدد الكتاب ... المشكله بالعقول الوطنيه الي تطمس امام ناظرنا .. فهناك العديد من العقول الشابه التي تحتاج الى الدعم ولكن ما من منادي .. فامتلأت الصحف بكتاب شباب لا يكتبون الا لسد الفراغ والتهليل والتطبيل للصوص البلد.. فما ذنب الشاب الذي لا يستطيع ان يجير قلمه لاحد وماذنبه ان الصحف لا تشجع الكوادر الوطنية الشابه وماذنبه وهو لا يفقه شي بالشبكه العنكبوتيه ... سوف تجدونه يتكلم ويدصح بالدواوين والكل يكون مشغول بالبلي ستيشن او الكوت ....
اللهم لا اعتراض
Post a Comment