29/11/2007

أظن فلّت

حاطين استفتاء الوطن من الاسبوع اللي طاف على امل تطلع نتايج تعجبهم عن الدائرة الوحدة وطبعا ليما الحين ما سكروا الاستفتاء عشان النتايج ليما الحين مو على هواهم

وعشان لا يغشون بالنتايج مثل ما سووا من قبل مع استفتاء شركة الوطنية للاتصالات انا احط لكم النتايج مالت 12 ونص الظهر يوم الخميس 29-11-2007

اللي يؤيدون الدائرة الوحدة على الخمس نسبتهم 70.53% وهذا شي جدا طبيعي ومو عجيب

عدد الاصوات اللي تمنح للناخب
صوت واحد يؤيدونه 25.46% لتحارب الحزبية على قولتهم

أربع أصوات 22.53% بالمركز الثاني

صوتين مثل ما يبون الوطن 17.02% بالمركز الثالث

السؤال اللي كاسر ظهرهم اهوا السؤال الاخير عن السبب اللي يدفع النواب للمطالبة بالدائرة الوحدة

نسبة 53.04% يقولون لأنهم اكتشفوا ضعف موقفهم بالخمس

لأن الدائرة الوحدة تقلل من الفساد يابت نسبة 34.58 % من الأصوات

والإجابة اللي يبونها الوطن لرغبة صادقة في ترسيخ الوحدة الوطنية يابت 12.37% بالمركز الاخير

ننقل الارقام عشان نمنعهم من التشلخ

طبعا مو هني الموضوع

تدرون ان محل
guess?
اللي بمجمع مريم بالسالمية

مكتوب بهالشكل
سوق جس المركزي
يحسسوني انهم يبيعون خيار
:)

الصراحة يكيكي
ذبحني و بط جبدي من كثر ما يتكلم عن الفقارة

AGUN FOR HIER

هذي يكيكي كاتبها بأحد
مقالاته

إحترت بمعناها بعدين استوعبت إن قصده

مصطلح يقصد به المرتزقة الذين تم استئجارهم من قبل بعض الدول لخوض الحروب بالنيابة عن جيوشهم النظامية

راح اخلي اللي يعلقون يعلمونك شلون تكتبها

مو تفشلوني
انا قلت اطوف له واسكت عل وعسى يتأدب

بس الظاهر تصور ان السكوت يعني ما عندي شي عليه

لكل من يتعشم خير بهالمحامي نصير الفقراء

خل أعطيكم معلومات عنه يمكن يتوب ويسكت

عنده رنج روفر ب 20 الف وعنده جاكوار ب 11 الف سيارتين حقه اهوا غير سيارة مرته

يتقاضى 1000 دينار شهريا من الكتابة عند الحرامية

حملته الانتخابية بانتخابات 2006 تكلفتها 70 الف دينار قبل لا يكتب بالوطن يعني بدون معاش المعزب

يبني بيت بمنطقة البدع حاليا

محامي لشركة تنظيفكو

بس مع هذا فقير المسيكين

عن الهذره الزايده

تكلمت عن ان في بوقات وكشفناك

تكلمت بلسان الشباب وصرت نصيرهم وهم كشفناك

وهذا انت تكتب للفقراء على قولتك وهم كشفناك

شتبي ذبحتنا تشلخ

وهم مو هذا موضوعي

ليما الحين محد قال لي شنو بداية حريجة مريجة في مدرسة خديجة ترى والله صج ابي اعرف

يقولون بصفحة الرياضة وبمانشيت رئيسي

محضر العمومية يدين المعايير رسمياً بخرق القوانين المحلية

المعايير اهما ثلاث اندية كاظمة والعربي والكويت مثل ما شرحت لكم بموضوع طاف

بس الحلو شيقولون

لان الفرسان اصبحوا مارقين على القانون المحلي حالهم حال الجميع

الفرسان مقصود فيهم اندية المعايير

لكن الجملة وايد حلوة ان جريدة الوطن تعترف ان 11 نادي فيهم شيخين طلال فهد الاحمد الجابر الصباح ولد اخو الامير وخالد اليوسف الصباح

شيخين واحد فيهم حفظه الله ورعاه يرأس عشر اندية

يالله مو شناطرين محكمة على طول

واذا صج المعايير نفس الشي وياهم على المحكمة مخالفين قانون الدولة

يالله نبيهم ورا القضبان واولهم كبيرهم الذي علمهم

ابي احمد الفهد مو قال راح يحل المشكلة

وينه؟؟

وثاني شي سمعت ان اندية التكتل يجتمعون باسطبل

خل افهم بس شغلة

اسطبل بالافلام يصير شبرة عوده وفيها غرف صغيرة مثل الكباين

كل كبينة فيها حصان

يعني اهما وين يجتمعون بالضبط بفهم؟؟؟

وهم مو هذا الموضوع

صج نادية صقر مو كويتية؟؟؟

ندش بالموضوع

الحين خرق القوانين عادي والدليل سالفة الرياضة

فرض الحجاب على الشرطة النسائية

حفظ قضية الناقلات

المطالبة باسقاط القروض ويمكن تطيح

فصل التعليم بالمدارس الخاصة

منع الكتب بمعرض الكتاب

مطالبة الطبطبائي باقالة وكيل الصحة لأن شيعي

تعيين محمد عبدالله المبارك لمتابعة الاداء الحكومي ومن يتابع اداء محمد مادري

الحركة الدستورية ما حددت موقفها من استجواب الجراح ليما اليوم

التعامل مع جريدة الحرامية سواء بالعمل معاهم او التعاون معاهم حتى من الناس اللي مفروض وطنيين

ما عندنا وزير نفط بدولة نفطية من شهر 5 اللي طاف على قولة
عاجل

بورمية نائب

وسعدون حماد يقول عن المكلسن والاعلامية سرقة العصر

راعي الفحماء متحدث

المثقفين والمتنورين الكويتيين ما يتحركون الا كردة فعل مثل الدوائر والرياضة

يعني ما يبادرون بشي

مادري بس اظن فلّت الديرة وصارت سايبه

وعشان نقدر نعيش بهالارض

شرايكم نسوي غزو وهمي يعني التلفزيون يعلن ان صار غزو

واللي يطلع يقعد بره خلاص ما يدش

والصامدين يظلون

اراهن ما يظل 100 الف بالديرة ونبدي من يد ويديد

ونسميها سياسة العودة

على قولة سعد الفرج بحامي الديار

اذا ما نتحرك الحين ما اظن يمدي نتحرك بعدين

ماكو احد يدعونا للتحرك

اخاف ادعو انا واكون بروحي
ويطيحون علّي وبعدها يودوني أمن الدولة
بس ماعندي خمسين فلس عشان اكتب كنت هنا من اجل الكويت
مثل ما سوّا بشار الصايغ

20 comments:

فتى الجبل said...

ليش الوطن مسوين استفتاء؟
لا يكون خليف والا أبوه برشحون نفسهم حق الانتخابات
ترى كل شي يصير

AnGlOpHiL said...

الله يفرجها



شنو 50 فلس...كتبيها بالدم ;)

فريج سعود said...

عندي له صورة يا دانة انما ايه شي حلو بس ما راح اعرضها لاني انا فيها
وتاريخها يعود لي 17 سنة
لي منتجتها افكر اني اعرضها
طبعا يكيكي

العرزاله said...

ايييه

والله يبتي الحل ييب

يبيلنا غزو ثاني

ارحم لنا من غزوهم

وهم وهم وهم مايو

قصدي وهم فسروها على كيفكم

:p

ديرة بطيخ said...

50 fils

:)

salam

Bo Jaij said...

شغلة الإستفتاءات فكاهية

هل هناك ضمان..أى ضمان بأن المشاركين بها هم من المواطنين و ليسوا المقيمين؟؟

يعنى إمية ألف مصرى يقدرون يقلبون نتيجة أى إستفتاء إذا ما تم (تشجيعهم)...معلش مع إحترامى للأخوة المصريين

و بعدين الوطن بأى صفة إتسوى الإستفتاءات؟ هل هى مؤسسة متخصصة محايدة قادرة على قياس آراء الشعب - كل الشعب

من هم قراء الوطن ..هل هم كل الكويتيين؟

معلش بس هالخرابيط يجب أن نتجاهلها لأن إستفتاءات بو مريوم عن لباس البيت و أكل التشريب ..أدق و أهم من أى إستفتاء يحطه فؤاد الهاشم و هو قاعد يكسر ثلج



إخذيها قاعدة بس يبدى كاتب مقال بالبكاء مثل (ريمى) أو (بشار) على الفقراء و صعوبة أحوالهم المعيشية...تأكدى بأنه إستلم من المعزب (البونص) ...و قاعد يزهب الدوه قبل الفلعه



هابى ويكند

Anonymous said...

A GUN FOR HIRE

Anonymous said...

A GUN FOR HIRE

Eng_Q8 said...

انا اعجبتني سياسة العوده لان مو بس الشعب الي راح يتصفى في ناس ثانية بعد راح تتصفى

aziz said...

eff el bloggat etyeeb el marath elyom .
youba 7argin e7arighom kelhom. ezgom fe ba6inhom. shako feehom? etha hammatkom haldeera sawwo shai bas mallait garga. etha matabon tsawon shai eklo zift o sikto. lanto awal nas ebtaklona wala ento a5ir nas. o hal7aramiya mn akbar ras leen a5ir thail shino ma9eerhom? JAHANNAM Bye7targon feeha o ebyetgallibon feeha 3ala eb6onhom with'horom.

EFFFFFFFFFFF

Anonymous said...

aziz

شنو اضفت انت للقرقة غير القرقة الزايدة؟؟

اصحاب بعض المدونات يقومون بدور توعوي مهم جداً، خصوصاً للشباب، و هذا هو جزء من دورهم في العمل

انت شنو سوّيت؟

هذا السؤال اللي لازم تسأله يا عزيزي

بو يوسف said...

كان في بطة

على المحطة

ستين دينار

يت المطافي وصوصت طوط طوط

حريجة بريجة في مدرسة خديجة

قبقاب على قبقاب في مدرسة المرقاب

!

:)

حريجة بريجة، مو مريجة يا دانة يا عتيجة

!

:)


الصراحة انا بديت اشك ان بيت القرين من اساسه هو مشروع دعاية انتخابية لنواف الفزيع! ما يحلم باكبر من الدعاية اللي بيت القرين مسوية له! من سمع في هذا النكرة قبل بيت القرين؟؟

و ليش معطيته هذا الحجم اللي هو اكبر من حجمه بكثير؟؟؟

و الله، و الله بديت اشك..مو غشمرة
!

و اخيراً..ما اصدق ان هذا المتخلف كان يقصد

A Gun for Hire?!

معقولة الى هذه الدرجة متخلف؟؟؟

عجزت اقولب فيها ليما استوعبت قصده!! مو معقول! فقط في الكويت محامي و كاتب مقال لا يعرف القراءة و الكتابة
!

العرزاله said...

على موضوع القروض

شئر علينا

حمودي said...

اي يحليلهم انا استانس على استفتائاتهم تضحك

DiLLi O MiLLi said...
This comment has been removed by the author.
DiLLi O MiLLi said...

اللي بمركز مريم موو
GUESS ... The Franchise
عشان جذية كاتبينه بهالطريقة

اللي فرنشايز موجودين في
المارينا
سوق شرق
والأفينيوز

بيت القرين said...

فتى الجبل
هذيل عندهم أبواق تنزل بدالهم بس يبون يعرفون شلون يقدرون يفوزونهم

أنجلو
ما عندي ابره عشان يطلع الدم
:p

فريج سعود
اي منتج وورنا سريعا

العرزاله
وهم لأ

ديرة بطيخ
وعليكم السلام
:)

بوجيج
طبعا الاستفتاء كله كلام فاضي
بس يعني صوت الشعب يعني
:)

أنو
يا سلام عليك

مهندس
منو ترى ما فهمت؟؟
اشكره استهبل مو؟

عزيز
صح كلامك لازم نسوي شي بس مو الا تسبنا الله يهداك
اذا تحركنا انت معانا؟

أنو
صح لسانك

بو يوسف
يا سلام عليك
احسن رد ردك
بس شنو يعني بريجة؟
اذكر كانت بحرف الميم
بس يمكن معلميني غلط

والممتع بجريدة الوطن ان تلقى كل غرائب المجتمع ومنهم يكيكي

حمودي
لا ومساكين ما مداهم يجذبون
حطوا النتايج اليوم الثاني ومو على هواهم

دللي
جايز
بس نفس البضاعة ؟؟

شيثم said...

إستفتاءات الوطن دائما فاشله

adel said...

إستفتاءات الوطن دائما فاشله

Eng_Q8 said...

mo :p