03/11/2007

أمل


شبّت.. بين الرئيسين


هذا مانشيت الوطن اليوم

انا أقول ليش ما حطيتوا هالصورة يم المانشيت

او أحسن بدلوا شعاركم وخلوه جذيه


***
معدنك طيّب

الصرعاوي بمدحه بس موضوع ماله شغل باي شي ثاني

شنو أول مرة تدشون بيت القرين؟؟؟

وهذي الفاصلة عشانكم

*****

يا شعب حدس المعظم

ليما الحين ما حددتوا موقفكم من استجواب الجراح

وما سمعنا حسكم على تفريغ الدستور بالتدوير

ولا طلع لسانكم على تعليق اتحاد الكرة

متى ناوين تتكلمون؟؟؟

***

أمل
سمعنا فيه
وما حصل

عدل؟
وين العدل؟
وذاك اللي نهبني
بفلوسي قام يسبني
ويتهنّى
وين أقدر أشتكي منّه؟

وين أقدر أقول ظالم؟
سرقني وربي العالم
أمل؟
راح وذبل

خلاص قررت انا أنهب
ببوق فلوس الناس
وبأموالهم بلعب
وبفتح لي جريده
ومن يشتم أقص إيده

وبمدح كل شي فاسد
ومن يفضح بقول حاسد
واذا زادت التشيله
وطاحت ريلي بغيله
بسبهم سب ما مثله
وأجرّم هالوطن كلّه

وإذا طلعوا الأوراق
وقرّب قطع الأعناق
بنطر حكمي المعقول
ما كفّتهم الأدلّه

وأخلّي غيري يردد
أمل
سمعنا فيه
وما حصل

شكرا على الإبداع

13 comments:

ZwaiZ said...

sa7 elsanich

Bad-Ran said...

والله هزني الشعر

........

شكو صورة الصرعاوي !؟

Anonymous said...

ما فهمت

شكو الصرعاوي؟

Ghandi AlsharQ said...

الشعر وايد قوي و تلون حدس السياسي

و نفاقهم مكشوف من ايام انتخابات

الرئاسه و ترددهم واضح

بس انا اضم صوتي مع اخواني

شكو الصرعاوي ؟؟؟؟؟

Bashar said...

أعتقد صورة الصرعاوي للمقارنة بين هذا الرجل الوطني وبين حدس ..

والا شكو صورة الصرعاوي !

تحياتي

كــويـت الـيـوم said...

فعلا شكو الصرعاوي

Mohammad Al-Yousifi said...

الصرعاوي رجل

فتى الجبل said...

اللي يبي يبوق خل يبوق ملايين
اببوق الملايين تصير من أكابر البلد
واببوق الفتافيت تصير حرامي وغبي ومصيرك السجن

ديرة بطيخ said...

aaaaaah yal qahar...

wadoony elba7ar...

9a7 elsanich

العرزالــــــه said...

حدس

من استغلال السياسه لأجل الدين

إلى

استغلال الدين لأجل السياسه

وكاسك ياوطن

bo bader said...

وأزيدك من الشعر بيت مثل ما يقولون

وين موقف حدس من اللعب بفلوس الأوقاف ؟

ما يجاوبون !!

لأن حدس غاطسين لي روسهم بالخمبقة مع المعتوق بالاوقاف !

إذا واحد فيه خير منهم يقول ان هالاسامي مو من ربعهم - وكلهم مذكورين باستجواب المعتوق كمشاركين بالتعديات المالية :
بشير الرشيدي
بدر الماص
أحمد الذايدي
جاسم شهاب
عادل الفلاح
وطبعا كبيرهم
عصام البشير
‏=‏======

أرد وأقول اتحدى اذا واحد من قيادة حدس يقول هذول مو من ربعهم

أما عن الانسان بأخلاقه العالي والعملاق بمواقفه المبدئية عادل الصرعاوي فأقول للي فكر يقارنه بحدس :
أين الثرى من الثريا ؟

خوش بوست ، مشكورة

Anonymous said...

والله و النعم بالصرعاوي و ست انعام!

يرفع الراس!

يعطيج العافية ست دانة

بيت القرين said...

زويز
مو كلامي
:)

بدران - حمد - غاندي -بشار -كويتي

شرحت شكو الصرعاوي

مطقوق
طبعا

فتى الجبل
اي والله

ديرة بطيخ
البحر ما يفيد للأسف

العرزاله
عين الصواب

بوبدر
هذيل حدس وهذي خلاجينهم

بوناصر
يعافيك ويسلمك ويخليك