30/06/2007

الوطن يوم السبت 30-6

ماكو شي يسوى وايد بس نرد حق يكيكي بعد إنقطاع لأن المسكين محد معبره فاليوم يقول بأول جملة من المقالة

لا أدري رئيس الحكومة من يستشير.. ولا أدري لمن يقرأ

مسكين حده محتر محد يقرا له من أصحاب القرار

على فكرة عرفت إن يكيكي كان مرشح بالدائرة الثامنة بالإنتخابات اللي طافت وكان شعاره

علشان الكويت وأهلها

تخسي إنت تمثل الكويت واهلها

وعرفت بعد إن وقف مع مرشحين جمعية مشرف اللي كانوا يقولون حق الناس لا تصوتون حق الشيعة لا يفوزون بالمنطقة

مالت عليك وأبي اشوف شلون تفوز هذا اذا فكرت تنزل مرة ثانية أصلا

إي صج مبروك عليك الرنج روفر والجاكوار بعد

:)

وعلامي شبيت عليه؟؟؟؟

المهم

يكيكي يقول


هذي جملة من اللي كتبهم أول شي خشوها الحين عشان برجع لها

ولكن فلنحترم كلام هؤلاء النواب والذين يمثلون شريحة من الشعب، وبالتالي آراؤهم ليست شخصية

مو تنسونها برجع لها

ولكن شخصاً محترماً مثل الأخ دعيج الشمري، لا يمكن ان نتوقع منه هذا الكلام علشان خلاف شخصي ومع احترامي لهذا المسؤول من يكون حتى يدخل في خلافات مع عضو له ثقله السياسي بشخصه وبانتمائه لتيار يشغل مساحة واسعة في الحيز السياسي الكويتي

دعيج الشمري محترم؟؟؟؟

وعضو له ثقل سياسي

دعيج الشمري له ثقل سياسي؟؟؟؟

صج على طاري دعيج شنو سالفة حرف الدال معاه قبل جم سنة؟
مو مهم خنكمل

ولا دخان يارئيس الحكومة من غير نار، لقد وقفت ودافعت عن المسؤول في مؤتمر صحافي، بينما لم نرك عن من سب أبناء عمك ووصفهم بالحرامية والنكرات ولم نر لك مؤتمراً صحافيا مدافعاً عنهم

شنو هالكلام الفاضي

شنو هالنزعة وتعصب الجاهلية يعني

انا وبن عمي والفزعة يالربع

و الزير سالم أبو ليلى المهلهل
سالم لا تصالح

هذي الدولة اللي تبيها يا محامي

فزعة عيال عم وهالخرابيط

وثانيا شيسوي رئيس الوزراء اذا عيال عمه حرامية اللي هم اولياء نعمتك
خنكمل بعد

ويشهد على حكومة ضعيفة، ترمي وزراءها في أتون المعزب السعدون وصبيانه

لاحظوا شنو الجملة اللي قلتلكم خشوها ببداية المقال

لنحترم النواب وهم يمثلون شريحة من الشعب

وبعدين اللي خالفوك لقبتهم بصبيان السعدون وهذي اهانة للشعب اللي إنتخبهم

يا بو إحترام إنت
ويزيد

أكو مسلم يرضاها نطلع صورته بقعدة مثل ما سويت فيهم؟

السؤال مو جذي يالمينون

أكو مسلم محترم دينه يروح قعدة؟
وأخيرا أعلن غيفارا

النظام تحت سيطرتهم ومكتبك تحت سيطرتهم بس أهل الكويت روس أحرار، تعصي عليهم وإذا تخليتم عن مواجهتهم، والله أقسم لكم الشعب ماراح يسكت!! ترى محملنا طبع

تكفه يا يكيكي ورنا شبتسوي تكفه إطلع الشارع

وانا أراهن إن راح يصير فيك مثل ما صار بشجرة الدر

:)

4 comments:

Mohammad Al-Yousifi said...

عجيب يكيكي

دلن دلن دلن

بيت القرين said...

عجائب الزماني للزعفراني كلها موجودة عند هالجريدة

:)

nEo said...

هذا بوست يجب ان يدرس !


عجييييييييييييب

بيت القرين said...

neo

3ala eedek yallah :p