16/06/2007

جريدة الوطن يوم السبت 16-6-2007

تحديث
جمال العمر وكتلة السلف مع الإستجواب
نبي طرح الثقة بالإجماع
هذا إذا وصل للإستجواب
:::::::::::::::::::::::::::::::::::::::::::::::::::::::::
طبعا طبعا اللي ببالكم صح

الوطن متألقين

والظاهر هذي عادة كل يوم سبت

:)

الصفحة الأولى
مقابلين يهودي كموضوع رئيسي

لان مثل ما إنتوا عارفين ماكو شي شاغل الكويت اليوم إلا يهودي يقول إسرائيل غلط

ماكو إستجواب كل يوم يزيدون مؤيدينه وعلى قولة جريدة الجريدة كرة ثلج قاعدة تكبر

فماكو الا صاحبهم اليهودي يقابلونه

المهم كل الجرايد اللي قريتها منزلة إن فريق مؤيدي الإستجواب زاد ثلاث أعضاء بورمية وراعي الفحماء والعجمي

يعني
القبس والانباء والراي والجريدة والسياسة بعد ومادري عن الوسط وعالم اليوم

لان وايد وما يمدي أقراهم

إلا جريدة الوطن قالت إن
الجراح يملك الردود

يعني مادري يقصون على منو

وعلى قولة ام صدّه وزير الحرامي طار

هاردلك يا سوبرمان "الإسم الحركي لعلي الخليفة" على قولة محمد الصقر

وبعدين نروح على صفحتي المفضلة اللي ألاقي فيها دايما وأبدا خوش حجي

نبيل الفضل القلم الجرئ
شكاتب

اهوا راد على مقالة واحد إسمه سعد المعطش"مادري منو هذا" بس المهم بالرد يقول عبارة تبين الهدف الأسمى لنبيل وعلي بابا وولده وفؤاد ووليد ونواف وغيرهم من الأبطال

يقول عن المعطش هذا

ولا هو أخلص للكويت من نبيل الفضل والآخرين الذين يطالبون بحل مجلس الأمة إشفاقا على الكويت وخوفا على استقرارها السياسي والاجتماعي

إذا إنت مخلص للكويت شبقى بعد

اذا انت ياللي تدافع عن سوبرمان مخلص مانبي الإخلاص

تبي حل المجلس

ونعم الديمقراطية ونعم الدستور اللي تؤمن فيه

نروح حق يكيكي نواف الفزيع

يكيكي كاتب
مقالة اليوم عن صفقة بتاريخ 25-2-2002

وأبطالها حامد خاجه وعبدالله حمد الصقر

المهم إن الصفقة مخالفة على حد تعبير يكيكي

بس السالفة مو جذي السالفة إن يقول شي مهم وإهوا إن

تجديد اتفاقية مركز الكويت للاتصالات تم بعد اجتماع الوزير السابق اسماعيل الشطي مع النائب محمد الصقر

يعني إسماعيل الشطي مشى شغل الصقر هذا اللي يبي يوصله نواف

وطبعا هذي الجملة عليها 90000000 علامة إستفهام

إسماعيل الشطي مشى شغل الصقر

مع إن الصقر يبي الشطي بره الوزراة

وعلى قولة نواف إن الحكومة الحالية تشكلت من العمل الوطني ومافيها الشطي

والشطي حركة دستورية اللي كل يوم الصقر يسبهم وآخرتها هوشته مع ناصر الصانع

بالذمة هذا كلام يدش العقل

بس دام إنك يكيكي وحامي المال العام وينك من 2002

بس دفاعك بالضبط مثل دفاع يكيكي اللي ما خلى أحد يدافع عنه إلا وقطه ورا الشمس

طالع مسلسل العتاوية
:)

بالمحليات حاطين
صفحة كاملة عن المدينة الإعلامية والصقر وطبعا حاطين كتب خطها صغير ومحد يقدر يقراها وبالانترنت مو حاطين صور هالكتب

المهم على رغم من إنهم صفحة شكبرها و مهاجمين الصقر إلا إنهم ما قالوا شي مهم
السؤال حق الوطن

هل خصصت أرض للمدينة الإعلامية أو لأ

الإجابة عند المحرر السياسي اللي مو كاتب اسمه

:)

هذا اللي عندي اليوم بس تعبت




3 comments:

بوصالح said...

السلام عليكم

مشالله مباشر جريدة الوطن :)

عساك على القوة إنشالله .. و حيلك فيهم

kila ma6goog said...

yakyakeeeeeeeeeeeeee

loool

بيت القرين said...

bo 9ale7

el moshkela kil ma agool yemken arta7 b yoom algahom nashreen '3aba2 akthar men elly gablah :)

ma6goog

layeg 9a7?
:)