27/06/2007

الوطن يوم الأربعاء 27-6

حاطين بالصفحة الأولى موضوع صغير بعنوان سؤال برئ

طبعا ما لقيته عالانترنت

المهم سؤالهم يقول إن مسلم البراك قال بالإستجواب إن إذا الواحد اذا كان عنده مشاكل أخلاقية بينه وبين نفسه ومو من أموال الدولة فهذا حسابه بينه وبين ربه بس إذا من أموال عامة تكون مشكلة

وبعدين يقولون إن مسلم قال جذي لأن يبي يفتك من أي هجمة من علي الجراح عليه بخصوص شقة بالبلاجات

يعني الزبدة إن مسلم عنده شقة بالبلاجات ويمارس فيها ممارسات أخلاقية سيئة

حلو

الصراحة يعني أنا بعد ما عرفت هالمعلومة حسيت إن الإستجواب ضعيف
ومسلم ما عنده سالفة وعلي الجراح مسكين

وعلي الخليفة أمسكن (يعني مسكين أكثر) وإن الدولة مو بخير لأن مسلم عنده شقة

والصراحة لازم يقال من منصبه كعضو بمجلس الأمة

ولان مسلم عنده شقة فعلي الجراح لازم يظل وزير نفط
ويعطونه بعد نائب رئيس وزراء
و لازم جريدة الوطن تتوزع على كل بيت

وتتدرس بالمدارس

والتكتل الشعبي لازم يفل والعمل الوطني لازم يضمون سعدون حماد

و خلف دميثير يصير وزير (تخيلوا بس خلف وزير) وكل هذا لأن مسلم عنده شقة

وإحنا شكو بالذمة اذا عنده شقة ولا لأ

شكو إحنا إذا كان علي الخليفة عنده بار ببيته

أو إن وليد الجاسم عنده حفلة بمزرعة

أو خليفة علي الخليفة جنس ثالث

إحنا شكو

مالت عليكم وعلى طرحكم

نروح حق وليد الجاسم

اللي كاتب مقالة ينتقد فيها عرض الصور بالمجلس

يعني تقول بعنوان مقالتك إستر على ما وايهت

وبنفس الوقت تحطون بالصفحة الاولى إن مسلم البراك عنده شقة

والله تركب

وثاني شي يقول ما يصير تنحط صور مع إن لائحة المجلس تسمح بهالشي
اذا كان يكشف الوزير واللي يدور عنده بالوزارة

مو إنتوا نفسكم اللي حطيتوا صور مخيمات فيها بطول خمر
لما كنتوا تهاجمون وزير الداخلية قبل لا تنزفون من الأمير
الحين صار عيب

بس عجبني الصراحة وليد بهالجملة

المؤسف حقا بعد هذا الاستجواب وما سبقه ورغم الأداء الممتاز للوزير علي الجراح

يقول إن أداء علي الجراح كان ممتاز؟؟؟؟؟؟

وبنفس الوقت يقول

وتحتها بسطرين بالضبط

يقول عن الحكومة

اكتفت برؤية وزيرها وهو يُنحر على مذبح الاستجواب

طيب اداءه ممتاز قبل سطرين بس شلون ينحر مادري يتمصخر بعدين

صج أهبل وتستحق منصب نائب رئيس التحرير بالوطن

:)

2 comments:

kila ma6goog said...

يمكن متزوج متعة

لوول

بيت القرين said...

loool

shakla chethy :p