23/06/2007

جريدة الوطن يوم السبت 23-6-2007

شلونكم؟

حاطين موضوع عن واحد حاط ستكر عن حزب الله

وانا ما أحب حزب الله

بس إنتوا شكو مصورين سيارته ومادري شمسوين

اللي يسمع يقول بايق أموال الناقلات مو حاط ستكر

وتكلموا دام ما يصير يحط ستكرات ثانية عن اللي يحط شعار النازية ولا اللي يحط صورة غيفارا ولا اللي يحط اعلام دول مختلفة على سيارته

ولا يحط
Brothers

او عز العوازم وغيرها من السوالف

بالمحليات حاطين تجمع مهازل الأمة يقولون فيه إحذروا الاندية الصيفية

وما يطبقون منع الإختلاط

مع إن منع الإختلاط قانون خاص بالجامعة

وإحنا بدورنا نقول لهم إحذروا مهازل الأمة وتفريخ الإرهاب

وبصفحة الإقتصاد حاطين بيانات عن سرقات وتجاوزات يدعونها على عبدالله الرومي رئيس شركة الناقلات مو النائب

طبعا الكتب اللي حاطينها بخط صغير بس مع هذا قريتهم وما فيهم أي شي أو أي خطا وبإمكانكم تقرونهم وتعرفون هالشي

اللي عجبني صج

إن اللي كاتب الموضوع حاط إن إسمه

الباحث عن الحقيقة

باحث عن الحقيقة ومو مكتشف حقيقة جريدة الوطن ليما الحين

منو بيصدقك الله يهداك

ثاني شي المانشيت اللي حاطينه حلو
الوطن تملك وثائق تدين الحرامي

وإحنا هم عندنا رقم الحساب اللي يدين الحرامي

7730

بل وسباستيان كاتبين عن نفس الموضوع اليوم تقريبا

إيران وحزب الله

وغير اللي منشور عن ستكر حزب الله

وهذا شي يخلينا متأكدين إنهم يكتبون بكيفهم مو اوامر من الياهل

:)
باي

3 comments:

kila ma6goog said...

لوول

حلوة سالفة شعار حزب الله

ممكن الوطن يقولولنا شنو الغلط في ان واحد يحب حزب الله؟ أو يعلق شعارهم؟

ButterFlier said...

والله مشكلة بس إنت يا العرباوي الفوقي
راحت عليكم كركركركرك

بيت القرين said...

ma6goog

7ezb allah 6'ed el yhoodo hathy moshkelat el wa6an :)

o methel ma ygool butterflier
ra7at 3aleikom yal 3arbaweya :p