22/12/2008

عن الإستهبال



أكره شي الإستهبال

يوم 15-12-2008

أحمد اليوسف يصرح ان نطروا خمس ايام وراح ينرفع الإيقاف

معناته ان قايل التصريح بيوم 14-12-2008

والجرايد تنزل اليوم اللي عقبه

بيوم 17 -12-2008 بن همام رئيس الإتحاد الآسيوي لكرة القدم ناشد الفيفا رفع الإيقاف عن الكرة الكويتية

يعني قال التصريح بيوم 16-12-2008 والجرايد تنزله باليوم الثاني




بيوم 18-12-2008 راح أحمد الفهد عشان يقابل بلاتر رئيس الفيفا ويعطيه رسالة الأمير

والخبر كما هو منشور بالوطن ان يوم 18-12-2008 بو فهد راح يقابل بلاتر




يعني احمد اليوسف قال ان الايقاف راح يرفع قبل لا الأمير يطرّش احمد الفهد حق طوكيو بأربع ايام

وبن همام داز طلب رفع الايقاف عن الكويت قبل لا الأمير يطرّش الفهد بيومين

شلون النتيجة تكون جذيه؟؟؟؟

شنو يعني الفهد نجح في مهمته؟؟

ومثل ما يقول عبدالكريم الشمالي فيه وبليّاه كانت محلولة

وأقتبس هالفقرة من عاشق وطن حق اللي يحبون يدخلون أحمد الفهد بالسالفة غصب

أحمد الفهد هو رئيس الاتحاد الآسيوي لكرة اليد، وقبل عام تقريبا قرر الاتحاد الدولي حرمان الكويت من المشاركة في أولمبياد بكين في كرة اليد، ولم يتمكن الفهد، مع أنه يشغل منصباً قارياً مهماً، من إشراك الكويت في الأولمبياد، فكيف للبعض أن يصدق بأنه هو وراء رفع الإيقاف عن كرة القدم وهو لا يشغل أي منصب قاري في كرة القدم؟

9 comments:

guevara said...

دانه
الاستهبال حلو في بعض الساعات لان فيه اوادم يحبون من يستهبل عليهم
بس ما اقول الا خل نشوف منتخبنا اشبيسوي جدام سلطنه عمان والبحرين والعراق
رااااااح انتكسر

@alhaidar said...

عادي بالنهاية قعد تقول جريدة الوطن !!!

ولولا إن الموضوع فيه سمو الأمير الله يطول بعمره جان قلت كلام ثاني !!

bo bader said...

ربعنا بالكذب صكوا على :

http://en.wikipedia.org/wiki/Joseph_Goebbels

Mohammad Al-Yousifi said...

بزمن الفداوية

كل شي ممكن

لو يقولون احمد الفهد مكتشف الجاذبية الارضية هم اصدق

فريج سعود said...

ما يمكن علشان فلوسها

من مسرحية العيال كبرت

Yang said...

هم يبونه يصير بطل

Anonymous said...

ممكن تصريح الشيخ أحمد الفهد اذا كان هذا في تصريح له بأنه أهو اللي حل المشكلة ؟

حتى مطبلين بن همام ومنهم عبدالكريم الشمالي قال أنه بن همام هو اللي ساهم بحل المشكله ... ممكن تصريح بن همام اللي يقول فيه انه اهو اللي حل المشكلة ؟؟

أحمد الفهد و بن همام كلهم صرحوا في التلفزيون بأن رساله سمو الأمير إهي اللي حلت المشكلة .. يازينج وانتي ساكته خصوصا أنج معارضه أختيار الأمير للشيخ أحمد الفهد بأن يكون مبعوثه .. الزبده أنتي ضد سموالأمير وتستاهلين من يقطع اللسانك على هلكلام

Alia said...

المشكلة ان الاستهبال عيني عينك
ووايد ناس راح تقرر انها تقبل ان احد يستهبل عليها

بس التمثيلية واضحة وضوح الشمس
واللي ما يشوفش من الغربال يبقى أعمى

Anonymous said...

الحلو اللي بالكويت.. انه اغلب اللي فيها اغبية. اتوقع اغلب الناس تدري انه احمد الفهد ماله علاقه... ومع هذا يطبلوله, مادري شنو داش بجيبهم.

واهي يات على هالسالفه؟ مو اهم نفسهم الاغبية اللي قعدوا سنين يدفعون حق الوطنية وام تي سي بدون اعتراض؟
ومو اهم نفسهم اللي يصوتون حق نفس المنافقين الفاشلين في مجلس الامه؟
ومو اهم نفسهم اللي سكتو على الفهيد كمدير للجامعه؟
شنو اتوقعون من ناس مخ ماكو وحياتهم كلها بس تحسب اقصاد سياره او قرض؟
ناس مهمتها تاكل وتوصخ وبعدين تشرب الماي اللي وصخت فيه؟ وتاكل السمج اللي عايش على وصخهم<<< ومع الاسف هذي حقيقه