03/12/2008

يت منهم


يوم اليمعة اتفضى حق موضوع مطول عن أوضاع ما تبقى من دولة الكويت

لكن بأمانة إستوقفوني جم شي باليومين اللي طافوا

الأول إهوا

تصريح الخرافي بقبول الأمير لإستقالة الحكومة

وعلى اثره وبكيفه قرر ان ماكو جلسات

بعدين لما صار في استيعاب للموقف قال لا الأمير ما قبل الإستقالة توجه لقبولها

انزين يعني ما انقبلت الإستقالة شكو قررت ان ماكو جلسات للمجلس

هذا انت مفروض الرجل الثاني مادري الثالث بالدولة

تصرفاتك مثل حكم الراية مال مباراة القادسية والكويت

احمد ربك خالد الفضلي مو صوبك

الشي الثاني اللي استوقفني وطبعا ما عجبني وما لاحظت احد انتبه له من ربعي المدونين

هذا ليس بكلام مكرر ، هذا كلامنا للمرة الأخيرة
.
هذا آخر الكلام ،،، و ان كان لنا عودة ،،، فهي بعد حين

هذي آخر عبارتين بآخر بوست
بأم صدّه

الحبيب نيو شكله ناوي يعتزل

وانا اقول له تعوذ من ابليس والناس تحتاج تدويناتك سواء الإخبارية او التحليلية

وعلى فكرة ترى هداف العالم سابقا جاسم الهويدي ما قدر يعتزل

انت بتقدر؟؟

هالديرة كلها واقفة ومو قادرة تتخذ قرار انت ياي بتاخذ؟؟

والله هزلت

:)

واليوم اربعا وعطنا مزاجك

أما الأمر الثالث والأخير ببوست اليوم

إهوا كاريكاتير الأمس مال بوسخافة وبوسخيف

الكاريكاتير طبعا الفكرة منه ان العليم حرامي

وراح يشتغلون عليه عشان ما يعينه ناصر المحمد مجددا واذا ناصر المحمد صار رئيس وزرا من يديد

طبعا راح يخاف وما يعينه

مو لأن مو مقتنع فيه

بس لأنه يخاف

المهم

اهم جملة من جمل الكاريكاتير

اهوا ان يقولون يبون وزير نفط ما يبوق

بس من وين ييبون

وهو اعتراف منهم ما قلنا شي بعد

ان وزرا النفط يبوقون

من باب العلم بالشيء

احمد الفهد - علي الجراح - وعلي الخليفة

هذيل كلهم وزراء نفط سابقين وبناء على الكاريكاتير المعبر عن راي الوطن

ان وزرا النفط حرامية

اذا الثلاثي السابق حرامية

على كلام الوطن

الله يعين خليف على هالكاريكاتير

لا يرفع ابوه عليه قضية

وإحترامي للحرامي


5 comments:

abu eldestor said...

لو حاطة مالت أحمد السعدون أحلى
لأن العم موجههها بشكل أساسي لبوخليف

ma6goog said...

شخبار يكيكي؟

اكو احد يقراله هالأيام؟

Bo Jaij said...

مطقوق


يكيكى مرشح ياخذ مكان على الراشد بالتحالف


بعد دورة تهذيب و حلاقة شعر و تفخ خدود

Anonymous said...

مليقه
ماتفكرين تنتحرين وتفكينا من الملاقة الزايدة
العن من ملاقة احمدالفهد

Anonymous said...

ودنا نعرف تعليقكم عن قضية شركة داو

و هل العليم متهم عموما
و شكرا يا بيت القرين