ليش بو فهد

شعبي مدونة يديدة زوروها

أبدى كلامي بإيميل وصلني من يومين انقله بالحرف

ابدا كلامي بكلام افضل من تكلم
قال تعالى ان السمع والبصر والفؤاد كل اولائك كان عنه مسؤولا

وقال رب العالمين : ما يلفظ من قول الا لديه رقيب عتيد

يعني هناك ملكان يكتبون ما نفعل وما نفكر فيه

بصراحه انا قراة موضوع موجود في البلوجر عن نبيل العوضي

واللي كان نص الكلام

أول شي
أعلن رئيس مجلس ادارة مبرة طريق الايمان والمشرف العام على نادي ريماس للفتيات نبيل العوضي
مفتي الديار ومحدد مفاسد الإختلاط يرأس مجلس ادارة ويشرف على نادي خاص بالفتيات
أثابك الله

انتهى كلامك

حبيت اوضح انه اللي مسؤوله عن نادي ريماس زوجت نبيل العوضي

و نادي ريماس اهوا نادي ضمن النوادي اللي في مبرة طريق الايان اللي نبيل العوضي اهوا رئيس مجلس الاداره فيها وكلامي هذا بس للتوضيح مو دفاعا عن نبيل العوضي ّ

بس بسألج سؤال انتي شنو سويتي على شان تتكلمين عن شخص داعيه الى الله ما عمره ضرج بشي بسألج سؤال واحد وان كانت لج الشجاعه انج تردين على الايميل ارجو الرد على هذا السؤال اللي نعرفه انه نبيل العوضي مو منتمي لاي حزب لا سلف ولا اخوان ولا ليبرالي ولا شعبي اللي انعرفه انه كلامه كله من احاديث الرسول (ص) وكلام الله عز وجل يعني نبيل العوضي يدعو الى الله

انتي اللي قاعده تهاجمينه تدعين الى شنو !!! وقبل ما تردين تفكري بهالآيه واذا قيل له اتق الله ! اخذته العزة بالاثم !! فحسبه جهنم ولبئس المهاد

هذا اللي وصلني نقلته بالبدليات اللي فيه

نبيل العوضي يا عزيزي ما خلّى أحد إلا وسبه وراجع مقالاته خصوصا بفترة إعادة قضية التعليم المشترك و بإنتخابات المجلس الأخيرة

والسب مو من عادة المسلمين طبعا

وكان يجذب وانا كاتبه أكثر من موضوع بهذا الشأن

والجذب هم مو من عادة المسلمين

وعضو بلجنة تابعه لروتانا ومذيع في تلفزيون يبث اغاني ورقص

واهوا يحاربهم وهذا نفاق

وهذا ايضا مو من أطباع المسلمين

والتعليقات يمكن بيكون لها ردود اكثر بعد

إنزين نكمل بعد مع هالخبر

دعا النائب محمد هايف الى إقامة الحد على أحد حراس الأمن في المستشفى الصدري، على خلفية اتهامه بالاعتداء على إحدى مراجعات المستشفى أمس الأول

وصرح هايف أمس تعليقاً على حادث الاعتداء: «يجب معاقبة المعتدي وفق الشريعة الإسلامية السمحاء، وأن يقام عليه الحد، خصوصاً أن الاعتداءات المشابهة زادت أخيراً، بعدما غابت أحكام الشريعة عن واقع الأمة»، داعياً إلى تعيين الكويتيين المتقاعدين «المشهود لهم بحسن السير والسلوك في شركات الحراسة المنوط بها حماية أمن المستشفيات درءاً للحوادث المؤسفة التي تقع بين فترة وأخرى

هذا حالف إن يحترم الدستور وقوانين الدولة واللي ما يابت سيرة الحد الإسلامي على المجرمين

يعني هم هذا كذّاب

بس الشرهة على الحكومة اللي ما تحول مخالفين القانون للنيابة

ندش بموضوع بوفهد

لما طالبنا بسقوط ثلاثي الفساد بنبيها خمس

ومنهم طبعا احمد الفهد

كنا وقتها نطالب بإبتعادهم عن صنع القرار لأن قناعتنا الراسخة ان هالاشخاص محركين رئيسيين للفساد

وبالفعل تم ابعاد شرار والفهد من الوزارة

لكن وين راحوا

شرار صار مستشار

وبوفهد استحدثوا له جهاز غير محدد المعالم وصار اهوا رئيسه

ومن بعد هالمسألة والحكومة مو مترقعة

طبعا ضعف شخصية ناصر المحمد سبب رئيسي في إن الحكومة مو قاعده تشتغل صح

لكن بوفهد طبعا له دور كبير في تشييش نوابه عشان ما تمشي الوزارة صح

إنزين ليش لازم يتعين بالوزارة اليديدة برايي

على مدى السنتين اللي طافوا يعني من اول ما انشال الفهد من الوزارة

الى اليوم وكل الدلالات تبين قربه من الأمير

وتم تعيينه رئيس مؤقت للجنة الأولمبية الكويتية

بالإضافة إلى تمثيله للكويت في أكثر من مناسبة

وآخرها واللي خلتني أكتب هالموضوع

إبتعاثه لليابان لحل مشكلة الرياضة ومثل ما يقول وضّاح أمس

يحل المشكله واهيا بعد يومين محلوله
ويصير الحل هالحاله مثل تحصيل أي حاصل
يشوت.. ويسبق الكوره.. ولا حارس أبد حوله
عجيب.. بروحه في الملعب ولا حّد فيهم يواصل
ويحچي اليوم ياباني.. ولا نفهم حجي يقوله
ولا يهدا ولا يتعب.. ويلعب حتى بالفاصل

إبتعاثه لليابان مع ان الايقاف راح يرفع اليوم عن كرتنا فيه أو بدونه

يبين شي لازم نلتفت له عدل

اللي اهوا ان الأمير مؤمن بهذا الشخص ايمان كبير

وهذا معناه قربه الشديد من الحكم وما ندري بالأيام الياية شنو راح يكون دوره

طيب
فشل ناصر المحمد المقبل والمتوقع بالوزارة راح يكون الفشل الأخير له وبعدها الحل واحتمال ايضا عدم توليه الوزارة اليديدة

وهذا يخلي كل الطرق تؤدي الى بوفهد

وبهالحالة يكون بوفهد اهوا المخرب الأكبر على ناصر المحمد من خلال نواب بوفهد بالمجلس وحلفائه المؤثرين من خارج المجلس

وأقصد اهني خليف وابوه

ومع هذا الا ان اهوا ايضا راح يكون البطل اللي الوزارة ما تنجح من دونه

ويدش الوزارة اليديدة بدون ناصر المحمد واحتمال ايضا يكون رئيسها

وبهالحالة نوابه يسكتون وتمشي الأمور على ما يشتهي

انزين اذا دش هالوزارة برئاسة ناصر المحمد

نوابه راح يسكتون والسبب شنو

ان فشل الوزارة واهوا موجود فيها معناته فشله اهوا شخصيا وان الحال فيه او بدونه مو ماشي

يعني ما راح يكون المنقذ

خوش

لما يسكتون نوابه معناته الوزارة تقدر تمشي

وبهالحالة تنجح وزارة ناصرالمحمد

ويكون دايما ناصر المحمد ونائبه الأول جابر المبارك اعلى كعبا واعلى حظوة بالمستقبل من أحمد الفهد

غير جذيه

خمبقة بوفهد تكون جدام عيون نوابنا ويعرفون يتصرفون وياه

لأن دايما اللي بره الوزارة النواب يعانون على ما يردعونهم

مثل فؤاد الفلاح ومحمد عبدالله المبارك وغيرهم

لذلك وبناءا على ما قلت

اشوف ان لازم يكون بالوزارة اليديدة

ونخليكم مع روبي ويالرموش